मरकुस 14
14
यीशु रै बिरोधा न साजिश
1फसह होर अखमीरी रोटी रै त्यौहारा न दुई रोज़ पैहलकी गैल सा कि मुख्यपुरोहिता होर शास्त्री कोई ऐण्ढी तरकीब तोपदै लागै ती कि ते बड़ी च़लाकी सैंघै यीशु बै बन्दी बणालै होर तेइबै मारलै। 2ते बोलदै लागै ती, “पर ऐण्ढा आसाबै त्यौहार रै ध्याड़ै न नी केरना चेहिऐ, होई सका सा कि लोका किछ़ हँगामा खड़ा केरलै।”
बैतनिय्याह न यीशु रा निरादर
3ज़ैबै यीशु बैतनिय्याह शैहरा न शमौन ज़ुणिबै कोढ़ ती तेइरै घौरा न रोटी खाँदा बेठा ती, तैबै एक बाँकी बेटड़ी संगमरमरा री शीशी न जटामांसी रा बोहू कीमती खुशबूदार तेल लेइया आई, होर शीशी चोड़िया सारा तेल यीशु रै च़ोहढ़ै पैंधै पेरू।
4तैबै तौखै बेठैंदै किछ़ लोका आपु न बोलदै लागै, “कीमती खुशबूदार तेला री ऐण्ढी बर्बादी किबै केरूई? 5किबैकि ऐ खुशबूदार तेल ता लगभग त्राई शौऊ रोज़ा री ध्याड़ी न ज़ादा रा बैचिया गरीब मांहणु बै बोंडी सका ती।” होर ते तेसा बै झ़िड़कदे लागै। 6यीशुऐ बोलू, “ऐसा बै छ़ौड़ा, ऐसा बै किबै परेशान केरा सी? ऐसै ता मूँ सैंघै भलाई केरी सा। 7गरीब तुसा सैंघै हमेशा रौहा सी, होर ज़ैबै तुसै च़ाहलै तिन्हरी भलाई केरी सका सी, पर मूँ तुसा सैंघै हमेशा नी रोहणा। #14:7 बिधान 15:11 8ऐसा बेटड़ियै सौहै केरू ज़ो ऐ केरी सका ती, एसै ता बौगता न पैहलै मेरै पौथिणै री तैंईंयैं मेरी देही न खुशबूदार तेल मौल़िया सौ त्यार केरी सा। 9हांऊँ तुसाबै सच़ बोला सा: सारै दुनिया न ज़ौखै बी खुशी रै समादा रा प्रचार केरिला, तौखै एसरी यादी न ज़ो एसै केरू सा, एसरी चर्चा होंणी।”
यहूदा रा यीशु सैंघै बिश्वासघात केरना
10तैबै यहूदा इस्करियोती ज़ो बारा च़ेले न एक ती, मुख्यपुरोहिता हागै यीशु बै धोखै न पकड़वाणै री तैंईंयैं नौठा। 11ते तेइरी गैल शुणिया बड़ै खुश हुऐ, तिन्हैं तेइबै ढैबुऐ देणै रा वचन धिना। तैबै यहूदा यीशु बै धोखै न पकड़वाणै रा मौका तोपदा लागा।
च़ेले सैंघै फसह रा आखरी भोज
12अखमीरी रोटी रै त्यौहारा न पैहलै रोज़, ज़ैबै फसह रै मेमणै री बलि देआ ती, यीशु रै च़ेले तेईन पुछ़ू, “तू कि चाहा सा कि आसै कौखै ज़ाइआ तेरी तैंईंयैं रोटी खाँणै बै तैंईंयैं त्यारी केरलै?”
13तैबै तेइयै आपणै दूई च़ेले भेज़िआ होर बोलू, “यरुश्लेम नगरा बै ज़ात्, तौखै तुसाबै पाणी रै घड़ै पाईआ एक मांहणु मिलणा, तेई पिछ़ै ज़ाईत्। 14तैबै ज़ौखै बी सौ भितरै ज़ाला, तेई घौरा रै मालका बै बोलीत्, गुरू पुछ़ू सा, मेरी रोटी खाँणै रा सौ कमरा कौखै सा ज़ौखै हांऊँ आपणै च़ेले सैंघै फसह री रोटी खाई सकनू। 15तैबै तेई तौभै ऊझै धिरै एक सज़ाऊदा होर त्यार केरूदा कमरा रिहाणा, तौखै आसरी तैंईंयैं त्यारी केरा।”
16तैबै तेइरै च़ेले तौखै न नगरा बै आऐ होर तिन्हैं तौखै हर गैल तैण्ढी हेरी ज़ैण्ढी यीशुऐ तिन्हां बै बोली ती। तैबै तिन्हैं फसह रा भोजन त्यार केरू। 17सौंझ़की घेरै यीशु आपणै बारा च़ेले सैंघै तौखै पुजू। 18ज़ैबै ते बैशिया रोटी खाँदै लागै ती, तैबै यीशुऐ बोलू, “हांऊँ सच़ बोला सा, तुसा न एकी, ज़ो मूँ सैंघै रोटी खाँदा लागा सा, तेई हांऊँ ढौकणै द्याणा।” 19तैबै ते च़ेले दु:खी होईया एकी दुज़ै बै बोलदै लागै, “कि हांऊँ सौ नी ऑथि!”
20यीशुऐ तिन्हां बै बोलू, “बारा मौंझ़ै न सौहै एक सा, ज़ो मूँ सैंघै एकी थाल़ी न खा सा। 21मांहणु रै बेटै रा ज़ाणा ता ज़रूरी सा, ज़ैण्ढा कि तेइरै बारै पवित्र शास्त्र न लिखू सा, पर हाय सा तेई मांहणु पैंधै ज़ौसरी बजहा न मांहणु रै बेटै ढौकिणा। अगर तेई मांहणु री तैंईंयैं केतरा भला होंदा कि सौ पैदा नी ती होंदा।”
प्रभु भोज
22ज़ैबै ते रोटी खाँदै लागै ती, यीशुऐ रोटी लेई होर परमेश्वरा रा धन्यवाद केरिया चोड़ी होर तिन्हां बै देंदी घेरै बोलू, “खात् लेआ, ऐ मेरी देह सा।”
23तैबै तेइयै अँगूरा रै रसा रा कटोरा च़कू होर परमेश्वरा रा धन्यवाद केरिया तिन्हां बै धिना होर तिन्हां सैभियै सौ पीऊ।
24तैबै यीशुऐ बोलू, “ऐ मेरा लोहू सा, ज़ो एक नोंऊँऐं वायदा री शुरूआत सा, ज़ो कि परमेश्वर होर तिन्हरै लोकै सैंघै केरी ती। ऐ बोहू री तैंईंयैं बहाणा लाऊ सा। 25हांऊँ तुसाबै सच़ बोला सा कि ऐबै मूँ तेई ध्याड़ै तैंईंयैं अँगूरा रा रस नैंई च़खणा, ज़ैबै तैंईंयैं परमेश्वरै रै राज्य न नोंऊँआं अँगूरा रा रस नी पीनू।” 26तैबै ते एक भजन गाईया जैतून ढौगा पैंधै बै नौठै।
पतरसा रै न केरनै री भविष्यवाणी
27बौता न यीशुऐ तिन्हां बै बोलू, “तुसा सैभी रा बशाह कम होंणा किबैकि लिखू सा: मूँ फुआल मारना होर भेड़ा तितर-बितर होंणी। 28पर दबारा ज़िन्दै होंणै न बाद मूँ तुसा न पैहलै गलीला बै ज़ाणा।”
29तैबै पतरसै बोलू, “चाहै सैभै आपणा विश्वास खोलै पर मूँ नी खोणा।” 30यीशुऐ तेइबै बोलू, “हांऊँ तौभै सच़ बोला सा, औज़ ऐसा राती न तौ मुर्गै रै दुई बार बाँग देणै न पैहलै त्रीजी बार मेरा नाँह केरना।”
31पतरसै भी बोलू, “अगर मुँभै तौ सैंघै मौरना बी पौड़ला, तैबै बी मूँ तेरा नाँह नी केरना!” तैबै बाकि च़ेले बी ऐण्ढाऐ बोलू।
गतसमनी न यीशु री प्रार्थना
32फिरी ते गतसमनी ज़ैगा बै आऐ। तौखै यीशुऐ आपणै च़ेले बै बोलू, “मेरै प्रार्थना केरनै तक तुसै औखै रूका।” 33पतरस, याकूब होर यूहन्ना यीशुऐ आपु सैंघै नेऐ। यीशु बोहू दु:खी होर व्याकुल होंदा लागा ती। 34होर तिन्हां बै बोलू, “मेरा मन बड़ा उदास हुआ सा, औखै तैंईंयैं कि हांऊँ मौरनु आल़ा सा, तुसै औखै बेशा, होर बिऊदै रौहा।” 35तैबै थोड़ा आगै ज़ाइआ सौ ज़मीना पैंधै टुँबड़ै पौड़िया प्रार्थना केरदा लागा कि, ओ परमेश्वर अगर होई सका सा ता ऐ दु:खै री घड़ी मूँ पैंधै न दूर केर। 36यीशुऐ बोलू, “ओ पिता ओ पिता! तेरी तैंईंयैं सैभ किछ़ सान सा। एसा दु:खै री घड़ी बै मूँ न दूर केर। तैबै भी ज़ो किछ़ हांऊँ चाहा सा, सौ नी बल्कि ज़ो तू चाहा सा सौऐ केर।”
37ज़ैबै यीशु वापस आऊ ता तेइयै आपणै च़ेले बै सोंदै हेरिया, “शमौन” पतरसा बै बोलू, “कि तू सोंदा लागा सा? कि तू एक घड़ी बी बिऊदा नी रौही सकू? 38बिऊदै रौहा होर प्रार्थना केरा कि तुसै परीक्षा न नी पौड़लै। मन ता त्यार सा पर देह कमज़ोर सा।”
39यीशु भी प्रार्थना केरदा नौठा होर तैण्ढै वचन बोलिया प्रार्थना केरी। 40ज़ैबै सौ दबारा वापस आऊ ता तेइयै दबारा आपणै च़ेले सोंदै हेरै। तिन्हरी औछ़ी नींज़ै लाइया भौरूइदी ती। तिन्हां बै पता निसी च़ली कि आसा यीशु बै कि ज़वाब देणा।
41सौ प्रार्थना केरिया त्रीजी बार भी वापस आऊ होर तिन्हां बै बोलू, “तुसै कि हाज़ी बी आरामा सैंघै सोंदै लागै सी?” रज़ हुआ, सौ बौगत आऊ सा, ज़ैबै मांहणु रा बेटा पापी रै हौथा ढौकिणा। 42खड़ै होआ! होर च़ला, हेरा, मुँभै धोखै सैंघै ढौकणै द्याणू आल़ा मांहणु ऐन्दा लागा सा।
यीशु रा धोखै सैंघै ढौकिणा
43यीशु बोलदा लागा ती कि तेइरै बारा च़ेले मौंझ़ै न एक च़ेला यहूदा इस्करियोती तौखै हेरूआ। तेई सैंघै डँडै होर तलवारी लेइया लोकै री एक बड़ी भीड़ ती होर सौ भीड़ मुख्यपुरोहिता, शास्त्री होर स्याणै भेज़ी ती। 44यहूदा इस्करियोतीयै तिन्हां बै दैसू ती कि ज़ुणिबै हांऊँ माँकी देनू सौहै यीशु सा, तेइबै ढौकेइत् होर होशियारी सैंघै नेईत्। 45ज़ैबै यहूदा तौखै आऊ, तुरन्त तेइयै यीशु हागै ज़ाइआ बोलू, “ओ गुरू!” होर तेइबै माँकी धिनी। 46तैबै तुरन्त तिन्हैं सौ ढौकू होर आपणी हिरासता न लेऊ। 47यीशु रै एकी च़ेले ज़ो कि तौखै खड़ा ती, तेइयै आपणी तलवारियै लाइया महापुरोहित रै नोकर रा एक कोन काटू।
48तैबै यीशुऐ बोलू, “हांऊँ कि कोई अपराधी सा ज़ो तुसै मुँभै ढौकणै री तैंईंयैं डँडै होर तलवारी लेइया आऐ सी?” 49हांऊँ हर रोज़ मन्दिरा न तुसा सैंघै उपदेश देआ ती पर तुसै हांऊँ नी ढौकू। ऐबै ऐ एथै री तैंईंयैं तुसै हांऊँ ढौकू कि शास्त्रा रा वचन पूरा होला। 50तैबै यीशु रै सारै च़ेले तेइबै केल्है छ़ौड़िआ भगै।
51एक नोऊज़ुआन आपणी नाँगी देही न एक च़ादर लपेटिया तेई पिछ़ै ऐन्दा लागा ती। तिन्हैं सौ ढौकणा चाहू। 52पर सौ आपणी च़ादर छ़ौड़िआ नाँगा भैगू।
बड़ी सभा रै सामनै यीशु
53तिन्हैं यीशु महापुरोहित हागै नेऊ। तैबै सारै मुख्यपुरोहित, स्याणै होर शास्त्री कठा हुऐ। 54पतरस तेईन दूर-दूर च़लदै-च़लदै महापुरोहित रै ब्राम्दै आँध्रै तैंईंयैं नौठा होर तौखै पौहरैदारा सैंघै औगी छिपदा लागा। 55सारी यहूदी सभा होर मुख्यपुरोहित यीशु बै मौऊत री सज़ा देणै री तैंईंयैं कोई सबूत तोपदै लागै ती पर तिन्हां बै कोई सबूत नी मिलू। 56बोहू सारै लोकै यीशु रै बारै न झ़ूठी गुआही धिनी पर ते गुआही एक ज़ेही नैंई ती। 57तैबै किछ़ लोका खड़ै हुऐ होर तेइरै खिलाफ़ झ़ूठी गुआही देईया बोलदै लागै, 58“आसै ऐ ऐण्ढा बोलदा शुणू सा कि मैं मांहणु रै हौथै बैणूदा ऐ मन्दिर मूँ नाश केरना होर त्रा रोज़ा भीतरै मूँ दुज़ा मन्दिर बनाणा, ज़ो कि हौथै लाइया बैणूदा नी होंणा।” 59पर ऐथा न भी तिन्हरी गुआही एक नी ती ऑथि।
60तैबै तिन्हां सामनै महापुरोहित खड़ै होईया यीशु न पुछ़ू, “ऐ लोका तेरै खिलाफ़ कि गुआही देंदै लागै सी? कि तौ इन्हां बै किछ़ ज़वाब नी देणा?” 61पर यीशु च़ुप रौहू, होर किछ़ ज़वाब नी धिना, महापुरोहितै सौ फिरी पुछ़ू, तू कि तेई परमेश्वरा रा बेटा मसीह सा?
62यीशुऐ बोलू, “हांऊँ सा, होर तुसा मांहणु रै बेटै बै सर्वशक्तिमाना री दैहिणी धिरै बेठादा होर स्वर्गा न बादला सैंघै ऐन्दा हेरना।”
63महापुरोहितै आपणा चोल़ा च़िरिया बोलू, “आसाबै होरी गुआही री कि ज़रूरत सा?” 64तुसै ऐ निन्दा आल़ी गैला बोलदा शुणू, ऐबै तुसरा कि विचार सा? तिन्हैं सैभियै बोलू, ऐईबै मौऊत री सज़ा मिलणी चेहिऐ। 65तैबै किछ़ लोकै तेई पैंधै थुकू, किछ़ लोका तेइरा मुँह खौटा ती होर मुक्कै लाइया मारा ती। किछ़ मज़ाक केरिया बोलदै लागै, “भविष्यवाणी केरिया पता ला कि कुणिऐ मारू!” होर पौहरैदारै सौ ढौकिया मारू।
पतरसा रा नाँह केरना
66पतरस हाज़ी ब्राम्दै न बेठा ती होर तौखै महापुरोहितै री एक नोकराणी आई। 67ज़ैबै तेसै पतरस तौखै औगी छिपदा हेरू ता बड़ै ध्याना सैंघै तेइबै पछ़ियाणिया बोलू, “तू बी ता तेई यीशु नासरी सैंघै ती।” 68पर पतरसै नाँह केरू होर बोलदा लागा, “हांऊँ नी ज़ाणदा कि तू कि लागी सा बोलदी।” ऐण्ढा बोलिया सौ डेवढ़ी तैंईंयैं नौठा, होर मुर्गै बाँग धिनी। 69तेसै नोकराणियै ज़ैबै सौ दबारा हेरू ता सौ भी लोका बै बोलदी लागी, “ऐ मांहणु बी तिन्हां न एक सा।” 70पतरसै फिरी नाँह केरू। तैबै थोड़ी देरा बाद तौखै खड़ै हुऐदै लोकै पतरस हेरू होर बोलू, “पक्का तू बी तिन्हां न एक सा किबैकि तू बी गलीला रा सा।” 71तैबै पतरस आपणै आपा बै कोसदा लागा होर कसमा खाँदा लागा, “ज़ौसरै बारै न तुसै बोलदै लागै सी, हांऊँ तेई मांहणु बै नी ज़ाणदा।” 72तेसा घड़ियै मुर्गै दुज़ी बार बाँग धिनी। पतरसा बै तुरन्त तेई बौगतै सौ गैल याद आई ज़ो यीशुऐ तेइबै बोली ती कि “मुर्गै री दूई बार बाँग देणै न पैहलै तौ मेरा त्रा बार नाँह केरना।” तैबै पतरसा रा ज़ीऊ चुटा होर सौ दु:खी होईया लेरा मारिया रोंदा लागा।
Currently Selected:
मरकुस 14: KFX-NT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
मरकुस 14
14
यीशु रै बिरोधा न साजिश
1फसह होर अखमीरी रोटी रै त्यौहारा न दुई रोज़ पैहलकी गैल सा कि मुख्यपुरोहिता होर शास्त्री कोई ऐण्ढी तरकीब तोपदै लागै ती कि ते बड़ी च़लाकी सैंघै यीशु बै बन्दी बणालै होर तेइबै मारलै। 2ते बोलदै लागै ती, “पर ऐण्ढा आसाबै त्यौहार रै ध्याड़ै न नी केरना चेहिऐ, होई सका सा कि लोका किछ़ हँगामा खड़ा केरलै।”
बैतनिय्याह न यीशु रा निरादर
3ज़ैबै यीशु बैतनिय्याह शैहरा न शमौन ज़ुणिबै कोढ़ ती तेइरै घौरा न रोटी खाँदा बेठा ती, तैबै एक बाँकी बेटड़ी संगमरमरा री शीशी न जटामांसी रा बोहू कीमती खुशबूदार तेल लेइया आई, होर शीशी चोड़िया सारा तेल यीशु रै च़ोहढ़ै पैंधै पेरू।
4तैबै तौखै बेठैंदै किछ़ लोका आपु न बोलदै लागै, “कीमती खुशबूदार तेला री ऐण्ढी बर्बादी किबै केरूई? 5किबैकि ऐ खुशबूदार तेल ता लगभग त्राई शौऊ रोज़ा री ध्याड़ी न ज़ादा रा बैचिया गरीब मांहणु बै बोंडी सका ती।” होर ते तेसा बै झ़िड़कदे लागै। 6यीशुऐ बोलू, “ऐसा बै छ़ौड़ा, ऐसा बै किबै परेशान केरा सी? ऐसै ता मूँ सैंघै भलाई केरी सा। 7गरीब तुसा सैंघै हमेशा रौहा सी, होर ज़ैबै तुसै च़ाहलै तिन्हरी भलाई केरी सका सी, पर मूँ तुसा सैंघै हमेशा नी रोहणा। #14:7 बिधान 15:11 8ऐसा बेटड़ियै सौहै केरू ज़ो ऐ केरी सका ती, एसै ता बौगता न पैहलै मेरै पौथिणै री तैंईंयैं मेरी देही न खुशबूदार तेल मौल़िया सौ त्यार केरी सा। 9हांऊँ तुसाबै सच़ बोला सा: सारै दुनिया न ज़ौखै बी खुशी रै समादा रा प्रचार केरिला, तौखै एसरी यादी न ज़ो एसै केरू सा, एसरी चर्चा होंणी।”
यहूदा रा यीशु सैंघै बिश्वासघात केरना
10तैबै यहूदा इस्करियोती ज़ो बारा च़ेले न एक ती, मुख्यपुरोहिता हागै यीशु बै धोखै न पकड़वाणै री तैंईंयैं नौठा। 11ते तेइरी गैल शुणिया बड़ै खुश हुऐ, तिन्हैं तेइबै ढैबुऐ देणै रा वचन धिना। तैबै यहूदा यीशु बै धोखै न पकड़वाणै रा मौका तोपदा लागा।
च़ेले सैंघै फसह रा आखरी भोज
12अखमीरी रोटी रै त्यौहारा न पैहलै रोज़, ज़ैबै फसह रै मेमणै री बलि देआ ती, यीशु रै च़ेले तेईन पुछ़ू, “तू कि चाहा सा कि आसै कौखै ज़ाइआ तेरी तैंईंयैं रोटी खाँणै बै तैंईंयैं त्यारी केरलै?”
13तैबै तेइयै आपणै दूई च़ेले भेज़िआ होर बोलू, “यरुश्लेम नगरा बै ज़ात्, तौखै तुसाबै पाणी रै घड़ै पाईआ एक मांहणु मिलणा, तेई पिछ़ै ज़ाईत्। 14तैबै ज़ौखै बी सौ भितरै ज़ाला, तेई घौरा रै मालका बै बोलीत्, गुरू पुछ़ू सा, मेरी रोटी खाँणै रा सौ कमरा कौखै सा ज़ौखै हांऊँ आपणै च़ेले सैंघै फसह री रोटी खाई सकनू। 15तैबै तेई तौभै ऊझै धिरै एक सज़ाऊदा होर त्यार केरूदा कमरा रिहाणा, तौखै आसरी तैंईंयैं त्यारी केरा।”
16तैबै तेइरै च़ेले तौखै न नगरा बै आऐ होर तिन्हैं तौखै हर गैल तैण्ढी हेरी ज़ैण्ढी यीशुऐ तिन्हां बै बोली ती। तैबै तिन्हैं फसह रा भोजन त्यार केरू। 17सौंझ़की घेरै यीशु आपणै बारा च़ेले सैंघै तौखै पुजू। 18ज़ैबै ते बैशिया रोटी खाँदै लागै ती, तैबै यीशुऐ बोलू, “हांऊँ सच़ बोला सा, तुसा न एकी, ज़ो मूँ सैंघै रोटी खाँदा लागा सा, तेई हांऊँ ढौकणै द्याणा।” 19तैबै ते च़ेले दु:खी होईया एकी दुज़ै बै बोलदै लागै, “कि हांऊँ सौ नी ऑथि!”
20यीशुऐ तिन्हां बै बोलू, “बारा मौंझ़ै न सौहै एक सा, ज़ो मूँ सैंघै एकी थाल़ी न खा सा। 21मांहणु रै बेटै रा ज़ाणा ता ज़रूरी सा, ज़ैण्ढा कि तेइरै बारै पवित्र शास्त्र न लिखू सा, पर हाय सा तेई मांहणु पैंधै ज़ौसरी बजहा न मांहणु रै बेटै ढौकिणा। अगर तेई मांहणु री तैंईंयैं केतरा भला होंदा कि सौ पैदा नी ती होंदा।”
प्रभु भोज
22ज़ैबै ते रोटी खाँदै लागै ती, यीशुऐ रोटी लेई होर परमेश्वरा रा धन्यवाद केरिया चोड़ी होर तिन्हां बै देंदी घेरै बोलू, “खात् लेआ, ऐ मेरी देह सा।”
23तैबै तेइयै अँगूरा रै रसा रा कटोरा च़कू होर परमेश्वरा रा धन्यवाद केरिया तिन्हां बै धिना होर तिन्हां सैभियै सौ पीऊ।
24तैबै यीशुऐ बोलू, “ऐ मेरा लोहू सा, ज़ो एक नोंऊँऐं वायदा री शुरूआत सा, ज़ो कि परमेश्वर होर तिन्हरै लोकै सैंघै केरी ती। ऐ बोहू री तैंईंयैं बहाणा लाऊ सा। 25हांऊँ तुसाबै सच़ बोला सा कि ऐबै मूँ तेई ध्याड़ै तैंईंयैं अँगूरा रा रस नैंई च़खणा, ज़ैबै तैंईंयैं परमेश्वरै रै राज्य न नोंऊँआं अँगूरा रा रस नी पीनू।” 26तैबै ते एक भजन गाईया जैतून ढौगा पैंधै बै नौठै।
पतरसा रै न केरनै री भविष्यवाणी
27बौता न यीशुऐ तिन्हां बै बोलू, “तुसा सैभी रा बशाह कम होंणा किबैकि लिखू सा: मूँ फुआल मारना होर भेड़ा तितर-बितर होंणी। 28पर दबारा ज़िन्दै होंणै न बाद मूँ तुसा न पैहलै गलीला बै ज़ाणा।”
29तैबै पतरसै बोलू, “चाहै सैभै आपणा विश्वास खोलै पर मूँ नी खोणा।” 30यीशुऐ तेइबै बोलू, “हांऊँ तौभै सच़ बोला सा, औज़ ऐसा राती न तौ मुर्गै रै दुई बार बाँग देणै न पैहलै त्रीजी बार मेरा नाँह केरना।”
31पतरसै भी बोलू, “अगर मुँभै तौ सैंघै मौरना बी पौड़ला, तैबै बी मूँ तेरा नाँह नी केरना!” तैबै बाकि च़ेले बी ऐण्ढाऐ बोलू।
गतसमनी न यीशु री प्रार्थना
32फिरी ते गतसमनी ज़ैगा बै आऐ। तौखै यीशुऐ आपणै च़ेले बै बोलू, “मेरै प्रार्थना केरनै तक तुसै औखै रूका।” 33पतरस, याकूब होर यूहन्ना यीशुऐ आपु सैंघै नेऐ। यीशु बोहू दु:खी होर व्याकुल होंदा लागा ती। 34होर तिन्हां बै बोलू, “मेरा मन बड़ा उदास हुआ सा, औखै तैंईंयैं कि हांऊँ मौरनु आल़ा सा, तुसै औखै बेशा, होर बिऊदै रौहा।” 35तैबै थोड़ा आगै ज़ाइआ सौ ज़मीना पैंधै टुँबड़ै पौड़िया प्रार्थना केरदा लागा कि, ओ परमेश्वर अगर होई सका सा ता ऐ दु:खै री घड़ी मूँ पैंधै न दूर केर। 36यीशुऐ बोलू, “ओ पिता ओ पिता! तेरी तैंईंयैं सैभ किछ़ सान सा। एसा दु:खै री घड़ी बै मूँ न दूर केर। तैबै भी ज़ो किछ़ हांऊँ चाहा सा, सौ नी बल्कि ज़ो तू चाहा सा सौऐ केर।”
37ज़ैबै यीशु वापस आऊ ता तेइयै आपणै च़ेले बै सोंदै हेरिया, “शमौन” पतरसा बै बोलू, “कि तू सोंदा लागा सा? कि तू एक घड़ी बी बिऊदा नी रौही सकू? 38बिऊदै रौहा होर प्रार्थना केरा कि तुसै परीक्षा न नी पौड़लै। मन ता त्यार सा पर देह कमज़ोर सा।”
39यीशु भी प्रार्थना केरदा नौठा होर तैण्ढै वचन बोलिया प्रार्थना केरी। 40ज़ैबै सौ दबारा वापस आऊ ता तेइयै दबारा आपणै च़ेले सोंदै हेरै। तिन्हरी औछ़ी नींज़ै लाइया भौरूइदी ती। तिन्हां बै पता निसी च़ली कि आसा यीशु बै कि ज़वाब देणा।
41सौ प्रार्थना केरिया त्रीजी बार भी वापस आऊ होर तिन्हां बै बोलू, “तुसै कि हाज़ी बी आरामा सैंघै सोंदै लागै सी?” रज़ हुआ, सौ बौगत आऊ सा, ज़ैबै मांहणु रा बेटा पापी रै हौथा ढौकिणा। 42खड़ै होआ! होर च़ला, हेरा, मुँभै धोखै सैंघै ढौकणै द्याणू आल़ा मांहणु ऐन्दा लागा सा।
यीशु रा धोखै सैंघै ढौकिणा
43यीशु बोलदा लागा ती कि तेइरै बारा च़ेले मौंझ़ै न एक च़ेला यहूदा इस्करियोती तौखै हेरूआ। तेई सैंघै डँडै होर तलवारी लेइया लोकै री एक बड़ी भीड़ ती होर सौ भीड़ मुख्यपुरोहिता, शास्त्री होर स्याणै भेज़ी ती। 44यहूदा इस्करियोतीयै तिन्हां बै दैसू ती कि ज़ुणिबै हांऊँ माँकी देनू सौहै यीशु सा, तेइबै ढौकेइत् होर होशियारी सैंघै नेईत्। 45ज़ैबै यहूदा तौखै आऊ, तुरन्त तेइयै यीशु हागै ज़ाइआ बोलू, “ओ गुरू!” होर तेइबै माँकी धिनी। 46तैबै तुरन्त तिन्हैं सौ ढौकू होर आपणी हिरासता न लेऊ। 47यीशु रै एकी च़ेले ज़ो कि तौखै खड़ा ती, तेइयै आपणी तलवारियै लाइया महापुरोहित रै नोकर रा एक कोन काटू।
48तैबै यीशुऐ बोलू, “हांऊँ कि कोई अपराधी सा ज़ो तुसै मुँभै ढौकणै री तैंईंयैं डँडै होर तलवारी लेइया आऐ सी?” 49हांऊँ हर रोज़ मन्दिरा न तुसा सैंघै उपदेश देआ ती पर तुसै हांऊँ नी ढौकू। ऐबै ऐ एथै री तैंईंयैं तुसै हांऊँ ढौकू कि शास्त्रा रा वचन पूरा होला। 50तैबै यीशु रै सारै च़ेले तेइबै केल्है छ़ौड़िआ भगै।
51एक नोऊज़ुआन आपणी नाँगी देही न एक च़ादर लपेटिया तेई पिछ़ै ऐन्दा लागा ती। तिन्हैं सौ ढौकणा चाहू। 52पर सौ आपणी च़ादर छ़ौड़िआ नाँगा भैगू।
बड़ी सभा रै सामनै यीशु
53तिन्हैं यीशु महापुरोहित हागै नेऊ। तैबै सारै मुख्यपुरोहित, स्याणै होर शास्त्री कठा हुऐ। 54पतरस तेईन दूर-दूर च़लदै-च़लदै महापुरोहित रै ब्राम्दै आँध्रै तैंईंयैं नौठा होर तौखै पौहरैदारा सैंघै औगी छिपदा लागा। 55सारी यहूदी सभा होर मुख्यपुरोहित यीशु बै मौऊत री सज़ा देणै री तैंईंयैं कोई सबूत तोपदै लागै ती पर तिन्हां बै कोई सबूत नी मिलू। 56बोहू सारै लोकै यीशु रै बारै न झ़ूठी गुआही धिनी पर ते गुआही एक ज़ेही नैंई ती। 57तैबै किछ़ लोका खड़ै हुऐ होर तेइरै खिलाफ़ झ़ूठी गुआही देईया बोलदै लागै, 58“आसै ऐ ऐण्ढा बोलदा शुणू सा कि मैं मांहणु रै हौथै बैणूदा ऐ मन्दिर मूँ नाश केरना होर त्रा रोज़ा भीतरै मूँ दुज़ा मन्दिर बनाणा, ज़ो कि हौथै लाइया बैणूदा नी होंणा।” 59पर ऐथा न भी तिन्हरी गुआही एक नी ती ऑथि।
60तैबै तिन्हां सामनै महापुरोहित खड़ै होईया यीशु न पुछ़ू, “ऐ लोका तेरै खिलाफ़ कि गुआही देंदै लागै सी? कि तौ इन्हां बै किछ़ ज़वाब नी देणा?” 61पर यीशु च़ुप रौहू, होर किछ़ ज़वाब नी धिना, महापुरोहितै सौ फिरी पुछ़ू, तू कि तेई परमेश्वरा रा बेटा मसीह सा?
62यीशुऐ बोलू, “हांऊँ सा, होर तुसा मांहणु रै बेटै बै सर्वशक्तिमाना री दैहिणी धिरै बेठादा होर स्वर्गा न बादला सैंघै ऐन्दा हेरना।”
63महापुरोहितै आपणा चोल़ा च़िरिया बोलू, “आसाबै होरी गुआही री कि ज़रूरत सा?” 64तुसै ऐ निन्दा आल़ी गैला बोलदा शुणू, ऐबै तुसरा कि विचार सा? तिन्हैं सैभियै बोलू, ऐईबै मौऊत री सज़ा मिलणी चेहिऐ। 65तैबै किछ़ लोकै तेई पैंधै थुकू, किछ़ लोका तेइरा मुँह खौटा ती होर मुक्कै लाइया मारा ती। किछ़ मज़ाक केरिया बोलदै लागै, “भविष्यवाणी केरिया पता ला कि कुणिऐ मारू!” होर पौहरैदारै सौ ढौकिया मारू।
पतरसा रा नाँह केरना
66पतरस हाज़ी ब्राम्दै न बेठा ती होर तौखै महापुरोहितै री एक नोकराणी आई। 67ज़ैबै तेसै पतरस तौखै औगी छिपदा हेरू ता बड़ै ध्याना सैंघै तेइबै पछ़ियाणिया बोलू, “तू बी ता तेई यीशु नासरी सैंघै ती।” 68पर पतरसै नाँह केरू होर बोलदा लागा, “हांऊँ नी ज़ाणदा कि तू कि लागी सा बोलदी।” ऐण्ढा बोलिया सौ डेवढ़ी तैंईंयैं नौठा, होर मुर्गै बाँग धिनी। 69तेसै नोकराणियै ज़ैबै सौ दबारा हेरू ता सौ भी लोका बै बोलदी लागी, “ऐ मांहणु बी तिन्हां न एक सा।” 70पतरसै फिरी नाँह केरू। तैबै थोड़ी देरा बाद तौखै खड़ै हुऐदै लोकै पतरस हेरू होर बोलू, “पक्का तू बी तिन्हां न एक सा किबैकि तू बी गलीला रा सा।” 71तैबै पतरस आपणै आपा बै कोसदा लागा होर कसमा खाँदा लागा, “ज़ौसरै बारै न तुसै बोलदै लागै सी, हांऊँ तेई मांहणु बै नी ज़ाणदा।” 72तेसा घड़ियै मुर्गै दुज़ी बार बाँग धिनी। पतरसा बै तुरन्त तेई बौगतै सौ गैल याद आई ज़ो यीशुऐ तेइबै बोली ती कि “मुर्गै री दूई बार बाँग देणै न पैहलै तौ मेरा त्रा बार नाँह केरना।” तैबै पतरसा रा ज़ीऊ चुटा होर सौ दु:खी होईया लेरा मारिया रोंदा लागा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.