मरकुस 12
12
दुष्ट किसाना रा उदाहरण
1यीशु तिन्हां यहूदी नेता सैंघै उदाहरणा न तिन्हां बै बोलदा लागा, “एकी मांहणुऐ अँगूरा रा एक बगीच़ा लाऊ होर तेई बगीच़ै रै च़ोहू पासै दीवार खड़ी केरी। तैबै अँगूरा रा रस खोलणै री तैंईंयैं एक खाच़ कोतू, होर एक टापरा बणाऊ; होर किसाना बै ठेके पैंधै देईया प्रदेशा बै नौठा। 2तैबै अँगूर पौकणै रै मौसमा न तेइयै तिन्हां हागै आपणा एक नोकर भेज़ू ताकि सौ बगीच़ै रै अँगूरा रा हिस्सा आंणला। 3पर तिन्हैं किसानै ढौकिया तेई नोकरै री पिटाई केरी होर सौ खाली हौथ वापस भेज़ू। 4तेइयै एक होर नोकर तिन्हां हागै भेज़ू। तिन्हैं तेइरी मुँडी न बाहिया तेइरा बुरी तैरहा अपमान केरू। 5तेइयै तैबै एक होर नोकर भेज़ू होर तिन्हैं तेइरा लोहू केरू। तेइयै ऐण्ढै कई होर नोकर भी भेज़ै होर तिन्हैं तिन्हरी पिटाई केरी होर केतरै तिन्हैं ज़ानियै मकाऐ।
6 “ऐबै ऐकै रौहू ती, ज़ुण तेइरा प्यारा बेटा ती, होर सैभी न बाद तेइयै ऐ सोचिया आपणा बेटा भेज़ू, ‘कि तै मेरै बेटै रा आदर केरलै।’
7 “तिन्हैं किसानै एकी होरी बै बोलू, ‘ऐ ता तेइरा वारिस सा। एज़ा आसा ऐ मारना होर आसा वारिस होंणा।’ 8होर तिन्हैं सौ ढौकिया मारू होर ज़ानियै मकाइया अँगूरा रै बगीच़ै बाहरै शेटू।
9 “ऐबै अँगूरै रै बगीच़ै रै मालका कि केरना? तेई एज़िया ते किसान मारनै होर बगीच़ा होरी बै देणा। 10कि तुसै शास्त्रा रा सौ वचन नी पौढ़ू
‘सौ पात्थर ज़ो कारीगिरै बेकार मैनू,
सौऐ कुणै रा पात्थर बैणू।
11 ऐ प्रभुऐ केरू, ज़ो आसरी नज़री न नौखै सा!’”
12तिन्हैं ऐ समझ़ू ती कि यीशुऐ ऐ तिन्हरै खिलाफ़ बोलू होर यहूदी नेतै यीशु बै बन्दी बनाणै री तरकीब सोच़दै लागै पर ते लोका न डौरा ती; होर तेइबै छ़ौड़िआ नौठै।
महाराजै बै कर देणा
13तैबै यहूदी नेतै किछ़ फरीसी लोका बै ज़ो राज़ा हेरोदिया रै समर्थक ती, यीशु बै गैला न फसाणै री तैंईंयैं तेई हागै भेज़ै। 14तिन्हैं एज़िया यीशु बै बोलू, “गुरू, आसै ज़ाणा सी कि तू बड़ा सच़ा सा होर ऐसा गैला री किछ़ भी परवाह नी केरदा कि लोका कि सोच़ा सी। किबैकि तू मांहणु रै रुतवै पैंधै ध्यान नी देंदा बल्कि परमेश्वरा रै बारै न सच़ी शिक्षा देआ सा। आसाबै दस, महाराजै बै कर देणा सही सा कि नी?” 15यीशुऐ तिन्हरी च़ाल समझ़ी। तेइयै तिन्हां बै कपट ज़ाणिया तिन्हां सैंघै बोलू, “तुसै मुँभै किबै परखा सी? च़ाँदी रा एक सिक्का आंणा ताकि हांऊँ तेइबै हेरणू।”
16तिन्हैं एक सिक्का आंणु। तैबै यीशुऐ तिन्हां न पुछ़ू, “ऐथा पैंधै कौसरा नाँ होर फोटू सा?” तिन्हैं बोलू, “महाराजै रा।”
17तैबै यीशुऐ तिन्हां बै बोलू, “ज़ो महाराजै रा सा, तेई महाराजै बै दैआ होर ज़ो परमेश्वरा रा सा तेई परमेश्वरा बै दैआत्।” तैबै ते हैरान हुऐ।
ज़िन्दा होंणा होर ब्याह
18तैबै किछ़ सदूकी ज़ो मूँएंदै न ज़िन्दा होंणै बै नी मैनदै यीशुऐ हागै आऐ। 19“ओ गुरू,” तिन्हैं तेईन पुछ़ू, “मूसै आसरी तैंईंयैं बिधान न लिखू सा कि अगर कौसी रा भाई मौरला होर तेइरी लाड़ी रै कोई औलाद नी होली ता तेइरा भाई तेसा सैंघै ब्याह केरिया आपणै भाई रै खानदाना बै बढ़ाला। 20एक बारकी गैल सा कि सौत भाई ती। सैभी न बड़ै भाइयै ब्याह केरू होर बगैर औलादै रै मूँआ। 21तैबै दुज़ै भाइयै तेसा बेटड़ी सैंघै ब्याह केरू पर सौ बी बगैर औलादै रै मूँआ। त्रीज़ै भाइयै भी तैण्ढाऐ केरू। 22सौतै भाई बगैर औलादै रै मूँऐ होर सौ बेटड़ी बी मूँई। 23तैबै ज़िन्दै होंणै पैंधै सौ तिन्हां मौंझ़ै आसाबै दैसा कि सौ बेटड़ी कौसरी लाड़ी होंणी, किबैकि तिन्हैं सौतै भाइयै सौ आपणी लाड़ी रखी ती?”
24यीशुऐ तिन्हां बै बोलू, “तुसै न ता पवित्र शास्त्रा रै बचना बै ज़ाणदै होर न परमेश्वरै री शक्ति बै। एसा बजहा न तुसै भटकै सी। 25किबैकि ज़ैबै ते लोका मूँऐंदै न ज़िन्दै होलै ता तिन्हरा ब्याह नी होंणा, बल्कि तिन्हां स्वर्गदूता सांही स्वर्गा न होंणा। 26मूँऐंदै रै ज़िन्दै होंणै रै बारै तुसै मूसै री बिधान न ज़ो लिखू सा पौढ़ा? तौखै परमेश्वरै मूसा बै बोलू ती, हांऊँ तुसरै बुज़ुर्ग अब्राहमा रा, इसहाका रा, होर याकूबा रा परमेश्वर सा। 27सौ मूँऐंदै रा नी बल्कि ज़िन्दै रा परमेश्वर सा। तुसै लोका बोहू बड़ी भूला न पौड़ै सी।”
सैभी न बड़ा हुक्म
28तैबै एक यहूदी शास्त्री आऊ होर तेइयै ते बैंहस केरदै शुणै। ऐ हेरिया कि यीशुऐ तिन्हां बै कैण्ढै शोभली रीतियै ज़वाब धिना, तेइयै यीशु बै बोलू, “सैभी न ज़रूरी हुक्म कुण सा?”
29यीशुऐ तिन्हां बै ज़वाब धिना, सैभी हुक्म न खास हुक्म ऐ सा, “ओ इस्राइल शुण, प्रभु आसरा परमेश्वर ऐकै सा। 30होर तु प्रभु आपणै परमेश्वरा सैंघै आपणै सारै मना सैंघै होर आपणै सारै प्राणा, होर आपणी सारी बुद्धि सैंघै होर आपणी सारी शक्ति सैंघै झ़ुरी रखा। 31होर दुज़ा हुक्म ऐ सा, कि तू आपणै पड़ेशी सैंघै आपु सांही झ़ुरी रैख, ऐथा न बड़ा कोई हुक्म नैंई ऑथि।”
32शास्त्रियै तेइबै बोलू, ओ गुरू जी, बिलकुल सही, तैं सच़ बोलू, कि सौ ऐकै परमेश्वर सा, होर तेइबै छ़ौड़िआ, होर कोई नैंई। 33होर तेईन आपणै सारै मन होर सारी बुद्धि होर सारै प्राणा होर सारी शक्ति सैंघै झ़ुरी रैख, होर आपणै पड़ेशी सैंघै आपु बराबर झ़ुरी रैख, ऐ सैभ होमबलि, होर सैभ बलिदाना न बी बड़कर सी।
34ज़ैबै यीशुऐ हेरू कि तेइयै सोच़ी समझीया ज़वाब धिना, ता तेइबै बोलू, कि तू परमेश्वरा रै राज्य बोहू नेड़ सा, होर कोई बै यीशु न किछ़ पुछ़णै री हिम्मत नैंई हुई।
मसीह कुणी रा बेटा सा?
35फिरी यीशुऐ मन्दिरा न शिक्षा देंदी घेरै बोलू, “शास्त्री किबै बोला सी, कि मसीह दाऊदा रा बेटा सा? 36दाऊदै आपुऐ पवित्र आत्मा न भौरिया बोलू,
‘कि परमेश्वरै मेरै प्रभु बै बोलू, मेरै सीधै हौथै बेश,
ज़ैबै तैंईंयैं हांऊँ तेरै दुश्मना बै तेरी ज़ोंघा हेठै नी केरनु।’
37 “दाऊद ता आपुऐ मसीह बै ‘प्रभु’ बोला सा, फिरी सौ तेइरा बेटा कौखै न हुआ?” होर भिड़ा रै लौका तेइरी गैला खुश होईया शुणा ती।
शास्त्री न साबधान रौहा
38तेइयै आपणी शिक्षा न बोलू, शास्त्री लौका न साबधान रौहा, ज़ुण लोमे झिकड़ै लाईया घुमा सी। 39होर बजारा न नमस्कार, होर आराधनालय न खास-खास ज़ैगा होर धामा न भी खास-खास ज़ैगा तौपा सी। 40ते बिधवा रै घौर बै लूटा सी, होर रिहाणै री तैंईंयैं लोमी-लोमी प्रार्थना केरा सी, इन्हां बै ज़ादा सज़ा मिलणा।
गरीब विधवा रा दान देणा
41होर यीशु मन्दिरा रै भण्डारा सामनै बैशिया हेरदा लागा, कि लोक भण्डारा न ढैबुऐ कैण्ढै पा सी, होर बोहू सेठ लौके बोहू किछ़ पाऊ। 42तैबै एक गरीब विधवै एज़िया दूई ताँबै रै सिक्के (दुई ढैबुऐ) भौरै, ज़ुण एक धेले बराबर होआ सी पाऊ।
43तैबै यीशुऐ च़ेले नेड़े शाधिया तिन्हां बै बोलू, “हांऊँ तुसाबै सच़ बोला सा, कि मन्दिरा रै भण्डारा न पाणु आऐ न ऐसै विधवा बै सैभी न ज़ादा धिना। 44किबैकि सैभियै आपणै ज़ादा ढैबुऐ न थोड़ा धिना, पर ऐसै आपणी घटी न ज़ो किछ़ ऐसा हागै ती सैभ धिना मतलब आपणी सारी कमाई धिनी।”
Currently Selected:
मरकुस 12: KFX-NT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
मरकुस 12
12
दुष्ट किसाना रा उदाहरण
1यीशु तिन्हां यहूदी नेता सैंघै उदाहरणा न तिन्हां बै बोलदा लागा, “एकी मांहणुऐ अँगूरा रा एक बगीच़ा लाऊ होर तेई बगीच़ै रै च़ोहू पासै दीवार खड़ी केरी। तैबै अँगूरा रा रस खोलणै री तैंईंयैं एक खाच़ कोतू, होर एक टापरा बणाऊ; होर किसाना बै ठेके पैंधै देईया प्रदेशा बै नौठा। 2तैबै अँगूर पौकणै रै मौसमा न तेइयै तिन्हां हागै आपणा एक नोकर भेज़ू ताकि सौ बगीच़ै रै अँगूरा रा हिस्सा आंणला। 3पर तिन्हैं किसानै ढौकिया तेई नोकरै री पिटाई केरी होर सौ खाली हौथ वापस भेज़ू। 4तेइयै एक होर नोकर तिन्हां हागै भेज़ू। तिन्हैं तेइरी मुँडी न बाहिया तेइरा बुरी तैरहा अपमान केरू। 5तेइयै तैबै एक होर नोकर भेज़ू होर तिन्हैं तेइरा लोहू केरू। तेइयै ऐण्ढै कई होर नोकर भी भेज़ै होर तिन्हैं तिन्हरी पिटाई केरी होर केतरै तिन्हैं ज़ानियै मकाऐ।
6 “ऐबै ऐकै रौहू ती, ज़ुण तेइरा प्यारा बेटा ती, होर सैभी न बाद तेइयै ऐ सोचिया आपणा बेटा भेज़ू, ‘कि तै मेरै बेटै रा आदर केरलै।’
7 “तिन्हैं किसानै एकी होरी बै बोलू, ‘ऐ ता तेइरा वारिस सा। एज़ा आसा ऐ मारना होर आसा वारिस होंणा।’ 8होर तिन्हैं सौ ढौकिया मारू होर ज़ानियै मकाइया अँगूरा रै बगीच़ै बाहरै शेटू।
9 “ऐबै अँगूरै रै बगीच़ै रै मालका कि केरना? तेई एज़िया ते किसान मारनै होर बगीच़ा होरी बै देणा। 10कि तुसै शास्त्रा रा सौ वचन नी पौढ़ू
‘सौ पात्थर ज़ो कारीगिरै बेकार मैनू,
सौऐ कुणै रा पात्थर बैणू।
11 ऐ प्रभुऐ केरू, ज़ो आसरी नज़री न नौखै सा!’”
12तिन्हैं ऐ समझ़ू ती कि यीशुऐ ऐ तिन्हरै खिलाफ़ बोलू होर यहूदी नेतै यीशु बै बन्दी बनाणै री तरकीब सोच़दै लागै पर ते लोका न डौरा ती; होर तेइबै छ़ौड़िआ नौठै।
महाराजै बै कर देणा
13तैबै यहूदी नेतै किछ़ फरीसी लोका बै ज़ो राज़ा हेरोदिया रै समर्थक ती, यीशु बै गैला न फसाणै री तैंईंयैं तेई हागै भेज़ै। 14तिन्हैं एज़िया यीशु बै बोलू, “गुरू, आसै ज़ाणा सी कि तू बड़ा सच़ा सा होर ऐसा गैला री किछ़ भी परवाह नी केरदा कि लोका कि सोच़ा सी। किबैकि तू मांहणु रै रुतवै पैंधै ध्यान नी देंदा बल्कि परमेश्वरा रै बारै न सच़ी शिक्षा देआ सा। आसाबै दस, महाराजै बै कर देणा सही सा कि नी?” 15यीशुऐ तिन्हरी च़ाल समझ़ी। तेइयै तिन्हां बै कपट ज़ाणिया तिन्हां सैंघै बोलू, “तुसै मुँभै किबै परखा सी? च़ाँदी रा एक सिक्का आंणा ताकि हांऊँ तेइबै हेरणू।”
16तिन्हैं एक सिक्का आंणु। तैबै यीशुऐ तिन्हां न पुछ़ू, “ऐथा पैंधै कौसरा नाँ होर फोटू सा?” तिन्हैं बोलू, “महाराजै रा।”
17तैबै यीशुऐ तिन्हां बै बोलू, “ज़ो महाराजै रा सा, तेई महाराजै बै दैआ होर ज़ो परमेश्वरा रा सा तेई परमेश्वरा बै दैआत्।” तैबै ते हैरान हुऐ।
ज़िन्दा होंणा होर ब्याह
18तैबै किछ़ सदूकी ज़ो मूँएंदै न ज़िन्दा होंणै बै नी मैनदै यीशुऐ हागै आऐ। 19“ओ गुरू,” तिन्हैं तेईन पुछ़ू, “मूसै आसरी तैंईंयैं बिधान न लिखू सा कि अगर कौसी रा भाई मौरला होर तेइरी लाड़ी रै कोई औलाद नी होली ता तेइरा भाई तेसा सैंघै ब्याह केरिया आपणै भाई रै खानदाना बै बढ़ाला। 20एक बारकी गैल सा कि सौत भाई ती। सैभी न बड़ै भाइयै ब्याह केरू होर बगैर औलादै रै मूँआ। 21तैबै दुज़ै भाइयै तेसा बेटड़ी सैंघै ब्याह केरू पर सौ बी बगैर औलादै रै मूँआ। त्रीज़ै भाइयै भी तैण्ढाऐ केरू। 22सौतै भाई बगैर औलादै रै मूँऐ होर सौ बेटड़ी बी मूँई। 23तैबै ज़िन्दै होंणै पैंधै सौ तिन्हां मौंझ़ै आसाबै दैसा कि सौ बेटड़ी कौसरी लाड़ी होंणी, किबैकि तिन्हैं सौतै भाइयै सौ आपणी लाड़ी रखी ती?”
24यीशुऐ तिन्हां बै बोलू, “तुसै न ता पवित्र शास्त्रा रै बचना बै ज़ाणदै होर न परमेश्वरै री शक्ति बै। एसा बजहा न तुसै भटकै सी। 25किबैकि ज़ैबै ते लोका मूँऐंदै न ज़िन्दै होलै ता तिन्हरा ब्याह नी होंणा, बल्कि तिन्हां स्वर्गदूता सांही स्वर्गा न होंणा। 26मूँऐंदै रै ज़िन्दै होंणै रै बारै तुसै मूसै री बिधान न ज़ो लिखू सा पौढ़ा? तौखै परमेश्वरै मूसा बै बोलू ती, हांऊँ तुसरै बुज़ुर्ग अब्राहमा रा, इसहाका रा, होर याकूबा रा परमेश्वर सा। 27सौ मूँऐंदै रा नी बल्कि ज़िन्दै रा परमेश्वर सा। तुसै लोका बोहू बड़ी भूला न पौड़ै सी।”
सैभी न बड़ा हुक्म
28तैबै एक यहूदी शास्त्री आऊ होर तेइयै ते बैंहस केरदै शुणै। ऐ हेरिया कि यीशुऐ तिन्हां बै कैण्ढै शोभली रीतियै ज़वाब धिना, तेइयै यीशु बै बोलू, “सैभी न ज़रूरी हुक्म कुण सा?”
29यीशुऐ तिन्हां बै ज़वाब धिना, सैभी हुक्म न खास हुक्म ऐ सा, “ओ इस्राइल शुण, प्रभु आसरा परमेश्वर ऐकै सा। 30होर तु प्रभु आपणै परमेश्वरा सैंघै आपणै सारै मना सैंघै होर आपणै सारै प्राणा, होर आपणी सारी बुद्धि सैंघै होर आपणी सारी शक्ति सैंघै झ़ुरी रखा। 31होर दुज़ा हुक्म ऐ सा, कि तू आपणै पड़ेशी सैंघै आपु सांही झ़ुरी रैख, ऐथा न बड़ा कोई हुक्म नैंई ऑथि।”
32शास्त्रियै तेइबै बोलू, ओ गुरू जी, बिलकुल सही, तैं सच़ बोलू, कि सौ ऐकै परमेश्वर सा, होर तेइबै छ़ौड़िआ, होर कोई नैंई। 33होर तेईन आपणै सारै मन होर सारी बुद्धि होर सारै प्राणा होर सारी शक्ति सैंघै झ़ुरी रैख, होर आपणै पड़ेशी सैंघै आपु बराबर झ़ुरी रैख, ऐ सैभ होमबलि, होर सैभ बलिदाना न बी बड़कर सी।
34ज़ैबै यीशुऐ हेरू कि तेइयै सोच़ी समझीया ज़वाब धिना, ता तेइबै बोलू, कि तू परमेश्वरा रै राज्य बोहू नेड़ सा, होर कोई बै यीशु न किछ़ पुछ़णै री हिम्मत नैंई हुई।
मसीह कुणी रा बेटा सा?
35फिरी यीशुऐ मन्दिरा न शिक्षा देंदी घेरै बोलू, “शास्त्री किबै बोला सी, कि मसीह दाऊदा रा बेटा सा? 36दाऊदै आपुऐ पवित्र आत्मा न भौरिया बोलू,
‘कि परमेश्वरै मेरै प्रभु बै बोलू, मेरै सीधै हौथै बेश,
ज़ैबै तैंईंयैं हांऊँ तेरै दुश्मना बै तेरी ज़ोंघा हेठै नी केरनु।’
37 “दाऊद ता आपुऐ मसीह बै ‘प्रभु’ बोला सा, फिरी सौ तेइरा बेटा कौखै न हुआ?” होर भिड़ा रै लौका तेइरी गैला खुश होईया शुणा ती।
शास्त्री न साबधान रौहा
38तेइयै आपणी शिक्षा न बोलू, शास्त्री लौका न साबधान रौहा, ज़ुण लोमे झिकड़ै लाईया घुमा सी। 39होर बजारा न नमस्कार, होर आराधनालय न खास-खास ज़ैगा होर धामा न भी खास-खास ज़ैगा तौपा सी। 40ते बिधवा रै घौर बै लूटा सी, होर रिहाणै री तैंईंयैं लोमी-लोमी प्रार्थना केरा सी, इन्हां बै ज़ादा सज़ा मिलणा।
गरीब विधवा रा दान देणा
41होर यीशु मन्दिरा रै भण्डारा सामनै बैशिया हेरदा लागा, कि लोक भण्डारा न ढैबुऐ कैण्ढै पा सी, होर बोहू सेठ लौके बोहू किछ़ पाऊ। 42तैबै एक गरीब विधवै एज़िया दूई ताँबै रै सिक्के (दुई ढैबुऐ) भौरै, ज़ुण एक धेले बराबर होआ सी पाऊ।
43तैबै यीशुऐ च़ेले नेड़े शाधिया तिन्हां बै बोलू, “हांऊँ तुसाबै सच़ बोला सा, कि मन्दिरा रै भण्डारा न पाणु आऐ न ऐसै विधवा बै सैभी न ज़ादा धिना। 44किबैकि सैभियै आपणै ज़ादा ढैबुऐ न थोड़ा धिना, पर ऐसै आपणी घटी न ज़ो किछ़ ऐसा हागै ती सैभ धिना मतलब आपणी सारी कमाई धिनी।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.