यूहन्ना 16
16
पवित्र आत्मा रै कम
1“ऐह गल्ला मैंई ठेरैतांये बली कि तुहै विस्वास करना ना छड़ी दीन। 2तियां तुसिओ यहूदी रै सभागार थऊँ कड़ी दिणा, बल्कि ऐसा टैमं चली आ हा जैस कसी तुसिओ मारना तैस समझणा कि अऊँ प्रमात्मैं री सेवा करू करदा हा। 3ऐह तियां ठेरैतांये करना कि तियैं ना ता पितै जो जाणु अतै ना मिन्जो जाणदै हिन। 4पर ऐह गल्ला मैंई ठेरैतांये तूसु सोगी बली कि जैहणै ठेरा टैमं अईआ ता तुसिओ याद चली अईआ कि मैंई तुसिओ पैहलै ही दस्सी दितुरा थू।
“मैंई शुरू मन्ज तूसु सोगी ऐह गल्ला ठेरैतांये ना करी क्ओकि अऊँ तूसु सोगी थू।”
5“पर अबै अऊँ अपणै भैजणैवाळै बलै चलूरा हा; अतै तूसु मन्ज कोई मिन्जो थऊँ ना पुच्छदा, ‘तू करा चलूरा?’ 6पर मैंई जैड़ी ऐह गल्ला तूसु सोगी करी हिन, ठेरैतांये तून्दा मन दुखा सितै भरी गो हा। 7तांभी अऊँ सच बलदा कि मेरा गाणा तूसु तांयें खरा हा, क्ओकि मुँ गाणा ता सो साथी तूसु बलै ईणा; जैहणै मुँ गाणा तैहणै तैसिओ तूसु बलै भैजी दिला। 8तैस ईच्ची करी संसारा जो पाप अतै धार्मिकता अतै न्याय रै बारै मन्ज दसणा। 9पाप रै बारै मन्ज ठेरैतांये कि सो मिन्जो पुर विस्वास ना करदै। 10अतै धार्मिकता रै बारै मन्ज ठेरैतांये कि अऊँ पितै बलै चलू हा, अतै तूसु मिन्जो फिरी ना हेरना। 11न्याय रै बारै मन्ज ठेरैतांये कि संसारा रा सरदार शैतान दोषी ठहराया गच्छुरा हा।”#यूह. 12:31.
12“मिन्जो तूसु सोगी होर भी मती सारी गल्ला करनी हिन, पर हालि तुहै तियां जो समझी ना सकदै। 13पर जैहणै सो, मतलब सच्चाई री आत्मा ईणा, ता तुसिओ सब सच्चाई रा रस्ता दसणा। क्ओकि तैस अपणी तरफा थऊँ ना पर जैडा कुछ प्रमात्मैं री तरफा थऊँ हुणना सो ही दसणा हा, अतै ईणैबाळी गल्ला तुसिओ दसणी। 14तैस मेरी महिमा करनी हा, क्ओकि तैस मेरी गल्ला थऊँ तुसिओ दसणा। 15जैडा कुछ पिता रा हा, सो सब मेरा हा, ठेरैतांये मैंई बल्लू कि तैस मेरी गल्ला जो लेई करी तुसिओ दसणा।”
दुख सुख मन्ज बदली गाणा
16“थोड़ी देर मन्ज तूसु मिन्जो ना हेरना, अतै फिरी थोड़ी देरा मन्ज हेरना।” 17ता तसेरै कुछ चेलै अप्पू मन्ज बलणा लगै, “ऐह कै हा जैडा ऐह असु सोगी बलदा हा, ‘थोड़ी देरा मन्ज तूसु मिन्जो ना हेरना, अतै फिरी थोड़ी देरा मन्ज मिन्जो हेरना?’ अतै ऐह ठेरैतांये कि अऊँ पितै बलै चलूरा?” 18ता तियैं बल्लू, “ऐह थोड़ी देर जैडा ऐह बलदा हा, कै गल्ल हा? अहै ना जाणदै कि ऐह कै बल्लू करदा हा।”
