लूका 14
14
फरीसी रै घरै यीशु
1विश्रामदिन यीशु अक्की फरीसी सरदारा रै घरै खाण खाणा गो ता तैठी तंयारा धैन यीशु रा बुरा करनै री कनारी थू। 2तैस घरै जलोधर#14:2 जलोधर ऐह अक्क ऐस तरह री बमारी हा कि जैत मन्ज मणु रै शरीरा मन्ज सुजन भूच्ची गान्दी हा। रा अक्क मरीज छूरा थू 3ता यीशुऐ फरीसी अतै शास्त्री थऊँ पूछु कि, “कै तुन्दी व्यवस्था ऐह इजाजत दिन्दी हा कि विश्रामदिन मणु जो बमारी थऊँ ठीक करना चहिन्दा कि ना?” 4पर कसीये कुछ भी ना बल्लू, ता यीशुऐ सो बीमार मणु छुई करी ठीक करीके भैजी दिता।
5ता यीशुऐ मणु री कनारी फिरी करी तियां सतै बल्लू, “तूसु मन्ज ऐसा कुण हा, जैडा विश्रामदिन कम ना करदा? मन्ना जे तून्दा बच्चा या कोई गोरू गत्ता मन्ज पैई गच्छा ता कै सो तूसु गिच्ची करी बाहर ना कड़णा?” 6ऐसा गल्ला रा तियां बलै कोई जवाव ना थू।
नम्रता अतै मेहमाना रा स्वागत
7जैहणै यीशुऐ हेरू कि हैदुरै मणु खास खास जगह पुर गिचीकरी बैहु करदै हिन ता तिनी तियां जो अक्क उदाहरण हुणाऊ। तिनी बल्लू, 8“जैहणै तूसु जो कोई बैह मन्ज हैददा ता तुसै खास खास जगह मत बैहन्दै, करखी ईयां ना भोआ कि तैठी तूसु थऊँ भी खास मोट्टै परोहणै हैदुरै भून। 9जिनी तूसु दूनी जो हैदुरा भोआ सो तिजो बलै ईच्ची करी बल्ला, ऐठी थऊँ उूठी भौ ऐह जगह ईयां परोहणै री हा, ता तिजो शर्मिन्दा भूच्ची करी थलै बैहणा पैणा। 10जैहणै कोई तूसु जो हैददा ता गिचीकरी थलै ही बैही गच्छैं, ताकि जिनी तूसु जो हैदुरा, तूसु बल्लै ईच्ची करी बल्ला, ओ मित्रा अगो गिचीकरी खास जगहा पुर बैह, ता तिजो सोगी बैहुरै मणु मन्ज तेरा मान सम्मान भूणा।#नीति. 25:6-7. 11कजो कि जैडा मणु अपणै आपा जो बड़ा समझदा सो हल्का भूणा अतै जैडा अपणै आपा जो हल्का समझदा सो बड़ा भूणा।”
12ता यीशुऐ अपणै हैदणै बाळै फरीसी जो भी बल्लू कि, “जैहणै तू दिना रा या राती रा खाण मणु जो खोआ ता अपणै मित्रा, भाई, परिवार जो अतै अमीर पड़ेही जो मत हैददा। करखी ईयां ना भोआ कि सो भी तिजो हादा दीन, अतै तिजो खाणा खुआई करी तेरा बदला चुकाई दीन।” 13पर जे तुद खाण खुआणा ही हा ता गरीबा, डुण्डै, अतै अन्धै मणु जो हैदै। 14ता प्रमात्मैं तिजो धर्मी मणु रै दोबारा जी ऊठणै पुर बड़ा इनाम दिणा कि तैंई इन्नै मणु जो हैदुरा थू जैड़ै कि तिजो फेरी ना सकदै थियै।
अक्क बड्डी धामा रा उदाहरण
(मत्ती 22:1-10)
15यीशु री ईयां गल्ला हुणी करी तियां सोगी खाणा खाऊ करदै अक्की मणुऐ तैस सितै बल्लू, “धन्य हा सो, जैस प्रमात्मैं रै राज्य मन्ज खाण खाणा!” 16यीशुऐ तैस सितै बल्लू, “अक्क मणु थू तिनी मतै मणु जो खाण खोआणै तांई अक्क बड़ी बड्ड़ी धाम दिती।” 17अतै जैहणै खाणा बणी गो ता तिनी मणुऐ अपणै नौकर तियां नियून्दुरूरै मणु बल्लै ऐह बल्ली करी भैजु कि तियां जो बल्ला कि अबै धाम तैयार भुच्ची गच्छुरी हा। 18पर सो सब बहानै बाजी करना लगै। अक्की बल्लू, “मैंई हबजु ही अक्क खेत खरीदू हा अतै अऊँ तैत जो हेरना चलूरा हा, ता अऊँ तिजो सोगी बिनती करदा अऊँ ना ईच्ची सकदा।”
19अक्की होरी बल्लू, “मैंई पँज जोड़ी दांन्दा री खरीदी हिन अतै मिन्जो तियां जो परखणा गाणा, ता अऊँ तिजो सोगी बिनती करदा कि अऊँ ना ईच्ची सकदा।”
20अक्की होरी बल्लू, “मेरा ता बैह भुआ अतै अऊँ नोई घरावाळी जो छड़ी करी ना ईच्ची सकदा।”
21ता सो नौकर अपणै मालका बल्लै फिरी आ अतै जे कुछ तियैं मणुऐ बल्लू रा थू सो सब तैस जो हुणाई दिता। ता मालिक गुस्सै भुच्ची करी बलणा लगा, “शहरा बजारा मन्ज झटफट गिचीकरी गरीबा, लंगड़ै, डुण्डै, अतै अन्धै जैड़ै भी मुळदै हिन तियां सबी जो लेई अईआ।” 22नौकरै बल्लू, “मालिक, जियां तुसै बल्लुरा थू तियां ही कम भुआ पर फिर भी जगहा खाली हा।”
23मालकै फिरी नौकरा जो बल्लू, “सड़का अतै बगड़ी री कनारी गच्छा अतै मणु जो जबरदस्ती ही मेरै घरा जो हैदी लैईआ ताकि मेरा घर भरी गच्छा। 24अऊँ! तूसु सितै बलदा कि तियां हैदुरै परौणै थऊँ अक्की भी मेरी ऐह बणुरी धामा ना चखणीआ।”
यीशु रा चेला बणनै री किमत
(मत्ती 10:37-38)
25जैहणै मणु री अक्क बड़ी बड्ड़ी भीड़ यीशु रै पिचो चलुरी थी ता यीशुऐ पिचो हेरी करी बल्लू, 26“अगर कोई मिन्जो बल्लै अईआ अतै अपणै माता, पिता, घरावाळी, औलादा, भाई-बैहणी अतै अपणै प्राणा थऊँ बढ़ीकरी मिन्जो समझा ता सो मेरा चेला भुच्ची सकदा हा।#मत्ती 10:37; यूह. 12:25; व्य. 33:9. 27जैडा कोई अपणा क्रूस ना चुक्का ता सो भी मेरा चेला ना भुच्ची सकदा।”
28यीशु अगो बलदा कि, “तूसु मन्ज कुण ऐसा मणु हा जैडा अपणा घर बणाणा चाहा, अतै पहलै बैही करी खर्चा ना जोड़ा, कि ऐस घरा जो अऊँ बणाई सकदा कि ना?” 29करखी ईयां ना भोआ कि नियूँआ भरनै थऊँ बाद तिजो घरा बणाणै री हिम्मत ही ना रेआ। मणु हेरी करी हासणा, तेरा मजाक उड़ाणा अतै बलणा, 30“ईनी मणुऐ घरा बणाणै रा ता कम शुरू करू पर ऐत जो पुरा ना करी सकू।” 31“कुण ऐसा राजा भोला जैडा दुऐ राजै रै विरूद्ध लड़ाई करना गान्दा अतै पैहलै सोच विचार ना करा की जैडा राजा बीह हजार फौजी जो लेई करी मिन्जो पुर हमला करना आ ता कै अऊँ तैस सितै दस हजार फौजी लेई करी तसेरा सामना करी सकदा कि ना?” 32अतै जे सो राजा लड़ाई करनै जोगी निआं ता जैहणै तिकर सो राजा दूर ही हा, ता सो अपणै दूता जो भैजी करी तैस सितै मेल मिलाप करना चाहन्दा 33इन्नी साभै जैडा कोई सब कुछ त्यागी देआ ता सो ही मेरा चेला भुच्ची सकदा हा।
वे-स्वादा लूण
(मत्ती 5:13; मरकुस 9:50)
34यीशुऐ बल्लू, “लूण ता खरा हा पर जे अगर लूणा मन्ज स्वाद ना भोआ ता फिरी कत सितै सो लूणका करना। 35सो ना ता मिट्टी रै कमै अतै ना ता खाद बणाणै रै कमै इन्दा। मणु तैस जो बाहर फैंकी दिन्दै हिन। कन्ना खोली करी मेरी गल्ला हुणी लेय्आ।”
Currently Selected:
लूका 14: GBKNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
लूका 14
14
फरीसी रै घरै यीशु
1विश्रामदिन यीशु अक्की फरीसी सरदारा रै घरै खाण खाणा गो ता तैठी तंयारा धैन यीशु रा बुरा करनै री कनारी थू। 2तैस घरै जलोधर#14:2 जलोधर ऐह अक्क ऐस तरह री बमारी हा कि जैत मन्ज मणु रै शरीरा मन्ज सुजन भूच्ची गान्दी हा। रा अक्क मरीज छूरा थू 3ता यीशुऐ फरीसी अतै शास्त्री थऊँ पूछु कि, “कै तुन्दी व्यवस्था ऐह इजाजत दिन्दी हा कि विश्रामदिन मणु जो बमारी थऊँ ठीक करना चहिन्दा कि ना?” 4पर कसीये कुछ भी ना बल्लू, ता यीशुऐ सो बीमार मणु छुई करी ठीक करीके भैजी दिता।
5ता यीशुऐ मणु री कनारी फिरी करी तियां सतै बल्लू, “तूसु मन्ज ऐसा कुण हा, जैडा विश्रामदिन कम ना करदा? मन्ना जे तून्दा बच्चा या कोई गोरू गत्ता मन्ज पैई गच्छा ता कै सो तूसु गिच्ची करी बाहर ना कड़णा?” 6ऐसा गल्ला रा तियां बलै कोई जवाव ना थू।
नम्रता अतै मेहमाना रा स्वागत
7जैहणै यीशुऐ हेरू कि हैदुरै मणु खास खास जगह पुर गिचीकरी बैहु करदै हिन ता तिनी तियां जो अक्क उदाहरण हुणाऊ। तिनी बल्लू, 8“जैहणै तूसु जो कोई बैह मन्ज हैददा ता तुसै खास खास जगह मत बैहन्दै, करखी ईयां ना भोआ कि तैठी तूसु थऊँ भी खास मोट्टै परोहणै हैदुरै भून। 9जिनी तूसु दूनी जो हैदुरा भोआ सो तिजो बलै ईच्ची करी बल्ला, ऐठी थऊँ उूठी भौ ऐह जगह ईयां परोहणै री हा, ता तिजो शर्मिन्दा भूच्ची करी थलै बैहणा पैणा। 10जैहणै कोई तूसु जो हैददा ता गिचीकरी थलै ही बैही गच्छैं, ताकि जिनी तूसु जो हैदुरा, तूसु बल्लै ईच्ची करी बल्ला, ओ मित्रा अगो गिचीकरी खास जगहा पुर बैह, ता तिजो सोगी बैहुरै मणु मन्ज तेरा मान सम्मान भूणा।#नीति. 25:6-7. 11कजो कि जैडा मणु अपणै आपा जो बड़ा समझदा सो हल्का भूणा अतै जैडा अपणै आपा जो हल्का समझदा सो बड़ा भूणा।”
12ता यीशुऐ अपणै हैदणै बाळै फरीसी जो भी बल्लू कि, “जैहणै तू दिना रा या राती रा खाण मणु जो खोआ ता अपणै मित्रा, भाई, परिवार जो अतै अमीर पड़ेही जो मत हैददा। करखी ईयां ना भोआ कि सो भी तिजो हादा दीन, अतै तिजो खाणा खुआई करी तेरा बदला चुकाई दीन।” 13पर जे तुद खाण खुआणा ही हा ता गरीबा, डुण्डै, अतै अन्धै मणु जो हैदै। 14ता प्रमात्मैं तिजो धर्मी मणु रै दोबारा जी ऊठणै पुर बड़ा इनाम दिणा कि तैंई इन्नै मणु जो हैदुरा थू जैड़ै कि तिजो फेरी ना सकदै थियै।
अक्क बड्डी धामा रा उदाहरण
(मत्ती 22:1-10)
15यीशु री ईयां गल्ला हुणी करी तियां सोगी खाणा खाऊ करदै अक्की मणुऐ तैस सितै बल्लू, “धन्य हा सो, जैस प्रमात्मैं रै राज्य मन्ज खाण खाणा!” 16यीशुऐ तैस सितै बल्लू, “अक्क मणु थू तिनी मतै मणु जो खाण खोआणै तांई अक्क बड़ी बड्ड़ी धाम दिती।” 17अतै जैहणै खाणा बणी गो ता तिनी मणुऐ अपणै नौकर तियां नियून्दुरूरै मणु बल्लै ऐह बल्ली करी भैजु कि तियां जो बल्ला कि अबै धाम तैयार भुच्ची गच्छुरी हा। 18पर सो सब बहानै बाजी करना लगै। अक्की बल्लू, “मैंई हबजु ही अक्क खेत खरीदू हा अतै अऊँ तैत जो हेरना चलूरा हा, ता अऊँ तिजो सोगी बिनती करदा अऊँ ना ईच्ची सकदा।”
19अक्की होरी बल्लू, “मैंई पँज जोड़ी दांन्दा री खरीदी हिन अतै मिन्जो तियां जो परखणा गाणा, ता अऊँ तिजो सोगी बिनती करदा कि अऊँ ना ईच्ची सकदा।”
20अक्की होरी बल्लू, “मेरा ता बैह भुआ अतै अऊँ नोई घरावाळी जो छड़ी करी ना ईच्ची सकदा।”
21ता सो नौकर अपणै मालका बल्लै फिरी आ अतै जे कुछ तियैं मणुऐ बल्लू रा थू सो सब तैस जो हुणाई दिता। ता मालिक गुस्सै भुच्ची करी बलणा लगा, “शहरा बजारा मन्ज झटफट गिचीकरी गरीबा, लंगड़ै, डुण्डै, अतै अन्धै जैड़ै भी मुळदै हिन तियां सबी जो लेई अईआ।” 22नौकरै बल्लू, “मालिक, जियां तुसै बल्लुरा थू तियां ही कम भुआ पर फिर भी जगहा खाली हा।”
23मालकै फिरी नौकरा जो बल्लू, “सड़का अतै बगड़ी री कनारी गच्छा अतै मणु जो जबरदस्ती ही मेरै घरा जो हैदी लैईआ ताकि मेरा घर भरी गच्छा। 24अऊँ! तूसु सितै बलदा कि तियां हैदुरै परौणै थऊँ अक्की भी मेरी ऐह बणुरी धामा ना चखणीआ।”
यीशु रा चेला बणनै री किमत
(मत्ती 10:37-38)
25जैहणै मणु री अक्क बड़ी बड्ड़ी भीड़ यीशु रै पिचो चलुरी थी ता यीशुऐ पिचो हेरी करी बल्लू, 26“अगर कोई मिन्जो बल्लै अईआ अतै अपणै माता, पिता, घरावाळी, औलादा, भाई-बैहणी अतै अपणै प्राणा थऊँ बढ़ीकरी मिन्जो समझा ता सो मेरा चेला भुच्ची सकदा हा।#मत्ती 10:37; यूह. 12:25; व्य. 33:9. 27जैडा कोई अपणा क्रूस ना चुक्का ता सो भी मेरा चेला ना भुच्ची सकदा।”
28यीशु अगो बलदा कि, “तूसु मन्ज कुण ऐसा मणु हा जैडा अपणा घर बणाणा चाहा, अतै पहलै बैही करी खर्चा ना जोड़ा, कि ऐस घरा जो अऊँ बणाई सकदा कि ना?” 29करखी ईयां ना भोआ कि नियूँआ भरनै थऊँ बाद तिजो घरा बणाणै री हिम्मत ही ना रेआ। मणु हेरी करी हासणा, तेरा मजाक उड़ाणा अतै बलणा, 30“ईनी मणुऐ घरा बणाणै रा ता कम शुरू करू पर ऐत जो पुरा ना करी सकू।” 31“कुण ऐसा राजा भोला जैडा दुऐ राजै रै विरूद्ध लड़ाई करना गान्दा अतै पैहलै सोच विचार ना करा की जैडा राजा बीह हजार फौजी जो लेई करी मिन्जो पुर हमला करना आ ता कै अऊँ तैस सितै दस हजार फौजी लेई करी तसेरा सामना करी सकदा कि ना?” 32अतै जे सो राजा लड़ाई करनै जोगी निआं ता जैहणै तिकर सो राजा दूर ही हा, ता सो अपणै दूता जो भैजी करी तैस सितै मेल मिलाप करना चाहन्दा 33इन्नी साभै जैडा कोई सब कुछ त्यागी देआ ता सो ही मेरा चेला भुच्ची सकदा हा।
वे-स्वादा लूण
(मत्ती 5:13; मरकुस 9:50)
34यीशुऐ बल्लू, “लूण ता खरा हा पर जे अगर लूणा मन्ज स्वाद ना भोआ ता फिरी कत सितै सो लूणका करना। 35सो ना ता मिट्टी रै कमै अतै ना ता खाद बणाणै रै कमै इन्दा। मणु तैस जो बाहर फैंकी दिन्दै हिन। कन्ना खोली करी मेरी गल्ला हुणी लेय्आ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.