शधाणूं 18
18
कुरिन्थ नगरी दी
1तेखअ आअ पल़सी एथेंस नगरी छ़ाडी कुरिन्थ नगरी लै, 2और तिधी भेटअ एकी अकबिला नांओंए यहूदी का, तेऊए ज़ल्म त पुंतुस नांओंए लाक्कै हुअ द; और तेऊए लाल़ी प्रिस्किला संघै आअ त सह नऊंअ-नऊंअ इटल़ी देशा का कुरिन्थ नगरी लै। किल्हैकि क्लौदिउस माहा राज़ै दैनअ त सोभी यहूदी लै रोम नगरी का डेऊणेओ हुकम। पल़सी नाठअ तिन्नां सेटा लै। 3अकबिला और प्रिस्किला करा तै तरपाला बणांणैं और बेच़णेंओ बपार और पल़सीओ बी त अह ई बपार। एते तैणीं रहअ पल़सी तिन्नां संघा और तिन्नैं किअ कठा काम।
4हर बशैघे धैल़ै डेओआ त पल़सी यहूदी लोगे आराधना सभा दी ज़िधी सह यहूदी और यूनानी संघै गल्ला करी ईशूए बारै खोज़ा त।
5ज़ांऊं मकिदुनिया लाक्कै का सिलास और तिमुतुस कुरिन्थ नगरी आऐ, ता पल़सी रहअ आपणैं काम छ़ाडी पबित्र आत्में साबै यहूदी लोगा का खोज़दअ लागी कि ईशू ई आसा मसीहा। 6पर ज़ांऊं यहूदी पल़सीओ बरोध और निंदा करदै लागै, ता तेऊ बोलअ आपणैं झिकल़ै ठुल़्हकी करै तिन्नां लै, “थारअ लोहू लोल़ी थारै कैल़ै पल़अ, हुंह आसा एता का नर्दोश, ऐबै डेऊणअ मुंह होरी ज़ाती सेटा लै।”
7तिधा का आअ पल़सी तितुस युस्तुस नांओंए एकी परमेशरे भगत मणछे घरा लै तेऊओ घर त ज़सरअ घर आराधना कोठी नेल़। 8तेखअ क्रिस्पुस नांओंए आराधना कोठीए कारदारै किअ आपणैं सारै टबरा संघी प्रभू दी विश्वास और कई कुरिन्थ नगरी का आऐ दै लोग बी बणैं विश्वासी और मन बदल़ी करै डुबकी लई।
9प्रभू बोलअ राची दर्शण दैई पल़सी लै, “डरै निं आथी, खुशीए समादा खोज़दअ रह लागी, च़ुप्पी निं रही। 10किल्हैकि हुंह आसा ताह संघा और कोहै निं ताल्है हान्नी करी सकदअ। किल्हैकि एसा नगरी दी आसा मेरै कई भगत।” (याशायाह 41:10; 43:5; यिर्मयाह 1:8)
11इहअ करै रहअ पल़सी तिन्नां मांझ़ै परमेशरे बैणा सखाऊंदअ देहुल़ साला तैणीं।
12ज़धू गलिओ त अखाया लाक्कैओ राजपाल, तधू किअ यहूदी लोगै आप्पू मांझ़ै एक्कअ और तिंयां आऐ पल़सी संघै च़िखदै और पल़सी निंयं दालता लै और तेऊ लै लाअ इहअ दोश, 13“अह सखाऊआ लोगा का इहअ कि परमेशरे भगती करनी एऊ साबै, ज़ुंण म्हारै यहूदी बधाना का बिलकुल उंबल़ी आसा।”
14ज़ांऊं पल़सी किज़ै बोली लाअ त, गलिओ लागअ तिन्नां यहूदी लोगा लै इहअ बोलदअ, “हे यहूदी मणछो, ज़ै अह बूरअ या ज़ुल्म करनै आल़अ हंदअ, तै त ठीक की हुंह शुणदअ थारी। 15पर तम्हैं आसा लागै दै बधाने बैण और नांओंए बारै हठल़दै ज़ुंण थारै आपणैं यहूदी शास्त्रा दी आसा। तम्हैं करा एते बारै आप्पै एऊ संघै गल्ला, हुंह निं एतो न्याय करी सकदअ!” 16तेखअ काढै तेऊ तिंयां न्याय आसना का बागै। 17तिन्नां मांझ़ै कई लोगै ढाकअ आराधना कोठीओ कारदार सोस्थिनेस और न्याय राज़गादी सम्हनै च़िकअ बी। पर गलिओ निं इना गल्ले किछ़ै फिकर की।
अन्ताकिया लै बापस फिरनअ
18पल़सी रहअ कुरिन्थ नगरी खास्सै धैल़ै और होरी विश्वासी भाई का बिदा हई करै आअ किंखिया नगरी। तिधी किअ तेऊ आपणअ मुंडन किल्हैकि तेऊ ती तेते मानत मनी दी। तिधा का ज़हाज़ा दी बेशी करै नाठअ सिरीया लाक्कै लै और तेऊ संघै तै प्रिस्किला और अकबिला बी। (गणांई 6:18)
19पल़सी छ़ाडै प्रिस्किला और अकबिला इफिसुस नगरी पुजी करै तिधी और आप्पू लागअ आराधना कोठी दी डेऊई करै यहूदी लोगा का ईशूए बारै खोज़दअ। 20ज़ांऊं तिन्नैं पल़सी सेटा अरज़ करदै लागै थोल़ै धैल़ै दै हाम्हां सेटा रहणैं पर पल़सी किअ नांईं। 21पर तिन्नां लै इहअ बोली करै लागअ सह तिधा का हांढदअ, “ज़ै परमेशर च़ाहे तै एछणअ हुंह तम्हां सेटा लै फिरी।” 22तेखअ पुजअ पल़सी इफिसुस नगरी का ज़हाज़ खोल्ही करै और कैसरिया लाक्कै, संघा नाठअ येरुशलेम नगरी लै और विश्वासीए मंडल़ी लै राज़ी-खुशी दैई करै आअ अन्ताकिया नगरी लै।
खुशीए समादा खोज़णा लै पल़सीए चिऊथी हांढ
23तेखअ थोल़ै धैल़ै तिधी रही करै नाठअ तिधा का और एकी बाखा गलाती और फ्रूगिआ लाक्कै, संघा लागअ च़ेल्लै लै हैअ दैई आजू हांढदअ।
इफिसुस नगरी दी अपूलोस
24अपूलोस नांओं एक यहूदी आअ इफिसुस नगरी लै, ज़ुंण सिकंदरीया नगरी दी त पैईदा हुअ द, सह आसा त पबित्र शास्त्रो ज़ाणकार। 25तेऊ का आसा त थोघ कि प्रभू सेटा डेऊणे असली बात कुंण आसा और सह खोज़ा त मन लाई करै प्रभू ईशूए बारै ठीक-ठीक, और सखाऊआ बी त, पर तेऊ का आसा त सिधअ युहन्ने पाणीं दी डुबकी दैणें बारै ज़ाणकारी। 26सह लागअ यहूदी आराधना कोठी दी नडरै हई करै बोलदअ। पर तेऊए गल्ला शूणीं करै आणअ सह प्रिस्किला और अकबिला आप्पू सेटा लै और परमेशरे गल्ला समझ़ाऊई तेऊ का होर बी राम्बल़ै करै।
27ज़ांऊं अपूलोसै पारा बाखा होथी करै अखाया लै डेऊणेओ बच़ार किअ ता होरी विश्वासी भाई लिखी हैअ दैई करै यूनान रहणैं आल़ै विश्वासी च़ेल्लै लै च़िठी कि एऊ संघै मिलै शोभलै करै। तेऊ की तिधी पुजी करै तिन्नें बडी भारी मज़त, ज़ुंणी जशा दी विश्वास किअ त। 28किल्हैकि अपूलोस दैआ त पबित्र शास्त्रा का यहूदी लै सबूत कि ईशू मसीहा ई आसा मसीहा, ज़ेभै सह शास्त्र पहल़ा त, लोगा का निं तेतो कोई ज़बाब हंदअ त।
Currently Selected:
शधाणूं 18: OSJNT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
शधाणूं 18
18
कुरिन्थ नगरी दी
1तेखअ आअ पल़सी एथेंस नगरी छ़ाडी कुरिन्थ नगरी लै, 2और तिधी भेटअ एकी अकबिला नांओंए यहूदी का, तेऊए ज़ल्म त पुंतुस नांओंए लाक्कै हुअ द; और तेऊए लाल़ी प्रिस्किला संघै आअ त सह नऊंअ-नऊंअ इटल़ी देशा का कुरिन्थ नगरी लै। किल्हैकि क्लौदिउस माहा राज़ै दैनअ त सोभी यहूदी लै रोम नगरी का डेऊणेओ हुकम। पल़सी नाठअ तिन्नां सेटा लै। 3अकबिला और प्रिस्किला करा तै तरपाला बणांणैं और बेच़णेंओ बपार और पल़सीओ बी त अह ई बपार। एते तैणीं रहअ पल़सी तिन्नां संघा और तिन्नैं किअ कठा काम।
4हर बशैघे धैल़ै डेओआ त पल़सी यहूदी लोगे आराधना सभा दी ज़िधी सह यहूदी और यूनानी संघै गल्ला करी ईशूए बारै खोज़ा त।
5ज़ांऊं मकिदुनिया लाक्कै का सिलास और तिमुतुस कुरिन्थ नगरी आऐ, ता पल़सी रहअ आपणैं काम छ़ाडी पबित्र आत्में साबै यहूदी लोगा का खोज़दअ लागी कि ईशू ई आसा मसीहा। 6पर ज़ांऊं यहूदी पल़सीओ बरोध और निंदा करदै लागै, ता तेऊ बोलअ आपणैं झिकल़ै ठुल़्हकी करै तिन्नां लै, “थारअ लोहू लोल़ी थारै कैल़ै पल़अ, हुंह आसा एता का नर्दोश, ऐबै डेऊणअ मुंह होरी ज़ाती सेटा लै।”
7तिधा का आअ पल़सी तितुस युस्तुस नांओंए एकी परमेशरे भगत मणछे घरा लै तेऊओ घर त ज़सरअ घर आराधना कोठी नेल़। 8तेखअ क्रिस्पुस नांओंए आराधना कोठीए कारदारै किअ आपणैं सारै टबरा संघी प्रभू दी विश्वास और कई कुरिन्थ नगरी का आऐ दै लोग बी बणैं विश्वासी और मन बदल़ी करै डुबकी लई।
9प्रभू बोलअ राची दर्शण दैई पल़सी लै, “डरै निं आथी, खुशीए समादा खोज़दअ रह लागी, च़ुप्पी निं रही। 10किल्हैकि हुंह आसा ताह संघा और कोहै निं ताल्है हान्नी करी सकदअ। किल्हैकि एसा नगरी दी आसा मेरै कई भगत।” (याशायाह 41:10; 43:5; यिर्मयाह 1:8)
11इहअ करै रहअ पल़सी तिन्नां मांझ़ै परमेशरे बैणा सखाऊंदअ देहुल़ साला तैणीं।
12ज़धू गलिओ त अखाया लाक्कैओ राजपाल, तधू किअ यहूदी लोगै आप्पू मांझ़ै एक्कअ और तिंयां आऐ पल़सी संघै च़िखदै और पल़सी निंयं दालता लै और तेऊ लै लाअ इहअ दोश, 13“अह सखाऊआ लोगा का इहअ कि परमेशरे भगती करनी एऊ साबै, ज़ुंण म्हारै यहूदी बधाना का बिलकुल उंबल़ी आसा।”
14ज़ांऊं पल़सी किज़ै बोली लाअ त, गलिओ लागअ तिन्नां यहूदी लोगा लै इहअ बोलदअ, “हे यहूदी मणछो, ज़ै अह बूरअ या ज़ुल्म करनै आल़अ हंदअ, तै त ठीक की हुंह शुणदअ थारी। 15पर तम्हैं आसा लागै दै बधाने बैण और नांओंए बारै हठल़दै ज़ुंण थारै आपणैं यहूदी शास्त्रा दी आसा। तम्हैं करा एते बारै आप्पै एऊ संघै गल्ला, हुंह निं एतो न्याय करी सकदअ!” 16तेखअ काढै तेऊ तिंयां न्याय आसना का बागै। 17तिन्नां मांझ़ै कई लोगै ढाकअ आराधना कोठीओ कारदार सोस्थिनेस और न्याय राज़गादी सम्हनै च़िकअ बी। पर गलिओ निं इना गल्ले किछ़ै फिकर की।
अन्ताकिया लै बापस फिरनअ
18पल़सी रहअ कुरिन्थ नगरी खास्सै धैल़ै और होरी विश्वासी भाई का बिदा हई करै आअ किंखिया नगरी। तिधी किअ तेऊ आपणअ मुंडन किल्हैकि तेऊ ती तेते मानत मनी दी। तिधा का ज़हाज़ा दी बेशी करै नाठअ सिरीया लाक्कै लै और तेऊ संघै तै प्रिस्किला और अकबिला बी। (गणांई 6:18)
19पल़सी छ़ाडै प्रिस्किला और अकबिला इफिसुस नगरी पुजी करै तिधी और आप्पू लागअ आराधना कोठी दी डेऊई करै यहूदी लोगा का ईशूए बारै खोज़दअ। 20ज़ांऊं तिन्नैं पल़सी सेटा अरज़ करदै लागै थोल़ै धैल़ै दै हाम्हां सेटा रहणैं पर पल़सी किअ नांईं। 21पर तिन्नां लै इहअ बोली करै लागअ सह तिधा का हांढदअ, “ज़ै परमेशर च़ाहे तै एछणअ हुंह तम्हां सेटा लै फिरी।” 22तेखअ पुजअ पल़सी इफिसुस नगरी का ज़हाज़ खोल्ही करै और कैसरिया लाक्कै, संघा नाठअ येरुशलेम नगरी लै और विश्वासीए मंडल़ी लै राज़ी-खुशी दैई करै आअ अन्ताकिया नगरी लै।
खुशीए समादा खोज़णा लै पल़सीए चिऊथी हांढ
23तेखअ थोल़ै धैल़ै तिधी रही करै नाठअ तिधा का और एकी बाखा गलाती और फ्रूगिआ लाक्कै, संघा लागअ च़ेल्लै लै हैअ दैई आजू हांढदअ।
इफिसुस नगरी दी अपूलोस
24अपूलोस नांओं एक यहूदी आअ इफिसुस नगरी लै, ज़ुंण सिकंदरीया नगरी दी त पैईदा हुअ द, सह आसा त पबित्र शास्त्रो ज़ाणकार। 25तेऊ का आसा त थोघ कि प्रभू सेटा डेऊणे असली बात कुंण आसा और सह खोज़ा त मन लाई करै प्रभू ईशूए बारै ठीक-ठीक, और सखाऊआ बी त, पर तेऊ का आसा त सिधअ युहन्ने पाणीं दी डुबकी दैणें बारै ज़ाणकारी। 26सह लागअ यहूदी आराधना कोठी दी नडरै हई करै बोलदअ। पर तेऊए गल्ला शूणीं करै आणअ सह प्रिस्किला और अकबिला आप्पू सेटा लै और परमेशरे गल्ला समझ़ाऊई तेऊ का होर बी राम्बल़ै करै।
27ज़ांऊं अपूलोसै पारा बाखा होथी करै अखाया लै डेऊणेओ बच़ार किअ ता होरी विश्वासी भाई लिखी हैअ दैई करै यूनान रहणैं आल़ै विश्वासी च़ेल्लै लै च़िठी कि एऊ संघै मिलै शोभलै करै। तेऊ की तिधी पुजी करै तिन्नें बडी भारी मज़त, ज़ुंणी जशा दी विश्वास किअ त। 28किल्हैकि अपूलोस दैआ त पबित्र शास्त्रा का यहूदी लै सबूत कि ईशू मसीहा ई आसा मसीहा, ज़ेभै सह शास्त्र पहल़ा त, लोगा का निं तेतो कोई ज़बाब हंदअ त।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.