19यीशुऐ ऐह जाणी करी कि ऐह मिन्जो थऊँ पुच्छणा चाहन्दै हिन, तिनी बल्लू, “कै तुहै अप्पू मन्ज ऐसा गल्ला पुर पुछताछ लगुरै करना कि ‘थोड़ी देरा मन्ज मिन्जो ना हेरना, अतै फिरी थोड़ी देरा मन्ज मिन्जो हेरना?’ 20अऊँ तूसु सोगी सच बलदा कि तूसु रूणा अतै विलाप करना, पर संसारा खुशी मनाणी हा; तुसिओ दुख भूणा, पर तून्दा दुख खुशी मन्ज बदली गाणा। 21लोकिणै रै टैमैं जनानी जो दुख भुन्दा क्ओकि तैसारै दुखा रा टैमं चली ईन्दा, पर जैहणै सो बच्चै जो जन्म दि बैहन्दी हा ता ऐसा खुशी सितै कि संसारा मन्ज अक्क मणु पैदा भूआ, ता सो जनानी तैस दुखा जो भुली गान्दी हा।#यशा. 26:17; मीका 4:9. 22तैस तरीकै ही तुसिओ भी हालि ता दुख भूणा, पर मुँ जैहणै तूसु सोगी फिरी मुळना ता तून्दै मन खुशी सितै भरी गाणै अतै तुन्दी खुशी जो कोई तूसु थऊँ ना छिनी सकदा। 23तैस दिन तूसु मिन्जो थऊँ कुछ ना पुच्छणा। अऊँ तूसु सोगी सच बलदा, अगर तुहै मेरै नां सितै जैडा कुछ पिता थऊँ मंगलै ता तैस तुसिओ दिणा। 24हालि तिकर तुहै मेरै नां सितै कुछ ना मँगू; मंगलै ता तुसिओ मुळना ताकि तुन्दी खुशी पूरी भोआ।”
संसारा पुर जय
25“मैंई ऐह गल्ला तूसु सोगी उदाहरण मन्ज करी हिन, पर सो टैमं लगुरा ईणा कि फिरी मुँ तूसु सोगी उदाहरण मन्ज ना कणैणा, पर खुलीकरी पितै रै बारै मन्ज दसणा। 26तैस दिन तूसु मेरै नां सितै मँगणा; अतै अऊँ तूसु सोगी ऐह ना बलदा कि अऊँ तूसु तांयें पितै सोगी बिनती करला; 27क्ओकि पिता ता अप्पू ही तूसु सोगी प्यार रखदा, ठेरैतांये कि तुहै मिन्जो सोगी प्यार रखू हा, अतै ऐह भी विस्वास करू हा कि अऊँ पिता री तरफा थऊँ छूरा हा। 28अऊँ पितै री तरफा थऊँ संसार मन्ज छूरा हा; अऊँ फिरी संसारा जो छड़ी करी पितै बलै चलूरा हा।”
29तसेरै चेलै बलणा लगै, “हेर अबै ता तू खुलीकरी बल्लू करदा हा, अतै कोई उदाहरण ना बल्लू करदा। 30अबै अहै जाणी गै कि तू सब कुछ जाणदा हा, अतै ठेरी जरूरत निया कि कोई तिजो थऊँ कुछ पूछा; ऐत थऊँ अहै विस्वास करदै हिन कि तू प्रमात्मैं री कनारी थऊँ छूरा हा।”
31ऐह हुणी करी यीशुऐ तियां जो बल्लू, “कै तुहै अबै विस्वास करदै हिन? 32हेरा, सो टैमं ईणा लगुरा, बल्कि चली आ कि तूसु सबी तितर-बितर भूच्ची करी अपणै-अपणै रस्तै गाणा, अतै मिन्जो अकेला छड़ी दिणा; तांभी अऊँ अकेला निया, क्ओकि पिता मेरै सोगी हा।#यूह. 8:29. 33मैंई ऐह गल्ला तूसु सोगी ठेरैतांये करी हिन कि तुसिओ शान्ती मुळा। संसारा मन्ज तुसिओ क्लेश भुन्दा हा, पर हिम्मत रखा, मैंई संसारा जो जीती लैऊरा।”
Currently Selected:
यूहन्ना 16: GBKNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
यूहन्ना 16
16
पवित्र आत्मा रै कम
1“ऐह गल्ला मैंई ठेरैतांये बली कि तुहै विस्वास करना ना छड़ी दीन। 2तियां तुसिओ यहूदी रै सभागार थऊँ कड़ी दिणा, बल्कि ऐसा टैमं चली आ हा जैस कसी तुसिओ मारना तैस समझणा कि अऊँ प्रमात्मैं री सेवा करू करदा हा। 3ऐह तियां ठेरैतांये करना कि तियैं ना ता पितै जो जाणु अतै ना मिन्जो जाणदै हिन। 4पर ऐह गल्ला मैंई ठेरैतांये तूसु सोगी बली कि जैहणै ठेरा टैमं अईआ ता तुसिओ याद चली अईआ कि मैंई तुसिओ पैहलै ही दस्सी दितुरा थू।
“मैंई शुरू मन्ज तूसु सोगी ऐह गल्ला ठेरैतांये ना करी क्ओकि अऊँ तूसु सोगी थू।”
5“पर अबै अऊँ अपणै भैजणैवाळै बलै चलूरा हा; अतै तूसु मन्ज कोई मिन्जो थऊँ ना पुच्छदा, ‘तू करा चलूरा?’ 6पर मैंई जैड़ी ऐह गल्ला तूसु सोगी करी हिन, ठेरैतांये तून्दा मन दुखा सितै भरी गो हा। 7तांभी अऊँ सच बलदा कि मेरा गाणा तूसु तांयें खरा हा, क्ओकि मुँ गाणा ता सो साथी तूसु बलै ईणा; जैहणै मुँ गाणा तैहणै तैसिओ तूसु बलै भैजी दिला। 8तैस ईच्ची करी संसारा जो पाप अतै धार्मिकता अतै न्याय रै बारै मन्ज दसणा। 9पाप रै बारै मन्ज ठेरैतांये कि सो मिन्जो पुर विस्वास ना करदै। 10अतै धार्मिकता रै बारै मन्ज ठेरैतांये कि अऊँ पितै बलै चलू हा, अतै तूसु मिन्जो फिरी ना हेरना। 11न्याय रै बारै मन्ज ठेरैतांये कि संसारा रा सरदार शैतान दोषी ठहराया गच्छुरा हा।”#यूह. 12:31.
12“मिन्जो तूसु सोगी होर भी मती सारी गल्ला करनी हिन, पर हालि तुहै तियां जो समझी ना सकदै। 13पर जैहणै सो, मतलब सच्चाई री आत्मा ईणा, ता तुसिओ सब सच्चाई रा रस्ता दसणा। क्ओकि तैस अपणी तरफा थऊँ ना पर जैडा कुछ प्रमात्मैं री तरफा थऊँ हुणना सो ही दसणा हा, अतै ईणैबाळी गल्ला तुसिओ दसणी। 14तैस मेरी महिमा करनी हा, क्ओकि तैस मेरी गल्ला थऊँ तुसिओ दसणा। 15जैडा कुछ पिता रा हा, सो सब मेरा हा, ठेरैतांये मैंई बल्लू कि तैस मेरी गल्ला जो लेई करी तुसिओ दसणा।”
दुख सुख मन्ज बदली गाणा
16“थोड़ी देर मन्ज तूसु मिन्जो ना हेरना, अतै फिरी थोड़ी देरा मन्ज हेरना।” 17ता तसेरै कुछ चेलै अप्पू मन्ज बलणा लगै, “ऐह कै हा जैडा ऐह असु सोगी बलदा हा, ‘थोड़ी देरा मन्ज तूसु मिन्जो ना हेरना, अतै फिरी थोड़ी देरा मन्ज मिन्जो हेरना?’ अतै ऐह ठेरैतांये कि अऊँ पितै बलै चलूरा?” 18ता तियैं बल्लू, “ऐह थोड़ी देर जैडा ऐह बलदा हा, कै गल्ल हा? अहै ना जाणदै कि ऐह कै बल्लू करदा हा।”
19यीशुऐ ऐह जाणी करी कि ऐह मिन्जो थऊँ पुच्छणा चाहन्दै हिन, तिनी बल्लू, “कै तुहै अप्पू मन्ज ऐसा गल्ला पुर पुछताछ लगुरै करना कि ‘थोड़ी देरा मन्ज मिन्जो ना हेरना, अतै फिरी थोड़ी देरा मन्ज मिन्जो हेरना?’ 20अऊँ तूसु सोगी सच बलदा कि तूसु रूणा अतै विलाप करना, पर संसारा खुशी मनाणी हा; तुसिओ दुख भूणा, पर तून्दा दुख खुशी मन्ज बदली गाणा। 21लोकिणै रै टैमैं जनानी जो दुख भुन्दा क्ओकि तैसारै दुखा रा टैमं चली ईन्दा, पर जैहणै सो बच्चै जो जन्म दि बैहन्दी हा ता ऐसा खुशी सितै कि संसारा मन्ज अक्क मणु पैदा भूआ, ता सो जनानी तैस दुखा जो भुली गान्दी हा।#यशा. 26:17; मीका 4:9. 22तैस तरीकै ही तुसिओ भी हालि ता दुख भूणा, पर मुँ जैहणै तूसु सोगी फिरी मुळना ता तून्दै मन खुशी सितै भरी गाणै अतै तुन्दी खुशी जो कोई तूसु थऊँ ना छिनी सकदा। 23तैस दिन तूसु मिन्जो थऊँ कुछ ना पुच्छणा। अऊँ तूसु सोगी सच बलदा, अगर तुहै मेरै नां सितै जैडा कुछ पिता थऊँ मंगलै ता तैस तुसिओ दिणा। 24हालि तिकर तुहै मेरै नां सितै कुछ ना मँगू; मंगलै ता तुसिओ मुळना ताकि तुन्दी खुशी पूरी भोआ।”
संसारा पुर जय
25“मैंई ऐह गल्ला तूसु सोगी उदाहरण मन्ज करी हिन, पर सो टैमं लगुरा ईणा कि फिरी मुँ तूसु सोगी उदाहरण मन्ज ना कणैणा, पर खुलीकरी पितै रै बारै मन्ज दसणा। 26तैस दिन तूसु मेरै नां सितै मँगणा; अतै अऊँ तूसु सोगी ऐह ना बलदा कि अऊँ तूसु तांयें पितै सोगी बिनती करला; 27क्ओकि पिता ता अप्पू ही तूसु सोगी प्यार रखदा, ठेरैतांये कि तुहै मिन्जो सोगी प्यार रखू हा, अतै ऐह भी विस्वास करू हा कि अऊँ पिता री तरफा थऊँ छूरा हा। 28अऊँ पितै री तरफा थऊँ संसार मन्ज छूरा हा; अऊँ फिरी संसारा जो छड़ी करी पितै बलै चलूरा हा।”
29तसेरै चेलै बलणा लगै, “हेर अबै ता तू खुलीकरी बल्लू करदा हा, अतै कोई उदाहरण ना बल्लू करदा। 30अबै अहै जाणी गै कि तू सब कुछ जाणदा हा, अतै ठेरी जरूरत निया कि कोई तिजो थऊँ कुछ पूछा; ऐत थऊँ अहै विस्वास करदै हिन कि तू प्रमात्मैं री कनारी थऊँ छूरा हा।”
31ऐह हुणी करी यीशुऐ तियां जो बल्लू, “कै तुहै अबै विस्वास करदै हिन? 32हेरा, सो टैमं ईणा लगुरा, बल्कि चली आ कि तूसु सबी तितर-बितर भूच्ची करी अपणै-अपणै रस्तै गाणा, अतै मिन्जो अकेला छड़ी दिणा; तांभी अऊँ अकेला निया, क्ओकि पिता मेरै सोगी हा।#यूह. 8:29. 33मैंई ऐह गल्ला तूसु सोगी ठेरैतांये करी हिन कि तुसिओ शान्ती मुळा। संसारा मन्ज तुसिओ क्लेश भुन्दा हा, पर हिम्मत रखा, मैंई संसारा जो जीती लैऊरा।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.