मत्ती 22
22
ब्याह-भोज रा उदारण
1फिरी यीशु तिन्हा कने उदारण बिच गल्लां करणा लगे। 2स्वर्ग रा राज तिस कहाणी सांई है जिस बिच इक्क राज्जे ने अपणे मुंडे रा ब्याह तांइ बड्डी धाम दित्ती। 3ते तिसने अपणे नौक्कर जो भेज्जेया कि सद्दे रे लोक्कां जो ब्याह री धाम बिच सद्दी लेई आए। 4फिर तिनिए होर नौकरांं जो ए बोल्ली करी भेज्जेया, सद्दे रे लोक्कां जो बोल्लो: दिख्खो, मैं धाम दैणे तांइ बदिया-बदिया चीजां भी पकाई करी तैयार करी रख्खे री हिन, 5पर से मणू तिसेरी धाम बिच नी जाणा चाह्ंदे थिये इधेरे तांइ बहान्ना बणाई करी अपणे खेत्तरां जो ते किच्छ अपणे कम्मां जो चली गे। 6होर लोक्कां ने जे बचेया करदे थिये तिसेरे नौकरांं जो पकड़ी करी तिन्हेरी बेजती कित्ती ते मारी रख्खेया। 7जां राज्जे ने सब सूणेया तां तिसजो जो गुस्सा आया ते तिसने अपणी सैना भेज्जी करी तिन्हा खूनियां जो मारी दित्ता, ते तिन्हेरे सहर जो फुक्की दित्तेया। 8तां तिसने अपणे नौकरांं जो बोल्लेया, ब्याह री धाम तां तैयार है पर सद्दे रे मणू इस बिच शामिल होणे रे जोग्गे नी हिन। 9इस तांइ हर चौराहे पर जाओ ते जिन्ने मणू तुसा जो मिलण सारेयां जो ब्याह री धाम बिच सद्दी लेयो। 10अते तिन्हा नौकरांं ने हर चौराहे पर जाई करी, कै ठीक कै बुरे जिनिये मणू मिल्ले, सारेयां जो कठ्ठेरेया, ते ब्याह रा घर मेहमानां कने भरी गेया। 11जां राज्जा मेहमानां जो दिखणे तांइ अन्दर आया, तां तिसने तित्ते इक्क मणू जो दिख्खेया, जे से कपड़े पाई करी नी आया थिया जे तिसजो ब्याह बिच पाणे तांइ दित्ते गे थिये। 12तिसने तिसजो पूच्छेया, ओ दोस्त, तिज्जो जे कपड़े ब्याह बिच पाणे तांइ दित्ते गे थिये तैं से किजो नी पाए? तां तिसेरा मुँह बांद्द होई गेया। 13तां राज्जे ने नौकरांं जो बोल्लेया, इसेरे हात्थ-पैर बन्नी करी इसजो बार न्याहरे बिच पाई देयो, तित्ते रोणा ते दांद्द पिह्णा होणा। 14इस कहाणी सांई ही परमेश्वर ने मते लोक्कां जो सद्दे रा है पर किच्छ चुणे रे लोक्कां ने ही तिन्हा कने रैह्णा।
कैसर जो कर दैणा
15तां फरीसियां ने जाई करी अप्पु बिच गल्ल कित्ती की तिसजो किय्यां गल्लां बिच फसाण। 16अते तिन्हा ने अपणे चेल्लेयां जो हेरोदेस रे झुण्ड रे लोक्कां कने तिन्हेरे का ए बोलणे जो भेज्जेया, ओ गुरु, असी जाणदे की तुसा सच्चे हिन, ते परमेश्वर रा रस्ता सच्चाई कने दसदे, ते कुसकी री परवाह नी करदे, किजोकी तुसा मणूआं रा मुँह दिख्खी करी गल्लां नी करदे। 17इसी तांइ असा जो दस तुसा कै सोचदे? सम्राट जो कर दैणा ठीक है या नी। 18यीशु ने तिन्हेरी बुराई जो जाणी करी बोल्लेया, ओ कपटियों, मेरे जो किजो हिन परखदे? 19मेरे जो से सिक्का दिखाओ जिस कने तुसा अपणी चुंगी भरदे, तां से तिन्हा का इक्क दीनार #22:19 दीनार इक्क दिन री धियाड़ीरा सिक्का लेई आए। 20तिन्हा ने तिन्हेरे का पूच्छेया, ए छाप ते निसान कुसेरा है? 21यीशु ने तिन्हेरे जो बोल्लेया, जे सम्राट रा है से सम्राट जो देयो, ते जे परमेश्वर रा है से परमेश्वर जो देयो। 22ए सुणी करी तिन्हेरे जो हैरानी हुई ते तिन्हेरे जो छड्डी करी चली गे।
