KUBULUKA 23
23
Chilungamo na nsisi
1“Lekani falisa mbiri yakunama, pontho lekani kuikhira kunduli munthu wakudawa pakumchitira umboni wakunama.#Kub. 20.16; Lev. 19.11, 12; Deut. 5.20. 2Lekani tsanzira mwinji ungachita pyakudawika, penu ungapereka umboni wakupotoza chilungamo pamseru. 3Lekani kutonga mwakuyang'ana nkhope munthu wakutcherenga pamseru wache.#Lev. 19.15.
4“Ngakhala pyachitika kuti imwe mwaona ng'ombe penu bulu wa anyamalwanu chatayika, imwe mwathema kuchibweza kuna iye.#Deut. 22.1-4. 5Ngakhala bulu wa nyakukuzondani agwera pamtolo wache, mphedzeni kulamusa buluyo, lekani gwanda kwene.
6“Lekani pondereza chilungamo pamseru wa munthu wakutcherenga.#Lev. 19.15; Deut. 16.19. 7Lekani pambizira mwanzanu, pontho lekani phesa munthu okhonda dawa, thangwi ine ndinatchunyusa munthu onsene wakuchita pinthu pyakuipa ninga penepi. 8Lekani tawira kudyekerwa, thangwi kudyekera kumbachitisa anthu akuona ene kukhala maboli-boli, pontho kumbapotoza mafala a munthu wakulonga pyakuona.
9“Lekani vuya alendo; imwe mukupidziwa kuti munthu ambapiva tani kukhala mlendo, thangwi imwe mukhalimbo alendo m'dziko ya Iguputo.#Kub. 22.21; Lev. 19.33, 34; Deut. 24.17, 18; 27.19.
Chaka chachinomwe na nsiku yachinomwe
10“Pyaka pitanthatu mubzale mbewu m'minda mwanu mbamuvune mbewuzo.#Lev. 25.1-7. 11Mbwenye chaka chachinomwe ulekeni mundawo ugone, pontho lekani vuna magoko onsene m'mundamo. Anyakutcherenga adye pyamera mwenemo, pontho nyama zam'tsanga zinakwanisa kudya pyasalapyo. Chitani chibodzi-bodzi m'minda yanu yamfesa na miti yaolivi.
12“Phatani basanu nsiku zitanthatu, mbwenye lekani phata basa pansiku yachinomwe, towera mabitchu anu, alendo akukuphatirani basa na pifuyo pyanu pene pimbakuphatirani basa pikwanise kupumambo.#Kub. 20.9-11; 31.15; 34.21; 35.2; Lev. 23.3; Deut. 5.13, 14.
13“Veserani pyonsene pyakupangani ine, MBUYA. Lekani pemphera kuna milungu inango, lekani na kuthula kwene madzinawo.
Maphwando matatu makulu-makulu
(Kub. 34.18-26; Deut. 16.1-17)
14“Sekerani maphwando matatu pa chaka kulemedza nawo ine. 15M'mwezi wa Abibu, mwezi udabuluka imwe mu Iguputo, sekerani Phwando ya Mikate yakusowa Chakufufumisira ninga montho mudakupangirani ine. Lekani kudya na mkate ene wakukhala na chakufufumisira nsiku zinomwe pandzidzi wa phwandowo. Lekani kundipembedza okhonda bwera na chakupereka.#Kub. 12.14-20; Lev. 23.6-8; Kal. 28.17-25.
16“Sekerani Phwando ya Pyakuvuna pakupereka mbewu zanu zakutoma kutokota.
“Sekerani Phwando ya Misasa pakumala kwa chaka, ndzidzi umbatchola imwe mfesa zanu na nsapo zinango.#Lev. 23.15-21, 39-43; Kal. 28.26-31. 17Chaka na chaka pamaphwando matatuwa, amuna onsene athema kundipembedza, ine MBUYA Mulungu.
18“Lekani pereka pabodzi pene na mkate wakukhala na chakufufumisira chiropa cha nyama inapereka imwe nsembe kuna ine. Mafuta a nyama adaperekwa kuna ine ale pamaphwando enewa mbaleke koyiwa kufikirana mangwana mwache.
19“Chaka na chaka idzani kunyumba ya MBUYA Mulungu wanu na mbewu zanu zadidiletu zakutoma kutokota zimbavuna imwe zile.
“Lekani tereka mwanabira penu mwanambuzi kubodzi kwene na mkaka wa mache.#Deut. 26.2; 14.21; Kub. 34.26.
