मरकुस 9
9
1यीशुऐ तिन्हां बै बोलू, “हांऊँ तुसाबै सच़ बोला सा, औखै ज़ो खड़ै सी, तिन्हां न किछ़ ऐण्ढै सी तिन्हां परमेश्वरै रै राज्य री शक्ति बै ऐन्दा नी हेरलै तैबै तक तिन्हां नी मौरना।”
यीशु रा रूप बदलणा
2छ़ौह रोज़ा बाद यीशु पतरस, याकूब होर तेइरा होछ़ा भाई यूहन्ना सैंघै एकी उथड़ै ढौगा पैंधै नौठा। तौखै तिन्हां सामनै यीशुऐ आपणा रूप बदलू। 3तेइरै झिकड़ै ऐण्ढै शेतै होईया च़मकदै लागै। धौरती न कोई भी धोबी झिकड़ै बै धोइया ऐतरै च़मकदार नी केरी सकदा। 4दुई भविष्यवक्ता एलिय्याह होर मूसा ज़ो बोहू पैहलै ती, तिन्हां बै हेरूऐ। ते यीशु सैंघै गैला केरदै लागै ती।
5तैबै पतरसै यीशु बै बोलू, “ओ गुरू ऐ केतरा शोभला सा कि आसै औखै सी। आसाबै त्रा तोम्बू बनाणै दै, एक तेरी तैंईंयैं, एक मूसै री तैंईंयैं होर एक एलिय्याह री तैंईंयैं।” 6पतरसै ऐ एथै री तैंईंयैं बोलू किबैकि सौ नैंई ज़ाणदा ती, कि ज़वाब देणा, तैबै ते बोहू डौरै ती।
7तैबै ते एकी बादलै घेरै होर बादला न ऐ आवाज़ हुई, “ऐ मेरा प्यारा बेटा सा ऐईरी शुणा।”
8होर ज़ैबै तिन्हैं च़ोहू पासै हेरू ता तिन्हैं आपु सैंघै सिर्फ़ यीशु हेरू होर कोई नी।
9ढौगा न उतरदी बार यीशुऐ च़ेले बै हुक्म धिना कि, “ज़ैबै तैंईंयैं मांहणु रा बेटा मूँऐंदै न ज़िन्दा नी होला तैबै तैंईंयैं ज़ो किछ़ तुसै हेरू कौसी बै हेरीत् दसदै।” 10तिन्हैं ऐ गैल आपणै मना न रैखी पर ते सोच़-विच़ार केरदै लागै कि, “मूँऐंदै न ज़िन्दै होंणै रा कि मतलब सा?” 11तैबै च़ेले यीशु न पुछ़ू, “शास्त्री किबै बोला सी कि एलिय्याह भविष्यवाणी केरनु आल़ै रा पैहलै ऐणा ज़रूरी सा?”
12यीशुऐ तिन्हां बै बोलू, “हाँ, सच़िऐ सैभी गैला बै सुधारनै री तैंईंयैं एलिय्याह पैहलै ऐणा। पर हांऊँ मांहणु रै बेटै रै बारै न ऐ किबै लिखुआ सा कि बोहू दु:ख सौहणा पौड़ना होर बैइज़त केरिनी। 13पर हांऊँ तुसाबै सच़ बोला सा, कि एलिय्याह ता आऊदा सा, होर ज़ो किछ़ तेइरै बारै न लिखू ती, तिन्हैं ज़ो चाहू तैण्ढा केरू।”
बुरी आत्मा सैंघै भौरुहोंदै शोहरू बै ठीक केरना
14होर ज़ैबै यीशु होर तेइरै त्राई च़ेले दुज़ै च़ेले हागै वापस आऐ, ता हेरू कि तिन्हां रै च़ोहू पासै बड़ी भीड़ लागी सा होर शास्त्री तिन्हां सैंघै बैहस बाजी केरदै लागै सी। 15होर यीशु बै हेरिया सैभ लौका हैरान हुऐ, होर तेइरी धिरै ठोर मारिया तेइबै नमस्कार केरी। 16तेइयै तिन्हां न पुछ़ू, “कि तुसै इन्हां सैंघै कि बैहस केरा सी?” 17भिड़ा न ऐकी मांहणुऐ बोलू कि, “ओ गुरू, मैं आपणा शोहरू ज़ुणीन बुरी आत्मा सा होर सौ तेइबै बोलणै नी देंदी, तौ हागै बै आंणु ती। 18ज़ौखै भी सौ आत्मा तेइबै ढौका सा, तौखै धौरती न लोमा पा सा, होर मुँहा न झाग खोला सा, होर दोंद पिशा सा, होर शुकदा लागा सा, मैं तेरै च़ेले बै खोलणै बै बोलू, पर ते तिन्हां बै खोली नी सकदै।”
19ऐ शुणिया यीशुऐ तिन्हां बै ज़वाब धिना, “ओ अविश्वासी लौको, कैधी तैंईंयैं मूँ तुसा सैंघै रोहणा? होर कैधी तैंईंयैं तुसा री दाह सौहणी? तेइबै मूँ आगै आंणा।”
20तैबै तिन्हैं सौ शोहरू यीशु आगै आंणु, होर ज़ैबै बुरी आत्मै यीशु हेरू, ता तेसै बुरी आत्मै फट सौ शोहरू मरोड़ीया ज़मीना पैंधै शैटू, होर मुँहा न झाग निकल़िया ज़ाँदा रौहू। 21यीशुऐ तेइरै बापू न पुछ़ू कि, “ऐईरा ऐ हाल कैधी न ओरु सा” तेइयै बोलू कि, “बचपना न। 22बुरी आत्मै ऐ शोहरू नाश केरनै री तैंईंयैं कैधी औगी न शैटू ता कैधी पाणी न, पर अगर तू किछ़ केरी सका सा ता, आसा पैंधै दया केर होर आसरी मज़त केर।” 23यीशुऐ तेइबै बोलू, “अगर तू केरी सका सा! ऐ तैं कि गैल केरी? बशाह केरनु आल़ै री तैंईंयैं परमेश्वर सैभ किछ़ केरी सा।” 24शोहरू रै बापूऐ लेरा मारिया बोलू, “ओ प्रभु, हांऊँ बशाह केरा सा; कि तू मेरी मज़त केरी सका सा, पर हांऊँ पक्का बशाह नी केरी सकदा। मेरै बशाह बै पक्का केरनै री तैंईंयैं मेरी मज़त केरा।”
25ज़ैबै यीशुऐ हेरू, कि लौका री बोहू भीड़ कठा लागी होंदै, ता तेइयै बुरी आत्मा बै झिड़किया बोलू, “ओ गूंगी होर टाऊँणी केरनु आल़ी बुरी आत्मा, हांऊँ तौभै हुक्म देआ सा, कि ऐई शोहरू न बाहरै निकल़, होर फिरी कैधी भी ऐई आँध्रै मत ज़ाँदी।”
26तैबै बुरी आत्मा बोहू लेरा मारिया, होर बोहू मरोड़िया निकती, होर शोहरू मूँआदा ज़ेही हुआ, कई लौका बोलदै लागै कि ऐ ता मूँआ। 27पर यीशुऐ तेइरा हौथ ढोकिया सौ च़कू, होर सौ खड़ा हुआ।
28ज़ैबै यीशु घौरा बै आऊ, ता तेइरै च़ेले केल्है न पुछ़दै लागै कि, “आसै तेसा बुरी आत्मा बै किबै नी खोली सके?”
29यीशुऐ तिन्हां बै बोलू, “ऐण्ढी किस्मै री बुरी आत्मा बै खोलणै री तैंईंयैं प्रार्थना रै अलावा होर कोई च़ारा नी ऑथि।”
आपणी मौऊती रै बारै न यीशु री दबारा भविष्यवाणी
30फिरी तै तौखै न च़लै, होर गलीला न होईया ज़ाँदै लागै ती, होर चाहा ती कि कोई भी तेइबै नी पछ़ियाणला, 31होर सौ आपणै च़ेले बै शिक्षा देआ ती होर तिन्हां बै बोला ती कि, “हांऊँ मांहणु रा बेटा, दुश्मनै रै हौथा ढौकिणै, होर तिन्हां सौ मकाणा, होर तेई मौरने रै त्रीज़ै रोज़ा बाद ज़िन्दा होंणा।” 32पर ऐ गैल तिन्हां रै समझा न नी आई, होर तै तेईन पुछ़णै न डौरा ती।
सैभी न बड़ा कुण सा
33तैबै तै कफरनहूम शैहरा बै आऐ, घौरा एज़िया यीशुऐ तिन्हां न पुछ़ू कि, “बौता न तुसै कुणी गैला पैंधै बैहस केरदै लागै ती?” 34ते च़ुप रौहे, किबैकि बौता न तै ऐसा गैला पैंधै बैहस केरदै लागै ती, कि आसा मौंझ़ै बड़ा कुण सा? 35तैबै यीशुऐ बैशिया बारा रै बारा च़ेले शाधै, होर तिन्हां बै बोलू, “अगर कोई बड़ा होंणा चाहा सा, ता सैभी न होछ़ा होर सेवा केरनु आल़ै बणा।”
