KUBULUKA 22

Mwambo wakupagalisana

1“Ngakhala munthu anaba ng'ombe, penu bira mbampha penu kumgulisa, iye athema kupagali ng'ombe zishanu pa ng'ombe ibodzi, pontho mabira mashanu pa bira mbodzi. 2-4Iye athema kupagali pinthu pidaba iye pile. Ngakhala iye nkhabe pinthu pyakuti anakwanisa kupagali napyo, iye athema kuguliswa ninga bitchu kupagali pinthu pyaba iye pile. Ngakhala nyama yakubiwayo ndi ng'ombe, bulu, penu bira yagumanwa yamoyo m'manja mwache, iye athema kupagali ng'ombe ziwiri pa ng'ombe ibodzi.

“Ngakhala mbava aphatwa akuswa nyumba na mosiku mbaphiwa, nyakumphayo hadadawe tayu. Mbwenye ngakhala pinachitika na masikati nyakumphayo adawa.

5“Ngakhala munthu anadyesa pifuyo pyache m'munda, penu m'munda wamfesa mbazitayika pyazo mbapidya mbewu#22.5 Ngakhala…mbewu: penu ngakhala munthu apisa munda, penu munda wamfesa mbalekerera motowo kugaka mwakutitima, pontho mbupisa mbewu. zonsene za m'munda mwa mwanzache, iye athema kupagali nyakudyerwa pyacheyo.

6“Ngakhala munthu anagasa moto mbuphata tsanga, tenepo motowo ungatanthawira m'munda mwa mwanzache mbapisa mbewu zakuimira, penu zakufa kale, nyakugasa motoyo athema kupagali pyakuvungikapyo.

7“Ngakhala munthu anatawira kukoya kobiri za munthu unango, penu pinthu pyakufunika mbapibiwa m'nyumba mwache, mbava angaphatwa athema kupagali kawiri. 8Mbwenye mbava angakhonda phatwa, nyakukoya pinthuyo athema kudzeswa kumbuto yakupembedzera Mulungu, tenepo kweneko iye athema kudumbira kuti hadabe ndiye tayu pinthu pya mwanzacheyo.

9“Ngakhala pana mseru wakukanganirana pinthu, penu ng'ombe, mabulu, mabira, chakuvala, penu mitolo inango ene yakutayika, anthu awiri athema kudzeswa kumbuto yakupembedzera Mulungu. Munthu analongwa na Mulungu miseru kuti adawa, weneyo athema kupagali mwanzacheyo kawiri.

10“Ngakhala munthu anatawira kukoya bulu, ng'ombe, bira, penu chifuyo chinango cha munthu unango, tenepo chifuyocho mbachifa, penu kukuwazika, penu chabiwa, mbapasowa umboni, 11munthuyo athema kwenda kumbuto yakupembedzera MBUYA kadumbira kuti iye hadabe chifuyo cha mwanzacheyo tayu. Ngakhala chifuyocho nee chidabiwa tayu, mwenechiro athema kutawira, tenepo mwanzacheyo aleke kumpagali; 12mbwenye ngakhala chifuyocho chidabiwa, munthuyo athema kumpagali mwenechiro. 13Ngakhala chidachita kuphiwa na chirombo, munthuyo athema kudzesa manyenyeswa kuna mwenechiro ninga umboni; tenepo iye nkhabe thema pagali chinthu chakudyiwa na chirombo tayu.

14“Ngakhala unabwereka chifuyo kuna munthu unango mbichikuwazika, penu kufa, mwenemo mwenechiro nkhabepo, munthuyo athema kupagali. 15Mbwenye ngakhala penepyo pinachitika mwenechiro mbali penepo, munthuyo nkhabe thema kupagali tayu. Ngakhala chifuyocho chidachitwa kubwerekwa kuvungika kwa chifuyocho kwakwana na kobiri zidapereka iye pakubwereka.

Mwambo wa pya makhaliro a munthu na chipembedzo

16“Ngakhala munthu ananyengerera mbagona na mkazi okhonda dziwa mamuna, ule hadavunzirwe tayu, iye athema kupagali chuma, pontho akhaleletu mkazache.#Deut. 22.28, 29. 17Mbwenye ngakhala babache anakhonda kuti iye ansembe, iye athema kupagali babache chuma chakuthemerana na mwali.

18“Iphani akazi onsene akuchita pyamatsenga.#Deut. 18.10, 11.

19“Iphani munthu onsene anachita pyakuzuda na nyama.#Lev. 18.23; 20.15, 16; Deut. 27.21.

20“Iphani munthu onsene anapereka nsembe kuna milungu inango, kupambula kuna ine ene MBUYA.#Deut. 17.2-7.

21“Lekani vuya, penu kupondereza mlendo; kumbukani kuti imwe mukhalimbo alendo m'dziko ya Iguputo.#Kub. 23.9; Lev. 19.33, 34; Deut. 24.17, 18; 27.19. 22Lekani dyera nkope-kope mamfelwa, penu mwana masiye na mbodzi ene. 23Mungachita tenepo, ine MBUYA, ndinaava angalira kuna ine kuti ndiaphedze, 24tenepo ndinazhangali mbandikuphani pankhondo. Akazanu anasanduka amamfelwa, ananumbo anakhala amasiye.

25“Ngakhala mwafiyalisa kobiri anthu anga akutcherenga, lekani khala ninga nyakufiyalisa kobiri mbamumpanga kuti apagali na pinango pyakuthimizira penepo.#Lev. 25.35-38; Deut. 15.7-11; 23.19, 20. 26Ngakhala munakwata pinyolo chakufinika cha munthu unango mwathema kumbwezera dzuwa mbidzati thobila,#Deut. 24.10-13. 27thangwi chakufinika chache ntchokha chenecho basi kuti akhumbirwe. Iye anagonera papi? Iye angalira kuna ine kuti ndimphedze, ndinamva, thangwi ndine wansisi.

28“Lekani shola Mulungu,#22.28 Mulungu: penu anyakutonga mseru. pontho lekani temberera akadamu a anthu anu.#Mab. 23.5.

29“Perekani kuna ine nsembe za mbewu, vinyu na nsapo zaolivi zanu pandzidzi wache wakuthema.

“Perekani kuna ine ananu achimuna autombo. 30Perekani kuna ine ana autombo a pifuyo pyanu, ng'ombe na mabira. Mwana wautombo wachimuna angabalwa athema kukhala na mache nsiku zinomwe, mbaperekwa nsembe kuna ine nsiku yachisere.

31“Imwe ndimwe anthu anga, tenepo lekani kudya nyama yakuphiwa na chirombo; mbwenye muipasire anambwa.#Lev. 17.15.

Currently Selected:

KUBULUKA 22: SenaMw

Highlight

Copy