Kudumbira na kupangwa pyakuchita
20“Yang'ana, ndinatuma mngelo patsogolo panu kuti akutchinjirizeni ndzidzi unaenda imwe paulendo wanu, pontho kukufikisani kumbuto idasasanya ine ile. 21Mvesereni, pontho mvereni iye. Lekani kumpandukira, thangwi ndine ndamtuma, tenepo iye hanalekerera kupandukira kweneku tayu. 22Mbwenye imwe mungamvera mbamuchita pyonsene pinalonga ine, ndinamenyana na anyamalwanu onsene. 23Mngelo wanga anaenda patsogolo panu mbakufikisani kudziko ya Aamori, Ahiti, Aperizi, Akanani, Ahivi na Ayebusi mbandiavunga. 24Lekani lambira milungu yawo penu kuipembedza, pontho lekani tsanzira pipembedzo pyawo. Vungani milungu yawo, pontho gomolani piguwa pyawo pyakupambulika. 25Ngakhala imwe munandipembedza, ine MBUYA Mulungu wanu, ndinakutsanzayisani na phoso pontho madzi mbandikubulusirani utenda onsene. 26M'dziko mwanu nkhabe mkazi wamimba anataya penu kukhala ngomwa tayu. Ndinakupasani moyo wakulapha.
27“Ndinachitisa anthu ambakupokanyani ale kundigopa; ndinachitisa anthu anamenyana na imwe ale kukhonda vana, pontho ndinachitisa kuti anyamalwanu onsene akuthaweni. 28Ndinaikha pampani-pani anyamalwanu;#23.28 Ndinaikha…anyamalwanu: penu Ndinatumiza masango pakati pa anyamalwanu. ndinathamangisa Ahivi, Akanani na Ahiti pinamenya imwe nawo nkhondo. 29Sinaathamangisa chaka chibodzi chokha tayu, gopesera dziko inasanduka msitu, pontho nyama zam'tsanga zinainjipa pyakwanga. 30Mbwenye ndinaathamangisa pang'ono na pang'ono mpakana imwe muinjipe kuti mukwanise kukwata dziko yawoyo kukhala yanu ene. 31Ndinathimiza madire anu mpakana ku Bara ya Mediterania kubulukira ku Akwaba pontho mpakana kumkulo wa Yufurate kubulukira kuthando yatchetcha. Ndinakupasani mphamvu zakukunda nazo enechiro dzikoyo, tenepo imwe munathamangisa pinamenyana imwe nkhondo nawo. 32Lekani chita chiverano na iwo, penu na milungu yawo. 33Lekani tawirisa anthu kukhala m'dziko mwanu; ngakhala munachita tenepo, iwo anakuchitisani kuti mundidawire. Ngakhala imwe munapembedza milungu yawo, penepyo pinakhala msampha kuna imwe.”
Currently Selected:
KUBULUKA 23: SenaMw
Highlight
Share
Copy
Want to have your highlights saved across all your devices? Sign up or sign in
© Bible Society of Malawi
KUBULUKA 23
23
Chilungamo na nsisi
1“Lekani falisa mbiri yakunama, pontho lekani kuikhira kunduli munthu wakudawa pakumchitira umboni wakunama.#Kub. 20.16; Lev. 19.11, 12; Deut. 5.20. 2Lekani tsanzira mwinji ungachita pyakudawika, penu ungapereka umboni wakupotoza chilungamo pamseru. 3Lekani kutonga mwakuyang'ana nkhope munthu wakutcherenga pamseru wache.#Lev. 19.15.
4“Ngakhala pyachitika kuti imwe mwaona ng'ombe penu bulu wa anyamalwanu chatayika, imwe mwathema kuchibweza kuna iye.#Deut. 22.1-4. 5Ngakhala bulu wa nyakukuzondani agwera pamtolo wache, mphedzeni kulamusa buluyo, lekani gwanda kwene.
6“Lekani pondereza chilungamo pamseru wa munthu wakutcherenga.#Lev. 19.15; Deut. 16.19. 7Lekani pambizira mwanzanu, pontho lekani phesa munthu okhonda dawa, thangwi ine ndinatchunyusa munthu onsene wakuchita pinthu pyakuipa ninga penepi. 8Lekani tawira kudyekerwa, thangwi kudyekera kumbachitisa anthu akuona ene kukhala maboli-boli, pontho kumbapotoza mafala a munthu wakulonga pyakuona.
9“Lekani vuya alendo; imwe mukupidziwa kuti munthu ambapiva tani kukhala mlendo, thangwi imwe mukhalimbo alendo m'dziko ya Iguputo.#Kub. 22.21; Lev. 19.33, 34; Deut. 24.17, 18; 27.19.
Chaka chachinomwe na nsiku yachinomwe
10“Pyaka pitanthatu mubzale mbewu m'minda mwanu mbamuvune mbewuzo.#Lev. 25.1-7. 11Mbwenye chaka chachinomwe ulekeni mundawo ugone, pontho lekani vuna magoko onsene m'mundamo. Anyakutcherenga adye pyamera mwenemo, pontho nyama zam'tsanga zinakwanisa kudya pyasalapyo. Chitani chibodzi-bodzi m'minda yanu yamfesa na miti yaolivi.
12“Phatani basanu nsiku zitanthatu, mbwenye lekani phata basa pansiku yachinomwe, towera mabitchu anu, alendo akukuphatirani basa na pifuyo pyanu pene pimbakuphatirani basa pikwanise kupumambo.#Kub. 20.9-11; 31.15; 34.21; 35.2; Lev. 23.3; Deut. 5.13, 14.
13“Veserani pyonsene pyakupangani ine, MBUYA. Lekani pemphera kuna milungu inango, lekani na kuthula kwene madzinawo.
Maphwando matatu makulu-makulu
(Kub. 34.18-26; Deut. 16.1-17)
14“Sekerani maphwando matatu pa chaka kulemedza nawo ine. 15M'mwezi wa Abibu, mwezi udabuluka imwe mu Iguputo, sekerani Phwando ya Mikate yakusowa Chakufufumisira ninga montho mudakupangirani ine. Lekani kudya na mkate ene wakukhala na chakufufumisira nsiku zinomwe pandzidzi wa phwandowo. Lekani kundipembedza okhonda bwera na chakupereka.#Kub. 12.14-20; Lev. 23.6-8; Kal. 28.17-25.
16“Sekerani Phwando ya Pyakuvuna pakupereka mbewu zanu zakutoma kutokota.
“Sekerani Phwando ya Misasa pakumala kwa chaka, ndzidzi umbatchola imwe mfesa zanu na nsapo zinango.#Lev. 23.15-21, 39-43; Kal. 28.26-31. 17Chaka na chaka pamaphwando matatuwa, amuna onsene athema kundipembedza, ine MBUYA Mulungu.
18“Lekani pereka pabodzi pene na mkate wakukhala na chakufufumisira chiropa cha nyama inapereka imwe nsembe kuna ine. Mafuta a nyama adaperekwa kuna ine ale pamaphwando enewa mbaleke koyiwa kufikirana mangwana mwache.
19“Chaka na chaka idzani kunyumba ya MBUYA Mulungu wanu na mbewu zanu zadidiletu zakutoma kutokota zimbavuna imwe zile.
“Lekani tereka mwanabira penu mwanambuzi kubodzi kwene na mkaka wa mache.#Deut. 26.2; 14.21; Kub. 34.26.
Kudumbira na kupangwa pyakuchita
20“Yang'ana, ndinatuma mngelo patsogolo panu kuti akutchinjirizeni ndzidzi unaenda imwe paulendo wanu, pontho kukufikisani kumbuto idasasanya ine ile. 21Mvesereni, pontho mvereni iye. Lekani kumpandukira, thangwi ndine ndamtuma, tenepo iye hanalekerera kupandukira kweneku tayu. 22Mbwenye imwe mungamvera mbamuchita pyonsene pinalonga ine, ndinamenyana na anyamalwanu onsene. 23Mngelo wanga anaenda patsogolo panu mbakufikisani kudziko ya Aamori, Ahiti, Aperizi, Akanani, Ahivi na Ayebusi mbandiavunga. 24Lekani lambira milungu yawo penu kuipembedza, pontho lekani tsanzira pipembedzo pyawo. Vungani milungu yawo, pontho gomolani piguwa pyawo pyakupambulika. 25Ngakhala imwe munandipembedza, ine MBUYA Mulungu wanu, ndinakutsanzayisani na phoso pontho madzi mbandikubulusirani utenda onsene. 26M'dziko mwanu nkhabe mkazi wamimba anataya penu kukhala ngomwa tayu. Ndinakupasani moyo wakulapha.
27“Ndinachitisa anthu ambakupokanyani ale kundigopa; ndinachitisa anthu anamenyana na imwe ale kukhonda vana, pontho ndinachitisa kuti anyamalwanu onsene akuthaweni. 28Ndinaikha pampani-pani anyamalwanu;#23.28 Ndinaikha…anyamalwanu: penu Ndinatumiza masango pakati pa anyamalwanu. ndinathamangisa Ahivi, Akanani na Ahiti pinamenya imwe nawo nkhondo. 29Sinaathamangisa chaka chibodzi chokha tayu, gopesera dziko inasanduka msitu, pontho nyama zam'tsanga zinainjipa pyakwanga. 30Mbwenye ndinaathamangisa pang'ono na pang'ono mpakana imwe muinjipe kuti mukwanise kukwata dziko yawoyo kukhala yanu ene. 31Ndinathimiza madire anu mpakana ku Bara ya Mediterania kubulukira ku Akwaba pontho mpakana kumkulo wa Yufurate kubulukira kuthando yatchetcha. Ndinakupasani mphamvu zakukunda nazo enechiro dzikoyo, tenepo imwe munathamangisa pinamenyana imwe nkhondo nawo. 32Lekani chita chiverano na iwo, penu na milungu yawo. 33Lekani tawirisa anthu kukhala m'dziko mwanu; ngakhala munachita tenepo, iwo anakuchitisani kuti mundidawire. Ngakhala imwe munapembedza milungu yawo, penepyo pinakhala msampha kuna imwe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bible Society of Malawi