Mateyu 20
20
Ntharika ya ŵanchitu ŵa munda wa mphereska
1“Chifukwa ufumu wa kuchanya ukozgana ndi munthu, mweninyumba, yo wangutuwa pa nyengo ya mlenji kwachilembera ŵanchitu ku munda wake wa mphereska. 2Ndipo wati wapangana nawo kwa tambala yumoza pa zuŵa, wanguŵatuma ku munda wake wamphereska. 3Ndipo wangutuwa pafupi pa ora lachitatu, wanguwona ŵanyake ŵakuma ŵaka mu luluwa la maronda; 4ndipo kwaku ŵeniwo wanguti, ‘Kaninga namwe so ku munda wo wa mphereska, ndipo cho chingaŵa chakurunjika, ndikupaskeninge.’ Ndipo ŵanguruta. 5Ndipo wachituwa so pafupi pa ora lachinkhonde ndi chimoza ndi pa lachinkhonde ndi chinayi, wanguchita kwakulingana. 6Ndipo wakutuwa pafupi pa ora lachichumi ndi chimoza, wangusaniya ŵanyake ŵakuma ŵaka jo ndipo watiti kwaku wo, ‘Mwamiyanji ŵaka panu msana wose?’ 7Wangumunene, ‘Chifukwa paŵavi yumoza yo watilemba.’ Waŵanene, ‘Kaninga mwe so ku mundawo wa mphereska.’ 8Kweni ghati ghaŵa mazuro, mwenimunda wangumunene mlinda wake, ‘Dana ŵanchitu, uŵalipire mphotu, kwanda ku ŵakumariya mpaka ku ŵakudanga.’ 9Ndipo po ŵanguza wo ŵa pafupi pa ora lachichumi ndi chimoza ŵanguronde munthu yose tambala. 10Ndipo ŵachiza ŵakudanga wo ŵangugomezga kuti ŵarondenge kwakuruska. Kweni ŵanguronde nawo so yumoza ndi yumoza tambala. 11Ndipo ŵati ŵaronde ŵajumiyanga pa mweninyumba, 12ŵakuti, ‘Yaŵa ŵakumariya, wo ŵangutakataka ora limoza pe, waŵalinganizga ndi ifwe, taŵakukomwa ndi uzitu wa msana ndi chifundizi chake.’ 13Kweni wakwamuka wangunena ndi yumoza waku wo, ‘Bwezi, kuti nditukwanangiya cha: asi ungupangana nane tambala yumoza? 14Ujitole cho nchako, rutanga; ndikhumba kupaska ku wakumariya yo nge nkhwaku iwe nawe. 15Asi kuyiyamu ine kuchita cho ndikhumba pa vyaku ndamweni? Pamwenga vinu uchita sanji chifukwa nde wamampha ine?’ 16Viyo ŵakumariya ŵaŵenge ŵakudanga, ndi ŵakudanga ŵakumariya.”
Wakamba so ndi nyifwa yake nyengo ya chitatu
(Marko 10.32-34; Luka 18.31-34)
17Ndipo wachikwera Yesu ku Yerusalemu, wanguŵatole ŵasambizi chumi ndi ŵaŵi ku ubende, ndipo mu nthowa wanguŵanene, 18“Awonani, tikwere ku Yerusalemu; ndipo mwana wa munthu wakomborekenge ku ŵazukuru ŵara ndi ŵalembi; ndipo ŵamweruzgiyenge ku nyifwa, 19ndipo ŵamkombolenge ku Mitundu kumtombozga ndi kumukwechuwa ndikumpayika; ndipo pa zuŵa lachitatu wayukenge.”
Fumbo la anyina aku Yakobe ndi Yohane
(Marko 10.35-45)
20Sono wanguza kwaku iyo nyinawo waŵana ŵaku Zebediya pamoza ndiŵana ŵake, wakumlambiya ndi wakumpemphe kakuti. 21Ndipo wangumfumba, “Ukhumbanji?” Wamnene, “Kambani kuti ŵaje ŵana ŵangu ŵaŵi yaŵa, yumoza ku marghe kwinu ndi munyake ku maze, mu ufumu winu.” 22Kweni Yesu wakwamuka wanguti, “Kuti muziŵa cha cho mupempha. Kumbi muziŵa kumwa nkhombo#20.22 nkhombo: nkhombo yapa ying'anamuwa masuzgu gho Yesu Kristu wanguserumu. yo ine nditenere kumwa?” Wamunene, “Tiziŵa.” 23Waŵanene, “Nkhombo yangu mu mwenge, kweni kuja ku marghe kwangu ndi kumaze, kuti nkhwaku ine cha kupaska kweni kwaku wo kwaŵarongosoleke ndi Ada.” 24Ndipo ŵanguti ŵavwa wo chumi, ŵangutundiya pa ŵabali wo ŵaŵi. 25Kweni Yesu pakuŵadana wanguti, “Muziŵa kuti ŵakuwusa mitundu ŵayichitiya mtufu, ndipo ŵaraŵara ŵawo ŵaŵatufuliya. 26Kuti kukaŵanga viyo cha mwaku imwe: kweni yose yo wakhumba kuŵa mura mwaku imwe, waŵenge mteŵeti winu; 27ndipo yose wakukhumba kuŵa wachimoza mwaku imwe, waŵe muŵanda winu; 28ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”
Yesu wachizga ŵachiburumutira ŵaŵi
(Marko 10.46-52; Luka 18.35-43)
29Ndipo ŵachituwa iwo ku Yeriko, kungumrondo mzinda ukuru. 30Ndipo, ŵachiburumutiya ŵaŵi ŵakuja mumphepete mu nthowa, ŵati ŵavwa kuti Yesu wajumphapo ŵangubongo ŵakuti, “Ambuya, tifwiyeni lisungu, mwaMwana waku Davidi.” 31Kweni mzinda wo unguŵachenya, kuti ŵachetame. Kweni iwo ŵabongonga ukongwako, ŵakuti, “Ambuya, tifwiyeni lisungu, mwaMwana waku Davidi.” 32Ndipo wanguma Yesu, wanguŵadana, wanguti, “Mukhumba kuti ndikuchitiyeninje?” 33Wamunene, “Ambuya, kuti maso ghidu ghajurike.” 34Ndipo Yesu, wakukoreka lisungu wangukwaska maso ghawo: ndipo sosonukweni ŵangulereska so, ndipo ŵangumrondo.
Currently Selected:
Mateyu 20: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 20
20
Ntharika ya ŵanchitu ŵa munda wa mphereska
1“Chifukwa ufumu wa kuchanya ukozgana ndi munthu, mweninyumba, yo wangutuwa pa nyengo ya mlenji kwachilembera ŵanchitu ku munda wake wa mphereska. 2Ndipo wati wapangana nawo kwa tambala yumoza pa zuŵa, wanguŵatuma ku munda wake wamphereska. 3Ndipo wangutuwa pafupi pa ora lachitatu, wanguwona ŵanyake ŵakuma ŵaka mu luluwa la maronda; 4ndipo kwaku ŵeniwo wanguti, ‘Kaninga namwe so ku munda wo wa mphereska, ndipo cho chingaŵa chakurunjika, ndikupaskeninge.’ Ndipo ŵanguruta. 5Ndipo wachituwa so pafupi pa ora lachinkhonde ndi chimoza ndi pa lachinkhonde ndi chinayi, wanguchita kwakulingana. 6Ndipo wakutuwa pafupi pa ora lachichumi ndi chimoza, wangusaniya ŵanyake ŵakuma ŵaka jo ndipo watiti kwaku wo, ‘Mwamiyanji ŵaka panu msana wose?’ 7Wangumunene, ‘Chifukwa paŵavi yumoza yo watilemba.’ Waŵanene, ‘Kaninga mwe so ku mundawo wa mphereska.’ 8Kweni ghati ghaŵa mazuro, mwenimunda wangumunene mlinda wake, ‘Dana ŵanchitu, uŵalipire mphotu, kwanda ku ŵakumariya mpaka ku ŵakudanga.’ 9Ndipo po ŵanguza wo ŵa pafupi pa ora lachichumi ndi chimoza ŵanguronde munthu yose tambala. 10Ndipo ŵachiza ŵakudanga wo ŵangugomezga kuti ŵarondenge kwakuruska. Kweni ŵanguronde nawo so yumoza ndi yumoza tambala. 11Ndipo ŵati ŵaronde ŵajumiyanga pa mweninyumba, 12ŵakuti, ‘Yaŵa ŵakumariya, wo ŵangutakataka ora limoza pe, waŵalinganizga ndi ifwe, taŵakukomwa ndi uzitu wa msana ndi chifundizi chake.’ 13Kweni wakwamuka wangunena ndi yumoza waku wo, ‘Bwezi, kuti nditukwanangiya cha: asi ungupangana nane tambala yumoza? 14Ujitole cho nchako, rutanga; ndikhumba kupaska ku wakumariya yo nge nkhwaku iwe nawe. 15Asi kuyiyamu ine kuchita cho ndikhumba pa vyaku ndamweni? Pamwenga vinu uchita sanji chifukwa nde wamampha ine?’ 16Viyo ŵakumariya ŵaŵenge ŵakudanga, ndi ŵakudanga ŵakumariya.”
