Mateyu 26
26
Ŵazukuru ndi ŵaFarisi ŵapangana kumuko Yesu
(Marko 14.1-2; Luka 22.1-2; Yohane 11.45-53)
1Ndipo kunguŵa, penipo Yesu wangumara mazu ghenigho ghose, wangunena ndi ŵasambizi ŵake, 2“Muziŵa kuti pavuli pa mazuŵa ghaŵi kuŵenge dghera la phaska, ndipo Mwana wa munthu wakombolekenge kwachipayikika.” 3Sono ŵanguwunjikana ŵazukuru ŵara ndi ŵara ŵa khamu mu mphara ya mzukuru mura, wakutamulika Kayafa: 4ndipo ŵangupangana kumko Yesu mu uchenjezi, ndi kumubaya. 5Kweni ŵanenanga, “Mu dghera cha, vinu chingaŵapo chiwawa mu khamu lo.”
Yesu watukutizgika mafuta ku Betaniya
(Marko 14.3-9; Yohane 12.1-8)
6Ndipo pakuŵa Yesu mu Betaniya mu nyumba yaku Simone wamakhate, 7kunguza munthukazi wakuŵa ndi supa yasangarawe ya muro wa mtengu ukuru, ndipo wangughapunguliya pa mutu pake, wachija pa kurgha. 8Kweni ŵachiwona ŵasambizi wo ŵangutundiya ŵakuti, “Ncha chine chitayiku ichi? 9Chifukwa muro lo linguziŵa kusaskika ndrama zinandi, ndi kupaskika ku ŵakavu.” 10Kweni Yesu wakuwamo wanguŵanene, “Mutumsuzgiyanji munthukazi? Wandichitiya mlimu wamampha. 11Chifukwa nyengo zose mwe nawo ŵakavu pamoza namwe; kweni kuti mwe ndi ine nyengo zose cha. 12Chifukwa uyu po wapunguliya muro ili pa liŵavu langu, nkhundirongosole kukuŵikika. 13Nadidi ndikuneniyani, kose ko evangeli uwu umemezekenge mu charu chose, chenicho nacho mwenuyu wachita, chikakambikanga nge nchikumbusku chake.”
Yuda wapangana kumukombo Yesu
(Marko 14.10-11; Luka 22.3-6)
14Penipo yumoza wa chumi ŵaŵi wo, wakudanika Yuda mKeriote, wanguruta ku ŵazukuru ŵara. 15Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu. 16Ndipo kwamba penipa wapenjanga nyengo yakufwasa alinga kuti wamukombo.
Yesu warongoso kurgha dghera la phaska
(Marko 14.12-21; Luka 22.7-14, 21-23; Yohane 13.21-30)
17Ndipo pa zuŵa lachimoza la dghera la vyamburamtupu ŵasambizi ŵanguza kwaku Yesu, ŵakuti, “Mukhumba tikurongosoliyeni nunkhu kurgha phaska?” 18Ndipo wanguti iyo, “Sereni mu msumba kwaku yanimweni, ndi muneniyeni, ‘Msambizi watiti, Nyengo yangu ye pafupi; ndirghenge phaska mu nyumba yako pamoza ndi ŵasambizi ŵangu.’ ” 19Ndipo ŵasambizi ŵanguchita uli ndimo Yesu wanguŵalanguliya, ndipo ŵangulirongoso phaska.
20Ndipo pakuŵa mazuro wanguja pasi pamoza ndi ŵasambizi wo chumi ndi ŵaŵi; 21ndipo ŵachirgha iwo, wanguti, “Nadidi, ndikuneniyani kuti yumoza waku imwe wandipachiyenge.” 22Ndipo ŵanguŵa ŵachisungu ukongwa, ndipo ŵangwamba yumoza yumoza kunena nayo, “Kumbi ndine, Ambuya?” 23Kweni wakwamuka wanguti, “Wakubwenga pamoza nane janja lake mu mbali, ndiyo wandipachiyenge. 24Kweni Mwana wa munthu waruta, uli ndimo kwalembeke ndi iyo; kweni owe ku munthu yo mweniyo Mwana wa munthu wapachirika nayo! Kwenga kwamampha kwaku iyo, asani wengavi kupapika.” 25Kweni Yuda, yo wangumpachiya, wanguti, “Kumbi ndine, Rabi?” Watiti kwaku iyo, “Iwe wakamba.”
Njonesku ya Ambuya
(Marko 14.22-26; Luka 22.14-20; 1 ŴaKorinte 11.23-25)
26Ndipo ŵachirgha, Yesu wanguto chiŵande wangutumbika, ndi wangumenya; ndipo wangupaska ku ŵasambizi wo, wanguti, “Rondani, rghani; ichi ndi liŵavu langu.” 27Ndipo wanguto nkhombo, wanguti wawonga, wangupaska kwaku wo, wakuti, “Mwiyanimo mose; 28chifukwa ili ndi ndopa zangu za chipanganu chifya, zakudikiya pa chifwa cha ŵanandi ku chireke cha vilakwa. 29Kweni ndinene imwe, kuti ndimwengepo so cha chipasi ichi cha mphereska kutuwa ku sono mpaka zuŵa liya, penipo pamoza namwe ndimwenge chifya mu ufumu wa Ada.” 30Ndipo ŵanguti ŵamba sumu ŵangutuliya ku phiri la Olivete.
Yesu wakamba ndi kumkana kwaku Petro
(Marko 14.27-31; Luka 22.31-34; Yohane 13.36-38)
31Sono Yesu wanguti kwaku wo, “Imwe mose muguŵiskikenge mwaku ine usiku uno: chifukwa kwalembeka, ‘Ndikosonge mliska, ndipo ziparghanikenge mberere za mskambu.’ 32Kweni ndati ndayuskika ine, ndikudanjiriyeninge ku Galile.” 33Kweni wakwamuka Petro wangunena nayo, “Chingana wose ŵaguŵiskike mwaku imwe, ine kuti ndiguŵiskikenge cha.” 34Yesu wanguti kwaku iyo, “Nadidi ndikunene, kuti usiku uno wandakokoŵereke tambala, undikanenge katatu.” 35Petro wanena nayo, “Chingana kungandenere kufwa pamoza namwe, kuti nkhakananga imwe cha.” Kwakulingana so ŵangukamba ŵasambizi wose.
Yesu waromba mu Gesemane
(Marko 14.32-42; Luka 22.39-46)
36Sono watuza Yesu pamoza nawo ku malo ghakuzumbulika Gesemane, ndipo waŵanene ŵasambizi, “Jani penipanu po ine ndiruta kuwa kwachiromba.” 37Ndipo wakutole pamoza nayo Petro ndi ŵana ŵaŵi ŵaku Zebediya, wangwamba kukoreka lisungu ndi kusuzgika ukongwa. 38Sono wanguti kwaku wo, “Mzimu wangu ngwalisungu ukongwa mpaka ku nyifwa; tandarani panu, cherezgani pamoza nane.” 39Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.” 40Ndipo wanguza ku ŵasambizi, wanguŵasaniya ŵara tulo, ndipo watiti kwaku Petro, “Kwari? Kuti munguziŵa cha kucherezga pamoza nane ora limoza? 41Khazgani, ndi rombani, alinga mureke kusere mu kusedu, mzimu nadi ngwakukhumba kuromba, kweni liŵavu ndakutomboroka.” 42Kachiŵi wanguruta ndipo wanguromba, wakuti, “Ada, asani mukhumba, mutuzgeko kwangu nkhombo iyi, khumbo langu cha, kweni khumbo linu lichitike.” 43Ndipo wachiza so wanguŵasaniya ŵara tulo, chifukwa maso ghawo ghangundota. 44Ndipo wakuŵasiya, wanguruta kwachiromba kachitatu, wakukamba so mazu ghakuyana ŵaka. 45Sono watuza ku wasambizi wo, ndipo waŵanene, “Kumbi mweche kura, ndi kujipumuzga? Onani, ora laŵandika, ndipo Mwana wa munthu wapachirika mu manja gha ŵakulakwa. 46Yukani, tirutenge: awonani, waŵandika wakundipachiya yo.”
Kukoreka kwaku Yesu
(Marko 14.43-50; Luka 22.47-53; Yohane 18.3-12)
47Ndipo, weche kurongoro iyo, onani, Yuda, yumoza wa chumi ndi ŵaŵi wo, wanguza, ndi pamoza nayo mzinda ukuru ndi malipanga ndi zinthonga, ŵakutuwa ku ŵazukuru ŵara ndi ŵara ŵa khamu. 48Ndipo wakumpachiya yo wanguŵapaska chisimikizgu, wakuti, “Mweniyo ndakumufyofyontha, ndiyo: mukoni.” 49Ndipo, wanguza kwaku Yesu, ruŵi wanguti, “Mauleni, Rabi”; ndipo wangumufyofyontha. 50Kweni Yesu wanguti kwaku iyo, “Bwezi, chita cho waziya?” Sono ŵanguza, ŵanguŵika manja paku Yesu, ndipo ŵangumko. 51Ndipo onani, yumoza waku wo ŵapamoza ndi Yesu, wangutambaruwa janja, wanguwewepuwa lipanga lake, ndipo wakutema muŵanda wa mzukuru mura, wangudumuwa gutu lake. 52Sono Yesu watiti kwaku iyo, “Wezga lipanga lako mu malo ghake: chifukwa wose ŵakuto lipanga ŵanangikenge ndi lipanga. 53Pamwenga kumbi upima kuti ndirive nthazi kuŵeyere Ada, ndipo andipaskenge sosonukweni ŵakuruska maliŵanja chumi ndi ghaŵi gha ŵangelo? 54Kweni na ghangafiskika uli malembo gho, kuti kutenere kuŵa viyo?” 55Mu ora liya wanguti Yesu ku mizinda yo, “Kumbi mwatuliya nge mpha munkhungu ndi malipanga ndi zindodo kuzachindiko? Zuŵa ndi zuŵa mu kasopi ndajanga pasi wakusambizga, ndipo kuti mungundiko cha. 56Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.
Paurongo pa upu
(Marko 14.53-65; Luka 22.54-55, 63-71; Yohane 18.13-14, 19-24)
57Ndipo wo ŵangumko Yesu ŵangumgumizgiya kwaku Kayafa, mzukuru mura, kweniko kunguwunjikana ŵalembi ndi ŵara. 58Kweni Petro wamrondonga kutariko, mpaka ku mphara ya mzukuru mura yo, ndipo, wangusere mukati, wanguja pasi pamoza ndi ŵakuteŵeta kwachiwona kamaridu ko. 59Ndipo ŵazukuru ŵara ndi upu wose ŵapenjanga ukaboni wa utesi paku Yesu, alinga kuti ŵamubaye, 60ndipo kuti ŵanguwusaniya cha, chingana ŵanguzako ŵakaboni ŵatesi ŵanandi. Kweni pavuli pake ŵanguza ŵaŵi, 61wo ŵanguti, “Mwenuyu wanguti, ‘Nde wanthazi kwananga kasopi waku Chiuta, ndi kumuzenga so mu mazuŵa ghatatu.’ ” 62Ndipo mzukuru mura, wati wasoka, wanguti kwaku iyo, “Kumbi utamuka kanthu cha? Nchine cho ŵatikusimikizgiya yaŵa?” 63Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.” 64Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.” 65Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake? 66Murungurukanji?” Ndipo ŵakwamuka ŵanguti, “Ngwakwenere nyifwa.” 67Penipo ŵangumufunyiya mata ku maso, ndipo ŵangumjenyeska: ndipo ŵanyake ŵangumpuma makofi, 68ŵakuti, “Tiloske, Kristu we: njani yo wakukoso?”
Petro wakana Yesu
(Marko 14.66-72; Luka 22.56-62; Yohane 18.15-18, 25-27)
69Kweni Petro wanguja pasi pabwaro mu luluwa; ndipo msungwana yumoza wanguza ndi wanguti, “Iwe nawe wenga pamoza ndi Yesu waku Galile.” 70Kweni iyo wangukana paurongo paku wose, wakuti, “Kuti ndiziŵa cha cho ukamba.” 71Ndipo wati watuliya kubwaro ku likomu, munthukazi munyake wangumuwona, ndipo watiti kwaku wo ŵenga kweniko, “Mwenuyu nayo wenga pamoza ndi Yesu waku Nazarete.” 72Ndipo wangukana so ndi rapu, “Kuti ndimziŵa yo munthu cha.” 73Jepu kamanavi wo ŵangumapo ŵanguza, ndipo ŵangunena ndi Petro, “Kwakuneneska iwe nawe we waku wo; chifukwa karongoroledu kako katukupanikizga.” 74Sono wangwamba kutemba ndi kurapa, kuti, kuti, “Ndimziŵa cha yo munthu.” Ndipo sosonukweni wangukokoŵereka tambala. 75Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.
Currently Selected:
Mateyu 26: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 26
26
Ŵazukuru ndi ŵaFarisi ŵapangana kumuko Yesu
(Marko 14.1-2; Luka 22.1-2; Yohane 11.45-53)
1Ndipo kunguŵa, penipo Yesu wangumara mazu ghenigho ghose, wangunena ndi ŵasambizi ŵake, 2“Muziŵa kuti pavuli pa mazuŵa ghaŵi kuŵenge dghera la phaska, ndipo Mwana wa munthu wakombolekenge kwachipayikika.” 3Sono ŵanguwunjikana ŵazukuru ŵara ndi ŵara ŵa khamu mu mphara ya mzukuru mura, wakutamulika Kayafa: 4ndipo ŵangupangana kumko Yesu mu uchenjezi, ndi kumubaya. 5Kweni ŵanenanga, “Mu dghera cha, vinu chingaŵapo chiwawa mu khamu lo.”
Yesu watukutizgika mafuta ku Betaniya
(Marko 14.3-9; Yohane 12.1-8)
6Ndipo pakuŵa Yesu mu Betaniya mu nyumba yaku Simone wamakhate, 7kunguza munthukazi wakuŵa ndi supa yasangarawe ya muro wa mtengu ukuru, ndipo wangughapunguliya pa mutu pake, wachija pa kurgha. 8Kweni ŵachiwona ŵasambizi wo ŵangutundiya ŵakuti, “Ncha chine chitayiku ichi? 9Chifukwa muro lo linguziŵa kusaskika ndrama zinandi, ndi kupaskika ku ŵakavu.” 10Kweni Yesu wakuwamo wanguŵanene, “Mutumsuzgiyanji munthukazi? Wandichitiya mlimu wamampha. 11Chifukwa nyengo zose mwe nawo ŵakavu pamoza namwe; kweni kuti mwe ndi ine nyengo zose cha. 12Chifukwa uyu po wapunguliya muro ili pa liŵavu langu, nkhundirongosole kukuŵikika. 13Nadidi ndikuneniyani, kose ko evangeli uwu umemezekenge mu charu chose, chenicho nacho mwenuyu wachita, chikakambikanga nge nchikumbusku chake.”
Yuda wapangana kumukombo Yesu
(Marko 14.10-11; Luka 22.3-6)
14Penipo yumoza wa chumi ŵaŵi wo, wakudanika Yuda mKeriote, wanguruta ku ŵazukuru ŵara. 15Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu. 16Ndipo kwamba penipa wapenjanga nyengo yakufwasa alinga kuti wamukombo.
Yesu warongoso kurgha dghera la phaska
(Marko 14.12-21; Luka 22.7-14, 21-23; Yohane 13.21-30)
17Ndipo pa zuŵa lachimoza la dghera la vyamburamtupu ŵasambizi ŵanguza kwaku Yesu, ŵakuti, “Mukhumba tikurongosoliyeni nunkhu kurgha phaska?” 18Ndipo wanguti iyo, “Sereni mu msumba kwaku yanimweni, ndi muneniyeni, ‘Msambizi watiti, Nyengo yangu ye pafupi; ndirghenge phaska mu nyumba yako pamoza ndi ŵasambizi ŵangu.’ ” 19Ndipo ŵasambizi ŵanguchita uli ndimo Yesu wanguŵalanguliya, ndipo ŵangulirongoso phaska.
20Ndipo pakuŵa mazuro wanguja pasi pamoza ndi ŵasambizi wo chumi ndi ŵaŵi; 21ndipo ŵachirgha iwo, wanguti, “Nadidi, ndikuneniyani kuti yumoza waku imwe wandipachiyenge.” 22Ndipo ŵanguŵa ŵachisungu ukongwa, ndipo ŵangwamba yumoza yumoza kunena nayo, “Kumbi ndine, Ambuya?” 23Kweni wakwamuka wanguti, “Wakubwenga pamoza nane janja lake mu mbali, ndiyo wandipachiyenge. 24Kweni Mwana wa munthu waruta, uli ndimo kwalembeke ndi iyo; kweni owe ku munthu yo mweniyo Mwana wa munthu wapachirika nayo! Kwenga kwamampha kwaku iyo, asani wengavi kupapika.” 25Kweni Yuda, yo wangumpachiya, wanguti, “Kumbi ndine, Rabi?” Watiti kwaku iyo, “Iwe wakamba.”
Njonesku ya Ambuya
(Marko 14.22-26; Luka 22.14-20; 1 ŴaKorinte 11.23-25)
26Ndipo ŵachirgha, Yesu wanguto chiŵande wangutumbika, ndi wangumenya; ndipo wangupaska ku ŵasambizi wo, wanguti, “Rondani, rghani; ichi ndi liŵavu langu.” 27Ndipo wanguto nkhombo, wanguti wawonga, wangupaska kwaku wo, wakuti, “Mwiyanimo mose; 28chifukwa ili ndi ndopa zangu za chipanganu chifya, zakudikiya pa chifwa cha ŵanandi ku chireke cha vilakwa. 29Kweni ndinene imwe, kuti ndimwengepo so cha chipasi ichi cha mphereska kutuwa ku sono mpaka zuŵa liya, penipo pamoza namwe ndimwenge chifya mu ufumu wa Ada.” 30Ndipo ŵanguti ŵamba sumu ŵangutuliya ku phiri la Olivete.
Yesu wakamba ndi kumkana kwaku Petro
(Marko 14.27-31; Luka 22.31-34; Yohane 13.36-38)
31Sono Yesu wanguti kwaku wo, “Imwe mose muguŵiskikenge mwaku ine usiku uno: chifukwa kwalembeka, ‘Ndikosonge mliska, ndipo ziparghanikenge mberere za mskambu.’ 32Kweni ndati ndayuskika ine, ndikudanjiriyeninge ku Galile.” 33Kweni wakwamuka Petro wangunena nayo, “Chingana wose ŵaguŵiskike mwaku imwe, ine kuti ndiguŵiskikenge cha.” 34Yesu wanguti kwaku iyo, “Nadidi ndikunene, kuti usiku uno wandakokoŵereke tambala, undikanenge katatu.” 35Petro wanena nayo, “Chingana kungandenere kufwa pamoza namwe, kuti nkhakananga imwe cha.” Kwakulingana so ŵangukamba ŵasambizi wose.
Yesu waromba mu Gesemane
(Marko 14.32-42; Luka 22.39-46)
36Sono watuza Yesu pamoza nawo ku malo ghakuzumbulika Gesemane, ndipo waŵanene ŵasambizi, “Jani penipanu po ine ndiruta kuwa kwachiromba.” 37Ndipo wakutole pamoza nayo Petro ndi ŵana ŵaŵi ŵaku Zebediya, wangwamba kukoreka lisungu ndi kusuzgika ukongwa. 38Sono wanguti kwaku wo, “Mzimu wangu ngwalisungu ukongwa mpaka ku nyifwa; tandarani panu, cherezgani pamoza nane.” 39Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.” 40Ndipo wanguza ku ŵasambizi, wanguŵasaniya ŵara tulo, ndipo watiti kwaku Petro, “Kwari? Kuti munguziŵa cha kucherezga pamoza nane ora limoza? 41Khazgani, ndi rombani, alinga mureke kusere mu kusedu, mzimu nadi ngwakukhumba kuromba, kweni liŵavu ndakutomboroka.” 42Kachiŵi wanguruta ndipo wanguromba, wakuti, “Ada, asani mukhumba, mutuzgeko kwangu nkhombo iyi, khumbo langu cha, kweni khumbo linu lichitike.” 43Ndipo wachiza so wanguŵasaniya ŵara tulo, chifukwa maso ghawo ghangundota. 44Ndipo wakuŵasiya, wanguruta kwachiromba kachitatu, wakukamba so mazu ghakuyana ŵaka. 45Sono watuza ku wasambizi wo, ndipo waŵanene, “Kumbi mweche kura, ndi kujipumuzga? Onani, ora laŵandika, ndipo Mwana wa munthu wapachirika mu manja gha ŵakulakwa. 46Yukani, tirutenge: awonani, waŵandika wakundipachiya yo.”
Kukoreka kwaku Yesu
(Marko 14.43-50; Luka 22.47-53; Yohane 18.3-12)
47Ndipo, weche kurongoro iyo, onani, Yuda, yumoza wa chumi ndi ŵaŵi wo, wanguza, ndi pamoza nayo mzinda ukuru ndi malipanga ndi zinthonga, ŵakutuwa ku ŵazukuru ŵara ndi ŵara ŵa khamu. 48Ndipo wakumpachiya yo wanguŵapaska chisimikizgu, wakuti, “Mweniyo ndakumufyofyontha, ndiyo: mukoni.” 49Ndipo, wanguza kwaku Yesu, ruŵi wanguti, “Mauleni, Rabi”; ndipo wangumufyofyontha. 50Kweni Yesu wanguti kwaku iyo, “Bwezi, chita cho waziya?” Sono ŵanguza, ŵanguŵika manja paku Yesu, ndipo ŵangumko. 51Ndipo onani, yumoza waku wo ŵapamoza ndi Yesu, wangutambaruwa janja, wanguwewepuwa lipanga lake, ndipo wakutema muŵanda wa mzukuru mura, wangudumuwa gutu lake. 52Sono Yesu watiti kwaku iyo, “Wezga lipanga lako mu malo ghake: chifukwa wose ŵakuto lipanga ŵanangikenge ndi lipanga. 53Pamwenga kumbi upima kuti ndirive nthazi kuŵeyere Ada, ndipo andipaskenge sosonukweni ŵakuruska maliŵanja chumi ndi ghaŵi gha ŵangelo? 54Kweni na ghangafiskika uli malembo gho, kuti kutenere kuŵa viyo?” 55Mu ora liya wanguti Yesu ku mizinda yo, “Kumbi mwatuliya nge mpha munkhungu ndi malipanga ndi zindodo kuzachindiko? Zuŵa ndi zuŵa mu kasopi ndajanga pasi wakusambizga, ndipo kuti mungundiko cha. 56Kweni chose ichi chaŵapo, alinga kuti makani gha ŵamchimi ghafiskike.” Sono wasambizi wose, ŵangumusiya, ŵanguthaŵa.
Paurongo pa upu
(Marko 14.53-65; Luka 22.54-55, 63-71; Yohane 18.13-14, 19-24)
57Ndipo wo ŵangumko Yesu ŵangumgumizgiya kwaku Kayafa, mzukuru mura, kweniko kunguwunjikana ŵalembi ndi ŵara. 58Kweni Petro wamrondonga kutariko, mpaka ku mphara ya mzukuru mura yo, ndipo, wangusere mukati, wanguja pasi pamoza ndi ŵakuteŵeta kwachiwona kamaridu ko. 59Ndipo ŵazukuru ŵara ndi upu wose ŵapenjanga ukaboni wa utesi paku Yesu, alinga kuti ŵamubaye, 60ndipo kuti ŵanguwusaniya cha, chingana ŵanguzako ŵakaboni ŵatesi ŵanandi. Kweni pavuli pake ŵanguza ŵaŵi, 61wo ŵanguti, “Mwenuyu wanguti, ‘Nde wanthazi kwananga kasopi waku Chiuta, ndi kumuzenga so mu mazuŵa ghatatu.’ ” 62Ndipo mzukuru mura, wati wasoka, wanguti kwaku iyo, “Kumbi utamuka kanthu cha? Nchine cho ŵatikusimikizgiya yaŵa?” 63Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.” 64Wamnene Yesu, “Iwe wakamba. Ndikweni ndikunene, kwanda sono muwonenge Mwana wa munthu wakujariya ku janja la marghe la wanthazi yo, ndi wakuziya pa mitambo ya kuchanya.” 65Sono mzukuru mura wanguparuwa minjirira yake, wakuti, “Watokota: na, tikavukiyanji so ŵakaboni ŵanyake? Awonani, mwavwa kutokota kwake? 66Murungurukanji?” Ndipo ŵakwamuka ŵanguti, “Ngwakwenere nyifwa.” 67Penipo ŵangumufunyiya mata ku maso, ndipo ŵangumjenyeska: ndipo ŵanyake ŵangumpuma makofi, 68ŵakuti, “Tiloske, Kristu we: njani yo wakukoso?”
Petro wakana Yesu
(Marko 14.66-72; Luka 22.56-62; Yohane 18.15-18, 25-27)
69Kweni Petro wanguja pasi pabwaro mu luluwa; ndipo msungwana yumoza wanguza ndi wanguti, “Iwe nawe wenga pamoza ndi Yesu waku Galile.” 70Kweni iyo wangukana paurongo paku wose, wakuti, “Kuti ndiziŵa cha cho ukamba.” 71Ndipo wati watuliya kubwaro ku likomu, munthukazi munyake wangumuwona, ndipo watiti kwaku wo ŵenga kweniko, “Mwenuyu nayo wenga pamoza ndi Yesu waku Nazarete.” 72Ndipo wangukana so ndi rapu, “Kuti ndimziŵa yo munthu cha.” 73Jepu kamanavi wo ŵangumapo ŵanguza, ndipo ŵangunena ndi Petro, “Kwakuneneska iwe nawe we waku wo; chifukwa karongoroledu kako katukupanikizga.” 74Sono wangwamba kutemba ndi kurapa, kuti, kuti, “Ndimziŵa cha yo munthu.” Ndipo sosonukweni wangukokoŵereka tambala. 75Ndipo wangukumbuka Petro mazu ghaku Yesu, ghakuti, “Wandakokoŵereke tambala, undikanenge katatu.” Ndipo wakutuliya kubwaro, wanguliya kwakuŵaŵa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi