Mateyu 6
6
Kapaskidu kambura kujirumba
1“Cheŵani, mungachitiya urunji winu paurongo pa ŵanthu cha kwachiwoneka nawo: iku mphotu mulive ku Auskemwe ŵakuchanya.
2“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo. 3Kweni pakuchita iwe wezi, lingaziŵa cha janja lako la maze cho lichita janja lako lamarghe: 4viyo wezi wako uŵe wamu ubende: ndipo Ausu wo atikuwona mu ubende, akuwerezgiyengepo.
Chisambizgo cha rombo
(Luka 11.2-4)
5“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo. 6Kweni iwe, penipo uromba, sere mu chipinda chako, jarako ku khomo, urombe Ausu wo ŵemu ubende, ndipo Ausu wo atikuwona mu ubende akuwerezgiyengepo.
7“Ndipo pakuromba mungawerezgawerezga ŵaka cha nge mbaMitundu: chifukwa ŵaghanaghana kuti ŵavwikenge mu kuŵereŵeta kwawo kunandi. 8Viyo mungakozgananga nawo cha: chifukwa Auskemwe ŵaziŵa vyo mukavuka, mweche mundaŵapemphe.
9Imwe rombani viyo:
Auskefwe mwa ŵakuchanya,
lipaturike zina linu.
10Ufumu winu uze.
Khumbu linu lichitike, panupasi nge ndiko kuchanya.
11Tipaskeni le kurgha kwidu kwale.
12Ndipo tirekiyeni mateu ghidu.
Nge ndimo nafwe so taŵarekea mateu ŵidu.
13Ndipo mungatitole mu kesedu kweni titaskeni ku mheni yo.
14“Chifukwa asani mutiŵareke ŵanthu mamphuru ghawo ŵarekiyenge imwe so Auskemwe ŵakuchanya. 15Kweni asani mulive kuŵareke ŵanthu mamphuru ghawo, Auskemwe nawo kuti ŵarekiyenge cha mamphuru ghinu.
Chisambizgo cha kufunga
16“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo. 17Kweni uchifunga iwe, tukutizga mutu wako, sambiska chisku chako, 18alinga kuti ungawoneka cha ku ŵanthu kuti ufunga, kweni ku Ausu wo ŵemu udesi: ndipo Ausu ŵatikuwona mu udesi, ŵakuwerezgiyengepo.
Usambasi kuchanya
(Luka 12.33-34)
19“Mungajiŵikiya mbiku panupasi cha, penipo nyenji ndi murozu vitananga, ndi penipo ŵankhungu ŵabukutuwa ndipo ŵatuba. 20Kweni mujiŵikiye mbiku kuchanya, kweniko nyenji chingana ndi murozu kuti vitananga cha, kweniko ŵankhungu kuti ŵabukutuwa chingana nkhuba cha, 21chifukwa ko kwe mbiku yako, kweniko ndiko kuŵenge mtima wako.
Ukweru wa liŵavu
(Luka 11.34-36)
22“Limbuni la liŵavu ndijiso: Asani jiso lako ndamampha, liŵavu lako lose liŵenge laukweru: 23kweni asani jiso lako lingaŵa liheni, liŵavu lako lose liŵenge lamdima. Viyo asani ukweru wamwako ndi mdima, iku mdima wo ngukuru mbwenu!
Chiuta, ndi usambasi
(Luka 16.13; 12.22-31)
24“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.
25“Chifukwa chenichi ndikuneniyani, mungakweŵekiyanga umoyo winu cha, cho mungargha pamwenga cho mungamwa; chingana nkhu liŵavu linu, cho mungavwara. Asi umoyo ngukuru ku chaukurgha, ndi liŵavu ndikuru ku chakuvwara? 26Alereni tuyuni totwamude, kuti tumija cha, chingana nkhuvuna, chingana nkhuronga mu zinkhokwe kweni Auskemwe ŵakuchanya ŵatutulera. Asi imwe muruska ukongwa twenito? 27Ndipo njani mwaku imwe pakukweŵeka waziŵa kukuskiyako ku msinkhu wake mkono umoza? 28Napu mukweŵekiyanji pa chakuvwara? Pimiyani ŵabwatinda ŵamudondo, mo ŵamere; kuti ŵatakataka cha, chingana nkhuruka, 29kweni ndikuneniyani, kuti chingana ndi Solomone mu unkhankhu wake wose kuti wanguvwalira ulaka njumoza waku wo cha. 30Kweni asani Chiuta wavwarika viyo uteka wamudondo, wo le ulipo, ndi mawa upong'eka ku chipa, asi ukongwa kwakuruska wamvwarika imwe, mwaŵachivwanu chimana? 31Viyo mungakweŵekanga, kuti, ‘Tirghengenji?’ Pamwenga, ‘Timwengenji?’ Pamwe, ‘Tivwalengenji?’ 32Chifukwa vyose vyenivi ŵaMitundu ŵalembe; ŵaziŵa Auskemwe ŵakuchanya kuti mukavuka vyenivyo vyose. 33Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.
34“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.
Currently Selected:
Mateyu 6: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 6
6
Kapaskidu kambura kujirumba
1“Cheŵani, mungachitiya urunji winu paurongo pa ŵanthu cha kwachiwoneka nawo: iku mphotu mulive ku Auskemwe ŵakuchanya.
2“Penipo uchita wezi, ungakuŵanga mbata cha paurongo pako, uli ndimo ŵachitiya ŵakufuvya mu masinagoge ndi mu zinthowa alinga kuti ŵarumbike ndi ŵanthu. Nadidi ndikuneniyani, ŵaronde mphotu yawo. 3Kweni pakuchita iwe wezi, lingaziŵa cha janja lako la maze cho lichita janja lako lamarghe: 4viyo wezi wako uŵe wamu ubende: ndipo Ausu wo atikuwona mu ubende, akuwerezgiyengepo.
Chisambizgo cha rombo
(Luka 11.2-4)
5“Ndipo penipo uromba, ungaŵanga nge mbakufuvya cha; pakuti ŵatanja kuma ndi kuromba mu masinagoge ndi mu ndekanu za miseu, kuti ŵawoneke ku ŵanthu. Nadidi ndikuneniyani, ŵaronda mphotu yawo. 6Kweni iwe, penipo uromba, sere mu chipinda chako, jarako ku khomo, urombe Ausu wo ŵemu ubende, ndipo Ausu wo atikuwona mu ubende akuwerezgiyengepo.
7“Ndipo pakuromba mungawerezgawerezga ŵaka cha nge mbaMitundu: chifukwa ŵaghanaghana kuti ŵavwikenge mu kuŵereŵeta kwawo kunandi. 8Viyo mungakozgananga nawo cha: chifukwa Auskemwe ŵaziŵa vyo mukavuka, mweche mundaŵapemphe.
9Imwe rombani viyo:
Auskefwe mwa ŵakuchanya,
lipaturike zina linu.
10Ufumu winu uze.
Khumbu linu lichitike, panupasi nge ndiko kuchanya.
11Tipaskeni le kurgha kwidu kwale.
12Ndipo tirekiyeni mateu ghidu.
Nge ndimo nafwe so taŵarekea mateu ŵidu.
13Ndipo mungatitole mu kesedu kweni titaskeni ku mheni yo.
14“Chifukwa asani mutiŵareke ŵanthu mamphuru ghawo ŵarekiyenge imwe so Auskemwe ŵakuchanya. 15Kweni asani mulive kuŵareke ŵanthu mamphuru ghawo, Auskemwe nawo kuti ŵarekiyenge cha mamphuru ghinu.
Chisambizgo cha kufunga
16“Ndipo penipo pose mungafunga, mungaŵanga nge mbakufuvya cha, ŵakuzimbwachisku: chifukwa ŵazimbwiska visku vyawo alinga kuti ŵawoneke ku ŵanthu kuti mbakufunga. Nadidi ndikuneniyani, ŵakuronde mphotu yawo. 17Kweni uchifunga iwe, tukutizga mutu wako, sambiska chisku chako, 18alinga kuti ungawoneka cha ku ŵanthu kuti ufunga, kweni ku Ausu wo ŵemu udesi: ndipo Ausu ŵatikuwona mu udesi, ŵakuwerezgiyengepo.
Usambasi kuchanya
(Luka 12.33-34)
19“Mungajiŵikiya mbiku panupasi cha, penipo nyenji ndi murozu vitananga, ndi penipo ŵankhungu ŵabukutuwa ndipo ŵatuba. 20Kweni mujiŵikiye mbiku kuchanya, kweniko nyenji chingana ndi murozu kuti vitananga cha, kweniko ŵankhungu kuti ŵabukutuwa chingana nkhuba cha, 21chifukwa ko kwe mbiku yako, kweniko ndiko kuŵenge mtima wako.
Ukweru wa liŵavu
(Luka 11.34-36)
22“Limbuni la liŵavu ndijiso: Asani jiso lako ndamampha, liŵavu lako lose liŵenge laukweru: 23kweni asani jiso lako lingaŵa liheni, liŵavu lako lose liŵenge lamdima. Viyo asani ukweru wamwako ndi mdima, iku mdima wo ngukuru mbwenu!
Chiuta, ndi usambasi
(Luka 16.13; 12.22-31)
24“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.
25“Chifukwa chenichi ndikuneniyani, mungakweŵekiyanga umoyo winu cha, cho mungargha pamwenga cho mungamwa; chingana nkhu liŵavu linu, cho mungavwara. Asi umoyo ngukuru ku chaukurgha, ndi liŵavu ndikuru ku chakuvwara? 26Alereni tuyuni totwamude, kuti tumija cha, chingana nkhuvuna, chingana nkhuronga mu zinkhokwe kweni Auskemwe ŵakuchanya ŵatutulera. Asi imwe muruska ukongwa twenito? 27Ndipo njani mwaku imwe pakukweŵeka waziŵa kukuskiyako ku msinkhu wake mkono umoza? 28Napu mukweŵekiyanji pa chakuvwara? Pimiyani ŵabwatinda ŵamudondo, mo ŵamere; kuti ŵatakataka cha, chingana nkhuruka, 29kweni ndikuneniyani, kuti chingana ndi Solomone mu unkhankhu wake wose kuti wanguvwalira ulaka njumoza waku wo cha. 30Kweni asani Chiuta wavwarika viyo uteka wamudondo, wo le ulipo, ndi mawa upong'eka ku chipa, asi ukongwa kwakuruska wamvwarika imwe, mwaŵachivwanu chimana? 31Viyo mungakweŵekanga, kuti, ‘Tirghengenji?’ Pamwenga, ‘Timwengenji?’ Pamwe, ‘Tivwalengenji?’ 32Chifukwa vyose vyenivi ŵaMitundu ŵalembe; ŵaziŵa Auskemwe ŵakuchanya kuti mukavuka vyenivyo vyose. 33Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.
34“Viyo mungakweŵekiyanga la mawa cha: chifukwa la mawa lijikweŵekiyenge lija. Ngwakukwaniya zuŵa lo uheni wake.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi