शधाणूं 10
10
कुरनेलिस पतरसा सेटा लै शधाणूं छ़ाडणैं
1कैसरिया नगरी त कुरनेलिस नांओं एक मणछ, सह आसा त इतालिनी नांओंऐं फौज़े दलो सुबैदार। 2सह आसा त धर्मीं मणछ और आपणैं सारै घरानै संघी रहा त सह परमेशरे डरा हेठै, और गरीब यहूदी मणछा लै दैआ त सह बडअ भारी दान और हर बगत करा त सह परमेशरा सेटा प्राथणां। 3धैल़ीए चिऊथै पहरा नेल़ भाल़अ तेऊ दर्शण कि परमेशरो एक स्वर्ग दूत आअ तेऊ सेटा भितरा लै और तेऊ बोलअ, “हे कुरनेलिस।”
4तेऊ भाल़अ बडै धैन लाई करै और हैल़ुई करै बोलअ, “हे प्रभू, किज़ै बोला?”
स्वर्ग दूतै बोलअ, “तेरी प्राथणां और तेरै दान पुजै परमेशरा सेटा, 5और याफा नगरी लै छ़ाड मणछ शमौना शधाणूं ज़हा लै पतरस बोला। 6सह आसा, शमौन च़ाम्भल़े बपारा करनै आल़ै सेटा पाहूंणअ ज़सरअ घर समुंदरे बाढै आसा।” 7ज़ांऊं सह स्वर्ग दूत ज़ुंणी तेऊ संघै गल्ला की ती, सह नाठअ, ता तेऊ दूई टैहलू ज़ुंण तेऊ सेटा रहा तै तिन्नां मांझ़ै शादअ एक भगत सपाही आप्पू सेटा लै। 8तिन्नां का सोभै गल्ला खोज़ी करै छ़ाडै तिंयां याफा नगरी लै।
पतरसो दर्शण
9दुजी धैल़ी ज़ांऊं तिंयां हांढदी-हांढदी याफा नगरी नेल़ पुजै ता दपहरा नेल़ त पतरस प्राथणां करदअ बेठअ द। 10पतरसा ती भुखै बी आई दी और सह च़ाहा त रोटी खाणअ। पर ज़ांऊं तिंयां रोटी बणांदै तै लागै दै, ता पतरसा निं सुध-बुध ई रही। 11तेऊ का शुझुअ कि सरग आसा घुआल़ी, और एक बडी च़ादरा ज़िहअ बडअ तराणअ आसा च़ऊ कुंणी का राशै करै बान्हअ द। सह च़ुंढुअ सरगा बाती पृथूई बाखा लै। 12तेऊ तराणैं दी आसा संसारे सोभी रंगे च़ऊ ज़ांघा हांढदै, रिंगणैं आल़ै सोभै ज़ीब और सरगे च़ेल्लू पखीरू। 13पतरसै शूणअ ज़ोरै एक बोल, “हे पतरस, उझ़ू इना मार और खा।”
14पर पतरसै बोलअ, “प्रभू, हुंह निं छ़ोत लाणैं आल़ी च़िज़ा कधि खाई सकदअ; किल्हैकि ज़ुंण च़िज़ा शुची निं आथी तिंयां निं मंऐं आझ़ तैणीं कधि खाई।” (लेबी बधान 11:1-47; यजकेल 4:14)
15तेखअ शूणअ तेऊ दुजी बारी परमेशरो इहअ बोल, “हुंह आसा परमेशर ज़ुंण मणछ मंऐं शुचै आसा किऐ दै, तिन्नां लै निं तूह छ़ोतलै बोलै।” 16चिई बारी हुअ इहअ ई; तेखअ च़कअ सह बडअ तराणअ तेभी उझै सरगा लै।
17पतरस त आपणैं मनैं दबिधा दी कि ज़ुंण अह दर्शण मंऐं भाल़अ, एतो कै मतलब आसा? ता हेरा, तिधी आऐ तिंयां मणछ ज़ुंण कैसरिया नगरी का कुरनेलिस तै मुंह सेटा लै छ़ाडै दै, तिन्नैं शमौने घरो थोघ पुछ़ी करै पुजै तिंयां तिधी दुआरे डेहल़ा बागै। 18तिन्नैं लाई बागा का हाक्का कि शमौन, ज़हा लै पतरस बोला, सह इधी आसा पाहूंणअ?
19पतरस त लागअ द तेऊ दर्शणें बारै सोठदअ ई कि पबित्र आत्मां बोलअ तेऊ लै, “भाल़ चअन मणछ आसा ताह लोल़ै लागै दै।
20“उझ़ू और उंधै डेऊ तिंयां आसा ता होरी ज़ातीए एसा गल्लो फिकर निं तूह करी, च़ुप-च़ुपै लाग तिन्नां पिछ़ू हांढदअ किल्हैकि तिंयां आसा मंऐं छ़ाडै दै।”
21तेखअ आअ पतरस तिन्नां सेटा लै और तिन्नां मणछा का पुछ़अ, “ज़हा लोल़ै तम्हैं आसा लागै दै, सह आसा हुंह ई। तम्हैं किज़ू कामैं आसा आऐ दै?”
22तिन्नैं बोलअ, “हाम्हैं आसा छ़ाडै दै कुरनेलिस सुबैदारै, सह आसा धर्मीं और परमेशरे डरा हेठै रहणैं आल़अ और सारी यहूदी ज़ाती दी आसा तेऊओ थोघ कि सह किहअ भलअ मणछ आसा। तेऊ लै बोलअ एकी पबित्र स्वर्ग दूतै, ‘पतरसा शाद आपणैं घरा लै और तेऊ का शुण बैण।’” 23तेखअ शादै पतरसै तिंयां घरा भितरा लै और तिन्नां लै बोलअ, “आझ़ दैआ बैल़ी रहणैं।”
कुरनेलिस मणछे घरै पतरस
दुजै धैल़ै नाठअ सह तिन्नां संघै याफा नगरी लै और याफा नगरीए भाई मांझ़ै हुऐ कई तेऊ संघा।
24तेखअ पुजै तिंयां कैसरिया नगरी और कुरनेलिस त आपणैं टबरा और साथी भाई संघै न्हैल़अ लागअ द। 25ज़ांऊं पतरस भितरा लै त लागअ द एछदअ ता कुरनेलिस आअ तेऊ सेटा लै मिलदअ और तेऊ सेटा टेक्कअ माथअ। 26पर पतरसै बोलअ तेऊ लै, “खल़अ उझ़ू, हुंबी आसा ताह ई ज़िहअ मणछ ताह निं लागदअ मुंह सेटा माथअ टेकणअ।” 27तेऊ संघै गल्ला करदी नाठअ सह भितरा लै और तिधी हुऐ बडै भारी लोग कठा।
28पतरसै बोलअ तिन्नां लै, “तम्हां का आसा एसा गल्लो थोघ कि होरी ज़ाती संघा रहणअ या तिन्नां सेटा डेऊणअ हआ यहूदी लै बधाने साबै गलत। पर परमेशरै खोज़अ मुखा इहअ, ‘कोही मणछा लै निं लागी ज़ुठै और छ़ोतलै बोलदै।’ 29तैहीता ज़ांऊं तम्हैं हुंह शादअ, ता हुंह लागअ च़ुप-च़ुपै हांढदअ। पर ऐबै पुछ़ा हुंह कि तम्हैं हुंह इधी किज़ू कामैं शादअ?”
30कुरनेलिस बोलअ, “एसा गल्ला हुऐ आझ़ पूरै च़ार धैल़ै कि हुंह त चिऊथै पहरै लागअ द प्राथणां करदअ। एक मणछ खल़्हुअ शेतै च़मकदै झिकल़ै बान्हीं मुंह सम्हनै। 31सह लागअ मुल्है इहअ बोलदअ, ‘हे कुरनेलिस, तेरी प्राथणां हेरी शूणीं और तेरै दान गऐ परमेशरा सेटा पुजी, 32तूह छ़ाड कसा याफा नगरी लै शमौना शधाणूं ज़हा पतरस बोला, और सह आसा समुंदरे बाढै च़ाम्भल़े बपारा करनै आल़े घरै पाहूंणअ।’ 33तेखअ छ़ाडै मंऐं तेभी ताह सेटा लै लोग और अह हुई बडी बधिया गल्ल कि तम्हैं आऐ, और ऐबै आसा हाम्हैं सोभै इधी परमेशरे सम्हनै, ताकि ज़ुंण ताखा परमेशरै आसा खोज़अ द, तेता हाम्हैं बी शूणीं सके।”
पतरसे शिक्षा
34तेखअ बोलअ पतरसै, “ऐबै हुअ मुंह पूरअ भरोस्सअ कि परमेशर निं कोही संघै भेदभाब करदअ। (बधान 10:17; 2 इतिहास 19:7)
35“इधी तैणीं कि हर ज़ाती दी ज़ुंण तेऊए डरा हेठै रहा, और धर्में काम करा, तेऊ करै हआ सह खुश। 36ज़ुंण बैण तेऊ इस्राएली सेटा पजैल़अ, ईशू मसीहा ज़ुंण सोभिओ प्रभू आसा तेऊ करै खोज़अ शांती दैणैं आल़अ खुशीओ समाद। (भज़न 107:20; 147:18; याशायाह 52:7; नहूम 1:15)
37“तेसा गल्लो आसा तम्हां का थोघ कि ज़ुंण गल्ला युहन्ने पाणीं दी डुबकी दैणें प्रच़ारा बाद गलील लाक्कै का शुरू हई करै सारै यहूदा लाक्कै कई ज़ैगा पुजी कि 38परमेशरै किहअ करै किअ नासरत नगरीए ईशूओ पबित्र आत्मां और शगती करै अभिषेक। सह रह भलाई करदअ और ज़ुंण राख्सै बरैबाद तै किऐ दै तिन्नां ठीक करदअ। किल्हैकि परमेशर करा त हर गल्ला लै तेऊए मज़त। (याशायाह 61:1)
39“हाम्हैं आसा तिन्नां कामें गवाह ज़ुंण तेऊ यहूदा लाक्कै और येरुशलेम नगरी बी किऐ और तिन्नैं मारअ सह काठे क्रूसा दी छ़ड़ाऊई करै। (बधान 21:22-23)
40“पर सह किअ परमेशरै चिऊथै धैल़ै ज़िऊंदअ, और प्रगट बी किअ। 41सोभी लोगा का निं पर तिन्नां गवाही का ज़ुंण परमेशरै पैहलै ई का छ़ांटै दै तै, मतलब-हाम्हैं, ज़ुंण तेऊए ज़िऊंदै हणैं का बाद तेऊ संघै खांदै-पिंदै बेठै।
42“तेऊ दैनअ हाम्हां लै इहअ हुकम कि सोभी लोगा का खोज़ा और एसा गल्ले दैआ गवाही कि ज़ुंण परमेशरै ज़िऊंदै और मूंऐं दै मणछो न्यायी बणांअ, सह आसा अह ई ईशू। 43तेऊए दैआ परमेशरे सोभै गूर गवाही कि ज़ुंण बी तेऊ दी विश्वास करे, तेऊ भेटणीं तेऊए नांओंआं करै पाप माफी।” (याशायाह 33:24; 53:5-6; यिर्मयाह 31:34; दानिएल 9:24)
होरी ज़ातीए लोगा लै पबित्र आत्मां एछणअ
44पतरस त इना गल्ला करदअ ई लागअ द कि पबित्र आत्मां होथअ तिन्नां सोभी शुणनै आल़ै प्रैंदै, 45ज़ेतरै यहूदी विश्वासी पतरसा संघै तै आऐ दै, तिंयां हुऐ रहैन कि होरी ज़ाती लै बी दैनअ पबित्र आत्मों दान! 46किल्हैकि तिन्नैं शूणैं तिंयां भांती-भांतीए बोली बोलदै और परमेशरे बड़ाई करदै।
47एता लै बोलअ पतरसै, “ऐबै कै इना कुंण पाणीं का रोक्की सका कि ईंयां डुबकी निं लऐ; ज़ुंणी हाम्हां ज़िहअ ई पबित्र आत्मों दान पाअ?” 48तेऊ बोलअ इहअ कि इना लै दैआ ईशू मसीहे नांओंए डुबकी। तेखअ लागै तिंयां पतरसा लै अरज़ करदै कि थोल़ै धैल़ै रहअ तूह हाम्हां संघै इधी।
Currently Selected:
शधाणूं 10: OSJNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
शधाणूं 10
10
कुरनेलिस पतरसा सेटा लै शधाणूं छ़ाडणैं
1कैसरिया नगरी त कुरनेलिस नांओं एक मणछ, सह आसा त इतालिनी नांओंऐं फौज़े दलो सुबैदार। 2सह आसा त धर्मीं मणछ और आपणैं सारै घरानै संघी रहा त सह परमेशरे डरा हेठै, और गरीब यहूदी मणछा लै दैआ त सह बडअ भारी दान और हर बगत करा त सह परमेशरा सेटा प्राथणां। 3धैल़ीए चिऊथै पहरा नेल़ भाल़अ तेऊ दर्शण कि परमेशरो एक स्वर्ग दूत आअ तेऊ सेटा भितरा लै और तेऊ बोलअ, “हे कुरनेलिस।”
4तेऊ भाल़अ बडै धैन लाई करै और हैल़ुई करै बोलअ, “हे प्रभू, किज़ै बोला?”
स्वर्ग दूतै बोलअ, “तेरी प्राथणां और तेरै दान पुजै परमेशरा सेटा, 5और याफा नगरी लै छ़ाड मणछ शमौना शधाणूं ज़हा लै पतरस बोला। 6सह आसा, शमौन च़ाम्भल़े बपारा करनै आल़ै सेटा पाहूंणअ ज़सरअ घर समुंदरे बाढै आसा।” 7ज़ांऊं सह स्वर्ग दूत ज़ुंणी तेऊ संघै गल्ला की ती, सह नाठअ, ता तेऊ दूई टैहलू ज़ुंण तेऊ सेटा रहा तै तिन्नां मांझ़ै शादअ एक भगत सपाही आप्पू सेटा लै। 8तिन्नां का सोभै गल्ला खोज़ी करै छ़ाडै तिंयां याफा नगरी लै।
पतरसो दर्शण
9दुजी धैल़ी ज़ांऊं तिंयां हांढदी-हांढदी याफा नगरी नेल़ पुजै ता दपहरा नेल़ त पतरस प्राथणां करदअ बेठअ द। 10पतरसा ती भुखै बी आई दी और सह च़ाहा त रोटी खाणअ। पर ज़ांऊं तिंयां रोटी बणांदै तै लागै दै, ता पतरसा निं सुध-बुध ई रही। 11तेऊ का शुझुअ कि सरग आसा घुआल़ी, और एक बडी च़ादरा ज़िहअ बडअ तराणअ आसा च़ऊ कुंणी का राशै करै बान्हअ द। सह च़ुंढुअ सरगा बाती पृथूई बाखा लै। 12तेऊ तराणैं दी आसा संसारे सोभी रंगे च़ऊ ज़ांघा हांढदै, रिंगणैं आल़ै सोभै ज़ीब और सरगे च़ेल्लू पखीरू। 13पतरसै शूणअ ज़ोरै एक बोल, “हे पतरस, उझ़ू इना मार और खा।”
14पर पतरसै बोलअ, “प्रभू, हुंह निं छ़ोत लाणैं आल़ी च़िज़ा कधि खाई सकदअ; किल्हैकि ज़ुंण च़िज़ा शुची निं आथी तिंयां निं मंऐं आझ़ तैणीं कधि खाई।” (लेबी बधान 11:1-47; यजकेल 4:14)
15तेखअ शूणअ तेऊ दुजी बारी परमेशरो इहअ बोल, “हुंह आसा परमेशर ज़ुंण मणछ मंऐं शुचै आसा किऐ दै, तिन्नां लै निं तूह छ़ोतलै बोलै।” 16चिई बारी हुअ इहअ ई; तेखअ च़कअ सह बडअ तराणअ तेभी उझै सरगा लै।
17पतरस त आपणैं मनैं दबिधा दी कि ज़ुंण अह दर्शण मंऐं भाल़अ, एतो कै मतलब आसा? ता हेरा, तिधी आऐ तिंयां मणछ ज़ुंण कैसरिया नगरी का कुरनेलिस तै मुंह सेटा लै छ़ाडै दै, तिन्नैं शमौने घरो थोघ पुछ़ी करै पुजै तिंयां तिधी दुआरे डेहल़ा बागै। 18तिन्नैं लाई बागा का हाक्का कि शमौन, ज़हा लै पतरस बोला, सह इधी आसा पाहूंणअ?
19पतरस त लागअ द तेऊ दर्शणें बारै सोठदअ ई कि पबित्र आत्मां बोलअ तेऊ लै, “भाल़ चअन मणछ आसा ताह लोल़ै लागै दै।
20“उझ़ू और उंधै डेऊ तिंयां आसा ता होरी ज़ातीए एसा गल्लो फिकर निं तूह करी, च़ुप-च़ुपै लाग तिन्नां पिछ़ू हांढदअ किल्हैकि तिंयां आसा मंऐं छ़ाडै दै।”
21तेखअ आअ पतरस तिन्नां सेटा लै और तिन्नां मणछा का पुछ़अ, “ज़हा लोल़ै तम्हैं आसा लागै दै, सह आसा हुंह ई। तम्हैं किज़ू कामैं आसा आऐ दै?”
22तिन्नैं बोलअ, “हाम्हैं आसा छ़ाडै दै कुरनेलिस सुबैदारै, सह आसा धर्मीं और परमेशरे डरा हेठै रहणैं आल़अ और सारी यहूदी ज़ाती दी आसा तेऊओ थोघ कि सह किहअ भलअ मणछ आसा। तेऊ लै बोलअ एकी पबित्र स्वर्ग दूतै, ‘पतरसा शाद आपणैं घरा लै और तेऊ का शुण बैण।’” 23तेखअ शादै पतरसै तिंयां घरा भितरा लै और तिन्नां लै बोलअ, “आझ़ दैआ बैल़ी रहणैं।”
कुरनेलिस मणछे घरै पतरस
दुजै धैल़ै नाठअ सह तिन्नां संघै याफा नगरी लै और याफा नगरीए भाई मांझ़ै हुऐ कई तेऊ संघा।
24तेखअ पुजै तिंयां कैसरिया नगरी और कुरनेलिस त आपणैं टबरा और साथी भाई संघै न्हैल़अ लागअ द। 25ज़ांऊं पतरस भितरा लै त लागअ द एछदअ ता कुरनेलिस आअ तेऊ सेटा लै मिलदअ और तेऊ सेटा टेक्कअ माथअ। 26पर पतरसै बोलअ तेऊ लै, “खल़अ उझ़ू, हुंबी आसा ताह ई ज़िहअ मणछ ताह निं लागदअ मुंह सेटा माथअ टेकणअ।” 27तेऊ संघै गल्ला करदी नाठअ सह भितरा लै और तिधी हुऐ बडै भारी लोग कठा।
28पतरसै बोलअ तिन्नां लै, “तम्हां का आसा एसा गल्लो थोघ कि होरी ज़ाती संघा रहणअ या तिन्नां सेटा डेऊणअ हआ यहूदी लै बधाने साबै गलत। पर परमेशरै खोज़अ मुखा इहअ, ‘कोही मणछा लै निं लागी ज़ुठै और छ़ोतलै बोलदै।’ 29तैहीता ज़ांऊं तम्हैं हुंह शादअ, ता हुंह लागअ च़ुप-च़ुपै हांढदअ। पर ऐबै पुछ़ा हुंह कि तम्हैं हुंह इधी किज़ू कामैं शादअ?”
30कुरनेलिस बोलअ, “एसा गल्ला हुऐ आझ़ पूरै च़ार धैल़ै कि हुंह त चिऊथै पहरै लागअ द प्राथणां करदअ। एक मणछ खल़्हुअ शेतै च़मकदै झिकल़ै बान्हीं मुंह सम्हनै। 31सह लागअ मुल्है इहअ बोलदअ, ‘हे कुरनेलिस, तेरी प्राथणां हेरी शूणीं और तेरै दान गऐ परमेशरा सेटा पुजी, 32तूह छ़ाड कसा याफा नगरी लै शमौना शधाणूं ज़हा पतरस बोला, और सह आसा समुंदरे बाढै च़ाम्भल़े बपारा करनै आल़े घरै पाहूंणअ।’ 33तेखअ छ़ाडै मंऐं तेभी ताह सेटा लै लोग और अह हुई बडी बधिया गल्ल कि तम्हैं आऐ, और ऐबै आसा हाम्हैं सोभै इधी परमेशरे सम्हनै, ताकि ज़ुंण ताखा परमेशरै आसा खोज़अ द, तेता हाम्हैं बी शूणीं सके।”
पतरसे शिक्षा
34तेखअ बोलअ पतरसै, “ऐबै हुअ मुंह पूरअ भरोस्सअ कि परमेशर निं कोही संघै भेदभाब करदअ। (बधान 10:17; 2 इतिहास 19:7)
35“इधी तैणीं कि हर ज़ाती दी ज़ुंण तेऊए डरा हेठै रहा, और धर्में काम करा, तेऊ करै हआ सह खुश। 36ज़ुंण बैण तेऊ इस्राएली सेटा पजैल़अ, ईशू मसीहा ज़ुंण सोभिओ प्रभू आसा तेऊ करै खोज़अ शांती दैणैं आल़अ खुशीओ समाद। (भज़न 107:20; 147:18; याशायाह 52:7; नहूम 1:15)
37“तेसा गल्लो आसा तम्हां का थोघ कि ज़ुंण गल्ला युहन्ने पाणीं दी डुबकी दैणें प्रच़ारा बाद गलील लाक्कै का शुरू हई करै सारै यहूदा लाक्कै कई ज़ैगा पुजी कि 38परमेशरै किहअ करै किअ नासरत नगरीए ईशूओ पबित्र आत्मां और शगती करै अभिषेक। सह रह भलाई करदअ और ज़ुंण राख्सै बरैबाद तै किऐ दै तिन्नां ठीक करदअ। किल्हैकि परमेशर करा त हर गल्ला लै तेऊए मज़त। (याशायाह 61:1)
39“हाम्हैं आसा तिन्नां कामें गवाह ज़ुंण तेऊ यहूदा लाक्कै और येरुशलेम नगरी बी किऐ और तिन्नैं मारअ सह काठे क्रूसा दी छ़ड़ाऊई करै। (बधान 21:22-23)
40“पर सह किअ परमेशरै चिऊथै धैल़ै ज़िऊंदअ, और प्रगट बी किअ। 41सोभी लोगा का निं पर तिन्नां गवाही का ज़ुंण परमेशरै पैहलै ई का छ़ांटै दै तै, मतलब-हाम्हैं, ज़ुंण तेऊए ज़िऊंदै हणैं का बाद तेऊ संघै खांदै-पिंदै बेठै।
42“तेऊ दैनअ हाम्हां लै इहअ हुकम कि सोभी लोगा का खोज़ा और एसा गल्ले दैआ गवाही कि ज़ुंण परमेशरै ज़िऊंदै और मूंऐं दै मणछो न्यायी बणांअ, सह आसा अह ई ईशू। 43तेऊए दैआ परमेशरे सोभै गूर गवाही कि ज़ुंण बी तेऊ दी विश्वास करे, तेऊ भेटणीं तेऊए नांओंआं करै पाप माफी।” (याशायाह 33:24; 53:5-6; यिर्मयाह 31:34; दानिएल 9:24)
होरी ज़ातीए लोगा लै पबित्र आत्मां एछणअ
44पतरस त इना गल्ला करदअ ई लागअ द कि पबित्र आत्मां होथअ तिन्नां सोभी शुणनै आल़ै प्रैंदै, 45ज़ेतरै यहूदी विश्वासी पतरसा संघै तै आऐ दै, तिंयां हुऐ रहैन कि होरी ज़ाती लै बी दैनअ पबित्र आत्मों दान! 46किल्हैकि तिन्नैं शूणैं तिंयां भांती-भांतीए बोली बोलदै और परमेशरे बड़ाई करदै।
47एता लै बोलअ पतरसै, “ऐबै कै इना कुंण पाणीं का रोक्की सका कि ईंयां डुबकी निं लऐ; ज़ुंणी हाम्हां ज़िहअ ई पबित्र आत्मों दान पाअ?” 48तेऊ बोलअ इहअ कि इना लै दैआ ईशू मसीहे नांओंए डुबकी। तेखअ लागै तिंयां पतरसा लै अरज़ करदै कि थोल़ै धैल़ै रहअ तूह हाम्हां संघै इधी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.