मत्ती 28
28
यीशु रा ज़िन्दा होंणा
1बशाँ रै ध्याड़ै बाद तुआरै री दोतियै मरियम मगदलीनी होर दुज़ी मरियम कब्रा हागै नौठी। 2शुणा एक बड़ी ज़ौज़री हुई, होर एक स्वर्गदूत तौखै उतरु तेइयै भेटी एज़िया सौ बड़ा पात्थर लुढ़काऊ, होर तेई पैंधै बेठा। 3तेइरा रूप बिजली सांही च़मकदा लागा ती होर तेइरै झिकड़ै हिंऊँआ सांही शेतै ती। 4ते पैहरैदार ज़ो कब्रा रा पैहरा देंदै लागै ती ते डौरै लाइया कोमदै लागै, होर मूँऐंदै सांही हुऐ। 5तैबै स्वर्गदूतै तिन्हां बेटड़ी बै बोलू, “डौरदी मता, हांऊँ ज़ाणा सा कि तुसै यीशु बै तोपदी लागी सी ज़ो क्रूसा पैंधै च़ढ़ाऊ ती। 6सौ औखै नी ऑथि, ज़ैण्ढा तेइयै बोलू ती सौ मौरै न बाद ज़िन्दा हुआ सा। एज़ा, तेसा ज़ैगा बै हेरा ज़ौखै सौ रैखू ती। 7तुसै तुरन्त ज़ात होर तेइरै च़ेले बै बोला, कि सौ ज़िन्दा हुआ सा होर तुसा न पैहलै गलीला बै ज़ाँदा लागा सा, तुसा सौ तौखै हेरना, ज़ो मैं बोलू तेइबै याद रखेइत्।” 8होर तै बेटड़ी डौर होर बड़ी खुशी सैंघै च़ेले बै दैसणै री तैंईंयैं कब्रा न दौड़िया नौठी।
बेटड़ी बै यीशु रै दर्शन
9च़ानक यीशु तिन्हां बै मिलू होर बोलू, “ओहो तुसै सी।” ते बेटड़ी यीशु हागै आई होर तिन्हैं यीशु री ज़ोंघा ढौकिया प्रणाम केरु। 10तैबै यीशुऐ तिन्हां बै बोलू, “डौरदी मता मेरै च़ेले हागै ज़ाइआ तिन्हां बै बोला गलीला बै च़ला तुसा हांऊँ तौखै हेरना।”
पौहरेदारा री खबर
11ते बेटड़ी च़ेले बै ऐ खबर दसणै री तैंईंयैं हाज़ी बौता न ती, कि पौहरैदारा मौंझ़ै किछ़ तिन्हां न पैहलै ग्राँ न ज़ाइआ ऐ घटना मुख्यपुरोहिता बै दसी। 12तिन्हैं स्याणै यहूदी नेता सैंघै मिलिया एक तरकीब बणाई। तिन्हैं सपाई बै बोहू सारा च़ाँदी देईया बोलू, 13“तुसै लोका बै बोलीत् कि यीशु रै च़ेले राती ज़ैबै आसै सोंदै लागै ती, आऐ होर यीशु री लाश च़ोरिया नैंई। 14अगर तुसरी ऐ गैल राज़पाला हागै पुजा सा ता आसा सौ समझ़ाणा होर तुसाबै किछ़ नी होंणै देणा।” 15पहरैदारै तिन्हां ढैबुऐ नेइया तैण्ढाऐ केरू होर ऐ गैल यहूदी रै बिच़ा न ऐसा रीतियै फैली सा।
यीशु रा हेरिना होर आखरी हुक्म
16तैबै ते ग्यारा च़ेले गलीला न तेसा ज़ैगा बै नौठै ज़ो ज़ैगा यीशुऐ तिन्हां बै दसी ती। 17ज़ैबै तिन्हैं यीशु हेरू ता तिन्हैं तेइबै प्रणाम केरु पर कौसी-कौसी बै शक हुआ कि सौ ज़िन्दा वापस आऊ। 18तैबै यीशुऐ तिन्हां हागै एज़िया बोलू, “स्वर्ग होर धौरती रा सारा हक मुँभै धिना सा। 19ऐबै तुसै ज़ाआत् होर सैभी ज़ाति बै मेरा च़ेला बणात् होर तिन्हां बै परमेश्वर पिता, बेटै होर पवित्र आत्मै रै नाँ न बपतिस्मा दैआत्, 20तिन्हां बै तिन्हां सारै हुक्म मनणा सिखात् ज़ो मैं तुसाबै सीखाई। शुणा, हांऊँ दुनिया रै आखरी तैंईंयैं तुसा सैंघै सा।”
Currently Selected:
मत्ती 28: KFX-NT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
मत्ती 28
28
यीशु रा ज़िन्दा होंणा
1बशाँ रै ध्याड़ै बाद तुआरै री दोतियै मरियम मगदलीनी होर दुज़ी मरियम कब्रा हागै नौठी। 2शुणा एक बड़ी ज़ौज़री हुई, होर एक स्वर्गदूत तौखै उतरु तेइयै भेटी एज़िया सौ बड़ा पात्थर लुढ़काऊ, होर तेई पैंधै बेठा। 3तेइरा रूप बिजली सांही च़मकदा लागा ती होर तेइरै झिकड़ै हिंऊँआ सांही शेतै ती। 4ते पैहरैदार ज़ो कब्रा रा पैहरा देंदै लागै ती ते डौरै लाइया कोमदै लागै, होर मूँऐंदै सांही हुऐ। 5तैबै स्वर्गदूतै तिन्हां बेटड़ी बै बोलू, “डौरदी मता, हांऊँ ज़ाणा सा कि तुसै यीशु बै तोपदी लागी सी ज़ो क्रूसा पैंधै च़ढ़ाऊ ती। 6सौ औखै नी ऑथि, ज़ैण्ढा तेइयै बोलू ती सौ मौरै न बाद ज़िन्दा हुआ सा। एज़ा, तेसा ज़ैगा बै हेरा ज़ौखै सौ रैखू ती। 7तुसै तुरन्त ज़ात होर तेइरै च़ेले बै बोला, कि सौ ज़िन्दा हुआ सा होर तुसा न पैहलै गलीला बै ज़ाँदा लागा सा, तुसा सौ तौखै हेरना, ज़ो मैं बोलू तेइबै याद रखेइत्।” 8होर तै बेटड़ी डौर होर बड़ी खुशी सैंघै च़ेले बै दैसणै री तैंईंयैं कब्रा न दौड़िया नौठी।
बेटड़ी बै यीशु रै दर्शन
9च़ानक यीशु तिन्हां बै मिलू होर बोलू, “ओहो तुसै सी।” ते बेटड़ी यीशु हागै आई होर तिन्हैं यीशु री ज़ोंघा ढौकिया प्रणाम केरु। 10तैबै यीशुऐ तिन्हां बै बोलू, “डौरदी मता मेरै च़ेले हागै ज़ाइआ तिन्हां बै बोला गलीला बै च़ला तुसा हांऊँ तौखै हेरना।”
पौहरेदारा री खबर
11ते बेटड़ी च़ेले बै ऐ खबर दसणै री तैंईंयैं हाज़ी बौता न ती, कि पौहरैदारा मौंझ़ै किछ़ तिन्हां न पैहलै ग्राँ न ज़ाइआ ऐ घटना मुख्यपुरोहिता बै दसी। 12तिन्हैं स्याणै यहूदी नेता सैंघै मिलिया एक तरकीब बणाई। तिन्हैं सपाई बै बोहू सारा च़ाँदी देईया बोलू, 13“तुसै लोका बै बोलीत् कि यीशु रै च़ेले राती ज़ैबै आसै सोंदै लागै ती, आऐ होर यीशु री लाश च़ोरिया नैंई। 14अगर तुसरी ऐ गैल राज़पाला हागै पुजा सा ता आसा सौ समझ़ाणा होर तुसाबै किछ़ नी होंणै देणा।” 15पहरैदारै तिन्हां ढैबुऐ नेइया तैण्ढाऐ केरू होर ऐ गैल यहूदी रै बिच़ा न ऐसा रीतियै फैली सा।
यीशु रा हेरिना होर आखरी हुक्म
16तैबै ते ग्यारा च़ेले गलीला न तेसा ज़ैगा बै नौठै ज़ो ज़ैगा यीशुऐ तिन्हां बै दसी ती। 17ज़ैबै तिन्हैं यीशु हेरू ता तिन्हैं तेइबै प्रणाम केरु पर कौसी-कौसी बै शक हुआ कि सौ ज़िन्दा वापस आऊ। 18तैबै यीशुऐ तिन्हां हागै एज़िया बोलू, “स्वर्ग होर धौरती रा सारा हक मुँभै धिना सा। 19ऐबै तुसै ज़ाआत् होर सैभी ज़ाति बै मेरा च़ेला बणात् होर तिन्हां बै परमेश्वर पिता, बेटै होर पवित्र आत्मै रै नाँ न बपतिस्मा दैआत्, 20तिन्हां बै तिन्हां सारै हुक्म मनणा सिखात् ज़ो मैं तुसाबै सीखाई। शुणा, हांऊँ दुनिया रै आखरी तैंईंयैं तुसा सैंघै सा।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.