Mateyu 13
13
Ntharika ya wakumija mbeu
(Marko 4.1-9; Luka 8.4-8)
1Pazuŵa lenilo wangutuwa Yesu ku nyumba, ndipo wanguja pasi mumphepete mu nyanja. 2Ndipo kunguwungirana kwaku iyo mizinda yikuru, viyo kuti wangusere iyo mu ngaraŵa, wanguja pasi; ndipo mzinda wose wamanga pa likumba. 3Ndipo wanguŵakambiya vinandi mu zintharika, wakuti, “Awonani; wakumija wangutuliya kwachimija. 4Ndipo wachimijma zinyake zinguwa mumphepete mu nthowa, ndipo tuyuni tunguza ndi tunguzirgha. 5Zinyake zinguwa pa malo ghajarawi penipo pengavi nyata yinandi: ruŵi zinguŵalika ndipo, chifukwa zinguŵavi mtota wa nyaata; 6lati lakwera dazi zinguŵauka; ndipo chifukwa zengavi nkhorozu, zingumira. 7Zinyake zinguwa mu minga; ndipo minga yo yingubuka, ndi yinguzifinyirizga. 8Kweni zinyake zinguwa pa nyata yamampha, ndipo zingupasa vipasi, zinyake machumi pe chumi, zinyake machumi ghankhonde ndi limoza, ndi zinyake machumi ghatatu. 9Wakuŵa ndi makutu yo, wavwe.”
Uratu wa zintharika
(Marko 4.10-12; Luka 8.9-10)
10Ndipo ŵanguza ŵasambizi, ŵangunena nayo, “Chifukwa chine murongoro kwaku wo mu zintharika?” 11Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha. 12Chifukwa yose yo wenacho, kwaku iyo kupasikikenge, ndipo waŵenge ndi uzari: kweni yose yo walive, chingana ndi cho wenacho, chikwamphulikenge kwaku iyo. 13Chifukwa chenichi ndirongoro kwaku wo mu zintharika; chifukwa ŵawona kweni kuti ŵawoneseska cha, ŵatuvwa kweni kuti ŵavwisiska cha, chingana nkhuwamo. 14Ndipo kwaku iwo ufiskika umchimi waku Yesaya, wakuti,
‘Nadi kuvwa mukavwanga, ndipo kuti muwengemo kose cha.
Nadi kulereska mulereskenge, ndipo kuti muthoŵenge kose cha.
15Chifukwa watutuŵa mtima wa khamu lenili,
ndipo makutu ghawo ghatuvwa chizituzitu,
ndi maso ghawo ŵajara;
vinu kokuli ŵangathoŵa ndi maso ghawo,
ŵangapulikizga ndi makutu ghawo,
ndipo ndi mtima wawo ŵangawamo,
ndi ŵangang'anamuka ndipo ndingaŵachizga.’
16“Kweni ngakutumbikika maso ghinu, pakuti ghalereska; ndi makutu ghinu, pakuti ghapulikizga. 17Chifukwa nadidi ndikuneniyani kuti ŵanandi ŵamchimi ndi ŵarunji ŵangunweka kuwona vyo mulereska, ndipo kuti ŵanguviwona cha; ndi kuvwa vyo mulereska, ndipo kuti ŵanguviwona cha; ndi kuvwa vyo mutuvwa, kweni kuti ŵanguvivwa cha.
Yesu wakonkhoma ntharika ya wakumija mbeu
(Marko 4.13-20; Luka 8.11-15)
18“Viyo vwaninga imwe ntharika yo ya wakumija. 19Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa. 20Ndipo yo yingumijika pa malo ghajarawi; uyu ndi mweniyo watuvwa mazu, ndipo ruŵi ndi chimwemwe watigharonde; 21kweni walive nkhorozu mwaku yija, wakunthiyapo kwa kanyengo; ndipo pakuŵapo suzgu pamwenga fingu pachifwa cha mazu, ruŵi waguŵiskika. 22Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi. 23Kweni yo yingumijika pa nyata yamampha, uyu ndi mweniyo ngwakuvwa mazu ndi wakuwamo; mweniyo ndiyu wapasa, ndi wachita, uyu vya machumi pe chumi, uyu vya machumi ghankhonde ndi limoza, uyu vya machumi ghatatu.”
Ntharika ya duru
24Ntharika yinyake wanguŵakambiya, wakuti, “Ufumu wakuchanya ukozgana ndi munthu wakumija mbeu yamampha mu munda wake; 25kweni ŵachira ŵanthu, kinguza wamawongu wake ndi wangumija maduru mukati mu trigu, ndipo wanguruta. 26Kweni penipo mani ghangutunda, ndipo wangupasa, sono ghanguwoneka maduru nagho. 27Ndipo ŵachiza ŵaŵanda ŵa mweninyumba yo, ŵangunena nayo, ‘Mbuya, asi mungumija mbeu yamampha mu munda winu? Na ghatuliya pani maduru gho we nagho?’ 28Ndipo iyo wanguti kwaku wo, ‘Munthu wamawongu wachita chenichi.’ Ndipo ŵaŵanda wo ŵanguti kwaku iyo, ‘Kumbi asi mukhumba kuti tirute tighawunjike?’ 29Kweni iyo wali, ‘Awa, vinu kokuli muchiwunjika maduru, mungazuliya trigu yo pamoza nagho. 30Virekeni vyose viŵi vikuliye pamoza mpaka chivuna: ndipo mu nyengo ya kuvuna ndiŵaneniyenge ŵakuvuna, Unjikani danga maduru, ghamangeni nchindanchinda kwachighocha: kweni trigu yo rongani mu nkhokwe yangu.’”
Ntharika ya kamganje
(Marko 4.30-32; Luka 13.18-19)
31Ntharika yinyake wanguŵakambiya, wakuti, “Ufumu wakuchanya ngwakukozgana ndi nje ya kamganje, yeniyo munthu wanguto, ndi wangumija mu munda wake: 32yo nadi njidokudoku ku mbeu zose; kweni yati yakuwa, njikuruku ya tusungwi, ndipo yituwa chivwati, viyo kuti tuyuni twamude tuzenga vivimbu vyawo mu mphanda zake.”
Ntharika ya mtupu
(Luka 13.20-21)
33Ntharika yinyake wanguŵakambiya. “Ufumu wakuchanya ngwakukozgana ndi mtupu, weniwo munthukazi wanguto ndi wanguwusazga mu myesu yitatu ya ufwa, mpaka ungutupiskika wose.”
Kakambidu kaku Yesu mu ntharika
(Marko 4.33-34)
34Vyose ivi wangurongoro Yesu ku mizinda yo mu zintharika; ndipo kwambura ntharika kuti wangurongoro kanthu kwaku wo cha. 35Alinga kuti lifiskike nenedu lamu mchimi, yo, wakuti,
“Ndibanuliyenge mu zintharika mlomo wangu;
ndikambenge vyo vikubisika kutuwa kukujarikika kwa charu.”
Yesu wakonkhoska ntharika ya duru
36Sono wangusiya mizinda yo, ndipo wangusere mu nyumba; ndipo ŵanguza kwake ŵasambizi ŵake, ŵakuti, “Ting'anamuliyeni ntharika yo ya maduru gha mu munda wo.” 37Ndipo wa munthu; 38ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo, 39wamawongu yo wakughamija ndi diabolo ndipo kuvuna ko nkhamaridu ka mgonezi wo; ndi ŵakuvuna mbangelo. 40Viyo nge ndimo maduru gho ghawunjikikiya ndi kocheka ndi moto; ndimu kuŵiyenge mu kamaridu ka mgonezi wo. 41Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu, 42ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu. 43Penipo ŵarunji ŵaŵalenge nge ndi dazi mu ufumu wa Auskeu. Wakuŵa ndi makutu yo, wavwe.
Ntharika ya usambasi wakubisika
44“Ufumu wakuchanya ngwakukozgana ndi mbiku yakubisika mu munda; yeniyo, munthu, wati wayibowozga, wajarapo; ndipo ndi chimwemwe chake waruta, wasaska vyose vyo we navyo, ndi wagula munda muwa.
Ntharika ya maperile
45“Panyake, ufumu wakuchanya ukozgana ndi munthu wa maronda, wakupenja mya yakuzirwa: 46ndipo wanguti wasaniya umoza wa mtengu ukuru, wanguruta ndi wangusaska vyose vyo wenga navyo, ndipo wangugula weniwo.
Ntharikaya mukwau
47“Panyake, ufumu wakuchanya ukozgana ndi mukwau wakupong'eka mu nyanja, ndi wakuzinga za mtundu we wose, 48weniwo, penipo unguzazika, ŵanguwukwauliya pa likumba; ndipo ŵachija pasi ŵanguwunjika zamampha mu viyaŵi, kweni ziheni ŵangutaya ku dondo. 49Kwakulingana, ndimu kuŵiyenge pa umari wa mgonezi. Ŵangelo ŵatuwenge, ndipo ŵapatuwengemo ŵaheni mukati mu ŵarunji, 50ndipo ŵaŵapong'enge ku ng'anjo ya moto; kweniko kuŵenge kuliya ndi kukukuta kwa minyu.
51“Kumbi mwawamo mwaku vyenivyo vyose?” Atiti kwaku iyo, “Inya.” 52Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”
Yesu wakanika ku Nazarete
(Marko 6.1-6; Luka 4.16-30)
53Ndipo kunguŵa, Yesu wanguti wamara ntharika zo, wangutuwako kweniko. 54Ndipo wati waza mu charu chakwake, waŵasambizganga mu sinagoge lawo, viyo kuti ŵangurwita iwo, ndipo ŵatinge, “Zeru izi ndi nthazi iyi watuliya navyo nunkhu? 55Asi uyu ndi mwana wa muwomba-miti yo? Asi nyina wazumbulika Mariya? Ahurwa ŵake ndi Yakobe, Yosefe, Simone, ndi Yuda? 56Ndipo ŵazichi ŵake asi wose ŵe pamoza nafwe? Na vyose yivi wativito pani?” 57Ndipo ŵanguguŵiskika mwaku iyo. Kweni Yesu wanguti kwaku wo, “Mchimi kuti ngwambura thumbiku cha kosekose, kweni mu charu chakwake, ndi mu nyumba yake.” 58Ndipo kuti wanguchita kweniko vyanthazi vinandi cha, pa chifwa cha uzira chivwanu wawo.
Currently Selected:
Mateyu 13: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 13
13
Ntharika ya wakumija mbeu
(Marko 4.1-9; Luka 8.4-8)
1Pazuŵa lenilo wangutuwa Yesu ku nyumba, ndipo wanguja pasi mumphepete mu nyanja. 2Ndipo kunguwungirana kwaku iyo mizinda yikuru, viyo kuti wangusere iyo mu ngaraŵa, wanguja pasi; ndipo mzinda wose wamanga pa likumba. 3Ndipo wanguŵakambiya vinandi mu zintharika, wakuti, “Awonani; wakumija wangutuliya kwachimija. 4Ndipo wachimijma zinyake zinguwa mumphepete mu nthowa, ndipo tuyuni tunguza ndi tunguzirgha. 5Zinyake zinguwa pa malo ghajarawi penipo pengavi nyata yinandi: ruŵi zinguŵalika ndipo, chifukwa zinguŵavi mtota wa nyaata; 6lati lakwera dazi zinguŵauka; ndipo chifukwa zengavi nkhorozu, zingumira. 7Zinyake zinguwa mu minga; ndipo minga yo yingubuka, ndi yinguzifinyirizga. 8Kweni zinyake zinguwa pa nyata yamampha, ndipo zingupasa vipasi, zinyake machumi pe chumi, zinyake machumi ghankhonde ndi limoza, ndi zinyake machumi ghatatu. 9Wakuŵa ndi makutu yo, wavwe.”
Uratu wa zintharika
(Marko 4.10-12; Luka 8.9-10)
10Ndipo ŵanguza ŵasambizi, ŵangunena nayo, “Chifukwa chine murongoro kwaku wo mu zintharika?” 11Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha. 12Chifukwa yose yo wenacho, kwaku iyo kupasikikenge, ndipo waŵenge ndi uzari: kweni yose yo walive, chingana ndi cho wenacho, chikwamphulikenge kwaku iyo. 13Chifukwa chenichi ndirongoro kwaku wo mu zintharika; chifukwa ŵawona kweni kuti ŵawoneseska cha, ŵatuvwa kweni kuti ŵavwisiska cha, chingana nkhuwamo. 14Ndipo kwaku iwo ufiskika umchimi waku Yesaya, wakuti,
‘Nadi kuvwa mukavwanga, ndipo kuti muwengemo kose cha.
Nadi kulereska mulereskenge, ndipo kuti muthoŵenge kose cha.
