मत्ती 6:16-18

मत्ती 6:16-18 KFX-NT

“ज़ैबै तुसै ब्रत केरलै, ता कपटी सांही मुँह बणाईया मता बैशदै, किबैकि ते लोका बै रिहाणै री तैंईंयैं आपणा मुँह बणाईया बैशा सी, कि तिन्हैं ब्रत केरू सा। हांऊँ तुसाबै सच़ बोला सा, कि तिन्हां बै तिन्हरा ईनाम मिलू। पर ज़ैबै तू ब्रत केरला ता आपणी मुँडी न तेल मौल़ी होर मुँह धोई, ताकि लोका बै पता नी च़लू लोड़ी कि तू ब्रत केरदा लागा सा। बल्कि तेरा परमेश्वर ज़ुणिबै तू हेरी नी सकदा, सौ तौभै हेरला कि तू ब्रत केरदा लागा सा। तैबै तेरै परमेश्वरा ज़ो किछ़ कोम तू च़ुपच़ाप केरा सा तेथा रा तौभै ईनाम देणा।”

Read मत्ती 6

Listen to मत्ती 6