KUBULUKA 27

Guwa yakupyerezapo nsembe

(Kub. 38.1-7)

1“Sasanya guwa yansembe na matabwa akesha. Nkhomo zache zikhale zonsene sasawa, ulaphiache ukhale makhono mawiri na kati ya khono, umimbache ukhale makhono mawiri na kati ya khono, pontho chengo chache#27.1 ulaphiache…chengo chache: ulaphiache 2.3m, umimbache 2.3m, pontho chengo chache 1.3m. chikhale khono ibodzi na kati ya khono. 2Sasanya nyanga padzulu pa nkhomo zinayi. Pyonsene na guwayo pikhale phindi ibodzi, pontho yonseneyo ikukutizwe na nkuwa. 3Sasanya supulia wakugweramo dotha, mafosholo, ndilo, pyakujobolera nyama na chiwaya chakugasirapo moto. Pinthu pyonsenepi pisasanywe na nkuwa. 4Sasanya waya wa mangalade ankuwa mbuikhe mphete zinayi zakuthukulira nazo zankuwa m'nkhomo zache. 5Ikha mangalade pansi pa magulupiya a guwa yansembe, towera abwerere pakati m'bwalo mwa guwayo. 6Sasanya miti yakuithukulira yakesha mbuikukutize na nkuwa, 7mbuziikhe m'mphete kukhundu ziwiri zonsene za guwa ingathukulwa. 8Sasanya guwayo na mapembo a matabwa mbusiye benga m'bwalo, kuteweza na mudakuonesera ine paphiri pale.

Mpanda wa Chikhumbi cha Mulungu

(Kub. 38.9-20)

9“Sasanya mpanda wa Chikhumbi cha Mulungu na chinguwo chakufewa. Kukhundu yakumwera chinguwocho chikhale ulaphiache makhono makumanayi na manayi,#27.9 ulaphiache…na manayi: ulaphiache 46m. 10chakuphatiswa na mizati makumawiri yankuwa m'mathako makumawiri ankuwa, na ngoloweko pontho na mitandaliko pyasiliva. 11Pyontho-pyonthopyo pyathema kuchitwa kukhundu yakumpoto ya mpandawo. 12Kukhundu yakumadokero dzuwa kwathema kukhala chinguwo chakulapha makhono makumawiri na mawiri,#27.12 chakulapha…na mawiri: ulaphiache 23m. chakukhala na mizati khumi, pontho na mathako khumi. 13Kukhundu yakumabulukiro dzuwa kuna msuwo kule, mpandawo wathema kukhala makhono makumawiri na mawiri. 14-15Kukhundu yonsene ya msuwo kwathema kukhala makhono matanthatu na kati ya khono a nguwo,#27.14 makhono…a nguwo: ulaphiache 6.6m. akukhala na mizati mitatu, pontho na mathako matatu. 16Chinguwo chakufewa chakufunga nacho pamsuwo chathema kukhala makhono mafemba ulaphiache#27.16 makhono…ulaphiache: ulaphiache 9m. chakulukwa na usalu wachoza, msuzi wanyemba na wakufira, pontho wakuthemesera mwadidi. Chathema kuphatiswa na mizati minayi m'mathako manayi. 17Mizati yonsene ya mpanda yathema kuphatanizwa na mitandaliko yasiliva, pontho ngoloweko zathema kukhala zasiliva, mathako awo mbakhala ankuwa. 18Mpanda wakuzungulira Chikhumbi wathema kukhala ulaphiache makhono makumanayi na manayi, umimbache makhono makumawiri na mawiri, pontho chengo chache#27.18 ulaphiache…chengo chache: ulaphiache 46m, umimbache 23m, pontho chengo chache 2.2m. makhono mawiri na kati ya khono. Chinguwo chathema kukhala chakufewa mbachikhala na mathako ankuwa. 19Pinthu pyonsene pyakuphatisirwa basa m'Chikhumbi, pontho na ntchiri zonsene zakuphatisa nkhambala za Chikhumbi na mpandache ene pyathema kukhala pyankuwa.

Kuyang'anira nyale mwadidi

(Lev. 24.1-4)

20“Panga Aisraele kukudzesera mafuta aolivi adidiletu, towera aphatiswe basa m'nyale kuti ikwanise kugaswa mawulo onsene. 21Aroni na anache achimuna athema kuikha nyale m'Chikhumbi cha Mulungu kunja kwa chinguwo chakutchinga nacho Bokosi ya Chiverano. Mwenemo pamaso panga yathema kugaka kubulukira mawulo mpakana machibese. Matongero enewa athema kukoyiwa na Aisraele na pidzukulu pyawo kwenda na kwenda.

Currently Selected:

KUBULUKA 27: SenaMw

Highlight

Copy