15Chifukwa watutuŵa mtima wa khamu lenili,
ndipo makutu ghawo ghatuvwa chizituzitu,
ndi maso ghawo ŵajara;
vinu kokuli ŵangathoŵa ndi maso ghawo,
ŵangapulikizga ndi makutu ghawo,
ndipo ndi mtima wawo ŵangawamo,
ndi ŵangang'anamuka ndipo ndingaŵachizga.’
16“Kweni ngakutumbikika maso ghinu, pakuti ghalereska; ndi makutu ghinu, pakuti ghapulikizga. 17Chifukwa nadidi ndikuneniyani kuti ŵanandi ŵamchimi ndi ŵarunji ŵangunweka kuwona vyo mulereska, ndipo kuti ŵanguviwona cha; ndi kuvwa vyo mulereska, ndipo kuti ŵanguviwona cha; ndi kuvwa vyo mutuvwa, kweni kuti ŵanguvivwa cha.
Yesu wakonkhoma ntharika ya wakumija mbeu
(Marko 4.13-20; Luka 8.11-15)
18“Viyo vwaninga imwe ntharika yo ya wakumija. 19Wachivwa munthu mazu gho gha ufumu, ndipo kuti wawamo cha, watuza mheni yo, ndipo wapoka cho chamijika mu mtima wake. Iya ndiyo yingumijika mumphepete mu nthowa. 20Ndipo yo yingumijika pa malo ghajarawi; uyu ndi mweniyo watuvwa mazu, ndipo ruŵi ndi chimwemwe watigharonde; 21kweni walive nkhorozu mwaku yija, wakunthiyapo kwa kanyengo; ndipo pakuŵapo suzgu pamwenga fingu pachifwa cha mazu, ruŵi waguŵiskika. 22Ndipo yo yingumijika mu minga uyu ndi mweniyo watuvwa mazu; ndipo phuruputiro la mgonezi uwu ndi fuvyu la usambasi vifinyirizga mazu, ndipo watuŵa wambura vipasi. 23Kweni yo yingumijika pa nyata yamampha, uyu ndi mweniyo ngwakuvwa mazu ndi wakuwamo; mweniyo ndiyu wapasa, ndi wachita, uyu vya machumi pe chumi, uyu vya machumi ghankhonde ndi limoza, uyu vya machumi ghatatu.”
Ntharika ya duru
24Ntharika yinyake wanguŵakambiya, wakuti, “Ufumu wakuchanya ukozgana ndi munthu wakumija mbeu yamampha mu munda wake; 25kweni ŵachira ŵanthu, kinguza wamawongu wake ndi wangumija maduru mukati mu trigu, ndipo wanguruta. 26Kweni penipo mani ghangutunda, ndipo wangupasa, sono ghanguwoneka maduru nagho. 27Ndipo ŵachiza ŵaŵanda ŵa mweninyumba yo, ŵangunena nayo, ‘Mbuya, asi mungumija mbeu yamampha mu munda winu? Na ghatuliya pani maduru gho we nagho?’ 28Ndipo iyo wanguti kwaku wo, ‘Munthu wamawongu wachita chenichi.’ Ndipo ŵaŵanda wo ŵanguti kwaku iyo, ‘Kumbi asi mukhumba kuti tirute tighawunjike?’ 29Kweni iyo wali, ‘Awa, vinu kokuli muchiwunjika maduru, mungazuliya trigu yo pamoza nagho. 30Virekeni vyose viŵi vikuliye pamoza mpaka chivuna: ndipo mu nyengo ya kuvuna ndiŵaneniyenge ŵakuvuna, Unjikani danga maduru, ghamangeni nchindanchinda kwachighocha: kweni trigu yo rongani mu nkhokwe yangu.’”
Ntharika ya kamganje
(Marko 4.30-32; Luka 13.18-19)
31Ntharika yinyake wanguŵakambiya, wakuti, “Ufumu wakuchanya ngwakukozgana ndi nje ya kamganje, yeniyo munthu wanguto, ndi wangumija mu munda wake: 32yo nadi njidokudoku ku mbeu zose; kweni yati yakuwa, njikuruku ya tusungwi, ndipo yituwa chivwati, viyo kuti tuyuni twamude tuzenga vivimbu vyawo mu mphanda zake.”
Ntharika ya mtupu
(Luka 13.20-21)
33Ntharika yinyake wanguŵakambiya. “Ufumu wakuchanya ngwakukozgana ndi mtupu, weniwo munthukazi wanguto ndi wanguwusazga mu myesu yitatu ya ufwa, mpaka ungutupiskika wose.”
Kakambidu kaku Yesu mu ntharika
(Marko 4.33-34)
34Vyose ivi wangurongoro Yesu ku mizinda yo mu zintharika; ndipo kwambura ntharika kuti wangurongoro kanthu kwaku wo cha. 35Alinga kuti lifiskike nenedu lamu mchimi, yo, wakuti,
“Ndibanuliyenge mu zintharika mlomo wangu;
ndikambenge vyo vikubisika kutuwa kukujarikika kwa charu.”
Yesu wakonkhoska ntharika ya duru
36Sono wangusiya mizinda yo, ndipo wangusere mu nyumba; ndipo ŵanguza kwake ŵasambizi ŵake, ŵakuti, “Ting'anamuliyeni ntharika yo ya maduru gha mu munda wo.” 37Ndipo wa munthu; 38ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo, 39wamawongu yo wakughamija ndi diabolo ndipo kuvuna ko nkhamaridu ka mgonezi wo; ndi ŵakuvuna mbangelo. 40Viyo nge ndimo maduru gho ghawunjikikiya ndi kocheka ndi moto; ndimu kuŵiyenge mu kamaridu ka mgonezi wo. 41Mwana wa munthu watumenge ŵangelo ŵake, ndipo ku ufumu wake waunjikenge ndi kutuzga vyose vyakuguŵiska ndi wo mbakuchita uchikana marangu, 42ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu. 43Penipo ŵarunji ŵaŵalenge nge ndi dazi mu ufumu wa Auskeu. Wakuŵa ndi makutu yo, wavwe.
Ntharika ya usambasi wakubisika
44“Ufumu wakuchanya ngwakukozgana ndi mbiku yakubisika mu munda; yeniyo, munthu, wati wayibowozga, wajarapo; ndipo ndi chimwemwe chake waruta, wasaska vyose vyo we navyo, ndi wagula munda muwa.
Ntharika ya maperile
45“Panyake, ufumu wakuchanya ukozgana ndi munthu wa maronda, wakupenja mya yakuzirwa: 46ndipo wanguti wasaniya umoza wa mtengu ukuru, wanguruta ndi wangusaska vyose vyo wenga navyo, ndipo wangugula weniwo.
Ntharikaya mukwau
47“Panyake, ufumu wakuchanya ukozgana ndi mukwau wakupong'eka mu nyanja, ndi wakuzinga za mtundu we wose, 48weniwo, penipo unguzazika, ŵanguwukwauliya pa likumba; ndipo ŵachija pasi ŵanguwunjika zamampha mu viyaŵi, kweni ziheni ŵangutaya ku dondo. 49Kwakulingana, ndimu kuŵiyenge pa umari wa mgonezi. Ŵangelo ŵatuwenge, ndipo ŵapatuwengemo ŵaheni mukati mu ŵarunji, 50ndipo ŵaŵapong'enge ku ng'anjo ya moto; kweniko kuŵenge kuliya ndi kukukuta kwa minyu.
51“Kumbi mwawamo mwaku vyenivyo vyose?” Atiti kwaku iyo, “Inya.” 52Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”
Yesu wakanika ku Nazarete
(Marko 6.1-6; Luka 4.16-30)
53Ndipo kunguŵa, Yesu wanguti wamara ntharika zo, wangutuwako kweniko. 54Ndipo wati waza mu charu chakwake, waŵasambizganga mu sinagoge lawo, viyo kuti ŵangurwita iwo, ndipo ŵatinge, “Zeru izi ndi nthazi iyi watuliya navyo nunkhu? 55Asi uyu ndi mwana wa muwomba-miti yo? Asi nyina wazumbulika Mariya? Ahurwa ŵake ndi Yakobe, Yosefe, Simone, ndi Yuda? 56Ndipo ŵazichi ŵake asi wose ŵe pamoza nafwe? Na vyose yivi wativito pani?” 57Ndipo ŵanguguŵiskika mwaku iyo. Kweni Yesu wanguti kwaku wo, “Mchimi kuti ngwambura thumbiku cha kosekose, kweni mu charu chakwake, ndi mu nyumba yake.” 58Ndipo kuti wanguchita kweniko vyanthazi vinandi cha, pa chifwa cha uzira chivwanu wawo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi