Matalikilo 25
25
Abamwi baciinga ca Abulahamu
(1 Makani 1.32-33)
1Lino Abulahamu wakakwata aumbi mukaintu, uutegwa Ketula. 2Nkabela Ketula wakazyalila Abulahamu bana aaba: Zimulani, Jokisyani, Medani, Midiyani, Isyibaki a Syuwa. 3Jokisyani nguwakazyala Syeba a Dedani, bana ba Dedani bakali ba: Baasyulu, Baletusyu, a Baleumu. 4Bana ba Midiyani bakali ba: Efa, Efee, Hanoki, Abida a Elidaa. Boonse aaba bakali ciinga ca Ketula.
5Abulahamu wakapa lubono lwakwe loonse kuli Izaka, 6Pele katanafwa wakapa zipego kubana bakwe bamwi, aabo mbaakazyala kuli mwanakasuwa wakwe, aaba wakabatuma kuyookkala kujwe, kulaale kuzwa kumwanaakwe Izaka.
Lufu lwa Abulahamu akuzikkwa kwakwe
7Abulahamu wakapona myaka iili mwaanda amakumi aali ciloba aisanu. 8Eelyo Abulahamu wakoongola wakafwa akuzikkwa. 9Bana bakwe ba Izaka a Isyimayeli mbabakamuzikka mumpangala ya Makipela. Mpangala eeyi yakali munsi aa Mamule, mumuunda wakali wa Efuloni mwanaa Zowaa Muhiti. 10Ooyu wakali ngomuunda ngwaakaula Abulahamu kuzwa ku Bahiti. Mumuunda oomu mumwakazikkilwa Abulahamu amukaintu wakwe Sala. 11Musule alufu lwa Abulahamu, Leza wakaleleka Izaka, ooyo ciindi eeco wakali kukkala kumbali aamukalo uutegwa, “Mukalo wa Ooyo Uupona Uundibona.”
Balunyungu lwa Isyimayeli (1 Makani 1:28-31)
12Aaba mbabalunyungu lwa Isyimayeli mwana wa Abulahamu ngwaakazyala kuli Hagaa, Muijipiti, walo wakali muzike wa Sala. 13Aaba mbabana ba Isyimayeli mukutobelana kwakuzyalwa kwabo. Mwana wakusaanguna ngu Nebaiyoti, kumane Kedaa, Adibeelo, Mibisamu, 14Misyima, Duma, Masa, 15Hadadi, Tema, Jetu, Nafisyi a Kedema. 16Minzi azivuka zyabo zyakalikwiitwa mazina aabo. Bakali bami bali kkumi ababili mumukwasyi wabo. 17Isyimayeli wakali aamyaka iili mwaanda amakumi otatwe aciloba ciindi naakafwa akuzikkwa. 18Bana balunyungu lwa Isyimayeli bakali mucisi cili akati ka Havila a Syuu kujwe acisi ca Ijipiti, munzila iitozya ku Asiliya. Tiibakakkede antoomwe abanabokwabo, bana ba Abulahamu.
Kuzyalwa kwa Isau a Jakobo
19Aaya ngamakani aabana ba Izaka, mwana wa Abulahamu. 20Izaka wakali aamyaka iili makumi one ciindi naakakwata Labeka mwanaa Betuweli Mualamu, wakucisi ca Padanalamu, Labeka wakali mucizi wa Labani, Mualamu. 21Akaambo kakuti Labeka taakali kuzyala, Izaka wakamukombela ku Mwami Leza. Nkabela Mwami Leza wakamuvuwa, eelyo Labeka wakamita. 22Lino bana bamaanga bakatalika kutonkana mwida, nkaako Labeka wakaamba kuti, “Naa oobu mbocibede, ani kupona cigwasya nzi! Nkabela wakakomba ku Mwami Leza, kukumbila kuti amuzibye naa caamba nzi eeci.” 23Eelyo Mwami Leza wakamwaambila kuti,
“Kuli misyobo yobilo mwida lyako. Uyoozyala misyobo yabantu yobilo, misyobo eeyo inooyoolwana muli cayo.
Umwi musyobo uyooba muyumu kwiinda mweenzinyina, mwana mupati uyookomwa akuba mubelesi wamuniini.”
24Lino nicakasika ciindi cakwe, wakazyala maanga ncobeni. 25Mwana wakusaanguna kuzyalwa wakali kusalaluka, alimwi mubili wakwe woonse wakali wagoyooya mbuli cisani caboya. Nkaako wakaulikwa kuti Isau. 26Pele muce wakwe naakazyalwa, janza lyakwe lyakafumbatide cituta ca Isau, aboobo wakaulikwa kuti Jakobo. Izaka wakali aamyaka iili makumi aali cisambomwe lyakazyalwa bana aaba.
Isau mbwaakauzya caabilo cabupati bwakwe
27Lino bana aaba bakakomena, Isau wakaba muvwimi uucibwene kapati, wakali muntu uukkalisya musokwe. Jakobo wakali kotede uuyandisya kukkala aŋanda. 28Izaka wakali kuyandisya Isau nkaambo kanyama njaakali kumujaila, Labeka wakali kuyandisya Jakobo.
29Bumwi buzuba Jakobo naakali kujika nyangu, Isau wakasika kuzwa musokwe kafwide nzala kapati. 30Eelyo wakati kuli Jakobo, “Ndafwa nzala, kondipa nyangu zisalala eezyo ndilye.” Ncenciceeco ncaakaulikwa kuti Edomu. 31Pele Jakobo wakati, “Nsikookupa ccita uzumine kundipa caabilo cabupati bwako.” 32Mpoonya Isau wakati, “Mbubo yawe, mebo ndilaafwiifwi kufwa, ino bupati ncinzi, buyoondijanya nzi?” 33Jakobo wakati, “Kosaanguna kukonkezya kuti uyoondipa caabilo cabupati bwako.” Eelyo Isau wakakonka akupa Jakobo caabilo cabupati bwakwe. 34Nkaako Jakobo wakapa Isau cinkwa anyangu. Wakalya akunywa, amane wakanyamuka akuunka. Mbombuboobu Isau mbwaakaubausya bupati bwakwe.
Currently Selected:
Matalikilo 25: Tonga96
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.
Matalikilo 25
25
Abamwi baciinga ca Abulahamu
(1 Makani 1.32-33)
1Lino Abulahamu wakakwata aumbi mukaintu, uutegwa Ketula. 2Nkabela Ketula wakazyalila Abulahamu bana aaba: Zimulani, Jokisyani, Medani, Midiyani, Isyibaki a Syuwa. 3Jokisyani nguwakazyala Syeba a Dedani, bana ba Dedani bakali ba: Baasyulu, Baletusyu, a Baleumu. 4Bana ba Midiyani bakali ba: Efa, Efee, Hanoki, Abida a Elidaa. Boonse aaba bakali ciinga ca Ketula.
5Abulahamu wakapa lubono lwakwe loonse kuli Izaka, 6Pele katanafwa wakapa zipego kubana bakwe bamwi, aabo mbaakazyala kuli mwanakasuwa wakwe, aaba wakabatuma kuyookkala kujwe, kulaale kuzwa kumwanaakwe Izaka.
Lufu lwa Abulahamu akuzikkwa kwakwe
7Abulahamu wakapona myaka iili mwaanda amakumi aali ciloba aisanu. 8Eelyo Abulahamu wakoongola wakafwa akuzikkwa. 9Bana bakwe ba Izaka a Isyimayeli mbabakamuzikka mumpangala ya Makipela. Mpangala eeyi yakali munsi aa Mamule, mumuunda wakali wa Efuloni mwanaa Zowaa Muhiti. 10Ooyu wakali ngomuunda ngwaakaula Abulahamu kuzwa ku Bahiti. Mumuunda oomu mumwakazikkilwa Abulahamu amukaintu wakwe Sala. 11Musule alufu lwa Abulahamu, Leza wakaleleka Izaka, ooyo ciindi eeco wakali kukkala kumbali aamukalo uutegwa, “Mukalo wa Ooyo Uupona Uundibona.”
Balunyungu lwa Isyimayeli (1 Makani 1:28-31)
12Aaba mbabalunyungu lwa Isyimayeli mwana wa Abulahamu ngwaakazyala kuli Hagaa, Muijipiti, walo wakali muzike wa Sala. 13Aaba mbabana ba Isyimayeli mukutobelana kwakuzyalwa kwabo. Mwana wakusaanguna ngu Nebaiyoti, kumane Kedaa, Adibeelo, Mibisamu, 14Misyima, Duma, Masa, 15Hadadi, Tema, Jetu, Nafisyi a Kedema. 16Minzi azivuka zyabo zyakalikwiitwa mazina aabo. Bakali bami bali kkumi ababili mumukwasyi wabo. 17Isyimayeli wakali aamyaka iili mwaanda amakumi otatwe aciloba ciindi naakafwa akuzikkwa. 18Bana balunyungu lwa Isyimayeli bakali mucisi cili akati ka Havila a Syuu kujwe acisi ca Ijipiti, munzila iitozya ku Asiliya. Tiibakakkede antoomwe abanabokwabo, bana ba Abulahamu.
Kuzyalwa kwa Isau a Jakobo
19Aaya ngamakani aabana ba Izaka, mwana wa Abulahamu. 20Izaka wakali aamyaka iili makumi one ciindi naakakwata Labeka mwanaa Betuweli Mualamu, wakucisi ca Padanalamu, Labeka wakali mucizi wa Labani, Mualamu. 21Akaambo kakuti Labeka taakali kuzyala, Izaka wakamukombela ku Mwami Leza. Nkabela Mwami Leza wakamuvuwa, eelyo Labeka wakamita. 22Lino bana bamaanga bakatalika kutonkana mwida, nkaako Labeka wakaamba kuti, “Naa oobu mbocibede, ani kupona cigwasya nzi! Nkabela wakakomba ku Mwami Leza, kukumbila kuti amuzibye naa caamba nzi eeci.” 23Eelyo Mwami Leza wakamwaambila kuti,
“Kuli misyobo yobilo mwida lyako. Uyoozyala misyobo yabantu yobilo, misyobo eeyo inooyoolwana muli cayo.
Umwi musyobo uyooba muyumu kwiinda mweenzinyina, mwana mupati uyookomwa akuba mubelesi wamuniini.”
24Lino nicakasika ciindi cakwe, wakazyala maanga ncobeni. 25Mwana wakusaanguna kuzyalwa wakali kusalaluka, alimwi mubili wakwe woonse wakali wagoyooya mbuli cisani caboya. Nkaako wakaulikwa kuti Isau. 26Pele muce wakwe naakazyalwa, janza lyakwe lyakafumbatide cituta ca Isau, aboobo wakaulikwa kuti Jakobo. Izaka wakali aamyaka iili makumi aali cisambomwe lyakazyalwa bana aaba.
Isau mbwaakauzya caabilo cabupati bwakwe
27Lino bana aaba bakakomena, Isau wakaba muvwimi uucibwene kapati, wakali muntu uukkalisya musokwe. Jakobo wakali kotede uuyandisya kukkala aŋanda. 28Izaka wakali kuyandisya Isau nkaambo kanyama njaakali kumujaila, Labeka wakali kuyandisya Jakobo.
29Bumwi buzuba Jakobo naakali kujika nyangu, Isau wakasika kuzwa musokwe kafwide nzala kapati. 30Eelyo wakati kuli Jakobo, “Ndafwa nzala, kondipa nyangu zisalala eezyo ndilye.” Ncenciceeco ncaakaulikwa kuti Edomu. 31Pele Jakobo wakati, “Nsikookupa ccita uzumine kundipa caabilo cabupati bwako.” 32Mpoonya Isau wakati, “Mbubo yawe, mebo ndilaafwiifwi kufwa, ino bupati ncinzi, buyoondijanya nzi?” 33Jakobo wakati, “Kosaanguna kukonkezya kuti uyoondipa caabilo cabupati bwako.” Eelyo Isau wakakonka akupa Jakobo caabilo cabupati bwakwe. 34Nkaako Jakobo wakapa Isau cinkwa anyangu. Wakalya akunywa, amane wakanyamuka akuunka. Mbombuboobu Isau mbwaakaubausya bupati bwakwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tonga Bible © United Bible Societies, 1994.