शधाणूं 1
1
भेत-बछ़ैण
1हे श्रीमान थियुफिलुस, मंऐं लिखी ती ताल्है पैहली कताब तिन्नां गल्ले बारै, ज़ुंण प्रभू ईशू शुरू ओर्ही किअ और खिरी तैहा धैल़ी तैणीं सखाऊंदअ रहअ 2ज़हा धैल़ी सह आपणैं छ़ांटै दै शधाणूं लै हुकम दैई पबित्र आत्मां करै परमेशरै उझै स्वर्गा लै निं च़कअ।
3क्रूसा दी दुख ज़िरी ज़ान दैणैं का बाद रहअ ईशू च़ाल़्ही धैल़ै तैणीं शधाणूं संघै बगती-बगती तिन्नां सेटा डेऊंदअ और तिन्नां लै परमेशरो राज़ एछणें बारै खोज़दअ लागी। तेऊ की अह गल्ल कई पाक्कै सबूत रहैऊई प्रगट कि सह हुअ मरी करै भी ज़िऊंदअ।
4ज़ेभै सह तिन्नां सेटा त, तेऊ दैनअ तिन्नां लै इहअ हुकम, “येरुशलेम नगरी निं छ़ाडी, पर मेरै बाप्पू परमेशरे तेसा करारा पूरी हणैं तैणीं रहै एसा ई नगरी न्हैल़ै लागी, ज़ेते बारै मंऐं तम्हां का पैहलै ई आसा खोज़अ द। (लुका 24:49)
5 “किल्हैकि युहन्ना ता दैनी पाणीं दी डुबकी; पर परमेशरा दैणीं तम्हां लै पबित्र आत्मां दी डुबकी।” (मत्ती 3:11)
ईशूओ स्वर्गा लै डेऊणअ
6बादा का ज़ांऊं तिंयां सोभ प्रभू ईशू सेटा कठा हुऐ ता तिन्नैं पुछ़अ प्रभू ईशू का, “हे प्रभू, दुशमणा का छ़ुटकारअ दैई कै ताह ऐबै इस्राएला दी आप्पै करनअ राज़?” 7प्रभू ईशू बोलअ तिन्नां लै, “तेसा ऋता और तेऊ ज़मानें बारै थोघ हणें निं तम्हां किछ़ै ज़रुरत आथी तिन्नां गल्लो थोघ और हक आसा सिधअ बाप्पू परमेशरा का कि तिंयां गल्ला केभै हणीं।
8 “पर ज़ेभै पबित्र आत्मां तम्हां दी एछे, तेभै भेटणीं तम्हां शगती; तेखअ खोज़णअ तम्हां लोगा मेरै बारै येरुशलेम नगरी और सारै यहूदा लाक्कै और सामरी लाक्कै और सारी पृथूई दी हर ज़ैगा।”
9इना गल्ला बोली करै नाठअ प्रभू तिन्नां सम्हनै उझै स्वर्गा लै और बादल़ै च़ोरअ सह तिन्नें आछी का दूर। (भज़न 47:5) 10प्रभू डेऊंदी बारी तै तिंयां सोभ लागै दै सरगा बाखा लै भाल़ै, और दूई स्वर्ग दूत शेतै झिकल़ै बान्हैं दै तिन्नां सेटा लै आऐ और खल़्हुऐ।
11तिन्नैं स्वर्ग दूतै बोलअ तिन्नां लै, “हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।” (1 थिस्सलुनी 4:16)
करोती गराऊंए यहूदे ज़ैगा मतियाह लै पदबी भेटणीं
12तिन्नां स्वर्ग दूता डेऊणैं बाद फिरै तिंयां च़ेल्लै जैतून नांओंए धारा का बापस येरुशलेम नगरी लै सह ज़ैगा ती येरुशलेम नगरी नेल़ कोई एक मील दूर ज़ेतरै दूर यहूदी बशैघे धैल़ै डेऊई सका तै।
13ज़ांऊं तिंयां येरुशलेम नगरी पुजै और तिंयां रहै तिधी एकी घरे एकी आटल़ू। तिधी आसा तै पतरस, युहन्ना, याकूब, आन्दरू, फिलिप्पुस, थोमा, बरतुल्मैं, मत्ती, हलफीओ शोहरू याकूब, शमौन जेलोतेस और याकूबो शोहरू यहूदा।
14ईंयां सोभै शधाणूं तै कबल्लै एक मन हई करै प्राथणां करदै लागै दै। तिन्नां मांझ़ै तै प्राथणां करदै होर च़ेल्लै बी और कई बेटल़ी ज़ुंण प्रभू ईशू संघै हआ तै और प्रभू ईशूए आम्मां मरिअम और ईशूए दूई भाऊ।
15तिन्नां ई धैल़ै उझ़ुअ पतरस तिन्नां सोभी भाई मांझ़ै खल़अ, तिधी आसा तै तिंयां सोभ ईशू मसीहा दी विश्वास करनै आल़ै एक शौ बिह लोग बेठै दै। तेखअ बोलअ पतरसै,
16“भाईओ, यहूदे बारै ज़ुंण पबित्र शास्त्रा दी आसा लिखअ द, तेतो पूरअ हणअ त ज़रूरी और अह गल्ल हुई बी आझ़ सच्च़ी।
“ज़ुंण पबित्र आत्मां राज़ै दाबेदे मुंहां का पैहलै ई खास्सी साला पैहलै आसा बोलअ द ज़ुंण प्रभू ईशू ढाकणैं आल़ै मांझ़ै मुखिय त।” (भज़न 41:9)
17“किल्हैकि सह आसा त हाम्हां संघै सेऊआ-च़ाकरी लै साझ़ू। 18तेऊ लअ पापे कमाई करै एक खेच मोलै। तेऊओ हुअ उटअ मूंड और खल़ी ज़ांघा और तेऊओ पेट फुटअ, और तेऊए सारी आंजा निखल़ी बागै। 19एसा गल्लो थोघ लागअ येरुशलेम नगरी रहणैं आल़ै सोभी लोगा का, इधी तैणीं कि तेऊ खेचा लै बोला तिन्नें बोली दी ‘हकल़दमअ’ मतलब लोहूओ खेच।”
20“किल्हैकि भज़ने कताबा दी आसा लिखअ द, (भज़न 69:25; 109:8)
‘तेऊओ घर लोल़ी ज़ुआल़ुअ,
और तेथ निं लोल़ी कोहै बस्सअ,
तेऊए मुखियै हणें पदबी लोल़ी
कसा होरी भेटी।’
21“तै, ज़ेतरै धैल़ै प्रभू ईशू हाम्हां संघै एछदअ-डेऊंदअ रहअ, मतलब युहन्ने डुबकी दैणैं ओर्ही प्रभूए स्वर्गै डेऊणैं तैणीं ज़ुंण लोग हर बगत हाम्हां संघै रहै। 22सह ई गल्ल आसा अह कि युहन्ना सेटा डुबकी लणै ओर्ही स्वर्गा लै डेऊणैं तैणीं ज़ुंण तिन्नां ई मांझ़ा का एक मणछ हाम्हां संघै प्रभूए ज़िऊंदै हणैंओ गवाह होए।”
23तेखअ किऐ तिन्नैं दूई ज़ण्हैं खल़ै, एक युसुफ; ज़हा लै बरसबा बोला और तेऊओ पल़णांअ आसा युस्तुस और दुजअ किअ खल़अ मतियाह।
24तेखअ की तिन्नैं सोभी एही प्राथणां “हे प्रभू, तूह ज़ुंण सोभिए मना ज़ाणा, एसा गल्ला कर प्रगट कि इना दूई मांझ़ै तंऐं कुंण आसा छ़ांटअ द, 25कि सह एसा सेऊआ-च़ाकरी और शधाणूंओ पद लई सके। ज़हा पदबी छ़ाडी करै यहूदा आपणीं तेसा ज़ैगा लै नाठअ ज़ेता सह च़ाहा त।”
26तेखअ पाई तिन्नैं सोभी तिन्नां दुहीए नांओंए परच़ी और परच़ी निखल़ी मतियाहे नांओंए, तेखअ गिणअ सह तिन्नां गैरा शधाणूं संघै बार्हूऐ शधाणूंए रुपै।
Currently Selected:
शधाणूं 1: OSJNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
शधाणूं 1
1
भेत-बछ़ैण
1हे श्रीमान थियुफिलुस, मंऐं लिखी ती ताल्है पैहली कताब तिन्नां गल्ले बारै, ज़ुंण प्रभू ईशू शुरू ओर्ही किअ और खिरी तैहा धैल़ी तैणीं सखाऊंदअ रहअ 2ज़हा धैल़ी सह आपणैं छ़ांटै दै शधाणूं लै हुकम दैई पबित्र आत्मां करै परमेशरै उझै स्वर्गा लै निं च़कअ।
3क्रूसा दी दुख ज़िरी ज़ान दैणैं का बाद रहअ ईशू च़ाल़्ही धैल़ै तैणीं शधाणूं संघै बगती-बगती तिन्नां सेटा डेऊंदअ और तिन्नां लै परमेशरो राज़ एछणें बारै खोज़दअ लागी। तेऊ की अह गल्ल कई पाक्कै सबूत रहैऊई प्रगट कि सह हुअ मरी करै भी ज़िऊंदअ।
4ज़ेभै सह तिन्नां सेटा त, तेऊ दैनअ तिन्नां लै इहअ हुकम, “येरुशलेम नगरी निं छ़ाडी, पर मेरै बाप्पू परमेशरे तेसा करारा पूरी हणैं तैणीं रहै एसा ई नगरी न्हैल़ै लागी, ज़ेते बारै मंऐं तम्हां का पैहलै ई आसा खोज़अ द। (लुका 24:49)
5 “किल्हैकि युहन्ना ता दैनी पाणीं दी डुबकी; पर परमेशरा दैणीं तम्हां लै पबित्र आत्मां दी डुबकी।” (मत्ती 3:11)
ईशूओ स्वर्गा लै डेऊणअ
6बादा का ज़ांऊं तिंयां सोभ प्रभू ईशू सेटा कठा हुऐ ता तिन्नैं पुछ़अ प्रभू ईशू का, “हे प्रभू, दुशमणा का छ़ुटकारअ दैई कै ताह ऐबै इस्राएला दी आप्पै करनअ राज़?” 7प्रभू ईशू बोलअ तिन्नां लै, “तेसा ऋता और तेऊ ज़मानें बारै थोघ हणें निं तम्हां किछ़ै ज़रुरत आथी तिन्नां गल्लो थोघ और हक आसा सिधअ बाप्पू परमेशरा का कि तिंयां गल्ला केभै हणीं।
8 “पर ज़ेभै पबित्र आत्मां तम्हां दी एछे, तेभै भेटणीं तम्हां शगती; तेखअ खोज़णअ तम्हां लोगा मेरै बारै येरुशलेम नगरी और सारै यहूदा लाक्कै और सामरी लाक्कै और सारी पृथूई दी हर ज़ैगा।”
9इना गल्ला बोली करै नाठअ प्रभू तिन्नां सम्हनै उझै स्वर्गा लै और बादल़ै च़ोरअ सह तिन्नें आछी का दूर। (भज़न 47:5) 10प्रभू डेऊंदी बारी तै तिंयां सोभ लागै दै सरगा बाखा लै भाल़ै, और दूई स्वर्ग दूत शेतै झिकल़ै बान्हैं दै तिन्नां सेटा लै आऐ और खल़्हुऐ।
11तिन्नैं स्वर्ग दूतै बोलअ तिन्नां लै, “हे गलीली मणछो, तम्हैं इधी खल़्हुई करै किल्है आसा लागै दै सरगा बाखा लै भाल़ै? अह ई ईशू ज़ुंण परमेशरै तम्हां सेटा का स्वर्गा लै च़कअ, ज़िहअ करै तम्हैं अह स्वर्गा लै डेऊंदअ भाल़अ, तिहअ ई एछणअ अह बापस फिरी।” (1 थिस्सलुनी 4:16)
करोती गराऊंए यहूदे ज़ैगा मतियाह लै पदबी भेटणीं
12तिन्नां स्वर्ग दूता डेऊणैं बाद फिरै तिंयां च़ेल्लै जैतून नांओंए धारा का बापस येरुशलेम नगरी लै सह ज़ैगा ती येरुशलेम नगरी नेल़ कोई एक मील दूर ज़ेतरै दूर यहूदी बशैघे धैल़ै डेऊई सका तै।
