चेलै रै कम 8
8
कलीसिया पुर अत्याचार
1शाऊल स्तिफनुस रै कत्ला थऊँ सहमत थू।
तैस दिन ही यरूशलेम री कलीसिया मन्ज बड़ा उपद्रव शुरू भूच्ची गो अतै प्रेरिता जो छड़ी करि बाकी काफी संख्या मन्ज मणु यहूदिया अतै सामरिया परदेस जो तितर-बितर भूच्ची गै। 2कुछ भक्तै स्तिफनुस जो कब्र मन्ज रखू अतै तैस तांयें बड़ा विलाप करू। 3शाऊल कलीसिया जो उजाडु करदा थू, अतै घरा-घरा मन्ज गिच्ची करी मर्दा अतै जनानी जो घसीटी घसीटी के जेला मन्ज पाऊ करदा थू।
सामरिया मन्ज यीशु रा प्रचार
4जैड़ै विस्वासी तितर-बितर भच्छुरै थियै, सो सुसमाचार हुणादै फिरना लगै, 5फिलिप्पुस सामरिया मन्ज गिच्ची करी मणु जो मसीह रा प्रचार करना लगा। 6जैड़ी गल्ला फिलिप्पुसे बलुरी थी तियां मणुऐ हुणी करी जैड़ै चमत्कार सो दसदा थू तियां जो हेरी करी, अक्क चित भूच्ची करी मन लाऊ। 7क्ओकि मती सारी दुष्टात्मा जोरा जोरा सितै ऐह बलदी निकळी गई अतै मतै सारै हद्रगीं अतै लंगड़ै ठीक भूच्ची गै 8अतै तैस नगरा रै मणु मन्ज बड़ी खुशी छाई गई।
शमौन नां रा जादूगर
9ऐत थऊँ पैहलै तैस नगरा मन्ज शमौन नां रा अक्क मणु थू, जैडा जादू-टोणा करीके सामरिया रै मणु जो हैरान करदा अतै अपणै आपा जो अक्क बड़ा मणु दसदा थू। 10हल्कै थऊँ लेई करी मोटै तक तैस शहरा रै कई सामरी मणु तसेरा आदर करदै अतै बलदै थियै, “ऐह प्रमात्मैं री सो सामर्थ हा जैड़ी महान कहलान्दी हा।” 11तिनी मतै दिन थऊँ तियां जो अपणै जादू रै कम्मा थऊँ हैरान करी रखूरा थू, ठेरैतांये तैसिओ बड़ा मन्दै थियै। 12पर जैहणै तिन्यै फिलिप्पुस पुर विस्वास करू जैडा प्रमात्मैं रै राज्य अतै यीशु मसीह रै नां रा सुसमाचार हुणान्दा थू, ता कै मर्द कै जनानी सब बपतिस्मा लैणा लगै। 13ता शमौने भी ऐह सब सुसमाचार हुणी करी विस्वास करू अतै बपतिस्मा लेई करी फिलिप्पुस सोगी रैहणा लगा। ऐह चमत्कार अतै बड़ै-बड़ै हैरानी भरै कम्मा जो हेरी करी हैरान भुन्दा थू।
सामरिया मन्ज पतरस अतै यूहन्ना
14जैहणै यरूशलेम मन्ज रैहणै बाळै प्रेरितै ऐह हुणु कि सामरिया रै मणुऐ प्रमात्मैं रै बचन जो मनी लैऊआ। ता पतरस अतै यूहन्ना जो तियां वलै भैजु। 15तिन्यै गिच्ची करी तियां तांयें प्रार्थना करी कि सो पवित्र आत्मा पान। 16क्ओकि हालि तिकर पवित्र आत्मा तियां मन्ज कसीये भी ना पाऊरा थू तिन्यै ता सिर्फ प्रभु यीशु मसीह रै नां रा बपतिस्मा लैऊरा थू। 17ता प्रेरितै तियां पुर हत्थ रखै अतै तिन्यै पवित्र आत्मा पाऊ।
18जैहणै शमौने ऐह हेरू कि प्रेरिता रै हत्थ रखणै थऊँ पवित्र आत्मा मुळी गान्दीआ, ता तियां जो पैसै दिकरी बलणा लगा, 19“ऐह अधिकार मिन्जो भी देय्आ, कि जैस कसी पुर हत्थ रखूं सो पवित्र आत्मा पा।”
20पतरसै तैस सोगी बल्लू, “तेरै पैसै तिजो सोगी नष्ट भून, क्ओकि तैंई प्रमात्मैं रा दान पैसै सोगी खरीदणै रा विचार करूआ। 21ऐसा सेवा मन्ज तेरा कोई हेस्सा निय्आ; क्ओकि तेरा मन प्रमात्मैं री कनारी सचा निय्आ।#भज. 78:37. 22ठेरैतांये अपणी ऐसा बुराई थऊँ मन फेरी करी प्रभु सितै प्रार्थना कर, भूच्ची सकदा कि तेरै मना रै बुरै विचार माफ करै गान। 23क्ओकि अऊँ हेरदा कि तू पित्त सांईयै कड़वाहट अतै अधर्म रै बन्धन मन्ज पेऊरा हा।”#व्य. 29:18; विला. 3:15. 24शमौने जवाव दिता, “तुहै मिन्जो तांयें प्रभु सितै प्रार्थना करा कि जैड़ी गल्ला तुहै बली हिन, तियां थऊँ कोई भी मिन्जो पुर ना ईच्ची पैय्आ।”
25अतै ऐह गवाही दिकरी अतै प्रभु रै बचन हुणाई करी यरूशलेम जो फिरी गै, अतै सामरिया रै मतै सारै ग्राँ मन्ज सुसमाचार हुणादै गै।
फिलिप्पुस अतै कूश देशा रा अधिकारी
26फिरी प्रभु रै अक्की स्वर्गदूतै फिलिप्पुस सोगी बल्लू, “उठ अतै दक्षिण री कनारी तैस रस्तै पुर गा, जैडा यरूशलेम थऊँ गाजा शहर जो गान्दा।” ऐह रेगिस्तानी रस्ता हा। 27सो उूठी करी चली पैऊ, अतै कूश देशा रा अक्क मणु ईच्छु करदा थू जैडा किन्नर थू अतै कूशियों री राणी कन्दाके रा मंत्री अतै खजांची थू। सो भजन करनै जो यरूशलेम छूरा थू। 28सो अपणै रथा पुर बैहुरा थू, अतै यशायाह भविष्यवक्ता री कताबा पढ़दा पढ़दा वापस फिरना लगुरा थू। 29ता पवित्र आत्मै फिलिप्पुस सोगी बल्लू, “नेड़ै गिच्ची करी ऐस रथा सोगी सोगी चल।”
30फिलिप्पुस तसेरी कनारी दौडू, अतै तैसिओ यशायाह भविष्यवक्ता री कताब पढ़दै हुणु अतै तैस थऊँ पूछु, “तू जैडा पढ़णा लगुरा कै ऐतिओ समझदा भी हा?”
31तिनी बल्लू, “जैहणै तक कोई मिन्जो ना समझा ता मुँ कियां समझणा?” तिनी फिलिप्पुस सोगी बिनती करी कि सो रथा पुर चड़ी करी तैस सोगी बैहा।
32पवित्रग्रन्था रा जैडा पाठ सो पढ़णा लगुरा थू
सो ऐह थू; “सो भैड़ा सांईयै बलि भूणै तांयें पजाई गो,
अतै जिंआं मेम्ना भैड़ा मुनणैवाळै रै सामणै चुपचाप रैहन्दा,
तियां ही तिनी भी अपणा मुँह ना खोलू।
33तसेरी दीनता मन्ज तसेरा न्याय ना भूच्ची सकू।
तसेरै टैमां रै मणु रा वर्णन कस करना?
क्ओकि धरती थऊँ तसेरै प्राण चुकी लैऊरै हिन।”#यशा. 53:7-8.
34ता किन्नर फिलिप्पुस थऊँ पुछणा लगा, “अऊँ तिजो सितै बिनती करदा मिन्जो दस कि भविष्यवक्ता कसेरै बारै मन्ज बल्लू करदा, अपणै या कसकि होरी रै बारै मन्ज?” 35ता फिलिप्पुस बलणा लगा अतै पवित्रग्रन्थ रा शुरू थऊँ यीशु रा सुसमाचार हुणाऊ। ता तिनी ऐह सब हुणी करी यीशु पुर विस्वास करू।
36रस्तै मन्ज चलदै चलदै सो अक्की पाणी बाळी जगह पुजै। ता किन्नर बलणा लगा, “हेर ऐड़ी पाणी भी हा, अबै मिन्जो बपतिस्मा लैणै थऊँ कुण रोकी सकदा।” 37फिलिप्पुसे बल्लू, “अगर तू पूरै मना सोगी विस्वास करदा ता लेई सकदा।” तिनी बल्लू “अऊँ विस्वास करदा कि यीशु मसीह प्रमात्मैं रा पुत्र हा।” 38ता तिनी रथ खड़ा करनै रा हूक्म दिता, अतै फिलिप्पुस अतै किन्नर दोनो पाणी मन्ज चली गै, अतै तिनी किन्नर जो बपतिस्मा दिता।
39जैहणै सो पाणी थऊँ नकैई करी बाहर आये, ता प्रभु री आत्मा फिलिप्पुस जो चुकी लेई गई, अतै किन्नर फिरी सो ना हेरू, अतै सो खुशी मनदां अपणै रस्तै मन्ज चली गो।#1 राजा 18:12. 40फिलिप्पुस अशदोद शहर मन्ज ईच्ची निकळू, अतै जैहणै तक सो कैसरिया नगर मन्ज ना पुजु, तैहणै तक नगर नगर सुसमाचार हुणान्दा गो।
Currently Selected:
चेलै रै कम 8: GBKNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
चेलै रै कम 8
8
कलीसिया पुर अत्याचार
1शाऊल स्तिफनुस रै कत्ला थऊँ सहमत थू।
तैस दिन ही यरूशलेम री कलीसिया मन्ज बड़ा उपद्रव शुरू भूच्ची गो अतै प्रेरिता जो छड़ी करि बाकी काफी संख्या मन्ज मणु यहूदिया अतै सामरिया परदेस जो तितर-बितर भूच्ची गै। 2कुछ भक्तै स्तिफनुस जो कब्र मन्ज रखू अतै तैस तांयें बड़ा विलाप करू। 3शाऊल कलीसिया जो उजाडु करदा थू, अतै घरा-घरा मन्ज गिच्ची करी मर्दा अतै जनानी जो घसीटी घसीटी के जेला मन्ज पाऊ करदा थू।
सामरिया मन्ज यीशु रा प्रचार
4जैड़ै विस्वासी तितर-बितर भच्छुरै थियै, सो सुसमाचार हुणादै फिरना लगै, 5फिलिप्पुस सामरिया मन्ज गिच्ची करी मणु जो मसीह रा प्रचार करना लगा। 6जैड़ी गल्ला फिलिप्पुसे बलुरी थी तियां मणुऐ हुणी करी जैड़ै चमत्कार सो दसदा थू तियां जो हेरी करी, अक्क चित भूच्ची करी मन लाऊ। 7क्ओकि मती सारी दुष्टात्मा जोरा जोरा सितै ऐह बलदी निकळी गई अतै मतै सारै हद्रगीं अतै लंगड़ै ठीक भूच्ची गै 8अतै तैस नगरा रै मणु मन्ज बड़ी खुशी छाई गई।
शमौन नां रा जादूगर
9ऐत थऊँ पैहलै तैस नगरा मन्ज शमौन नां रा अक्क मणु थू, जैडा जादू-टोणा करीके सामरिया रै मणु जो हैरान करदा अतै अपणै आपा जो अक्क बड़ा मणु दसदा थू। 10हल्कै थऊँ लेई करी मोटै तक तैस शहरा रै कई सामरी मणु तसेरा आदर करदै अतै बलदै थियै, “ऐह प्रमात्मैं री सो सामर्थ हा जैड़ी महान कहलान्दी हा।” 11तिनी मतै दिन थऊँ तियां जो अपणै जादू रै कम्मा थऊँ हैरान करी रखूरा थू, ठेरैतांये तैसिओ बड़ा मन्दै थियै। 12पर जैहणै तिन्यै फिलिप्पुस पुर विस्वास करू जैडा प्रमात्मैं रै राज्य अतै यीशु मसीह रै नां रा सुसमाचार हुणान्दा थू, ता कै मर्द कै जनानी सब बपतिस्मा लैणा लगै। 13ता शमौने भी ऐह सब सुसमाचार हुणी करी विस्वास करू अतै बपतिस्मा लेई करी फिलिप्पुस सोगी रैहणा लगा। ऐह चमत्कार अतै बड़ै-बड़ै हैरानी भरै कम्मा जो हेरी करी हैरान भुन्दा थू।
सामरिया मन्ज पतरस अतै यूहन्ना
14जैहणै यरूशलेम मन्ज रैहणै बाळै प्रेरितै ऐह हुणु कि सामरिया रै मणुऐ प्रमात्मैं रै बचन जो मनी लैऊआ। ता पतरस अतै यूहन्ना जो तियां वलै भैजु। 15तिन्यै गिच्ची करी तियां तांयें प्रार्थना करी कि सो पवित्र आत्मा पान। 16क्ओकि हालि तिकर पवित्र आत्मा तियां मन्ज कसीये भी ना पाऊरा थू तिन्यै ता सिर्फ प्रभु यीशु मसीह रै नां रा बपतिस्मा लैऊरा थू। 17ता प्रेरितै तियां पुर हत्थ रखै अतै तिन्यै पवित्र आत्मा पाऊ।
18जैहणै शमौने ऐह हेरू कि प्रेरिता रै हत्थ रखणै थऊँ पवित्र आत्मा मुळी गान्दीआ, ता तियां जो पैसै दिकरी बलणा लगा, 19“ऐह अधिकार मिन्जो भी देय्आ, कि जैस कसी पुर हत्थ रखूं सो पवित्र आत्मा पा।”
20पतरसै तैस सोगी बल्लू, “तेरै पैसै तिजो सोगी नष्ट भून, क्ओकि तैंई प्रमात्मैं रा दान पैसै सोगी खरीदणै रा विचार करूआ। 21ऐसा सेवा मन्ज तेरा कोई हेस्सा निय्आ; क्ओकि तेरा मन प्रमात्मैं री कनारी सचा निय्आ।#भज. 78:37. 22ठेरैतांये अपणी ऐसा बुराई थऊँ मन फेरी करी प्रभु सितै प्रार्थना कर, भूच्ची सकदा कि तेरै मना रै बुरै विचार माफ करै गान। 23क्ओकि अऊँ हेरदा कि तू पित्त सांईयै कड़वाहट अतै अधर्म रै बन्धन मन्ज पेऊरा हा।”#व्य. 29:18; विला. 3:15. 24शमौने जवाव दिता, “तुहै मिन्जो तांयें प्रभु सितै प्रार्थना करा कि जैड़ी गल्ला तुहै बली हिन, तियां थऊँ कोई भी मिन्जो पुर ना ईच्ची पैय्आ।”
25अतै ऐह गवाही दिकरी अतै प्रभु रै बचन हुणाई करी यरूशलेम जो फिरी गै, अतै सामरिया रै मतै सारै ग्राँ मन्ज सुसमाचार हुणादै गै।
फिलिप्पुस अतै कूश देशा रा अधिकारी
26फिरी प्रभु रै अक्की स्वर्गदूतै फिलिप्पुस सोगी बल्लू, “उठ अतै दक्षिण री कनारी तैस रस्तै पुर गा, जैडा यरूशलेम थऊँ गाजा शहर जो गान्दा।” ऐह रेगिस्तानी रस्ता हा। 27सो उूठी करी चली पैऊ, अतै कूश देशा रा अक्क मणु ईच्छु करदा थू जैडा किन्नर थू अतै कूशियों री राणी कन्दाके रा मंत्री अतै खजांची थू। सो भजन करनै जो यरूशलेम छूरा थू। 28सो अपणै रथा पुर बैहुरा थू, अतै यशायाह भविष्यवक्ता री कताबा पढ़दा पढ़दा वापस फिरना लगुरा थू। 29ता पवित्र आत्मै फिलिप्पुस सोगी बल्लू, “नेड़ै गिच्ची करी ऐस रथा सोगी सोगी चल।”
30फिलिप्पुस तसेरी कनारी दौडू, अतै तैसिओ यशायाह भविष्यवक्ता री कताब पढ़दै हुणु अतै तैस थऊँ पूछु, “तू जैडा पढ़णा लगुरा कै ऐतिओ समझदा भी हा?”
31तिनी बल्लू, “जैहणै तक कोई मिन्जो ना समझा ता मुँ कियां समझणा?” तिनी फिलिप्पुस सोगी बिनती करी कि सो रथा पुर चड़ी करी तैस सोगी बैहा।
32पवित्रग्रन्था रा जैडा पाठ सो पढ़णा लगुरा थू
सो ऐह थू; “सो भैड़ा सांईयै बलि भूणै तांयें पजाई गो,
अतै जिंआं मेम्ना भैड़ा मुनणैवाळै रै सामणै चुपचाप रैहन्दा,
तियां ही तिनी भी अपणा मुँह ना खोलू।
33तसेरी दीनता मन्ज तसेरा न्याय ना भूच्ची सकू।
तसेरै टैमां रै मणु रा वर्णन कस करना?
क्ओकि धरती थऊँ तसेरै प्राण चुकी लैऊरै हिन।”#यशा. 53:7-8.
34ता किन्नर फिलिप्पुस थऊँ पुछणा लगा, “अऊँ तिजो सितै बिनती करदा मिन्जो दस कि भविष्यवक्ता कसेरै बारै मन्ज बल्लू करदा, अपणै या कसकि होरी रै बारै मन्ज?” 35ता फिलिप्पुस बलणा लगा अतै पवित्रग्रन्थ रा शुरू थऊँ यीशु रा सुसमाचार हुणाऊ। ता तिनी ऐह सब हुणी करी यीशु पुर विस्वास करू।
36रस्तै मन्ज चलदै चलदै सो अक्की पाणी बाळी जगह पुजै। ता किन्नर बलणा लगा, “हेर ऐड़ी पाणी भी हा, अबै मिन्जो बपतिस्मा लैणै थऊँ कुण रोकी सकदा।” 37फिलिप्पुसे बल्लू, “अगर तू पूरै मना सोगी विस्वास करदा ता लेई सकदा।” तिनी बल्लू “अऊँ विस्वास करदा कि यीशु मसीह प्रमात्मैं रा पुत्र हा।” 38ता तिनी रथ खड़ा करनै रा हूक्म दिता, अतै फिलिप्पुस अतै किन्नर दोनो पाणी मन्ज चली गै, अतै तिनी किन्नर जो बपतिस्मा दिता।
39जैहणै सो पाणी थऊँ नकैई करी बाहर आये, ता प्रभु री आत्मा फिलिप्पुस जो चुकी लेई गई, अतै किन्नर फिरी सो ना हेरू, अतै सो खुशी मनदां अपणै रस्तै मन्ज चली गो।#1 राजा 18:12. 40फिलिप्पुस अशदोद शहर मन्ज ईच्ची निकळू, अतै जैहणै तक सो कैसरिया नगर मन्ज ना पुजु, तैहणै तक नगर नगर सुसमाचार हुणान्दा गो।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.