Wakamba so ndi nyifwa yake nyengo ya chitatu
(Marko 10.32-34; Luka 18.31-34)
17Ndipo wachikwera Yesu ku Yerusalemu, wanguŵatole ŵasambizi chumi ndi ŵaŵi ku ubende, ndipo mu nthowa wanguŵanene, 18“Awonani, tikwere ku Yerusalemu; ndipo mwana wa munthu wakomborekenge ku ŵazukuru ŵara ndi ŵalembi; ndipo ŵamweruzgiyenge ku nyifwa, 19ndipo ŵamkombolenge ku Mitundu kumtombozga ndi kumukwechuwa ndikumpayika; ndipo pa zuŵa lachitatu wayukenge.”
Fumbo la anyina aku Yakobe ndi Yohane
(Marko 10.35-45)
20Sono wanguza kwaku iyo nyinawo waŵana ŵaku Zebediya pamoza ndiŵana ŵake, wakumlambiya ndi wakumpemphe kakuti. 21Ndipo wangumfumba, “Ukhumbanji?” Wamnene, “Kambani kuti ŵaje ŵana ŵangu ŵaŵi yaŵa, yumoza ku marghe kwinu ndi munyake ku maze, mu ufumu winu.” 22Kweni Yesu wakwamuka wanguti, “Kuti muziŵa cha cho mupempha. Kumbi muziŵa kumwa nkhombo#20.22 nkhombo: nkhombo yapa ying'anamuwa masuzgu gho Yesu Kristu wanguserumu. yo ine nditenere kumwa?” Wamunene, “Tiziŵa.” 23Waŵanene, “Nkhombo yangu mu mwenge, kweni kuja ku marghe kwangu ndi kumaze, kuti nkhwaku ine cha kupaska kweni kwaku wo kwaŵarongosoleke ndi Ada.” 24Ndipo ŵanguti ŵavwa wo chumi, ŵangutundiya pa ŵabali wo ŵaŵi. 25Kweni Yesu pakuŵadana wanguti, “Muziŵa kuti ŵakuwusa mitundu ŵayichitiya mtufu, ndipo ŵaraŵara ŵawo ŵaŵatufuliya. 26Kuti kukaŵanga viyo cha mwaku imwe: kweni yose yo wakhumba kuŵa mura mwaku imwe, waŵenge mteŵeti winu; 27ndipo yose wakukhumba kuŵa wachimoza mwaku imwe, waŵe muŵanda winu; 28ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”
Yesu wachizga ŵachiburumutira ŵaŵi
(Marko 10.46-52; Luka 18.35-43)
29Ndipo ŵachituwa iwo ku Yeriko, kungumrondo mzinda ukuru. 30Ndipo, ŵachiburumutiya ŵaŵi ŵakuja mumphepete mu nthowa, ŵati ŵavwa kuti Yesu wajumphapo ŵangubongo ŵakuti, “Ambuya, tifwiyeni lisungu, mwaMwana waku Davidi.” 31Kweni mzinda wo unguŵachenya, kuti ŵachetame. Kweni iwo ŵabongonga ukongwako, ŵakuti, “Ambuya, tifwiyeni lisungu, mwaMwana waku Davidi.” 32Ndipo wanguma Yesu, wanguŵadana, wanguti, “Mukhumba kuti ndikuchitiyeninje?” 33Wamunene, “Ambuya, kuti maso ghidu ghajurike.” 34Ndipo Yesu, wakukoreka lisungu wangukwaska maso ghawo: ndipo sosonukweni ŵangulereska so, ndipo ŵangumrondo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi