Milimo 3
3
Pita mbwaakaponya muntu wakapuutide
1Bumwi buzuba Pita a Joni bakaya kuŋanda ya Leza aciindi cakukomba. Zuba lyakaluungide. 2Kumanjililo aaŋanda ya Leza aaitwa kuti “Manjililo Meebesi,” kwakakkede muntu wakali mulema kuzwa kubuzyalwe bwakwe. Mazuba oonse wakali kunyamunwa akuyookkazikwa amanjililo aaya kuti kakumbila cipego kubantu bakali kunjila muŋanda ya Leza. 3Eelyo naakabona Pita a Joni kabayanda kunjila, wakabakumbila kuti bamupe cimwi cintu. 4Nkabela bakamulangisisya, mpoonya Pita wakamwaambila kuti, “Tulange!” 5Aboobo wakabalanga, kayeeya kuti balamupa cimwi cintu. 6Mpawo Pita wakati kulinguwe, “Mali nsijisi, pele ndilakupa eeco ncendijisi. Muzina lya Jesu Kilisito waku Nazaleta ndakwaambila kuti, ‘Enda!’” 7Lino Pita wakamujata kujanza lyalulyo akumwiimika. Mpoonya-mpoonya maulu ango zyamuntu ooyo zyakajana nguzu akupona. 8Wakasotoka akwiima, alimwi wakatalika kweendeenda akunjila aba Pita a Joni muŋanda ya Leza kumwi kaya busotooka akulumbaizya Leza. 9Bantu boonse bakamubona keenda kalumbaizya Leza. 10Nkabela nibakamuziba kuti ngomukumbizi wakali kukkala amanjililo aaŋanda ya Leza, boonse bakakankamana akugambwa kuli zeezyo zyakacitika kulinguwe.
Mulumbe wa Pita muŋanda ya Leza
11Lino muntu ooyu wakalikakatide kuli ba Pita a Joni. Bantu boonse bakakankamana akuzuzaanina kulimbabo mukkota lyakali kwiitwa kuti ndilya Solomoni. 12Pita naakababona, wakati, “Nywebo no Baisilayelima, ino mugambwa nzi eeci alimwi nkaambo nzi nomutulanga boobu? Sena muyeeya kuti ninguzu zyesu naa mbululami bwesu bwacita kuti mwaalumi ooyu aende? 13Peepe bakwesu, mukucita boobu Leza wamatata ba Abulahamu, Izaka, Jakobo, wapa bulemu kumubelesi wakwe Jesu. Ngonguwe ngumwakaaba kuli basinkondonyina, alimwi mwakamukaka kuli Pilato, nikuba kuti Pilato wakakanzide kuti amwaangunune. 14Jesu wakali muntu mubotu uusalala, pele nywebo mwakamukaka, akwaambila Pilato kuti amwaangunwide mujayi mubusena bwakwe. 15Nkaako mwakajaya Mwini buumi, pele Leza wakamubusya kuzwa kubafu. Lino swebo tuli bakamboni bazeezi. 16Muntu ooyu ngomubwene akuziba wasyoma Jesu, nkaako Jesu wamuponya. Masimpe ndusyomo muli Jesu lwapa kuti muntu ooyu apone ncobeni.
17“Lino nobakwesu, ndilizi kuti nywebo abapati banu mwakacita eezi kuli Jesu mukutaziba. 18Pele Leza wakaambilide limwi mubasinsimi boonse kuti Munanike wakwe wakali kweelede kupenga, nkaako wakacitya kuti cibe mbubonya oobo. 19Amweempe lino musandukile kuli Leza, kutegwa zigwisigwe zinyonyoono zyanu. Ndendilyo Leza natikamupe nguzu zipya ciindi aciindi, 20uyoomutumina Munanike uuli ngu Jesu, ngwaakasala nkaambo kanu. 21Walo uleelede kukkala kujulu mane do cikasike ciindi Leza natikacite zintu zyoonse kuba zipya, mbubonya mbwaakaambilizya kaindi mubasinsimi bakwe basalala. 22Mozesi wakaamba kuti, ‘Mwami Leza uyootumina umwi akati kanu kuti abe Musinsimi mbuli ndime. Amukaswiilile kuli zyoonse nzyatikaambe. 23Kufumbwa uutakaswiilili nzyatikaambe musinsimi ooyo, uyoozandulwa kuzwa kubantu ba Leza, nkabela uyoonyonyoonwa.’ 24Kayi basinsimi boonse kutalikila kuli Samuyele, abaabo boonse bakaza musule lyakwe, bakaambilizya zyamakani aamazuba aano. 25Nkaambo zisyomezyo zya Leza nzibakaambilizya basinsimi nzizyanu, nkabela nywebo muli bacizuminano ncaakacita Leza amauso. Mbubuli Leza mbwaakaamba kuli Abulahamu kuti, ‘Kwiindila munyungu yako ndiyoobaleleka bantu boonse bamunyika.’ 26Aboobo Leza wakasala Mubelesi wakwe akumutuma kulindinywe kusaanguna kuti amulekelele akucita kuti umwi aumwi asanduke kuzwa kubusofwaazi bwakwe.”
Currently Selected:
Milimo 3: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
Milimo 3
3
Pita mbwaakaponya muntu wakapuutide
1Bumwi buzuba Pita a Joni bakaya kuŋanda ya Leza aciindi cakukomba. Zuba lyakaluungide. 2Kumanjililo aaŋanda ya Leza aaitwa kuti “Manjililo Meebesi,” kwakakkede muntu wakali mulema kuzwa kubuzyalwe bwakwe. Mazuba oonse wakali kunyamunwa akuyookkazikwa amanjililo aaya kuti kakumbila cipego kubantu bakali kunjila muŋanda ya Leza. 3Eelyo naakabona Pita a Joni kabayanda kunjila, wakabakumbila kuti bamupe cimwi cintu. 4Nkabela bakamulangisisya, mpoonya Pita wakamwaambila kuti, “Tulange!” 5Aboobo wakabalanga, kayeeya kuti balamupa cimwi cintu. 6Mpawo Pita wakati kulinguwe, “Mali nsijisi, pele ndilakupa eeco ncendijisi. Muzina lya Jesu Kilisito waku Nazaleta ndakwaambila kuti, ‘Enda!’” 7Lino Pita wakamujata kujanza lyalulyo akumwiimika. Mpoonya-mpoonya maulu ango zyamuntu ooyo zyakajana nguzu akupona. 8Wakasotoka akwiima, alimwi wakatalika kweendeenda akunjila aba Pita a Joni muŋanda ya Leza kumwi kaya busotooka akulumbaizya Leza. 9Bantu boonse bakamubona keenda kalumbaizya Leza. 10Nkabela nibakamuziba kuti ngomukumbizi wakali kukkala amanjililo aaŋanda ya Leza, boonse bakakankamana akugambwa kuli zeezyo zyakacitika kulinguwe.
Mulumbe wa Pita muŋanda ya Leza
11Lino muntu ooyu wakalikakatide kuli ba Pita a Joni. Bantu boonse bakakankamana akuzuzaanina kulimbabo mukkota lyakali kwiitwa kuti ndilya Solomoni. 12Pita naakababona, wakati, “Nywebo no Baisilayelima, ino mugambwa nzi eeci alimwi nkaambo nzi nomutulanga boobu? Sena muyeeya kuti ninguzu zyesu naa mbululami bwesu bwacita kuti mwaalumi ooyu aende? 13Peepe bakwesu, mukucita boobu Leza wamatata ba Abulahamu, Izaka, Jakobo, wapa bulemu kumubelesi wakwe Jesu. Ngonguwe ngumwakaaba kuli basinkondonyina, alimwi mwakamukaka kuli Pilato, nikuba kuti Pilato wakakanzide kuti amwaangunune. 14Jesu wakali muntu mubotu uusalala, pele nywebo mwakamukaka, akwaambila Pilato kuti amwaangunwide mujayi mubusena bwakwe. 15Nkaako mwakajaya Mwini buumi, pele Leza wakamubusya kuzwa kubafu. Lino swebo tuli bakamboni bazeezi. 16Muntu ooyu ngomubwene akuziba wasyoma Jesu, nkaako Jesu wamuponya. Masimpe ndusyomo muli Jesu lwapa kuti muntu ooyu apone ncobeni.
17“Lino nobakwesu, ndilizi kuti nywebo abapati banu mwakacita eezi kuli Jesu mukutaziba. 18Pele Leza wakaambilide limwi mubasinsimi boonse kuti Munanike wakwe wakali kweelede kupenga, nkaako wakacitya kuti cibe mbubonya oobo. 19Amweempe lino musandukile kuli Leza, kutegwa zigwisigwe zinyonyoono zyanu. Ndendilyo Leza natikamupe nguzu zipya ciindi aciindi, 20uyoomutumina Munanike uuli ngu Jesu, ngwaakasala nkaambo kanu. 21Walo uleelede kukkala kujulu mane do cikasike ciindi Leza natikacite zintu zyoonse kuba zipya, mbubonya mbwaakaambilizya kaindi mubasinsimi bakwe basalala. 22Mozesi wakaamba kuti, ‘Mwami Leza uyootumina umwi akati kanu kuti abe Musinsimi mbuli ndime. Amukaswiilile kuli zyoonse nzyatikaambe. 23Kufumbwa uutakaswiilili nzyatikaambe musinsimi ooyo, uyoozandulwa kuzwa kubantu ba Leza, nkabela uyoonyonyoonwa.’ 24Kayi basinsimi boonse kutalikila kuli Samuyele, abaabo boonse bakaza musule lyakwe, bakaambilizya zyamakani aamazuba aano. 25Nkaambo zisyomezyo zya Leza nzibakaambilizya basinsimi nzizyanu, nkabela nywebo muli bacizuminano ncaakacita Leza amauso. Mbubuli Leza mbwaakaamba kuli Abulahamu kuti, ‘Kwiindila munyungu yako ndiyoobaleleka bantu boonse bamunyika.’ 26Aboobo Leza wakasala Mubelesi wakwe akumutuma kulindinywe kusaanguna kuti amulekelele akucita kuti umwi aumwi asanduke kuzwa kubusofwaazi bwakwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.