Chiyambo 33
33
Yakobe watanjana ndi Esau
1Ndipo Yakobe wanguyunuska maso ghake, ndi wangulereska ndi awonani, Esau wazanga, ndi ŵanthu machumi pe chumi ghanayi (400), pamoza nayo. Viyo wangugaŵa ŵana wo pakati paku Leya ndi Rakelo ndi ŵateŵeti ŵanthukazi wo ŵaŵi. 2Ndipo wanguŵika ŵateŵeti ŵanthukazi ndi ŵana ŵawo paurongo, pavuli pawo Leya ndiŵana ŵake, ndi Rakelo ndi Yakobe ku umari waku wose. 3Iyo mweneko wangwenda paurongo pawo, wanguŵerama pasi kankhonde ndi kawi, mpaka penipo wanguza pafupi ndi muku wake. 4Kweni Esau wanguchimbiya kwachikumana nayo, ndi wangumuvumbatiya, ndipo wangumuvumbatiya, ndipo wangukotamiya pa khosi lake ndi wangumufyofyontha, ndipo wanguliya. 5Ndipo penipo Esau wanguyunuska maso ghake wanguwona ŵanthukazi ndi ŵana, wanguti, “Mbayani yaŵa we nawo?” Yakobe wanguti, “Mbana ŵeniwo Chiuta wangundipaska ndi wezi ndamuŵanda wako.” 6Sono ŵateŵeti ŵanthukazi ŵangundere pafupi, iwo pamoza ndi ŵana ŵawo ndi ŵangukotama pasi; 7Leya nayo viyo pe ndi ŵana ŵake ŵangundere pafupi ndi wangukotama pasi; ndipo pa umari Yosefe ndi Rakelo ŵangundere pafupi, ndipo ŵangukotama pasi. 8Esau wanguti, “Ung'anamuwanji ndi mpingu wose wo ndakumana nawo?” Yakobe wangwamuka, “Kuti ndisaniye wezi pa maso gha mbuya wangu.” 9Kweni Esau wanguti, “Nde navyo vyakukwana, wamhurwa wangu ujisungiye wamweni vyo we navyo.” 10Yakobe wanguti, “Awa, nditukupempha, asani ndasaniya wezi mu maso ghako, iku londa chaulera chakutuliya mu janja langu; pakuti kwakuneneska pakuwona chisku chako kuchita nge ndiwona chisku chaku Chiuta, pa wezi waviyo iku wandironde. 11Londa, nditukuŵeyere, chaulera chondaza nacho kwako, chifukwa Chiuta wandichitiya wezi, ndi chifukwa ndendi vyakukwana.” Viyo wangumuchichizga, ndi wanguvironda. 12Sono Esau wanguti, “Tiyeni tirutenge pa lwendo lidu, ndipo ndikadanjiyanga paurongo pako.” 13Kweni Yakobe wanguti kwaku iyo, “Mbuya wangu waziŵa kuti ŵana mbakutomboloka, ndipo so ng'ombe ndi miskambu yakonkheska vyose viphwelereka ndi ine; ndipo asani vyalutilizga kwenda kwazuŵa limoza, viŵetu vyose vikafwanga. 14Mbuya wadanjiyenge paurongo pa muŵanda wake, ndipo Ine ndikalongozganga wengu wengu kwakulingana ndi nthangara za ng'ombe zo ze paurongo pangu ndi kwakulingana ndi nthangara za ŵana, mpaka penipo ndamufika ku mbuya wangu mu Seiri.”
Yakobe wafika ku Shekemu
15Viyo Esau wanguti, “Ndikusiyiyi ŵanthu ŵanyake wo ŵendi ine.” Kweni iyo wanguti, “Nchine cho ndisauka? Ndisaniye wezi mu maso gha mbuya wangu.” 16Viyo zuŵa leniliya Esau ŵanguwere ku nthowa yake kuya ku Seiri. 17Kweni Yakobe wanguya ku Sukoto ndipo wangujizenge nyumba, ndipo wanguchita makhora gha ng'ombe zake; viyo zina la malo lingudanika Sukoto. 18Ndipo Yakobe wangufika umampha ku msumba wa Shekemu, weniwo wemu charu cha Kanani, pa lwendo lake kutuwa ku Padani-arami; wangugowa paurongo pa msumba wo. 19Ndipo ku ŵana ŵaku Hamoro wiske waku Shekemu, wangugulako kacharu pa mtengo wa ndrama machumi pe chumi (100) penipo wangujintha hema lake. 20Penipo wanguzengapo jochero la sembe ndi wangudanapo kuti Ele-elohe-Yisraele.#33.20 Ele-elohe-Yisraele: ndiku kuti Chiuta wa waYisraele.
Currently Selected:
Chiyambo 33: TongaMw
Highlight
Share
Copy
Want to have your highlights saved across all your devices? Sign up or sign in
Bible Society of Malawi
Chiyambo 33
33
Yakobe watanjana ndi Esau
1Ndipo Yakobe wanguyunuska maso ghake, ndi wangulereska ndi awonani, Esau wazanga, ndi ŵanthu machumi pe chumi ghanayi (400), pamoza nayo. Viyo wangugaŵa ŵana wo pakati paku Leya ndi Rakelo ndi ŵateŵeti ŵanthukazi wo ŵaŵi. 2Ndipo wanguŵika ŵateŵeti ŵanthukazi ndi ŵana ŵawo paurongo, pavuli pawo Leya ndiŵana ŵake, ndi Rakelo ndi Yakobe ku umari waku wose. 3Iyo mweneko wangwenda paurongo pawo, wanguŵerama pasi kankhonde ndi kawi, mpaka penipo wanguza pafupi ndi muku wake. 4Kweni Esau wanguchimbiya kwachikumana nayo, ndi wangumuvumbatiya, ndipo wangumuvumbatiya, ndipo wangukotamiya pa khosi lake ndi wangumufyofyontha, ndipo wanguliya. 5Ndipo penipo Esau wanguyunuska maso ghake wanguwona ŵanthukazi ndi ŵana, wanguti, “Mbayani yaŵa we nawo?” Yakobe wanguti, “Mbana ŵeniwo Chiuta wangundipaska ndi wezi ndamuŵanda wako.” 6Sono ŵateŵeti ŵanthukazi ŵangundere pafupi, iwo pamoza ndi ŵana ŵawo ndi ŵangukotama pasi; 7Leya nayo viyo pe ndi ŵana ŵake ŵangundere pafupi ndi wangukotama pasi; ndipo pa umari Yosefe ndi Rakelo ŵangundere pafupi, ndipo ŵangukotama pasi. 8Esau wanguti, “Ung'anamuwanji ndi mpingu wose wo ndakumana nawo?” Yakobe wangwamuka, “Kuti ndisaniye wezi pa maso gha mbuya wangu.” 9Kweni Esau wanguti, “Nde navyo vyakukwana, wamhurwa wangu ujisungiye wamweni vyo we navyo.” 10Yakobe wanguti, “Awa, nditukupempha, asani ndasaniya wezi mu maso ghako, iku londa chaulera chakutuliya mu janja langu; pakuti kwakuneneska pakuwona chisku chako kuchita nge ndiwona chisku chaku Chiuta, pa wezi waviyo iku wandironde. 11Londa, nditukuŵeyere, chaulera chondaza nacho kwako, chifukwa Chiuta wandichitiya wezi, ndi chifukwa ndendi vyakukwana.” Viyo wangumuchichizga, ndi wanguvironda. 12Sono Esau wanguti, “Tiyeni tirutenge pa lwendo lidu, ndipo ndikadanjiyanga paurongo pako.” 13Kweni Yakobe wanguti kwaku iyo, “Mbuya wangu waziŵa kuti ŵana mbakutomboloka, ndipo so ng'ombe ndi miskambu yakonkheska vyose viphwelereka ndi ine; ndipo asani vyalutilizga kwenda kwazuŵa limoza, viŵetu vyose vikafwanga. 14Mbuya wadanjiyenge paurongo pa muŵanda wake, ndipo Ine ndikalongozganga wengu wengu kwakulingana ndi nthangara za ng'ombe zo ze paurongo pangu ndi kwakulingana ndi nthangara za ŵana, mpaka penipo ndamufika ku mbuya wangu mu Seiri.”
Yakobe wafika ku Shekemu
15Viyo Esau wanguti, “Ndikusiyiyi ŵanthu ŵanyake wo ŵendi ine.” Kweni iyo wanguti, “Nchine cho ndisauka? Ndisaniye wezi mu maso gha mbuya wangu.” 16Viyo zuŵa leniliya Esau ŵanguwere ku nthowa yake kuya ku Seiri. 17Kweni Yakobe wanguya ku Sukoto ndipo wangujizenge nyumba, ndipo wanguchita makhora gha ng'ombe zake; viyo zina la malo lingudanika Sukoto. 18Ndipo Yakobe wangufika umampha ku msumba wa Shekemu, weniwo wemu charu cha Kanani, pa lwendo lake kutuwa ku Padani-arami; wangugowa paurongo pa msumba wo. 19Ndipo ku ŵana ŵaku Hamoro wiske waku Shekemu, wangugulako kacharu pa mtengo wa ndrama machumi pe chumi (100) penipo wangujintha hema lake. 20Penipo wanguzengapo jochero la sembe ndi wangudanapo kuti Ele-elohe-Yisraele.#33.20 Ele-elohe-Yisraele: ndiku kuti Chiuta wa waYisraele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Malawi