36यीशुऐ एक होछ़ा शोहरू तिन्हां मौंझ़ै खड़ा केरू, होर तेइबै फाह्ड़ै न च़किया तिन्हां बै बोलू। 37“ज़ुण कोई मूँ सैंघै झ़ुरी रखा सा होर मेरी तैंईंयैं ऐण्ढै शोहरू बै ग्रहण केरा सा, सौ मुँभै ग्रहण केरा सा, होर ज़ुण कोई मुँभै ग्रहण केरा सा सौ मेरै भेजणु आल़ै बै ग्रहण सा।”
ज़ुण आसरै खिलाफ़ा नैंई ऑथि सौ आसा सैंघै सा
38तैबै यूहन्नै यीशु बै बोलू, “ओ गुरू, आसै एक मांहणु बै तेरै नाँ न बुरी आत्मा खोलदै हेरू होर आसै तेइबै नाँह केरदै लागै, किबैकि सौ तेरा च़ेला नी ती ऑथि।”
39यीशुऐ बोलू, “तेइबै नाँह मता केरदै, किबैकि ऐण्ढा कोई नी ऑथि कि मेरै नाँ न कोई चमत्कारा रा कोम केरला, होर ज़ो मेरी बुराई केरला। 40किबैकि ज़ुण आसरै बरखलाप नी ऑथि, सौ आसा धिरै सा। 41होर ज़ो कोई तुसाबै एक गलास पाणी रा ऐ सोचिया पियाला कि तुसै मसीह रै सी ता हांऊँ सच़ बोला सा कि तेई आपणा ईनाम पाणा।”
ठोकरा री बजहा बणना
42यीशुऐ बी बोलू, “अगर कोई न तुसै पाप करवा सी, ज़ुण मूँ पैंधै बशाह केरा सी ता परमेश्वरा तुसाबै सख्त सज़ा देणी, भलै सौ मांहणु होछ़ै शोहरू सांही होला, तेइरी तैंईंयैं ऐ भला सा कि एक बड़ा पौट तेई रै गौल़ा न बोनिआ, सौ समुन्द्र न शेटू लोड़ी। 43अगर तेरा हौथ तौभै ठोकर खिया सा ता तेइबै काटिया शेट टुण्डै होईया हमेशा री ज़िन्दगी न ज़ाणा, तेरै तैंईंयैं ऐ भला सा कि दुई हौथ होंदै नरका मौंझ़ै तेसा औगी न पाऊ लोड़ी ज़ुण कैधी भी हिशणै री नी ऑथि। 44तेरै तैंईंयैं ऐ शोभला सा कि दुई हौथ होंदै नरका मौंझ़ै तेसा औगी न पाऊ लोड़ी ज़ुण कैधी भी हिशणै री नी ऑथि। 45होर अगर तेरै पैर तौभै ठोकर खिया सा ता तेइबै काटिया शेट, लैंगड़ा होईया तेरै तैंईंयैं हमेशा री ज़िन्दगी न ज़ाणा ऐसा गैला न शोभला सा कि दुई पैर होंदैआ तू नरका बै जाला। 46ज़ौखै तिन्हरा कीड़ा नैंई मौरदा होर औग नैंई हिशदी, 47होर अगर तेरी औछ़ी तौभै ठोकर खियाए, ता तू तेसा बै खोलिया, कांणै होईया परमेश्वरा रै राज्य न ज़ाणा तेरै तैंईंयैं भला सा कि दुई औछ़ी होईया भी तू नरका बै जाला। 48ज़ौखै
‘तिन्हां रा कीड़ा नी मौरदा,
होर औग नी हिशदी’
49 “हर एक मांहणु औगी लाईया च़ोखा केरिना ज़ैण्ढै बली बै लूणा लाईया च़ोखी केरा सी।” 50“लूण खाँणै न पा सी, पर अगर लुणा रा स्वाद बिगड़ू ता किज़ी लाईया लुणा केरना? आपु आँध्रै लूण सांही स्वभाव रैखा होर आपु न मिली-जुलिया रौहा।”
Currently Selected:
मरकुस 9: KFX-NT
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.
मरकुस 9
9
1यीशुऐ तिन्हां बै बोलू, “हांऊँ तुसाबै सच़ बोला सा, औखै ज़ो खड़ै सी, तिन्हां न किछ़ ऐण्ढै सी तिन्हां परमेश्वरै रै राज्य री शक्ति बै ऐन्दा नी हेरलै तैबै तक तिन्हां नी मौरना।”
यीशु रा रूप बदलणा
2छ़ौह रोज़ा बाद यीशु पतरस, याकूब होर तेइरा होछ़ा भाई यूहन्ना सैंघै एकी उथड़ै ढौगा पैंधै नौठा। तौखै तिन्हां सामनै यीशुऐ आपणा रूप बदलू। 3तेइरै झिकड़ै ऐण्ढै शेतै होईया च़मकदै लागै। धौरती न कोई भी धोबी झिकड़ै बै धोइया ऐतरै च़मकदार नी केरी सकदा। 4दुई भविष्यवक्ता एलिय्याह होर मूसा ज़ो बोहू पैहलै ती, तिन्हां बै हेरूऐ। ते यीशु सैंघै गैला केरदै लागै ती।
5तैबै पतरसै यीशु बै बोलू, “ओ गुरू ऐ केतरा शोभला सा कि आसै औखै सी। आसाबै त्रा तोम्बू बनाणै दै, एक तेरी तैंईंयैं, एक मूसै री तैंईंयैं होर एक एलिय्याह री तैंईंयैं।” 6पतरसै ऐ एथै री तैंईंयैं बोलू किबैकि सौ नैंई ज़ाणदा ती, कि ज़वाब देणा, तैबै ते बोहू डौरै ती।
7तैबै ते एकी बादलै घेरै होर बादला न ऐ आवाज़ हुई, “ऐ मेरा प्यारा बेटा सा ऐईरी शुणा।”
8होर ज़ैबै तिन्हैं च़ोहू पासै हेरू ता तिन्हैं आपु सैंघै सिर्फ़ यीशु हेरू होर कोई नी।
9ढौगा न उतरदी बार यीशुऐ च़ेले बै हुक्म धिना कि, “ज़ैबै तैंईंयैं मांहणु रा बेटा मूँऐंदै न ज़िन्दा नी होला तैबै तैंईंयैं ज़ो किछ़ तुसै हेरू कौसी बै हेरीत् दसदै।” 10तिन्हैं ऐ गैल आपणै मना न रैखी पर ते सोच़-विच़ार केरदै लागै कि, “मूँऐंदै न ज़िन्दै होंणै रा कि मतलब सा?” 11तैबै च़ेले यीशु न पुछ़ू, “शास्त्री किबै बोला सी कि एलिय्याह भविष्यवाणी केरनु आल़ै रा पैहलै ऐणा ज़रूरी सा?”
12यीशुऐ तिन्हां बै बोलू, “हाँ, सच़िऐ सैभी गैला बै सुधारनै री तैंईंयैं एलिय्याह पैहलै ऐणा। पर हांऊँ मांहणु रै बेटै रै बारै न ऐ किबै लिखुआ सा कि बोहू दु:ख सौहणा पौड़ना होर बैइज़त केरिनी। 13पर हांऊँ तुसाबै सच़ बोला सा, कि एलिय्याह ता आऊदा सा, होर ज़ो किछ़ तेइरै बारै न लिखू ती, तिन्हैं ज़ो चाहू तैण्ढा केरू।”
बुरी आत्मा सैंघै भौरुहोंदै शोहरू बै ठीक केरना
14होर ज़ैबै यीशु होर तेइरै त्राई च़ेले दुज़ै च़ेले हागै वापस आऐ, ता हेरू कि तिन्हां रै च़ोहू पासै बड़ी भीड़ लागी सा होर शास्त्री तिन्हां सैंघै बैहस बाजी केरदै लागै सी। 15होर यीशु बै हेरिया सैभ लौका हैरान हुऐ, होर तेइरी धिरै ठोर मारिया तेइबै नमस्कार केरी। 16तेइयै तिन्हां न पुछ़ू, “कि तुसै इन्हां सैंघै कि बैहस केरा सी?” 17भिड़ा न ऐकी मांहणुऐ बोलू कि, “ओ गुरू, मैं आपणा शोहरू ज़ुणीन बुरी आत्मा सा होर सौ तेइबै बोलणै नी देंदी, तौ हागै बै आंणु ती। 18ज़ौखै भी सौ आत्मा तेइबै ढौका सा, तौखै धौरती न लोमा पा सा, होर मुँहा न झाग खोला सा, होर दोंद पिशा सा, होर शुकदा लागा सा, मैं तेरै च़ेले बै खोलणै बै बोलू, पर ते तिन्हां बै खोली नी सकदै।”
19ऐ शुणिया यीशुऐ तिन्हां बै ज़वाब धिना, “ओ अविश्वासी लौको, कैधी तैंईंयैं मूँ तुसा सैंघै रोहणा? होर कैधी तैंईंयैं तुसा री दाह सौहणी? तेइबै मूँ आगै आंणा।”
20तैबै तिन्हैं सौ शोहरू यीशु आगै आंणु, होर ज़ैबै बुरी आत्मै यीशु हेरू, ता तेसै बुरी आत्मै फट सौ शोहरू मरोड़ीया ज़मीना पैंधै शैटू, होर मुँहा न झाग निकल़िया ज़ाँदा रौहू। 21यीशुऐ तेइरै बापू न पुछ़ू कि, “ऐईरा ऐ हाल कैधी न ओरु सा” तेइयै बोलू कि, “बचपना न। 22बुरी आत्मै ऐ शोहरू नाश केरनै री तैंईंयैं कैधी औगी न शैटू ता कैधी पाणी न, पर अगर तू किछ़ केरी सका सा ता, आसा पैंधै दया केर होर आसरी मज़त केर।” 23यीशुऐ तेइबै बोलू, “अगर तू केरी सका सा! ऐ तैं कि गैल केरी? बशाह केरनु आल़ै री तैंईंयैं परमेश्वर सैभ किछ़ केरी सा।” 24शोहरू रै बापूऐ लेरा मारिया बोलू, “ओ प्रभु, हांऊँ बशाह केरा सा; कि तू मेरी मज़त केरी सका सा, पर हांऊँ पक्का बशाह नी केरी सकदा। मेरै बशाह बै पक्का केरनै री तैंईंयैं मेरी मज़त केरा।”
25ज़ैबै यीशुऐ हेरू, कि लौका री बोहू भीड़ कठा लागी होंदै, ता तेइयै बुरी आत्मा बै झिड़किया बोलू, “ओ गूंगी होर टाऊँणी केरनु आल़ी बुरी आत्मा, हांऊँ तौभै हुक्म देआ सा, कि ऐई शोहरू न बाहरै निकल़, होर फिरी कैधी भी ऐई आँध्रै मत ज़ाँदी।”
26तैबै बुरी आत्मा बोहू लेरा मारिया, होर बोहू मरोड़िया निकती, होर शोहरू मूँआदा ज़ेही हुआ, कई लौका बोलदै लागै कि ऐ ता मूँआ। 27पर यीशुऐ तेइरा हौथ ढोकिया सौ च़कू, होर सौ खड़ा हुआ।
28ज़ैबै यीशु घौरा बै आऊ, ता तेइरै च़ेले केल्है न पुछ़दै लागै कि, “आसै तेसा बुरी आत्मा बै किबै नी खोली सके?”
29यीशुऐ तिन्हां बै बोलू, “ऐण्ढी किस्मै री बुरी आत्मा बै खोलणै री तैंईंयैं प्रार्थना रै अलावा होर कोई च़ारा नी ऑथि।”
आपणी मौऊती रै बारै न यीशु री दबारा भविष्यवाणी
30फिरी तै तौखै न च़लै, होर गलीला न होईया ज़ाँदै लागै ती, होर चाहा ती कि कोई भी तेइबै नी पछ़ियाणला, 31होर सौ आपणै च़ेले बै शिक्षा देआ ती होर तिन्हां बै बोला ती कि, “हांऊँ मांहणु रा बेटा, दुश्मनै रै हौथा ढौकिणै, होर तिन्हां सौ मकाणा, होर तेई मौरने रै त्रीज़ै रोज़ा बाद ज़िन्दा होंणा।” 32पर ऐ गैल तिन्हां रै समझा न नी आई, होर तै तेईन पुछ़णै न डौरा ती।
सैभी न बड़ा कुण सा
33तैबै तै कफरनहूम शैहरा बै आऐ, घौरा एज़िया यीशुऐ तिन्हां न पुछ़ू कि, “बौता न तुसै कुणी गैला पैंधै बैहस केरदै लागै ती?” 34ते च़ुप रौहे, किबैकि बौता न तै ऐसा गैला पैंधै बैहस केरदै लागै ती, कि आसा मौंझ़ै बड़ा कुण सा? 35तैबै यीशुऐ बैशिया बारा रै बारा च़ेले शाधै, होर तिन्हां बै बोलू, “अगर कोई बड़ा होंणा चाहा सा, ता सैभी न होछ़ा होर सेवा केरनु आल़ै बणा।”
36यीशुऐ एक होछ़ा शोहरू तिन्हां मौंझ़ै खड़ा केरू, होर तेइबै फाह्ड़ै न च़किया तिन्हां बै बोलू। 37“ज़ुण कोई मूँ सैंघै झ़ुरी रखा सा होर मेरी तैंईंयैं ऐण्ढै शोहरू बै ग्रहण केरा सा, सौ मुँभै ग्रहण केरा सा, होर ज़ुण कोई मुँभै ग्रहण केरा सा सौ मेरै भेजणु आल़ै बै ग्रहण सा।”
ज़ुण आसरै खिलाफ़ा नैंई ऑथि सौ आसा सैंघै सा
38तैबै यूहन्नै यीशु बै बोलू, “ओ गुरू, आसै एक मांहणु बै तेरै नाँ न बुरी आत्मा खोलदै हेरू होर आसै तेइबै नाँह केरदै लागै, किबैकि सौ तेरा च़ेला नी ती ऑथि।”
39यीशुऐ बोलू, “तेइबै नाँह मता केरदै, किबैकि ऐण्ढा कोई नी ऑथि कि मेरै नाँ न कोई चमत्कारा रा कोम केरला, होर ज़ो मेरी बुराई केरला। 40किबैकि ज़ुण आसरै बरखलाप नी ऑथि, सौ आसा धिरै सा। 41होर ज़ो कोई तुसाबै एक गलास पाणी रा ऐ सोचिया पियाला कि तुसै मसीह रै सी ता हांऊँ सच़ बोला सा कि तेई आपणा ईनाम पाणा।”
ठोकरा री बजहा बणना
42यीशुऐ बी बोलू, “अगर कोई न तुसै पाप करवा सी, ज़ुण मूँ पैंधै बशाह केरा सी ता परमेश्वरा तुसाबै सख्त सज़ा देणी, भलै सौ मांहणु होछ़ै शोहरू सांही होला, तेइरी तैंईंयैं ऐ भला सा कि एक बड़ा पौट तेई रै गौल़ा न बोनिआ, सौ समुन्द्र न शेटू लोड़ी। 43अगर तेरा हौथ तौभै ठोकर खिया सा ता तेइबै काटिया शेट टुण्डै होईया हमेशा री ज़िन्दगी न ज़ाणा, तेरै तैंईंयैं ऐ भला सा कि दुई हौथ होंदै नरका मौंझ़ै तेसा औगी न पाऊ लोड़ी ज़ुण कैधी भी हिशणै री नी ऑथि। 44तेरै तैंईंयैं ऐ शोभला सा कि दुई हौथ होंदै नरका मौंझ़ै तेसा औगी न पाऊ लोड़ी ज़ुण कैधी भी हिशणै री नी ऑथि। 45होर अगर तेरै पैर तौभै ठोकर खिया सा ता तेइबै काटिया शेट, लैंगड़ा होईया तेरै तैंईंयैं हमेशा री ज़िन्दगी न ज़ाणा ऐसा गैला न शोभला सा कि दुई पैर होंदैआ तू नरका बै जाला। 46ज़ौखै तिन्हरा कीड़ा नैंई मौरदा होर औग नैंई हिशदी, 47होर अगर तेरी औछ़ी तौभै ठोकर खियाए, ता तू तेसा बै खोलिया, कांणै होईया परमेश्वरा रै राज्य न ज़ाणा तेरै तैंईंयैं भला सा कि दुई औछ़ी होईया भी तू नरका बै जाला। 48ज़ौखै
‘तिन्हां रा कीड़ा नी मौरदा,
होर औग नी हिशदी’
49 “हर एक मांहणु औगी लाईया च़ोखा केरिना ज़ैण्ढै बली बै लूणा लाईया च़ोखी केरा सी।” 50“लूण खाँणै न पा सी, पर अगर लुणा रा स्वाद बिगड़ू ता किज़ी लाईया लुणा केरना? आपु आँध्रै लूण सांही स्वभाव रैखा होर आपु न मिली-जुलिया रौहा।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.