MABASA 1
1
Mafala akutoma nawo
1Kuna Teofilo:
M'bukhu mwanga yakutoma ndidakulemberani pinthu pyonsene pile pidaphata Yesu na kupifunzisa kutomera pandzidzi wa basache#Lk. 1.1-4. 2kufikirana nsiku idakwatwa iye kwenda kudzulu. Mbadzati kwatwa, Yesu, na mphamvu za Mzimu Wakuchena, adapanga anyakutumwa akhadasankhula iye ale pyakuti aphate. 3Pidamala nyatwa zache, Yesu adaonekera kuna iwo kazinji kene nsiku makumanayi mbaapangizadi kuti akhali na moyo. Iwo adamuona, tenepo iye adalonga nawo pya Ufumu wa Mulungu. 4Pidagumanyikana iwo pabodzi#1.4 Pidagumanyikana iwo pabodzi: penu pikhakhala iye nawo pabodzi, penu pikhadya iye nawo pabodzi. Yesu adaapanga mbati, “Lekani buluka ku Yerusalemu, mbwenye dikhirani mtukwa udakupangani ine, mtukwa udadumbira Babanga kuti anakupasani ule.#Lk. 24.49. 5Yohani adabatiza na madzi, mbwenye nsiku pang'ono munati mubatizwe na Mzimu Wakuchena.”#Mt. 3.11; Mk. 1.8; Lk. 3.16; Yoh. 1.33.
Yesu akwatwa kwenda kudzulu
6Pidagumanyikana anyakutumwa pabodzi na Yesu adamvunza mbati, “Mbuya, pandzidzi uno munabwezera pontho ufumu kuna anthu a ku Israele?”
7Yesu adalonga kuna iwo mbati, “Babanga adaikha na utongi wache ene ndzidzi wakuti pinthu pyonsenepi pidzachitike, tenepo imwe nkhabe funika kudziwa tayu. 8Mbwenye Mzimu Wakuchena angadza pana imwe, munatambira mphamvu mbamukhala mboni zanga mu Yerusalemu, mu Yudea monsene na mu Samaria na kufikirana madolomero a dziko yapansi.”#Mt. 28.19; Mk. 16.15; Lk. 24.47, 48. 9Pidamala iye kulonga mafala enewa, adakwatwa kwenda kudzulu iwo mbali kumuyang'ana, tenepo adabisika na makole.#Mk. 16.19; Lk. 24.50, 51.
10Anyakutumwa mbali kuyang'anisisa kudzulu tenepo, mwenemo iye akwenda, vumbu-vumbu amuna awiri akuvala nguwo zakuchena adaimira m'khundu mwawo 11mbavunza mbati, “Imwe anthu a ku Galilea, mwatani munaimira pano mbamuyang'ana kudzulu? Yesuyu, akwatwa kubuluka kuna imwe mbaenda kudzulu ule, anabwera pontho sasawa ninga mudamuonera imwe kwenda kudzulu.”
Matiasi asankhulwa kupita mbuto ya Yudasi
12Penepo anyakutumwa adabwerera ku Yerusalemu kubulukira kuphiri ya Olivi. Nsinzo wache unakwana mathanyo chikwi chibodzi kubulukira ku Yerusalemu. 13Pidapita iwo mumzinda adakwira subi yapadzulu mukhakhala iwo mule. Akhalimo Peturo, Yohani, Yakobo na Andrea; Filipi na Tomasi; Batolomeo na Mateo; Yakobo mwana Alufeo; Simoni, mbodzi wa Ayuda wakufuna kudzesa utumbe kudziko ya Israele; na Yudasi mwana Yakobo.#Mt. 10.2-4; Mk. 3.16-19; Lk. 6.14-16. 14Na manyerezero abodzi ene iwo akhagumanyikana kupemphera ndzidzi onsene, pabodzi pene na akazi anango na Maria mache Yesu pontho na abale ache.
15Pidagwanda nsiku pang'ono Peturo adaimira pakati pa anyakukhulupira. Penepo pakhali anthu ninga dzana na makumawiri. Iye adalonga mbati, 16“Abale anga, pidathema kuti Malemba akwane-kwane pya pinthu pidafuna kuchitika kuna Yudasi, ninga mudalongera Mzimu Wakuchena kudzera muna Davite. Yudasiyu adapangiza anthu njira yakuphatira Yesu. 17Iye akhali mbodzi wa ife, mbasankhulwa kuphata basa pabodzi na ife.” 18Iye adagula munda na kobiri zikhadatambira iye thangwi ya pyakudawa pikhadachita iye. Penepo adagwa pansi chamsolo mbafa, mbatumbuka pakati, matumbo ache mbakhuthuka.#Mt. 27.3-8. 19Anthu onsene a ku Yerusalemu adapiva, natenepo adauthula mundawo dzina yakuti “Akeledama,” kweneko nkhulonga kuti “Munda wa Chiropa.”
20Peturo adathimiza kulonga mbati, “Pyalembwa m'bukhu ya Masalimo kuti,
‘Nyumbache mbisanduke madembe;
nee mbodzi akhalemo.’
Pyalembwa pontho kuti,
‘Munthu unango mbatambire basache.’#Mas. 69.25; 109.8.
21-22 #
Mt. 3.16; Mk. 1.9; 16.19; Lk. 3.21; 24.51. “Natenepo panafunika unango akhalembo mboni pabodzi na ife yakuti Mbuya Yesu adalamuka kuimfa. Akhale mbodzi wa ale akhali pabodzi na ife ndzidzi onsene ukhafamba ife na Mbuya Yesu, kutomera mudabatizwa iye na Yohani,#1.21-22 mudabatizwa iye na Yohani: penu ndzidzi udalalika na kubatiza Yohani. kufikirana nsiku idakwatwa Yesu kwenda kudzulu.”
23Natenepo adasankhula amuna awiri, Yosefe ule akhathulwa Basaba (wakudziwika pontho na dzina yakuti Yusito) na Matiasi. 24Penepo adapemphera mbati, “Mbuya, imwe mumbadziwa mtima wa munthu onsene, mphapo tionesenimbo ngupi mwa awiriwa asankhula imwe, 25towera atambire basa ya unyakutumwa m'mbuto mwa Yudasi ule adaisiya mbaenda kumbuto yakumthemera.” 26Penepo iwo adachita ntsango, tenepo nyakusankhulwa akhali Matiasi, mbathimizira gulu ya anyakutumwa khumi na mbodzi ale.
Currently Selected:
MABASA 1: SenaMw
Highlight
Share
Copy
Want to have your highlights saved across all your devices? Sign up or sign in
© Bible Society of Malawi
MABASA 1
1
Mafala akutoma nawo
1Kuna Teofilo:
M'bukhu mwanga yakutoma ndidakulemberani pinthu pyonsene pile pidaphata Yesu na kupifunzisa kutomera pandzidzi wa basache#Lk. 1.1-4. 2kufikirana nsiku idakwatwa iye kwenda kudzulu. Mbadzati kwatwa, Yesu, na mphamvu za Mzimu Wakuchena, adapanga anyakutumwa akhadasankhula iye ale pyakuti aphate. 3Pidamala nyatwa zache, Yesu adaonekera kuna iwo kazinji kene nsiku makumanayi mbaapangizadi kuti akhali na moyo. Iwo adamuona, tenepo iye adalonga nawo pya Ufumu wa Mulungu. 4Pidagumanyikana iwo pabodzi#1.4 Pidagumanyikana iwo pabodzi: penu pikhakhala iye nawo pabodzi, penu pikhadya iye nawo pabodzi. Yesu adaapanga mbati, “Lekani buluka ku Yerusalemu, mbwenye dikhirani mtukwa udakupangani ine, mtukwa udadumbira Babanga kuti anakupasani ule.#Lk. 24.49. 5Yohani adabatiza na madzi, mbwenye nsiku pang'ono munati mubatizwe na Mzimu Wakuchena.”#Mt. 3.11; Mk. 1.8; Lk. 3.16; Yoh. 1.33.
Yesu akwatwa kwenda kudzulu
6Pidagumanyikana anyakutumwa pabodzi na Yesu adamvunza mbati, “Mbuya, pandzidzi uno munabwezera pontho ufumu kuna anthu a ku Israele?”
7Yesu adalonga kuna iwo mbati, “Babanga adaikha na utongi wache ene ndzidzi wakuti pinthu pyonsenepi pidzachitike, tenepo imwe nkhabe funika kudziwa tayu. 8Mbwenye Mzimu Wakuchena angadza pana imwe, munatambira mphamvu mbamukhala mboni zanga mu Yerusalemu, mu Yudea monsene na mu Samaria na kufikirana madolomero a dziko yapansi.”#Mt. 28.19; Mk. 16.15; Lk. 24.47, 48. 9Pidamala iye kulonga mafala enewa, adakwatwa kwenda kudzulu iwo mbali kumuyang'ana, tenepo adabisika na makole.#Mk. 16.19; Lk. 24.50, 51.
10Anyakutumwa mbali kuyang'anisisa kudzulu tenepo, mwenemo iye akwenda, vumbu-vumbu amuna awiri akuvala nguwo zakuchena adaimira m'khundu mwawo 11mbavunza mbati, “Imwe anthu a ku Galilea, mwatani munaimira pano mbamuyang'ana kudzulu? Yesuyu, akwatwa kubuluka kuna imwe mbaenda kudzulu ule, anabwera pontho sasawa ninga mudamuonera imwe kwenda kudzulu.”
Matiasi asankhulwa kupita mbuto ya Yudasi
12Penepo anyakutumwa adabwerera ku Yerusalemu kubulukira kuphiri ya Olivi. Nsinzo wache unakwana mathanyo chikwi chibodzi kubulukira ku Yerusalemu. 13Pidapita iwo mumzinda adakwira subi yapadzulu mukhakhala iwo mule. Akhalimo Peturo, Yohani, Yakobo na Andrea; Filipi na Tomasi; Batolomeo na Mateo; Yakobo mwana Alufeo; Simoni, mbodzi wa Ayuda wakufuna kudzesa utumbe kudziko ya Israele; na Yudasi mwana Yakobo.#Mt. 10.2-4; Mk. 3.16-19; Lk. 6.14-16. 14Na manyerezero abodzi ene iwo akhagumanyikana kupemphera ndzidzi onsene, pabodzi pene na akazi anango na Maria mache Yesu pontho na abale ache.
15Pidagwanda nsiku pang'ono Peturo adaimira pakati pa anyakukhulupira. Penepo pakhali anthu ninga dzana na makumawiri. Iye adalonga mbati, 16“Abale anga, pidathema kuti Malemba akwane-kwane pya pinthu pidafuna kuchitika kuna Yudasi, ninga mudalongera Mzimu Wakuchena kudzera muna Davite. Yudasiyu adapangiza anthu njira yakuphatira Yesu. 17Iye akhali mbodzi wa ife, mbasankhulwa kuphata basa pabodzi na ife.” 18Iye adagula munda na kobiri zikhadatambira iye thangwi ya pyakudawa pikhadachita iye. Penepo adagwa pansi chamsolo mbafa, mbatumbuka pakati, matumbo ache mbakhuthuka.#Mt. 27.3-8. 19Anthu onsene a ku Yerusalemu adapiva, natenepo adauthula mundawo dzina yakuti “Akeledama,” kweneko nkhulonga kuti “Munda wa Chiropa.”
20Peturo adathimiza kulonga mbati, “Pyalembwa m'bukhu ya Masalimo kuti,
‘Nyumbache mbisanduke madembe;
nee mbodzi akhalemo.’
Pyalembwa pontho kuti,
‘Munthu unango mbatambire basache.’#Mas. 69.25; 109.8.
21-22 #
Mt. 3.16; Mk. 1.9; 16.19; Lk. 3.21; 24.51. “Natenepo panafunika unango akhalembo mboni pabodzi na ife yakuti Mbuya Yesu adalamuka kuimfa. Akhale mbodzi wa ale akhali pabodzi na ife ndzidzi onsene ukhafamba ife na Mbuya Yesu, kutomera mudabatizwa iye na Yohani,#1.21-22 mudabatizwa iye na Yohani: penu ndzidzi udalalika na kubatiza Yohani. kufikirana nsiku idakwatwa Yesu kwenda kudzulu.”
23Natenepo adasankhula amuna awiri, Yosefe ule akhathulwa Basaba (wakudziwika pontho na dzina yakuti Yusito) na Matiasi. 24Penepo adapemphera mbati, “Mbuya, imwe mumbadziwa mtima wa munthu onsene, mphapo tionesenimbo ngupi mwa awiriwa asankhula imwe, 25towera atambire basa ya unyakutumwa m'mbuto mwa Yudasi ule adaisiya mbaenda kumbuto yakumthemera.” 26Penepo iwo adachita ntsango, tenepo nyakusankhulwa akhali Matiasi, mbathimizira gulu ya anyakutumwa khumi na mbodzi ale.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Malawi