Mako 7
7
Bisho bya bashakulu
(Mateo 15:1-9)
1Kabiji byo bapwijile ko aji Bafaliseo ne bamo banembeshi bafumine ku Yelusalema, 2abo bamwene bamo baana banji babwanga sa baja na maboko a zhilululwa, ko kuba amba, kwakubula kowa ku maboko. 3(Pakuba Bafaliseo, ne bonse Bayudea, kechi baja kwa kubula kowa ku maboko ne, mambo a kulama kisemwa kya bashakulu babo, 4pa kufuma ku kisankanyi kechi baja ne, poso patanshi baowa. Ne kuuba bintu bikwabo bya kishakulu, byo balondela, bya kovwa tutomeno ne mapuki ne bijiilo bya mukuba ne pobekala pa kuja).
5Kabiji Bafaliseo ne banembeshi ba mwipwizhe amba, “Mambo ka baana benu babwanga kechi balama mizhilo ya bashakulu ne, byo baja kwakubula kowa ku maboko?”
6 #
Isa 29:13
Kumvwa aye wibakumbwile amba, “Isaya wimwambijile bulongo anweba ba kamfutumfutu amba!
“‘Bano bantu bannemekatu amiwa na byatunwa byabo,
pakuba michima yabo iji kwalepa ne amiwa.
7Ke kyatutu abo kumpopwela amiwa,
mambo bafunjisha kisemwa kya bantu!’
8“Mwaleka mukambizho wa Lesa, bino mwalamako bya kisemwa kya bantu.”
9Kabiji wibambijile amba, “Muji na jishinda jawama ja kulengulwilamo mukambizho wa Lesa pakuba amba, mulame kisemwa kyenu! 10#Lupu 20:12; Mpitu 5:16; Lupu 21:17; Levi 20:9Mambo Mosesa wakambiizhe amba, unemeke bashobe ne bainobe, kabiji amba, wambila bashanji nangwa bainanji bya mwenga wafwainwa kufwa. 11Pakuba anweba amba, umvwe muntu wibambila bashanji nangwa bainanji amba kya bupe kyo mwaketekela kutambula kwi amiwa, ‘Kobana’ (kyalumbulula amba, kyapanwa kala kwi Lesa), 12anweba kechi mwamuswisha kukwasha bashanji nangwa bainanji ne. 13Byonkabyo mwaalula mambo a Lesa ke atu na kisemwa kyenu kyo mufikizha ku bantu. Ne anweba muba ne bikwabo byavula bya byonkabye.”
Bintu bimuzhilulula muntu
(Mateo 15:10-20)
14Ponkapo Yesu waichile jibumba ko aji ne kwibambila amba, “Ng'umvwai anweba bonse, mumvwishe. 15Kafwako kintu kya pangye ya muntu kitwela munda kyayuka kumuzhilulula ne, pakuba akya kilupuka mukachi ka muchima kyo kimuzhilulula muntu.” 16#7:16 Ma buuku amo a mu kigiliki kechi aji na veleshi 16 ne. Kana muntu uji na matwi omvwe.
17Byo atwelele mu nzubo kufuma ku jibumba, baana banji babwanga bamwipwizhe na mambo a kino kishimpi. 18Kumvwa aye wibambijile amba, “Nanchi ne anweba kechi mwaumvwisha nenyi? Kechi mwayuka amba, akya kya pangye kitwela munda ya muntu kechi kyayuka kumuzhilulula ne, 19mambo kechi kitwela mu muchima wanji ne poso mundatu, kabiji kitayiwa kungye?” (Byo a ambile bino wazhilulwile kajo konse.)
20Kabiji aye wa ambile amba, “Akya kilupuka mu muntu kyo kimuzhilulula muntu. 21Mambo mukachi, mu michima ya bantu mo mulupuka milanguluko yatama, bulalelale, ne bwivi ne kwipayang'ana, ne bukende, 22ne bya lunkumbwa, ne bubipisho, ne bujimbijimbi, ne bya bunya, ne kichima, ne bubela, ne bwitote, ne ku kosama. 23Bino bintu byonse byatama bilupuka mukachi, byo bizhilulula muntu.”
Lwitabilo lwa mwanamukazhi mwina Sailofenisha
(Mateo 15:21-28)
24Kabiji wafumineko ne kuya ku ntanda ya kwipi na Tila Ne Shidona.#7:24 Ne Shidona: ma buuku amo a mu kigiliki kechi aji na kyambo kya Shidona ne. Ne byo atwelele mu nzubo kechi wasakile muntu nangwa umo kuyuka ne, nangwa byonkabyo kechi wakonsheshe kwifya ne. 25Bino ponkapo mwanamukazhi wajinga na mwana mucheche wajinga na mupashi wabiipa pakumvwa, waishile na kuponena ku maulu anji. 26Aye mwanamukazhi wajinga mugiliki mwina Sailofenisha. Ne aye wamusashijile amba, bamupangemo demona mu mwananji. 27Kumvwa Yesu wamwambijile amba, “Lekai patanshi baana baje. Mambo kechi kyafwainwa kwangata kajo ka baana ne kwikataya ku bakabwa ne.”
28Pakuba aye wamukumbwile amba, “Ee Nkambo, ne bakabwa nabo baji munshi ya tebulu baja bukuuku bulakata pa kuja baana.”
29Kumvwa aye wamwambijile amba, “Na mambo a kino kyambo yanga, mudemona wafumamo kala mu mwanobe.”
30Ponkapo wayile ku nzubo yanji ne kutaana mwana sa alaala pa mwanya ne mudemona sa afumamo kala.
Kubukwa kwa muntu washinka matwi wajinga na kantabula
31Kabiji wafumineko ku ntanda ya kwipi na Tila ne kupichila mu Shidona kuya ku kizhiba kya Ngalilea, kupichila mu kibunji kya mu Ndekapolisa. 32Kabiji bamuletejile muntu umo washinka matwi wajinga na kantabula, bamusashijile amba amubiike maboko. 33Ne aye wamutwajile kwapela jibumba bunke bwanji, watwezhezhe minwe yanji mu matwi anji byo ashipile mate wamukwachile pa lujimi. 34Ponkapo watajile mwiulu ne kwikizha kyefu, ne kumwambila amba, “Efafata,” Kokuuba amba, “ashinkuke!”
35Ponkapotu matwi anji ashinkukile, ne kantabula ka lujimi wanji kachibikile, ne kwamba ka ambe bulongo. 36Kabiji Yesu wibakainye amba kechi babuule muntu nangwa umo ne, pakuba byo atwajijile na kwibakanya, ne abo bakoselekotu na kwikisampwishatu. 37Ne abo bakijishetu mu kukumya amba, “Wauba byonse bulongo! Walenga bashinka matwi kumvwa, ne ba kamaama kebambe.”
Currently Selected:
Mako 7: KNTP
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.
Mako 7
7
Bisho bya bashakulu
(Mateo 15:1-9)
1Kabiji byo bapwijile ko aji Bafaliseo ne bamo banembeshi bafumine ku Yelusalema, 2abo bamwene bamo baana banji babwanga sa baja na maboko a zhilululwa, ko kuba amba, kwakubula kowa ku maboko. 3(Pakuba Bafaliseo, ne bonse Bayudea, kechi baja kwa kubula kowa ku maboko ne, mambo a kulama kisemwa kya bashakulu babo, 4pa kufuma ku kisankanyi kechi baja ne, poso patanshi baowa. Ne kuuba bintu bikwabo bya kishakulu, byo balondela, bya kovwa tutomeno ne mapuki ne bijiilo bya mukuba ne pobekala pa kuja).
5Kabiji Bafaliseo ne banembeshi ba mwipwizhe amba, “Mambo ka baana benu babwanga kechi balama mizhilo ya bashakulu ne, byo baja kwakubula kowa ku maboko?”
6 #
Isa 29:13
Kumvwa aye wibakumbwile amba, “Isaya wimwambijile bulongo anweba ba kamfutumfutu amba!
“‘Bano bantu bannemekatu amiwa na byatunwa byabo,
pakuba michima yabo iji kwalepa ne amiwa.
7Ke kyatutu abo kumpopwela amiwa,
mambo bafunjisha kisemwa kya bantu!’
8“Mwaleka mukambizho wa Lesa, bino mwalamako bya kisemwa kya bantu.”
9Kabiji wibambijile amba, “Muji na jishinda jawama ja kulengulwilamo mukambizho wa Lesa pakuba amba, mulame kisemwa kyenu! 10#Lupu 20:12; Mpitu 5:16; Lupu 21:17; Levi 20:9Mambo Mosesa wakambiizhe amba, unemeke bashobe ne bainobe, kabiji amba, wambila bashanji nangwa bainanji bya mwenga wafwainwa kufwa. 11Pakuba anweba amba, umvwe muntu wibambila bashanji nangwa bainanji amba kya bupe kyo mwaketekela kutambula kwi amiwa, ‘Kobana’ (kyalumbulula amba, kyapanwa kala kwi Lesa), 12anweba kechi mwamuswisha kukwasha bashanji nangwa bainanji ne. 13Byonkabyo mwaalula mambo a Lesa ke atu na kisemwa kyenu kyo mufikizha ku bantu. Ne anweba muba ne bikwabo byavula bya byonkabye.”
Bintu bimuzhilulula muntu
(Mateo 15:10-20)
14Ponkapo Yesu waichile jibumba ko aji ne kwibambila amba, “Ng'umvwai anweba bonse, mumvwishe. 15Kafwako kintu kya pangye ya muntu kitwela munda kyayuka kumuzhilulula ne, pakuba akya kilupuka mukachi ka muchima kyo kimuzhilulula muntu.” 16#7:16 Ma buuku amo a mu kigiliki kechi aji na veleshi 16 ne. Kana muntu uji na matwi omvwe.
17Byo atwelele mu nzubo kufuma ku jibumba, baana banji babwanga bamwipwizhe na mambo a kino kishimpi. 18Kumvwa aye wibambijile amba, “Nanchi ne anweba kechi mwaumvwisha nenyi? Kechi mwayuka amba, akya kya pangye kitwela munda ya muntu kechi kyayuka kumuzhilulula ne, 19mambo kechi kitwela mu muchima wanji ne poso mundatu, kabiji kitayiwa kungye?” (Byo a ambile bino wazhilulwile kajo konse.)
20Kabiji aye wa ambile amba, “Akya kilupuka mu muntu kyo kimuzhilulula muntu. 21Mambo mukachi, mu michima ya bantu mo mulupuka milanguluko yatama, bulalelale, ne bwivi ne kwipayang'ana, ne bukende, 22ne bya lunkumbwa, ne bubipisho, ne bujimbijimbi, ne bya bunya, ne kichima, ne bubela, ne bwitote, ne ku kosama. 23Bino bintu byonse byatama bilupuka mukachi, byo bizhilulula muntu.”
Lwitabilo lwa mwanamukazhi mwina Sailofenisha
(Mateo 15:21-28)
24Kabiji wafumineko ne kuya ku ntanda ya kwipi na Tila Ne Shidona.#7:24 Ne Shidona: ma buuku amo a mu kigiliki kechi aji na kyambo kya Shidona ne. Ne byo atwelele mu nzubo kechi wasakile muntu nangwa umo kuyuka ne, nangwa byonkabyo kechi wakonsheshe kwifya ne. 25Bino ponkapo mwanamukazhi wajinga na mwana mucheche wajinga na mupashi wabiipa pakumvwa, waishile na kuponena ku maulu anji. 26Aye mwanamukazhi wajinga mugiliki mwina Sailofenisha. Ne aye wamusashijile amba, bamupangemo demona mu mwananji. 27Kumvwa Yesu wamwambijile amba, “Lekai patanshi baana baje. Mambo kechi kyafwainwa kwangata kajo ka baana ne kwikataya ku bakabwa ne.”
28Pakuba aye wamukumbwile amba, “Ee Nkambo, ne bakabwa nabo baji munshi ya tebulu baja bukuuku bulakata pa kuja baana.”
29Kumvwa aye wamwambijile amba, “Na mambo a kino kyambo yanga, mudemona wafumamo kala mu mwanobe.”
30Ponkapo wayile ku nzubo yanji ne kutaana mwana sa alaala pa mwanya ne mudemona sa afumamo kala.
Kubukwa kwa muntu washinka matwi wajinga na kantabula
31Kabiji wafumineko ku ntanda ya kwipi na Tila ne kupichila mu Shidona kuya ku kizhiba kya Ngalilea, kupichila mu kibunji kya mu Ndekapolisa. 32Kabiji bamuletejile muntu umo washinka matwi wajinga na kantabula, bamusashijile amba amubiike maboko. 33Ne aye wamutwajile kwapela jibumba bunke bwanji, watwezhezhe minwe yanji mu matwi anji byo ashipile mate wamukwachile pa lujimi. 34Ponkapo watajile mwiulu ne kwikizha kyefu, ne kumwambila amba, “Efafata,” Kokuuba amba, “ashinkuke!”
35Ponkapotu matwi anji ashinkukile, ne kantabula ka lujimi wanji kachibikile, ne kwamba ka ambe bulongo. 36Kabiji Yesu wibakainye amba kechi babuule muntu nangwa umo ne, pakuba byo atwajijile na kwibakanya, ne abo bakoselekotu na kwikisampwishatu. 37Ne abo bakijishetu mu kukumya amba, “Wauba byonse bulongo! Walenga bashinka matwi kumvwa, ne ba kamaama kebambe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Kaonde New Testament © The Bible Society of Zambia, 2019.