Yohana 8
8
Oku bile ali ’bariari
1 #
Luk 21:37
Te Yesu mu oni Mizeituni dria. 2O’biti kula kula eri mu hekalua dika; ’ba ongulumuru dria emu eri vu, eri nga ri va yi imbazu. 3’Ba waraga sipi ’diyi ’ba Farisaini be nga oku alu yini bile ali ’bariari eji eri vu; yi ka eri fe pa sozu yi eselia, 4yi ’yo eri tia, ’Ba ’ba Imbapiri, yi bi oku ’diri erini ali ’baria birri. 5#Lev 20:10; Azi 22:22-24; Mat 22:15Isu azita alia Musa azi ama dri ’ba ’dinile ’diyi o’bezu onisi. Te mi te ’yo ngoni eri ma e’yosi ya? 6Yi ’yo e’yo ’diri eri o’bizu, yi ma isu e’yo azini asu suzu eri ma ruaa beni. Te Yesu avu va, si nyaku dria i dri drilesi, 7#Azi 17:7Te yi ka zi eri tia ’dani, eri edre i uru, nga ’yo yi tia, ’Ba emi eselia azi onzi kokoruri ma ’be eri onisi okoni. 8Eri avu va, si nyaku dria i dri drilesi dika, 9#Mat 22:22; Rum 2:22’Ba ’diyi ka eri ’bo, yi ’ba fu amve alu alu, e’dozu ’ba mbazaru ’diyisi cazu ’ba acepi vile ’diyisi, yi ku Yesu pi a’dule oku te pa sopi agaduari be. 10Yesu edre i uru, nga ’yo eri tia, Oku, yi ngoa ya? ’Ba aluni e’yo lipi mi dria onzini yo ya? 11#Yoh 5:14Eri kini, ’Ba aluni yo, Opi. Yesu nga ’yo, Ma’i indi, ma lini e’yo mi dria onzi ku; mi mu, te mi asi e’yo onzi ’ye dika ku.
Yesuni diza nyakuni
12 #
Mat 5:14; Yoh 9:5; Isa 49:6; Yoh 1:5, 9; 12:46 Yesu ’yo yi tia dika, kini, diza nyakuni; ’ba ma vuti bipiri acini ini alia aluani ku, te eri ovu diza idriniri be. 13#Yoh 5:31’Ba Farisaini nga di ’yo eri tia, Mi e’yo eti nze misi; e’yo mini etini nzeleri ovuni adaru ku. 14#Yoh 5:31Yesu nga e’yo omvi ’yo yi tia, Ma ka tro e’yo eti nze masi ti, e’yo mani etini nzeleri eri adaru, a’disiku ma ni pari mani engazuri pi pari mani muzuri be ra; te emi nini pari mani engazuri ku, kani pari mani muzuri ku indi. 15#Yoh 7:24; 12:47Emi e’yo li ruasi; ma lini ’ba aluni ma e’yo ku. 16#Yoh 8:29Te ma ka di e’yo li, e’yo mani lileri eri e’yo adani, a’disiku ma ovuni a’dule ku, te ma’i Ata ma ti epepiri be. 17#Azi 17:6; 19:15Azini vini azita emini alia eri ovu sizaru kini e’yo eti ’ba iri ’diyini nzeleri eri adaru. 18#1 Yoh 5:9Ma’i ma e’yo eti nze masi, Ata ma ti epepiri eri vini e’yo eti nze masi indi. 19#Yoh 14:7Yi nga di ’yo eri tia ani, Mi Atini ngoa ya? Yesu omvi e’yo kini, Emi nini ma ku, emi nini vini ma Atini ku indi; emi ka te ma ni ra, te’do emi ni ma Atini indi. 20#Yoh 7:30; 13:1; Luk 22:53Eri ’yo e’yo diyi pari ’bani adrizu silingi ta mbazuria, erini ’ba imbaria hekalua; te ’ba aluni bini eri ku, eri ma etuni ecale nga kurisi.
Emi econi muzaru pari mani muzuria ku
21 #
Yoh 7:34; 13:33 Eri nga di ’yo yi tia dika, Ma mu ra, te emi nga ma ndru ti, emi nga dra e’yo onzi emini ma alia; econi emini muzaru pari mani muzuria ku. 22#Yoh 7:35’Ba Yahudini nga di ’yo, Eri nga i fu ceni ya, erini ’yole kini, Emi econi muzaru pari mani muzuria ku, ’dinirisi? 23#Yoh 3:31Eri nga ’yo yi tia, Emi ’ba valeru ’diyi, ma ’ba uruleruni; emi ’ba nyaku ’dorini, ma ’ba nyaku ’dorini yo. 24Ma ’yo te emi tia ani kini emi nga dra e’yo onzi emini ’diyi ma alia; te emi ka a’i ma eri’i ku emi nga dra e’yo onzi emini ’diyi ma alia ra. 25#Yoh 8:14Yi nga di ’yo eri tia, Mi a’di’i ya? Yesu ’yo yi tia, Bani e’yo mani e’dole ’yole emi tia okokeleri’i. 26#Yoh 8:38; 12:49Ma ovu e’yo be kakau ’yozu azini lizu emi dria; te ’ba ma ti epepiri eri ’ba adani, ma e’yo mani erile eri vu ’diyi olu nyaku ma tia’i. 27Yi nini eri Ata ma e’yo ’yo yi tia ku. 28#Yoh 3:14; 12:32Yesu nga ani ’yo, Emi ka Mvi ’bani ’du uru ’bo, emi nga di ni kini ma eri’i, azini ma ’yeni afa aluni ma drisi ku, te ma e’yo ’diyi ’yo ekile ma Atini ma imbalerile. 29#Yoh 8:16; Mat 27:46’Ba ma ti epepiri eri ovu ma be; eri kuni ma a’dule ku, mani e’yo ovupi onyiru eri ma milia ’diyi ’yele etuzurisi. 30#Yoh 7:31; 10:42; 12:11Erini e’yo ’diyi ’yoria, ’ba karakarau nga eri a’i ra.
E’yo adaruni nga emi tru ra
31Yesu nga di ’yo ’ba Yahudini eri a’ipi ’bo ’diyi ma tia, Emi ka ovu e’yo mani alia ’dani, ’dini emi nga ovu ’ba mani imbale ’diyiru ndi ndi; 32emi nga e’yo adaru ni, e’yo adaru nderi nga emi otru ra, 33#Mat 3:9; Luk 3:8; Neh 9:36Yi nga e’yo omvi eri tia, Ama Iburahimu ma ori, engazu drio ama ovuni nga ’ba aluni ma ati’baru ku, Mi ’yo, Emi nga ovu truzaru, ’dini ngoni ngoni ya? 34#Rum 6:16, 20; 1 Yoh 3:8Yesu nga e’yo omvi yi tia, Ma ’yo emi tia ndi ndi, ’ba dria alu alu e’yo onzi ’yepiri eri ovu ati’bo e’yo onziniri. 35#Gal 4:30Ati’bo ovuni joa ’dani ’dani ku, te mvini ovu joa ’dani ’danini, 36#Rum 6:18, 22Ka’dini Mvi ka emi truni, emi nga ovu truzaru ndi ndi. 37Ma ni ra emi ovu Iburahimu ma ori; te emi geri ndru ma fuzu, e’yo manirini pari isule emi alia kurisi. 38Ma e’yo mani ndrele ma Ati vu ’diyi ’yo’i, emi alu indi emi e’yo emini erile emi ati vu ’diyi ’ye’i.
Emi atini ’ba asu supiri’i
39 #
Mat 3:9
Yi nga e’yo omvi, ’yo eri tia, Ata amani eri Iburahimu’i. Yesu ’yo yi tia, Emi ka te ovu anzi Iburahimuni, te’do emi azi Iburahimuni’ye’i, 40re curu’do emi geri ndru ma fuzu, ma’i agu e’yo ladaru mani erile Mungu vuri ’yopi ’emi tiari; Iburahimu ’yeni ndra ’dini ku. 41#E’do 3:15; Azi 23:2Emi ’yeta emi atini ’yeo Yi ’yo eri tia, Ama ovuni alianzini ku; ama Atini alu, Mungu’i. 42#1 Yoh 5:1Yesu nga ’yo yi tia, Mungu ka te ovu emi Ati’i, emi te ma le a’disiku ma enga Mungu vu ma eca ’do’i; te ma emuni vini ma drisi ku, te eri pe ma tini. 43#Yoh 12:39; Mat 12:34; Rum 8:7Emi vani ma ti ku a’disi ya? Emini ecole e’yo mani erile kurisi. 44#1 Yoh 3:8-10; E’do 3:4; 2 Pet 2:4Emi ovu emi ati ’ba asu supiri ma anzi, emi asi le li emi mtini ye indi. Engazu okokele eri ’ba ’ba fupiri, eri soni pa e’yo adaru ma alia ku, e’yo adaruni ovule eri ma alia kurisi. Eci ka e’yo inzoni ’yo, eri e’yo i ma ngulupini ovuzu eri beri ’yo’i, erini ovule ’ba inzo lipiri’i, azini inzo ma atinirisi indi. 45#Luk 22:67Te mani e’yo adari ’yolerisi, emi a’ini ma ku. 46#2 Kor 5:21; 1 Pet 2:22Emi eselia ’ba asu supi ma ruaa e’yo onzini ma ndezu rari a’di’i ya? Ma ka e’yo adaru ’yo, emi a’ini ma ku a’disi ya? 47#Yoh 18:37; 1 Yoh 4:6’Ba ovupi Munguniri adri e’yo Munguni eri raj e’yo ’disi emi erini ku, erruni ovule ’ba Munguni kurisi.
De nga Iburahimu osini ku, ma indi
48 #
Yoh 7:20; Mar 3:21 ’Ba Yahudini nga e’yo omvi ’yo eri tia, Ama ’yoni kini mi ’ba Samariani, azini mi orindi onzi be, ’diniri ’yeke ku ya? 49Yesu nga e’yo omvi, Ma ovuni orindi onzi be ku; te ma Atini inzi, te emi’i, emi inzini ma ku. 50#Yoh 5:41Te ma ndruni diza maniri ku; ’ba alu e’yo ndrupi lipiri indi. 51#Yoh 5:24; 6:40, 47; 11:25Ma ’yo emi tia ndi ndi, ’Ba e’yo mani ma ta mbapiri ngani dra ndre ’dani ’dani ku. 52#Mar 9:1’Ba Yahudini nga ’yo eri tia, Curu’do ama ni ra mi orindi onzi be. Iburahimu dra ra, nabi pie; te mi kini, ’Ba ka e’yo mini ma ta mba ra, eri ngani dra ma aji ’bi ’dani ’dani ku. 53Mi ambo aga ama a’bi Iburahimu drapiri rari ra ya? Nabi yi odra indi! Mi ngulupi ’ba mi a’duru ya? 54Yesu nga e’yo omvi, Ma ka diza fe ma ngulupi dri, diza maniri eri toko; te ma Atini diza fe ma drini, eri’i emini ’yole eri Mungu eminiri’i 55#Yoh 7:28De emi nini eri ku; te ma ni eri ra.! Ma ka te ’yo ra Ma nini eri ku, ma te nga ovu emile ’ba inzo lipiriru te ma ni eri ra, ma e’yo erini ma ta mba indi. 56Emi a’bi Iburahimu eri ovu ndra ayikosi erini o’du mani ndrelerisi; eri ndre ra, eri ovu ani ayikosi. 57’Ba Yahudini nga di ’yo eri tia, Eli mini cani nga kali towi ku ’di, te mi ndre Iburahimuni ra ya? 58Yesu nga ’yo yi tia, Ma ’yo emi tia ndi ndi, de nga Iburahimu osini ku, ma indi. 59#Yoh 10:31Yi ’ba oni o’du eri o’bezu ani; te Yesu zi ira, fu hekaluarisi amve.
Currently Selected:
Yohana 8: LB66
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.
Yohana 8
8
Oku bile ali ’bariari
1 #
Luk 21:37
Te Yesu mu oni Mizeituni dria. 2O’biti kula kula eri mu hekalua dika; ’ba ongulumuru dria emu eri vu, eri nga ri va yi imbazu. 3’Ba waraga sipi ’diyi ’ba Farisaini be nga oku alu yini bile ali ’bariari eji eri vu; yi ka eri fe pa sozu yi eselia, 4yi ’yo eri tia, ’Ba ’ba Imbapiri, yi bi oku ’diri erini ali ’baria birri. 5#Lev 20:10; Azi 22:22-24; Mat 22:15Isu azita alia Musa azi ama dri ’ba ’dinile ’diyi o’bezu onisi. Te mi te ’yo ngoni eri ma e’yosi ya? 6Yi ’yo e’yo ’diri eri o’bizu, yi ma isu e’yo azini asu suzu eri ma ruaa beni. Te Yesu avu va, si nyaku dria i dri drilesi, 7#Azi 17:7Te yi ka zi eri tia ’dani, eri edre i uru, nga ’yo yi tia, ’Ba emi eselia azi onzi kokoruri ma ’be eri onisi okoni. 8Eri avu va, si nyaku dria i dri drilesi dika, 9#Mat 22:22; Rum 2:22’Ba ’diyi ka eri ’bo, yi ’ba fu amve alu alu, e’dozu ’ba mbazaru ’diyisi cazu ’ba acepi vile ’diyisi, yi ku Yesu pi a’dule oku te pa sopi agaduari be. 10Yesu edre i uru, nga ’yo eri tia, Oku, yi ngoa ya? ’Ba aluni e’yo lipi mi dria onzini yo ya? 11#Yoh 5:14Eri kini, ’Ba aluni yo, Opi. Yesu nga ’yo, Ma’i indi, ma lini e’yo mi dria onzi ku; mi mu, te mi asi e’yo onzi ’ye dika ku.
Yesuni diza nyakuni
12 #
Mat 5:14; Yoh 9:5; Isa 49:6; Yoh 1:5, 9; 12:46 Yesu ’yo yi tia dika, kini, diza nyakuni; ’ba ma vuti bipiri acini ini alia aluani ku, te eri ovu diza idriniri be. 13#Yoh 5:31’Ba Farisaini nga di ’yo eri tia, Mi e’yo eti nze misi; e’yo mini etini nzeleri ovuni adaru ku. 14#Yoh 5:31Yesu nga e’yo omvi ’yo yi tia, Ma ka tro e’yo eti nze masi ti, e’yo mani etini nzeleri eri adaru, a’disiku ma ni pari mani engazuri pi pari mani muzuri be ra; te emi nini pari mani engazuri ku, kani pari mani muzuri ku indi. 15#Yoh 7:24; 12:47Emi e’yo li ruasi; ma lini ’ba aluni ma e’yo ku. 16#Yoh 8:29Te ma ka di e’yo li, e’yo mani lileri eri e’yo adani, a’disiku ma ovuni a’dule ku, te ma’i Ata ma ti epepiri be. 17#Azi 17:6; 19:15Azini vini azita emini alia eri ovu sizaru kini e’yo eti ’ba iri ’diyini nzeleri eri adaru. 18#1 Yoh 5:9Ma’i ma e’yo eti nze masi, Ata ma ti epepiri eri vini e’yo eti nze masi indi. 19#Yoh 14:7Yi nga di ’yo eri tia ani, Mi Atini ngoa ya? Yesu omvi e’yo kini, Emi nini ma ku, emi nini vini ma Atini ku indi; emi ka te ma ni ra, te’do emi ni ma Atini indi. 20#Yoh 7:30; 13:1; Luk 22:53Eri ’yo e’yo diyi pari ’bani adrizu silingi ta mbazuria, erini ’ba imbaria hekalua; te ’ba aluni bini eri ku, eri ma etuni ecale nga kurisi.
Emi econi muzaru pari mani muzuria ku
21 #
Yoh 7:34; 13:33 Eri nga di ’yo yi tia dika, Ma mu ra, te emi nga ma ndru ti, emi nga dra e’yo onzi emini ma alia; econi emini muzaru pari mani muzuria ku. 22#Yoh 7:35’Ba Yahudini nga di ’yo, Eri nga i fu ceni ya, erini ’yole kini, Emi econi muzaru pari mani muzuria ku, ’dinirisi? 23#Yoh 3:31Eri nga ’yo yi tia, Emi ’ba valeru ’diyi, ma ’ba uruleruni; emi ’ba nyaku ’dorini, ma ’ba nyaku ’dorini yo. 24Ma ’yo te emi tia ani kini emi nga dra e’yo onzi emini ’diyi ma alia; te emi ka a’i ma eri’i ku emi nga dra e’yo onzi emini ’diyi ma alia ra. 25#Yoh 8:14Yi nga di ’yo eri tia, Mi a’di’i ya? Yesu ’yo yi tia, Bani e’yo mani e’dole ’yole emi tia okokeleri’i. 26#Yoh 8:38; 12:49Ma ovu e’yo be kakau ’yozu azini lizu emi dria; te ’ba ma ti epepiri eri ’ba adani, ma e’yo mani erile eri vu ’diyi olu nyaku ma tia’i. 27Yi nini eri Ata ma e’yo ’yo yi tia ku. 28#Yoh 3:14; 12:32Yesu nga ani ’yo, Emi ka Mvi ’bani ’du uru ’bo, emi nga di ni kini ma eri’i, azini ma ’yeni afa aluni ma drisi ku, te ma e’yo ’diyi ’yo ekile ma Atini ma imbalerile. 29#Yoh 8:16; Mat 27:46’Ba ma ti epepiri eri ovu ma be; eri kuni ma a’dule ku, mani e’yo ovupi onyiru eri ma milia ’diyi ’yele etuzurisi. 30#Yoh 7:31; 10:42; 12:11Erini e’yo ’diyi ’yoria, ’ba karakarau nga eri a’i ra.
E’yo adaruni nga emi tru ra
31Yesu nga di ’yo ’ba Yahudini eri a’ipi ’bo ’diyi ma tia, Emi ka ovu e’yo mani alia ’dani, ’dini emi nga ovu ’ba mani imbale ’diyiru ndi ndi; 32emi nga e’yo adaru ni, e’yo adaru nderi nga emi otru ra, 33#Mat 3:9; Luk 3:8; Neh 9:36Yi nga e’yo omvi eri tia, Ama Iburahimu ma ori, engazu drio ama ovuni nga ’ba aluni ma ati’baru ku, Mi ’yo, Emi nga ovu truzaru, ’dini ngoni ngoni ya? 34#Rum 6:16, 20; 1 Yoh 3:8Yesu nga e’yo omvi yi tia, Ma ’yo emi tia ndi ndi, ’ba dria alu alu e’yo onzi ’yepiri eri ovu ati’bo e’yo onziniri. 35#Gal 4:30Ati’bo ovuni joa ’dani ’dani ku, te mvini ovu joa ’dani ’danini, 36#Rum 6:18, 22Ka’dini Mvi ka emi truni, emi nga ovu truzaru ndi ndi. 37Ma ni ra emi ovu Iburahimu ma ori; te emi geri ndru ma fuzu, e’yo manirini pari isule emi alia kurisi. 38Ma e’yo mani ndrele ma Ati vu ’diyi ’yo’i, emi alu indi emi e’yo emini erile emi ati vu ’diyi ’ye’i.
Emi atini ’ba asu supiri’i
39 #
Mat 3:9
Yi nga e’yo omvi, ’yo eri tia, Ata amani eri Iburahimu’i. Yesu ’yo yi tia, Emi ka te ovu anzi Iburahimuni, te’do emi azi Iburahimuni’ye’i, 40re curu’do emi geri ndru ma fuzu, ma’i agu e’yo ladaru mani erile Mungu vuri ’yopi ’emi tiari; Iburahimu ’yeni ndra ’dini ku. 41#E’do 3:15; Azi 23:2Emi ’yeta emi atini ’yeo Yi ’yo eri tia, Ama ovuni alianzini ku; ama Atini alu, Mungu’i. 42#1 Yoh 5:1Yesu nga ’yo yi tia, Mungu ka te ovu emi Ati’i, emi te ma le a’disiku ma enga Mungu vu ma eca ’do’i; te ma emuni vini ma drisi ku, te eri pe ma tini. 43#Yoh 12:39; Mat 12:34; Rum 8:7Emi vani ma ti ku a’disi ya? Emini ecole e’yo mani erile kurisi. 44#1 Yoh 3:8-10; E’do 3:4; 2 Pet 2:4Emi ovu emi ati ’ba asu supiri ma anzi, emi asi le li emi mtini ye indi. Engazu okokele eri ’ba ’ba fupiri, eri soni pa e’yo adaru ma alia ku, e’yo adaruni ovule eri ma alia kurisi. Eci ka e’yo inzoni ’yo, eri e’yo i ma ngulupini ovuzu eri beri ’yo’i, erini ovule ’ba inzo lipiri’i, azini inzo ma atinirisi indi. 45#Luk 22:67Te mani e’yo adari ’yolerisi, emi a’ini ma ku. 46#2 Kor 5:21; 1 Pet 2:22Emi eselia ’ba asu supi ma ruaa e’yo onzini ma ndezu rari a’di’i ya? Ma ka e’yo adaru ’yo, emi a’ini ma ku a’disi ya? 47#Yoh 18:37; 1 Yoh 4:6’Ba ovupi Munguniri adri e’yo Munguni eri raj e’yo ’disi emi erini ku, erruni ovule ’ba Munguni kurisi.
De nga Iburahimu osini ku, ma indi
48 #
Yoh 7:20; Mar 3:21 ’Ba Yahudini nga e’yo omvi ’yo eri tia, Ama ’yoni kini mi ’ba Samariani, azini mi orindi onzi be, ’diniri ’yeke ku ya? 49Yesu nga e’yo omvi, Ma ovuni orindi onzi be ku; te ma Atini inzi, te emi’i, emi inzini ma ku. 50#Yoh 5:41Te ma ndruni diza maniri ku; ’ba alu e’yo ndrupi lipiri indi. 51#Yoh 5:24; 6:40, 47; 11:25Ma ’yo emi tia ndi ndi, ’Ba e’yo mani ma ta mbapiri ngani dra ndre ’dani ’dani ku. 52#Mar 9:1’Ba Yahudini nga ’yo eri tia, Curu’do ama ni ra mi orindi onzi be. Iburahimu dra ra, nabi pie; te mi kini, ’Ba ka e’yo mini ma ta mba ra, eri ngani dra ma aji ’bi ’dani ’dani ku. 53Mi ambo aga ama a’bi Iburahimu drapiri rari ra ya? Nabi yi odra indi! Mi ngulupi ’ba mi a’duru ya? 54Yesu nga e’yo omvi, Ma ka diza fe ma ngulupi dri, diza maniri eri toko; te ma Atini diza fe ma drini, eri’i emini ’yole eri Mungu eminiri’i 55#Yoh 7:28De emi nini eri ku; te ma ni eri ra.! Ma ka te ’yo ra Ma nini eri ku, ma te nga ovu emile ’ba inzo lipiriru te ma ni eri ra, ma e’yo erini ma ta mba indi. 56Emi a’bi Iburahimu eri ovu ndra ayikosi erini o’du mani ndrelerisi; eri ndre ra, eri ovu ani ayikosi. 57’Ba Yahudini nga di ’yo eri tia, Eli mini cani nga kali towi ku ’di, te mi ndre Iburahimuni ra ya? 58Yesu nga ’yo yi tia, Ma ’yo emi tia ndi ndi, de nga Iburahimu osini ku, ma indi. 59#Yoh 10:31Yi ’ba oni o’du eri o’bezu ani; te Yesu zi ira, fu hekaluarisi amve.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Lugbara © United Bible Societies, 1966.