13ज़ांऊं तिंयां येरुशलेम नगरी पुजै और तिंयां रहै तिधी एकी घरे एकी आटल़ू। तिधी आसा तै पतरस, युहन्ना, याकूब, आन्दरू, फिलिप्पुस, थोमा, बरतुल्मैं, मत्ती, हलफीओ शोहरू याकूब, शमौन जेलोतेस और याकूबो शोहरू यहूदा।
14ईंयां सोभै शधाणूं तै कबल्लै एक मन हई करै प्राथणां करदै लागै दै। तिन्नां मांझ़ै तै प्राथणां करदै होर च़ेल्लै बी और कई बेटल़ी ज़ुंण प्रभू ईशू संघै हआ तै और प्रभू ईशूए आम्मां मरिअम और ईशूए दूई भाऊ।
15तिन्नां ई धैल़ै उझ़ुअ पतरस तिन्नां सोभी भाई मांझ़ै खल़अ, तिधी आसा तै तिंयां सोभ ईशू मसीहा दी विश्वास करनै आल़ै एक शौ बिह लोग बेठै दै। तेखअ बोलअ पतरसै,
16“भाईओ, यहूदे बारै ज़ुंण पबित्र शास्त्रा दी आसा लिखअ द, तेतो पूरअ हणअ त ज़रूरी और अह गल्ल हुई बी आझ़ सच्च़ी।
“ज़ुंण पबित्र आत्मां राज़ै दाबेदे मुंहां का पैहलै ई खास्सी साला पैहलै आसा बोलअ द ज़ुंण प्रभू ईशू ढाकणैं आल़ै मांझ़ै मुखिय त।” (भज़न 41:9)
17“किल्हैकि सह आसा त हाम्हां संघै सेऊआ-च़ाकरी लै साझ़ू। 18तेऊ लअ पापे कमाई करै एक खेच मोलै। तेऊओ हुअ उटअ मूंड और खल़ी ज़ांघा और तेऊओ पेट फुटअ, और तेऊए सारी आंजा निखल़ी बागै। 19एसा गल्लो थोघ लागअ येरुशलेम नगरी रहणैं आल़ै सोभी लोगा का, इधी तैणीं कि तेऊ खेचा लै बोला तिन्नें बोली दी ‘हकल़दमअ’ मतलब लोहूओ खेच।”
20“किल्हैकि भज़ने कताबा दी आसा लिखअ द, (भज़न 69:25; 109:8)
‘तेऊओ घर लोल़ी ज़ुआल़ुअ,
और तेथ निं लोल़ी कोहै बस्सअ,
तेऊए मुखियै हणें पदबी लोल़ी
कसा होरी भेटी।’
21“तै, ज़ेतरै धैल़ै प्रभू ईशू हाम्हां संघै एछदअ-डेऊंदअ रहअ, मतलब युहन्ने डुबकी दैणैं ओर्ही प्रभूए स्वर्गै डेऊणैं तैणीं ज़ुंण लोग हर बगत हाम्हां संघै रहै। 22सह ई गल्ल आसा अह कि युहन्ना सेटा डुबकी लणै ओर्ही स्वर्गा लै डेऊणैं तैणीं ज़ुंण तिन्नां ई मांझ़ा का एक मणछ हाम्हां संघै प्रभूए ज़िऊंदै हणैंओ गवाह होए।”
23तेखअ किऐ तिन्नैं दूई ज़ण्हैं खल़ै, एक युसुफ; ज़हा लै बरसबा बोला और तेऊओ पल़णांअ आसा युस्तुस और दुजअ किअ खल़अ मतियाह।
24तेखअ की तिन्नैं सोभी एही प्राथणां “हे प्रभू, तूह ज़ुंण सोभिए मना ज़ाणा, एसा गल्ला कर प्रगट कि इना दूई मांझ़ै तंऐं कुंण आसा छ़ांटअ द, 25कि सह एसा सेऊआ-च़ाकरी और शधाणूंओ पद लई सके। ज़हा पदबी छ़ाडी करै यहूदा आपणीं तेसा ज़ैगा लै नाठअ ज़ेता सह च़ाहा त।”
26तेखअ पाई तिन्नैं सोभी तिन्नां दुहीए नांओंए परच़ी और परच़ी निखल़ी मतियाहे नांओंए, तेखअ गिणअ सह तिन्नां गैरा शधाणूं संघै बार्हूऐ शधाणूंए रुपै।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.