Luke 4:5-8

Màlàyau yalàppù ya, kawon wùk pona molopai tewinanpa tamù'nawolon wolù yau itepulu pe, itepoi we'nàtok yekamappù ipàk. “Sàlà yepulu pe we'nàtok ke elepa uya molopai tamù'nawàlà temamin ke we'nàtok ke,” teppù ya ipàk. “Tamù'nawàlà itùsak lùppù sàlà uyemyak molopai itùlù uya nàlà màlà ànù'là unanùmù yemyak,” teppù ya. “Tamù'nawàlà nen uchi sàlà wechi àponalok pe màlà uyapulàsak auya yau,” teppù ya. Jesus uya yeikuppù, “Katù Maimu uya, ‘Itepulu Katù inamakà molopai mùkkàlà neken ya'là ekkà molopai iponalok pe e'wotokomakà!’ tesak man,” tukaik. {DEU 6:13}