Mateyu 8
8
Yesu wachizga munthu wamakhati
(Marko 1.40-45; Luka 5.12-16)
1Kweni wati wasika iyo ku phiri lo, mizinda yikuru yingumrondo. 2Ndipo, awonani, wamakhati wanguza kwake ndi wangumuŵeyere, wakuti, “Ambuya, asani mukhumba, mwe ŵanthazi kunditozga.” 3Ndipo wati watambaruwa janja lake, wangumkwaska, wakuti, “Ndikhumba; utozgeke.” Ndipo sosonukweni makhati ghake ghangutozgeka. 4Ndipo Yesu wangunena nayo, “Awona, ungamunene yumoza cha; kweni kanga, kajirongo ku mzukuru, ndi upereke mpasku wo Mosese wangulanguliya, uli nchisimikizgu kwaku wo.”
Yesu wachizga munyamata wa nduna ya ŵaRoma
(Luka 7.1-10)
5Ndipo wati wasere Yesu mu Kapernaumu, yinguza kwaku iyo nduna, yakumuŵeyere, 6yakuti, “Ambuya munyamata wangu wara mu nyumba wakunjenjeme, wakusuzgika kwakofya.” 7Ndipo wangunena nayo, “Ndizenge kwazimuchizga.” 8Ndipo nduna yo, yakwamuka, yinguti, “Ambuya, kuti kutenere cha kuti imwe musere pasi pa bagha langu: kweni kambani ŵaka mazu, ndipo wachizgikenge munyamata wangu. 9Chifukwa ine nane nde munthu pasi pa mtufu, wakuŵa ndi ŵankhondo pasi pangu: ndipo ndinena kwaku uyu, ‘Rutanga,’ ndipo waruta, ndi ku munyake, ‘Zanga,’ ndipo watuza; ndi ku muŵanda wangu, ‘Chitanga chakuti,’ ndipo wachita.” 10Ndipo pa kumuvwa, Yesu wanguzizwa, ndipo wanguti ku ŵakumrondo, “Inyadi ndikuneniyani chingana ndi mu Yisraele kuti ndasaniya cha, chivwanu chikuru chaviyo. 11Ndipo ndinena namwe, kuti ŵanandi kutuwa ku vuma ndi ku zambwe ŵazenge, ndipo ŵajenge pasi pamoza ndi Abrahamu ndi Yisaki ndi Yakobe mu ufumu wakuchanya, 12kweni ŵana ŵa ufumu ŵapong'ekenge ku mdima wakubwaro: kweniko kuŵenge chitenje ndi mkukutu wa minyu.” 13Ndipo Yesu wanguti ku nduna yo, “Kanga; mo wavwaniya, ndimo kuchitikiye iwe.” Ndipo wanguchizgika munyamata yo mu ora leniliya.
Yesu wachizga ŵanthu ŵanandi
(Marko 1.29-34; Luka 4.38-41)
14Ndipo wati wasere Yesu mu nyumba yaku Petro, wanguwona mpongozi wake wakura, wangutama ndi muliŵavu. 15Ndipo wangukwaska janja lake, ndi muliŵavu mungumutaya; ndipo wanguyuka ndi wangumteŵete. 16Kweni kwati kwaŵa mazuro, ŵangumtole ŵanandi ŵakukoreka ndi ŵademone: ndipo wangutuzga mizimu yo ndi mazu, ndi wose ŵakutama wanguŵachizga. 17Alinga kuti ghafiskike mazu ghaku Yesaya mchimi yo wanguti, “Wanguto iyo maurwirwi ghidu, ndipo wangupinga matenda ghidu.”
Ku rondo Yesu
(Luka 9.57-62)
18Kweni Yesu wachiwona mizinda yikuru kumzunguliya, wangulangula kwambukiya kusirgha. 19Ndipo mlembi yumoza wanguza, wangumnene, “Msambizgi, nkharondonga imwe ko kose mungaruta.” 20Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.” 21Ndipo munyake wa ŵasambizi wangumunene, “Ambuya ndizomerezgeni kuruta danga kwachiŵika ada.” 22Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”
Yesu wacheya lirondo
(Marko 4.35-41; Luka 8.22-25)
23Ndipo wati wasere mu ngaraŵa ŵasambizi ŵake ŵangumrondo. 24Ndipo wonani, linguŵapo pa nyanja lirondo likuru, viyo kuti ngaraŵa yawundikanga ndi mayigha; kweni mweneko waranga tulo. 25Ndipo ŵanguza ndi ŵangumyuska ŵakuti, “Ambuya taskani, tiyowa!” 26Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru. 27Ndipo ŵanguzizwa ŵanthu wo, ŵakuti, “Ngwakutinji munthu uyu? Chifukwa chingana ndi mphepu ndi nyanja zitumvwiya.”
Ŵademone ŵaku Gadara
(Marko 5.1-20; Luka 8.26-39)
28Ndipo wachiza iyo kusirgha, mu charu cha ŵaGadara, ŵangukumana nayo ŵaŵi, ŵademone, ŵakutuwa mu masano, ŵakari ukongwa, viyo kuti pengavi yumoza wakuŵa ndi nthazi kujumpha mu nthowa yiya. 29Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?” 30Kweni kutariko ndi iwo kwarghanga mskambu wa nguruŵi zinandi. 31Ndipo ŵademone wo ŵangumuŵeyere, ŵakuti, “Asani mutidikenge titumizgeni ku mskambu wa nguruŵi zo.” 32Ndipo wanguŵanene, “Kaninga!” Ndipo ŵakutuwamo ŵangusere mu nguruŵi zo: ndipo wonani, ungurazuka mskambu wo wose kusi ku mtunthu mpaka mu nyanja, ndipo ungumara mu maji. 33Ndipo ŵanguthaŵa ŵaliska, ŵanguza mu muzi ŵangukonkhoska vyose, ndivyo vinguŵaŵiya ŵademone ŵa. 34Viyo msumba wo wose ungutuwa kwachikumana ndi Yesu: ndipo, ŵachimuwona, ŵangumuŵeyere kuti watuweko ku mphaka zawo.
Currently Selected:
Mateyu 8: TongaMw
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi
Mateyu 8
8
Yesu wachizga munthu wamakhati
(Marko 1.40-45; Luka 5.12-16)
1Kweni wati wasika iyo ku phiri lo, mizinda yikuru yingumrondo. 2Ndipo, awonani, wamakhati wanguza kwake ndi wangumuŵeyere, wakuti, “Ambuya, asani mukhumba, mwe ŵanthazi kunditozga.” 3Ndipo wati watambaruwa janja lake, wangumkwaska, wakuti, “Ndikhumba; utozgeke.” Ndipo sosonukweni makhati ghake ghangutozgeka. 4Ndipo Yesu wangunena nayo, “Awona, ungamunene yumoza cha; kweni kanga, kajirongo ku mzukuru, ndi upereke mpasku wo Mosese wangulanguliya, uli nchisimikizgu kwaku wo.”
Yesu wachizga munyamata wa nduna ya ŵaRoma
(Luka 7.1-10)
5Ndipo wati wasere Yesu mu Kapernaumu, yinguza kwaku iyo nduna, yakumuŵeyere, 6yakuti, “Ambuya munyamata wangu wara mu nyumba wakunjenjeme, wakusuzgika kwakofya.” 7Ndipo wangunena nayo, “Ndizenge kwazimuchizga.” 8Ndipo nduna yo, yakwamuka, yinguti, “Ambuya, kuti kutenere cha kuti imwe musere pasi pa bagha langu: kweni kambani ŵaka mazu, ndipo wachizgikenge munyamata wangu. 9Chifukwa ine nane nde munthu pasi pa mtufu, wakuŵa ndi ŵankhondo pasi pangu: ndipo ndinena kwaku uyu, ‘Rutanga,’ ndipo waruta, ndi ku munyake, ‘Zanga,’ ndipo watuza; ndi ku muŵanda wangu, ‘Chitanga chakuti,’ ndipo wachita.” 10Ndipo pa kumuvwa, Yesu wanguzizwa, ndipo wanguti ku ŵakumrondo, “Inyadi ndikuneniyani chingana ndi mu Yisraele kuti ndasaniya cha, chivwanu chikuru chaviyo. 11Ndipo ndinena namwe, kuti ŵanandi kutuwa ku vuma ndi ku zambwe ŵazenge, ndipo ŵajenge pasi pamoza ndi Abrahamu ndi Yisaki ndi Yakobe mu ufumu wakuchanya, 12kweni ŵana ŵa ufumu ŵapong'ekenge ku mdima wakubwaro: kweniko kuŵenge chitenje ndi mkukutu wa minyu.” 13Ndipo Yesu wanguti ku nduna yo, “Kanga; mo wavwaniya, ndimo kuchitikiye iwe.” Ndipo wanguchizgika munyamata yo mu ora leniliya.
Yesu wachizga ŵanthu ŵanandi
(Marko 1.29-34; Luka 4.38-41)
14Ndipo wati wasere Yesu mu nyumba yaku Petro, wanguwona mpongozi wake wakura, wangutama ndi muliŵavu. 15Ndipo wangukwaska janja lake, ndi muliŵavu mungumutaya; ndipo wanguyuka ndi wangumteŵete. 16Kweni kwati kwaŵa mazuro, ŵangumtole ŵanandi ŵakukoreka ndi ŵademone: ndipo wangutuzga mizimu yo ndi mazu, ndi wose ŵakutama wanguŵachizga. 17Alinga kuti ghafiskike mazu ghaku Yesaya mchimi yo wanguti, “Wanguto iyo maurwirwi ghidu, ndipo wangupinga matenda ghidu.”
Ku rondo Yesu
(Luka 9.57-62)
18Kweni Yesu wachiwona mizinda yikuru kumzunguliya, wangulangula kwambukiya kusirgha. 19Ndipo mlembi yumoza wanguza, wangumnene, “Msambizgi, nkharondonga imwe ko kose mungaruta.” 20Yesu wangunena nayo, “Akambwi ŵe ndi zimphanji, tuyuni twamude twe ndi vivimbu vyawo; kweni Mwana wa munthu walive pakurarika mutu wake.” 21Ndipo munyake wa ŵasambizi wangumunene, “Ambuya ndizomerezgeni kuruta danga kwachiŵika ada.” 22Kweni Yesu wangunena nayo, “Rondo ine, uŵaleke ŵakufwa kuŵika ŵakufwa ŵaku ŵija.”
Yesu wacheya lirondo
(Marko 4.35-41; Luka 8.22-25)
23Ndipo wati wasere mu ngaraŵa ŵasambizi ŵake ŵangumrondo. 24Ndipo wonani, linguŵapo pa nyanja lirondo likuru, viyo kuti ngaraŵa yawundikanga ndi mayigha; kweni mweneko waranga tulo. 25Ndipo ŵanguza ndi ŵangumyuska ŵakuti, “Ambuya taskani, tiyowa!” 26Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru. 27Ndipo ŵanguzizwa ŵanthu wo, ŵakuti, “Ngwakutinji munthu uyu? Chifukwa chingana ndi mphepu ndi nyanja zitumvwiya.”
Ŵademone ŵaku Gadara
(Marko 5.1-20; Luka 8.26-39)
28Ndipo wachiza iyo kusirgha, mu charu cha ŵaGadara, ŵangukumana nayo ŵaŵi, ŵademone, ŵakutuwa mu masano, ŵakari ukongwa, viyo kuti pengavi yumoza wakuŵa ndi nthazi kujumpha mu nthowa yiya. 29Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?” 30Kweni kutariko ndi iwo kwarghanga mskambu wa nguruŵi zinandi. 31Ndipo ŵademone wo ŵangumuŵeyere, ŵakuti, “Asani mutidikenge titumizgeni ku mskambu wa nguruŵi zo.” 32Ndipo wanguŵanene, “Kaninga!” Ndipo ŵakutuwamo ŵangusere mu nguruŵi zo: ndipo wonani, ungurazuka mskambu wo wose kusi ku mtunthu mpaka mu nyanja, ndipo ungumara mu maji. 33Ndipo ŵanguthaŵa ŵaliska, ŵanguza mu muzi ŵangukonkhoska vyose, ndivyo vinguŵaŵiya ŵademone ŵa. 34Viyo msumba wo wose ungutuwa kwachikumana ndi Yesu: ndipo, ŵachimuwona, ŵangumuŵeyere kuti watuweko ku mphaka zawo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Bible Society of Malawi