मरी करी फिरी जिंदा होणा अते ब्याह
23तिसी दिन सदूकी जे बोलदे की मरेयां रा फिरी जिन्दा होणा है ही नी, तिन्हेरे का आए ते तिन्हेरे जो पूच्छेया, 24ओ गुरु, मूसा ने बोल्लेया थिया तां की जे कोई म्हणू बगैर बच्चे रे मरी जाए तां तिसेरा भाई तिसेरी लाड़ी कने ब्याह करी के अपणे भाई रा वशं बधाए। 25अवे असा रे इत्ते सत्त भाई थिये पैहल्ला ब्याह करी के मरी गेया ते बच्चा ना होणे री वजह कने अपणी लाड़ी जो अपणे भाई तांइ छडी गेया, 26इसी तरिक्के कने दूए ते त्रिए ने भी कित्तेया ते सत्तों तिकर ए ही होया। 27सारेया रे बाद से जनानी भी मरी गई। 28अते फिरी जिन्दे होणे पर तिनिये तिन्हा सत्तां बिच का कुसेरी लाड़ी होणी? किजोकी से सारेयां री लाड़ी होई चुके री थी। 29यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो। 30किजोकी फिरी जिन्दे होणे रे बाद तिन्हा ने स्वर्गदूतां सांई होणे। 31पर मरे होए रे फिरी जिन्दे होणे रे बारे बिच कै तुसा ए वचन नी पढ़ेया जे परमेश्वर ने तुसा कने बोल्लेया; 32मैं अब्राहम रा परमेश्वर, ते इसहाक रा परमेश्वर, ते याकूब रा परमेश्वर है? से मरेयां रा नी, पर जिन्देया रा परमेश्वर है। 33ए सुणी करी मणू तिन्हेरे उपदेस कने हैरान होई गे।
सबका बड्डी आज्ञा
34जां फरीसियां ने सूणेया की यीशु ने सदूकियां रा मुँह बांद्द करी दित्ते रा है तां से कठ्ठे होए। 35तिन्हा बिच का इक्क शास्त्री लोक्कां ने तिन्हा जो परखणे तांइ तिन्हेरे जो पूच्छेया, 36ओ गुरु, परमेश्वर रे कानून बिच कुण वाला हुकम सबका बड्डा है? 37तिन्हा ने तिन्हेरे जो बोल्लेया, तू परमेश्वर अपणे प्रभु कने अपणे सारे मन ते अपणे सारे प्राण ते अपणे सारी समझ कने प्यार कर। 38बड्डा ते खास हुकम ता ए ही है। 39ते तिसी सांई ए दुआ हुकम भी है कि अपणे पड़ोसी कने अप्पु सांई प्यार रख।
40ए ही दो हुकम सारे मूसा रे कानून ते भविष्यद्वक्ता रा आधार है।
मसीह कुसेरा पुत्र है?
41जां फरीसी कठ्ठे थिये, तां यीशु ने तिन्हा का पूच्छेया। 42मसीह यीशु रे बारे बिच तुसा कै सोचदे कि से कुसेरा मुंडा है? तिन्हा ने तिन्हेरे जो बोल्लेया, दाऊद रा। 43तिन्हा ने तिन्हेरे का पूच्छेया, तां दाऊद आत्मा बिच होई करी तिसजो प्रभु किजो बोलदा? 44प्रभु ने मेरे प्रभु जो बोल्लेया, मेरे सज्जे पास्से बैह्, जा तिकर मैं तेरे बैरियां जो तेरे पैरां रे थल्ले ना करी देयां। 45भला, जां दाऊद तिसजो प्रभु बोलदा, तां से तिसेरा पुत्तर किय्यां ठैहरेया। 46इसेरे जवाब बिच कोई भी इक्क जवाब भी देई सकेया तिस दिन का कुसकी जो भी तिन्हेरे का कुछ भी पूच्छणे री हिम्मत नी होई।
Currently Selected:
मत्ती 22: CDHNT
Highlight
Share
Copy
Want to have your highlights saved across all your devices? Sign up or sign in
Chambeali Bible (चम्बयाळी बाइबिल) 2020 by The Love Fellowship is licensed under a Creative Commons Attribution-ShareAlike 4.0 International License.
मत्ती 22
22
ब्याह-भोज रा उदारण
1फिरी यीशु तिन्हा कने उदारण बिच गल्लां करणा लगे। 2स्वर्ग रा राज तिस कहाणी सांई है जिस बिच इक्क राज्जे ने अपणे मुंडे रा ब्याह तांइ बड्डी धाम दित्ती। 3ते तिसने अपणे नौक्कर जो भेज्जेया कि सद्दे रे लोक्कां जो ब्याह री धाम बिच सद्दी लेई आए। 4फिर तिनिए होर नौकरांं जो ए बोल्ली करी भेज्जेया, सद्दे रे लोक्कां जो बोल्लो: दिख्खो, मैं धाम दैणे तांइ बदिया-बदिया चीजां भी पकाई करी तैयार करी रख्खे री हिन, 5पर से मणू तिसेरी धाम बिच नी जाणा चाह्ंदे थिये इधेरे तांइ बहान्ना बणाई करी अपणे खेत्तरां जो ते किच्छ अपणे कम्मां जो चली गे। 6होर लोक्कां ने जे बचेया करदे थिये तिसेरे नौकरांं जो पकड़ी करी तिन्हेरी बेजती कित्ती ते मारी रख्खेया। 7जां राज्जे ने सब सूणेया तां तिसजो जो गुस्सा आया ते तिसने अपणी सैना भेज्जी करी तिन्हा खूनियां जो मारी दित्ता, ते तिन्हेरे सहर जो फुक्की दित्तेया। 8तां तिसने अपणे नौकरांं जो बोल्लेया, ब्याह री धाम तां तैयार है पर सद्दे रे मणू इस बिच शामिल होणे रे जोग्गे नी हिन। 9इस तांइ हर चौराहे पर जाओ ते जिन्ने मणू तुसा जो मिलण सारेयां जो ब्याह री धाम बिच सद्दी लेयो। 10अते तिन्हा नौकरांं ने हर चौराहे पर जाई करी, कै ठीक कै बुरे जिनिये मणू मिल्ले, सारेयां जो कठ्ठेरेया, ते ब्याह रा घर मेहमानां कने भरी गेया। 11जां राज्जा मेहमानां जो दिखणे तांइ अन्दर आया, तां तिसने तित्ते इक्क मणू जो दिख्खेया, जे से कपड़े पाई करी नी आया थिया जे तिसजो ब्याह बिच पाणे तांइ दित्ते गे थिये। 12तिसने तिसजो पूच्छेया, ओ दोस्त, तिज्जो जे कपड़े ब्याह बिच पाणे तांइ दित्ते गे थिये तैं से किजो नी पाए? तां तिसेरा मुँह बांद्द होई गेया। 13तां राज्जे ने नौकरांं जो बोल्लेया, इसेरे हात्थ-पैर बन्नी करी इसजो बार न्याहरे बिच पाई देयो, तित्ते रोणा ते दांद्द पिह्णा होणा। 14इस कहाणी सांई ही परमेश्वर ने मते लोक्कां जो सद्दे रा है पर किच्छ चुणे रे लोक्कां ने ही तिन्हा कने रैह्णा।
कैसर जो कर दैणा
15तां फरीसियां ने जाई करी अप्पु बिच गल्ल कित्ती की तिसजो किय्यां गल्लां बिच फसाण। 16अते तिन्हा ने अपणे चेल्लेयां जो हेरोदेस रे झुण्ड रे लोक्कां कने तिन्हेरे का ए बोलणे जो भेज्जेया, ओ गुरु, असी जाणदे की तुसा सच्चे हिन, ते परमेश्वर रा रस्ता सच्चाई कने दसदे, ते कुसकी री परवाह नी करदे, किजोकी तुसा मणूआं रा मुँह दिख्खी करी गल्लां नी करदे। 17इसी तांइ असा जो दस तुसा कै सोचदे? सम्राट जो कर दैणा ठीक है या नी। 18यीशु ने तिन्हेरी बुराई जो जाणी करी बोल्लेया, ओ कपटियों, मेरे जो किजो हिन परखदे? 19मेरे जो से सिक्का दिखाओ जिस कने तुसा अपणी चुंगी भरदे, तां से तिन्हा का इक्क दीनार #22:19 दीनार इक्क दिन री धियाड़ीरा सिक्का लेई आए। 20तिन्हा ने तिन्हेरे का पूच्छेया, ए छाप ते निसान कुसेरा है? 21यीशु ने तिन्हेरे जो बोल्लेया, जे सम्राट रा है से सम्राट जो देयो, ते जे परमेश्वर रा है से परमेश्वर जो देयो। 22ए सुणी करी तिन्हेरे जो हैरानी हुई ते तिन्हेरे जो छड्डी करी चली गे।
मरी करी फिरी जिंदा होणा अते ब्याह
23तिसी दिन सदूकी जे बोलदे की मरेयां रा फिरी जिन्दा होणा है ही नी, तिन्हेरे का आए ते तिन्हेरे जो पूच्छेया, 24ओ गुरु, मूसा ने बोल्लेया थिया तां की जे कोई म्हणू बगैर बच्चे रे मरी जाए तां तिसेरा भाई तिसेरी लाड़ी कने ब्याह करी के अपणे भाई रा वशं बधाए। 25अवे असा रे इत्ते सत्त भाई थिये पैहल्ला ब्याह करी के मरी गेया ते बच्चा ना होणे री वजह कने अपणी लाड़ी जो अपणे भाई तांइ छडी गेया, 26इसी तरिक्के कने दूए ते त्रिए ने भी कित्तेया ते सत्तों तिकर ए ही होया। 27सारेया रे बाद से जनानी भी मरी गई। 28अते फिरी जिन्दे होणे पर तिनिये तिन्हा सत्तां बिच का कुसेरी लाड़ी होणी? किजोकी से सारेयां री लाड़ी होई चुके री थी। 29यीशु ने तिन्हा जो जवाब दित्तेया, तुसा पवित्रशास्त्र ते परमेश्वर री ताकत नी जाणदे इसी वजह कने भूल बिच पे रे हो। 30किजोकी फिरी जिन्दे होणे रे बाद तिन्हा ने स्वर्गदूतां सांई होणे। 31पर मरे होए रे फिरी जिन्दे होणे रे बारे बिच कै तुसा ए वचन नी पढ़ेया जे परमेश्वर ने तुसा कने बोल्लेया; 32मैं अब्राहम रा परमेश्वर, ते इसहाक रा परमेश्वर, ते याकूब रा परमेश्वर है? से मरेयां रा नी, पर जिन्देया रा परमेश्वर है। 33ए सुणी करी मणू तिन्हेरे उपदेस कने हैरान होई गे।
सबका बड्डी आज्ञा
34जां फरीसियां ने सूणेया की यीशु ने सदूकियां रा मुँह बांद्द करी दित्ते रा है तां से कठ्ठे होए। 35तिन्हा बिच का इक्क शास्त्री लोक्कां ने तिन्हा जो परखणे तांइ तिन्हेरे जो पूच्छेया, 36ओ गुरु, परमेश्वर रे कानून बिच कुण वाला हुकम सबका बड्डा है? 37तिन्हा ने तिन्हेरे जो बोल्लेया, तू परमेश्वर अपणे प्रभु कने अपणे सारे मन ते अपणे सारे प्राण ते अपणे सारी समझ कने प्यार कर। 38बड्डा ते खास हुकम ता ए ही है। 39ते तिसी सांई ए दुआ हुकम भी है कि अपणे पड़ोसी कने अप्पु सांई प्यार रख।
40ए ही दो हुकम सारे मूसा रे कानून ते भविष्यद्वक्ता रा आधार है।
मसीह कुसेरा पुत्र है?
41जां फरीसी कठ्ठे थिये, तां यीशु ने तिन्हा का पूच्छेया। 42मसीह यीशु रे बारे बिच तुसा कै सोचदे कि से कुसेरा मुंडा है? तिन्हा ने तिन्हेरे जो बोल्लेया, दाऊद रा। 43तिन्हा ने तिन्हेरे का पूच्छेया, तां दाऊद आत्मा बिच होई करी तिसजो प्रभु किजो बोलदा? 44प्रभु ने मेरे प्रभु जो बोल्लेया, मेरे सज्जे पास्से बैह्, जा तिकर मैं तेरे बैरियां जो तेरे पैरां रे थल्ले ना करी देयां। 45भला, जां दाऊद तिसजो प्रभु बोलदा, तां से तिसेरा पुत्तर किय्यां ठैहरेया। 46इसेरे जवाब बिच कोई भी इक्क जवाब भी देई सकेया तिस दिन का कुसकी जो भी तिन्हेरे का कुछ भी पूच्छणे री हिम्मत नी होई।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chambeali Bible (चम्बयाळी बाइबिल) 2020 by The Love Fellowship is licensed under a Creative Commons Attribution-ShareAlike 4.0 International License.