मत्ती 28:12-15

तेबे बड़े पुरोईते और बुजुर्गा साथे कट्ठे ऊई की सम्मति कित्ती और पईरेदारा खे बऊत चाँदी देई की बोलेया, “तुसे सबी लोका गे ये बोलणा कि जेबे राती आसे सऊणे लगी रे थे, तेबे तेसरे चेले आए और तेसखे चोरी की लईगे और जे ये बात हाकिमो तक पऊँछी गी तो आसे तेसखे समजयाई लऊँगे और तुसा खे मुश्किला ते बचाई लऊँगे।” तेबे तिने पैसे लए और जेड़ा बोलेया था, तेड़ा ई कित्तेया। ये गल्ल आजो तक बी यहूदिया बीचे प्रचलित ए।