Myeelwe 8
8
Zyamalambe
1Lino Mwami Leza wakaambila Mozesi kuti, 2“Lailila Aloni kuti ciindi nabikka malambe aali ciloba acikkalilo cawo aleelede kumunikila kumbele.”
3Nkaako Aloni wakacita oobo, wakabikka malambe kuti kaamunikila kumbele, mbubonya mbuli Mwami Leza mbwaakalailila Mozesi. 4Mboobu cikkazikilo camalambe mbucakapangwa. Cakali cangolida yoondedwe kuzwa kutako kuyoosika kumaluba-luba, mbubonya mbuli Mwami Leza mbwaakatondezya Mozesi.
Balevi mbubakapegwa ku Mwami Leza
5Lino Mwami Leza wakaambila Mozesi kuti, 6“Zandula Balevi kuzwa ku Baisilayeli bamwi, bapegwe kulindime. 7Mboobu mbotibacite, basansaile maanzi aakubasalazya, nkabela balinyoole mubili woonse akusanzya zisani zyabo. Ndendilyo nibayoosalala mu Mulawo. 8Aawo Balevi bakatole kapoho acipaizyo cabusu bunante buvweledwe mafuta, alimwi bakatole akapoho kabili kacipaizyo cacinyonyoono. 9Lino notikabunganye Baisilayeli boonse akwiimika Balevi kumbele lyatente lyakuswaanganina. 10Waakwiimika Balevi kubusena bwa Mwami Leza, Baisilayeli bakabikke maanza amitwe ya Balevi. 11Kwamana Aloni akabape kulindime, babe cipo cilibedelede ca Baisilayeli kuti bakandimanine milimo. 12Kwamana abalo Balevi bakabikke maanza amitwe yabapoho bobilo aabo. Umwi uyoopegwa ku Mwami Leza mbuli cipaizyo cazinyonyoono, umwi uyooba cipaizyo cakutenta cakumanya milandu ya Balevi.
13“Lino undipe Balevi, babe cipo cilibedelede kulindime, Aloni abana bakwe mbabanoobeendelezya. 14Mbombuboobu mbobayoozandulwa Balevi kuzwa ku Baisilayeli bamwi kuti babe bangu. 15Waakumana kupa Balevi mbuli cipo cilibedelede, bayookonzya kucita milimo yabo mutente lyakuswaanganina. 16Ndabasala kuti babe mubusena bwabana bakusaanguna ba Baisilayeli, bana bangu ndemwini. 17Ciindi nindakajaya bana bakusaanguna ba Baijipiti, ndakalisalila bana bakusaanguna ba Baisilayeli babe bangu, abazivubwa zyabo mbubonya buyo. 18Lino ndasala Balevi mubusena bwabana bakusaanguna ba Baisilayeli bamwi. 19Nkabela ndakapa kuli Aloni abana bakwe kuti babe cipo kuzwa ku Baisilayeli kababacitila milimo yamutente lyakuswaanganina. Alimwi babakwabilile kuzwa kucuumo cinga cilabasikila naa baswena aafwiifwi abusena busalala.”
20Lino Mozesi a Aloni a Baisilayeli boonse bakacitila Balevi mbubonya mbuli Mwami Leza mbwaakalailila Mozesi. 21Balevi bakalisalazya akusanzya zisani zyabo, kumane Aloni wakabapa ku Mwami Leza mbuli cipo cilibedelede. Alimwi wakacita cipaizyo cakumanya milandu kuti basalale ncobeni. 22Kusule aakooku Balevi bakatalika kucita milimo yabo mutente lyakuswaanganina kabalangwa a Aloni abana bakwe. Bakacita mbubonya mbuli Mwami Leza mbwaakalailila Mozesi.
23Lino Mwami Leza wakaambaula a Mozesi kuti, 24“Nceeci ceelede kucita Balevi, baalumi kuzwa kumyaka iili makumi obilo aisanu akwiindilila waawa banoobeleka mutente lyakuswaanganina. 25Pele baba aamyaka iili makumi osanwe, baleke milimo akutacibeleka limbi pe. 26Balakonzya kugwasya beenzinyina mutente lyakuswaanganina, pele lwabo beni balikke tabakoonoobeleka pe. Mbombuboobu mbomweelede kulailila Balevi mumilimo yabo.”
Currently Selected:
Myeelwe 8: Tonga96
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.
Myeelwe 8
8
Zyamalambe
1Lino Mwami Leza wakaambila Mozesi kuti, 2“Lailila Aloni kuti ciindi nabikka malambe aali ciloba acikkalilo cawo aleelede kumunikila kumbele.”
3Nkaako Aloni wakacita oobo, wakabikka malambe kuti kaamunikila kumbele, mbubonya mbuli Mwami Leza mbwaakalailila Mozesi. 4Mboobu cikkazikilo camalambe mbucakapangwa. Cakali cangolida yoondedwe kuzwa kutako kuyoosika kumaluba-luba, mbubonya mbuli Mwami Leza mbwaakatondezya Mozesi.
Balevi mbubakapegwa ku Mwami Leza
5Lino Mwami Leza wakaambila Mozesi kuti, 6“Zandula Balevi kuzwa ku Baisilayeli bamwi, bapegwe kulindime. 7Mboobu mbotibacite, basansaile maanzi aakubasalazya, nkabela balinyoole mubili woonse akusanzya zisani zyabo. Ndendilyo nibayoosalala mu Mulawo. 8Aawo Balevi bakatole kapoho acipaizyo cabusu bunante buvweledwe mafuta, alimwi bakatole akapoho kabili kacipaizyo cacinyonyoono. 9Lino notikabunganye Baisilayeli boonse akwiimika Balevi kumbele lyatente lyakuswaanganina. 10Waakwiimika Balevi kubusena bwa Mwami Leza, Baisilayeli bakabikke maanza amitwe ya Balevi. 11Kwamana Aloni akabape kulindime, babe cipo cilibedelede ca Baisilayeli kuti bakandimanine milimo. 12Kwamana abalo Balevi bakabikke maanza amitwe yabapoho bobilo aabo. Umwi uyoopegwa ku Mwami Leza mbuli cipaizyo cazinyonyoono, umwi uyooba cipaizyo cakutenta cakumanya milandu ya Balevi.
13“Lino undipe Balevi, babe cipo cilibedelede kulindime, Aloni abana bakwe mbabanoobeendelezya. 14Mbombuboobu mbobayoozandulwa Balevi kuzwa ku Baisilayeli bamwi kuti babe bangu. 15Waakumana kupa Balevi mbuli cipo cilibedelede, bayookonzya kucita milimo yabo mutente lyakuswaanganina. 16Ndabasala kuti babe mubusena bwabana bakusaanguna ba Baisilayeli, bana bangu ndemwini. 17Ciindi nindakajaya bana bakusaanguna ba Baijipiti, ndakalisalila bana bakusaanguna ba Baisilayeli babe bangu, abazivubwa zyabo mbubonya buyo. 18Lino ndasala Balevi mubusena bwabana bakusaanguna ba Baisilayeli bamwi. 19Nkabela ndakapa kuli Aloni abana bakwe kuti babe cipo kuzwa ku Baisilayeli kababacitila milimo yamutente lyakuswaanganina. Alimwi babakwabilile kuzwa kucuumo cinga cilabasikila naa baswena aafwiifwi abusena busalala.”
20Lino Mozesi a Aloni a Baisilayeli boonse bakacitila Balevi mbubonya mbuli Mwami Leza mbwaakalailila Mozesi. 21Balevi bakalisalazya akusanzya zisani zyabo, kumane Aloni wakabapa ku Mwami Leza mbuli cipo cilibedelede. Alimwi wakacita cipaizyo cakumanya milandu kuti basalale ncobeni. 22Kusule aakooku Balevi bakatalika kucita milimo yabo mutente lyakuswaanganina kabalangwa a Aloni abana bakwe. Bakacita mbubonya mbuli Mwami Leza mbwaakalailila Mozesi.
23Lino Mwami Leza wakaambaula a Mozesi kuti, 24“Nceeci ceelede kucita Balevi, baalumi kuzwa kumyaka iili makumi obilo aisanu akwiindilila waawa banoobeleka mutente lyakuswaanganina. 25Pele baba aamyaka iili makumi osanwe, baleke milimo akutacibeleka limbi pe. 26Balakonzya kugwasya beenzinyina mutente lyakuswaanganina, pele lwabo beni balikke tabakoonoobeleka pe. Mbombuboobu mbomweelede kulailila Balevi mumilimo yabo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Tonga Bible © United Bible Societies, 1994.