Kisah Para Rasul 2
2
Roh Kudus turung pa orang-orang percaya
1 #
Im. 23:15-21; Ul. 16:9-11 Waktu orang Yahudi biking dorang pe sukur bapanen yang dong sebut hari raya Pentakosta,#2:1: Hari raya Pentakosta di Perjanjian Lama, orang Yahudi jaga bilang, hari raya ‘Tuju Minggu’ deng hari raya ‘Bapete’. Lia hari raya Pentakosta pe keterangan di kamus. samua orang yang percaya pa Yesus bakumpul di ruma satu di Yerusalem. 2Kage-kage dorang dengar ada bunyi dari langit sama deng angin ribut. Dia pe babunyi kuat skali sampe dapa dengar di samua tampa yang dong ada dudu di dalam ruma itu. 3Kong dorang dapa lia satu barang yang sama deng api, dia pe model sama deng lida-lida, turung kong berenti di atas pa dorang masing-masing. 4Turus, Roh Kudus kuasai pa dorang samua sampe dong mulai bicara pake bahasa-bahasa laeng yang Roh Kudus kase pa dorang.
5Waktu hari raya itu, banya orang agama Yahudi yang merantau di samua bangsa di dunia, datang di Yerusalem. Dorang itu yang rajin iko aturan agama Yahudi. 6Waktu dorang dengar babunyi yang dari langit itu, dorang datang bakumpul di ruma itu. Dorang bingung, barang dorang dengar orang-orang percaya itu bicara pake dorang pe bahasa masing-masing. 7Dorang samua tahaga-haga kong taherang-herang, turus dorang baku bilang, “Dorang samua yang bicara itu orang Galilea, to? 8Bikiapa kong torang bisa dengar dorang baku bicara pake torang pe bahasa masing-masing? 9Torang ini ada yang dari negara Partia, Media, Elam, deng Mesir. Ada lagi dari daera Mesopotamia, Yudea, Kapadokia, Pontus, deng Asia Kecil, 10Frigia, Pamfilia, deng dari daera-daera di Libia yang baku dekat deng kampong Kirene. Ada lagi pendatang dari kota Roma, 11dari torang bangsa Yahudi deng yang bukang bangsa Yahudi tapi yang so maso agama Yahudi. Ada lagi orang Kreta deng orang Arab. Tapi torang samua dengar dorang bicara pake tong pe bahasa masing-masing, dong kase tau hal-hal luar biasa yang Tuhan Allah so biking.”
12Dorang samua herang deng tahaga-haga kong baku bilang, “Bikiapa kong bagini?”
13Tapi ada yang laeng singgung pa dorang, bilang kata, dorang itu mabo karna dong so minum anggur.
Petrus bahotba di orang banya pe muka
14Abis itu, Petrus deng Yesus pe seblas utusan yang laeng itu badiri. Dorang itu orang sebut rasul-rasul. Kong Petrus bicara kuat-kuat pa orang banya itu, “Ee, sudara-sudara orang Yahudi deng ngoni samua yang tinggal di Yerusalem! Dengar bae-bae, kita mo kase tau pa ngoni apa yang jadi di sini. 15Torang ini tara mabo. Ini baru jam sembilan pagi kong. Orang tara mungkin mabo jam bagini. 16Tapi apa yang jadi skarang ini, dari dulu Tuhan Allah so kase tau memang pa nabi Yoel bagini,
17 #
Yl. 2:28-32
Tuhan Allah bilang, ‘Di waktu so dekat-dekat ahir jaman,
Kita mo kase Kita pe Roh pa samua orang.
Ngoni pe ana laki-laki deng parampuang akan kase tau pa orang-orang pasáng yang dorang dengar langsung dari Kita.
Ngoni pe ana-ana muda mo dapa penglihatan-penglihatan,
deng orang-orang tua me mo dapa mimpi dari Kita.
18Kong pa orang-orang yang jaga biking apa yang Kita suru,
dia laki-laki ka, parampuang ka,
Kita mo kase Kita pe Roh pa dorang,
la dorang mo dengar langsung Kita pe pasáng kong dorang kase turus pa orang-orang.
19Kita mo biking mujizat-mujizat deng tanda-tanda yang kase tunju Kita pe kuasa di langit deng di bumi.
Akan ada dara, api deng asap bagumpal-gumpal.
20Matahari mo jadi galap,
bulan mo jadi mera sama deng dara.
Itu so jadi kamuka dulu, baru Tuhan datang ulang,
untuk adili pa samua orang.
Itu hari yang basar deng luar biasa.
21Kong sapa saja yang minta tolong pa Tuhan supaya dapa slamat,
pasti dia mo slamat dari dosa.’ ”
22Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau. 23#Mat. 27:35; Mrk. 15:24; Luk. 23:33; Yoh. 19:18 Tapi biar ngoni so tau itu, ngoni serakan Yesus pa orang jahat, kong dorang paku pa Dia di salib sampe mati. Tapi itu Tuhan Allah pe maksut deng rencana dari dulu, Dia yang serakan Yesus pa ngoni. 24#Mat. 28:5-6; Mrk. 16:6; Luk. 24:5 Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.
25 #
Mzm. 16:8-11
Dulu, raja Daud perna bilang tentang Yesus bagini,
‘Kita lia Tuhan salalu ada di kita pe muka,
Dia itu salalu sama-sama deng kita.
Jadi kita tara tako apa-apa.
26Karna itu, kita pe hati sanang skali,
deng kita pe mulu, kita puji-puji pa Tuhan,
kong kita pe diri rasa tenang,
karna kita baharap turus pa Dia.
27Barang, Tuhan tara akan kase biar kita mati turus-turus,
deng Tuhan tara akan kase biar Dia pe Orang Kudus pe badan jadi busu di dalam kubur.
28Tuhan kase tunju jalang pa kita,
supaya kita bole dapa hidup deng Tuhan slama-lamanya.
Kita pe hati paling sanang skali karna Tuhan ada sama-sama deng kita turus-turus.’
29Sudara-sudara, ini pasti raja Daud tara carita tentang dia pe diri sandiri. Barang, dia sandiri me so mati deng so dapa kubur, kong dia pe kubur masi ada sampe skarang di torang pe daera ini. 30#Mzm. 132:11; 2Sam. 7:12-13 Raja Daud itu nabi yang kase turus Tuhan Allah pe pasáng, jadi dia tau Tuhan Allah so bajanji pa dia deng basumpa, satu orang dari Daud pe turunan mo jadi Raja, deng pasti mo jadi. 31Daud me tau apa yang Tuhan Allah mo biking deng Raja itu. Jadi Daud kase tau memang, Mesias, Raja yang Tuhan Allah janji mo kase slamat pa manusia itu, Dia mati tapi Tuhan Allah tara akan kase biar Dia mati turus-turus, deng Dia pe badan tara jadi busu di dalam kubur.
32Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang. 33Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini. 34#Mzm. 110:1 Daud tara taangka ka atas di sorga sama deng Yesus, tapi dia bilang bagini,
‘Tuhan Allah bilang pa kita pe Tuhan#2:34: Daud bilang kita pe Tuhan, itu dia pe maksut pa Yesus Kristus. Jadi di ayat ini Tuhan Allah ada bilang pa Yesus Kristus. bagini,
35Dudu suda di tampa yang terhormat, pa Kita pe sabla kanan,
sampe Kita kase kala Ngana pe musu-musu samua.’
36Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”
37Waktu orang banya dengar apa yang Petrus bilang itu, dorang manyasal skali kong tanya pa Petrus deng pa rasul-rasul yang laeng, “Sudara-sudara, torang so sala, jadi skarang torang musti biking apa, supaya Tuhan Allah jang hukum pa torang?”
38Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus. 39Barang, samua itu Tuhan Allah so janji pa ngoni deng pa ngoni pe turunan, deng pa orang-orang bukang Yahudi lagi. Janji itu Tuhan Allah mo kase pa samua orang yang Dia pangge iko pa Dia.”
40Petrus bicara banya lagi pa dorang. Dia nasehat pa dorang deng kase kuat dorang pe hati, dia bilang, “Skarang ini banya orang jahat, jadi jang ngoni iko pa dorang. Tapi ngoni musti serakan ngoni pe diri pa Tuhan Allah, supaya ngoni slamat.”
Jemaat pertama pe cara hidup
41Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang. 42Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.
43Rasul-rasul biking banya mujizat deng tanda yang kase tunju Tuhan Allah pe kuasa, sampe samua orang taherang-herang kong hormati pa Tuhan Allah. 44#Kis. 4:32-35 Samua orang yang so percaya pa Yesus itu salalu bakumpul deng baku bawa bae-bae, kong harta apa saja yang dong punya, dorang pake sama-sama. 45Ada dari dorang yang jual dorang pe harta, kong doi itu dong kase bage-bage iko orang-orang itu pe perlu. 46Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu. 47Dorang salalu puji pa Tuhan Allah, deng orang banya suka pa dorang. Kong tiap hari, Tuhan biking sampe orang yang percaya pa Dia tatamba turus supaya dorang dapa slamat dari dosa-dosa.
Currently Selected:
Kisah Para Rasul 2: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
Kisah Para Rasul 2
2
Roh Kudus turung pa orang-orang percaya
1 #
Im. 23:15-21; Ul. 16:9-11 Waktu orang Yahudi biking dorang pe sukur bapanen yang dong sebut hari raya Pentakosta,#2:1: Hari raya Pentakosta di Perjanjian Lama, orang Yahudi jaga bilang, hari raya ‘Tuju Minggu’ deng hari raya ‘Bapete’. Lia hari raya Pentakosta pe keterangan di kamus. samua orang yang percaya pa Yesus bakumpul di ruma satu di Yerusalem. 2Kage-kage dorang dengar ada bunyi dari langit sama deng angin ribut. Dia pe babunyi kuat skali sampe dapa dengar di samua tampa yang dong ada dudu di dalam ruma itu. 3Kong dorang dapa lia satu barang yang sama deng api, dia pe model sama deng lida-lida, turung kong berenti di atas pa dorang masing-masing. 4Turus, Roh Kudus kuasai pa dorang samua sampe dong mulai bicara pake bahasa-bahasa laeng yang Roh Kudus kase pa dorang.
5Waktu hari raya itu, banya orang agama Yahudi yang merantau di samua bangsa di dunia, datang di Yerusalem. Dorang itu yang rajin iko aturan agama Yahudi. 6Waktu dorang dengar babunyi yang dari langit itu, dorang datang bakumpul di ruma itu. Dorang bingung, barang dorang dengar orang-orang percaya itu bicara pake dorang pe bahasa masing-masing. 7Dorang samua tahaga-haga kong taherang-herang, turus dorang baku bilang, “Dorang samua yang bicara itu orang Galilea, to? 8Bikiapa kong torang bisa dengar dorang baku bicara pake torang pe bahasa masing-masing? 9Torang ini ada yang dari negara Partia, Media, Elam, deng Mesir. Ada lagi dari daera Mesopotamia, Yudea, Kapadokia, Pontus, deng Asia Kecil, 10Frigia, Pamfilia, deng dari daera-daera di Libia yang baku dekat deng kampong Kirene. Ada lagi pendatang dari kota Roma, 11dari torang bangsa Yahudi deng yang bukang bangsa Yahudi tapi yang so maso agama Yahudi. Ada lagi orang Kreta deng orang Arab. Tapi torang samua dengar dorang bicara pake tong pe bahasa masing-masing, dong kase tau hal-hal luar biasa yang Tuhan Allah so biking.”
12Dorang samua herang deng tahaga-haga kong baku bilang, “Bikiapa kong bagini?”
13Tapi ada yang laeng singgung pa dorang, bilang kata, dorang itu mabo karna dong so minum anggur.
Petrus bahotba di orang banya pe muka
14Abis itu, Petrus deng Yesus pe seblas utusan yang laeng itu badiri. Dorang itu orang sebut rasul-rasul. Kong Petrus bicara kuat-kuat pa orang banya itu, “Ee, sudara-sudara orang Yahudi deng ngoni samua yang tinggal di Yerusalem! Dengar bae-bae, kita mo kase tau pa ngoni apa yang jadi di sini. 15Torang ini tara mabo. Ini baru jam sembilan pagi kong. Orang tara mungkin mabo jam bagini. 16Tapi apa yang jadi skarang ini, dari dulu Tuhan Allah so kase tau memang pa nabi Yoel bagini,
17 #
Yl. 2:28-32
Tuhan Allah bilang, ‘Di waktu so dekat-dekat ahir jaman,
Kita mo kase Kita pe Roh pa samua orang.
Ngoni pe ana laki-laki deng parampuang akan kase tau pa orang-orang pasáng yang dorang dengar langsung dari Kita.
Ngoni pe ana-ana muda mo dapa penglihatan-penglihatan,
deng orang-orang tua me mo dapa mimpi dari Kita.
18Kong pa orang-orang yang jaga biking apa yang Kita suru,
dia laki-laki ka, parampuang ka,
Kita mo kase Kita pe Roh pa dorang,
la dorang mo dengar langsung Kita pe pasáng kong dorang kase turus pa orang-orang.
19Kita mo biking mujizat-mujizat deng tanda-tanda yang kase tunju Kita pe kuasa di langit deng di bumi.
Akan ada dara, api deng asap bagumpal-gumpal.
20Matahari mo jadi galap,
bulan mo jadi mera sama deng dara.
Itu so jadi kamuka dulu, baru Tuhan datang ulang,
untuk adili pa samua orang.
Itu hari yang basar deng luar biasa.
21Kong sapa saja yang minta tolong pa Tuhan supaya dapa slamat,
pasti dia mo slamat dari dosa.’ ”
22Turus Petrus bilang lagi, “Ee, sudara-sudara orang Israel! Dengar bae-bae yang kita mo bilang pa ngoni ini. Tuhan Allah yang utus pa Yesus orang Nazaret itu, kong itu so jelas waktu Yesus biking mujizat-mujizat deng tanda-tanda yang kase tunju Tuhan Allah pe kuasa sampe biking orang herang. Samua itu so jadi di ngoni pe tenga-tenga, sama deng yang ngoni so tau. 23#Mat. 27:35; Mrk. 15:24; Luk. 23:33; Yoh. 19:18 Tapi biar ngoni so tau itu, ngoni serakan Yesus pa orang jahat, kong dorang paku pa Dia di salib sampe mati. Tapi itu Tuhan Allah pe maksut deng rencana dari dulu, Dia yang serakan Yesus pa ngoni. 24#Mat. 28:5-6; Mrk. 16:6; Luk. 24:5 Yesus mati, Dia dapa siksa yang paling barát tapi Tuhan Allah kase hidup ulang pa Dia. Barang, tara mungkin Yesus mati turus-turus.
25 #
Mzm. 16:8-11
Dulu, raja Daud perna bilang tentang Yesus bagini,
‘Kita lia Tuhan salalu ada di kita pe muka,
Dia itu salalu sama-sama deng kita.
Jadi kita tara tako apa-apa.
26Karna itu, kita pe hati sanang skali,
deng kita pe mulu, kita puji-puji pa Tuhan,
kong kita pe diri rasa tenang,
karna kita baharap turus pa Dia.
27Barang, Tuhan tara akan kase biar kita mati turus-turus,
deng Tuhan tara akan kase biar Dia pe Orang Kudus pe badan jadi busu di dalam kubur.
28Tuhan kase tunju jalang pa kita,
supaya kita bole dapa hidup deng Tuhan slama-lamanya.
Kita pe hati paling sanang skali karna Tuhan ada sama-sama deng kita turus-turus.’
29Sudara-sudara, ini pasti raja Daud tara carita tentang dia pe diri sandiri. Barang, dia sandiri me so mati deng so dapa kubur, kong dia pe kubur masi ada sampe skarang di torang pe daera ini. 30#Mzm. 132:11; 2Sam. 7:12-13 Raja Daud itu nabi yang kase turus Tuhan Allah pe pasáng, jadi dia tau Tuhan Allah so bajanji pa dia deng basumpa, satu orang dari Daud pe turunan mo jadi Raja, deng pasti mo jadi. 31Daud me tau apa yang Tuhan Allah mo biking deng Raja itu. Jadi Daud kase tau memang, Mesias, Raja yang Tuhan Allah janji mo kase slamat pa manusia itu, Dia mati tapi Tuhan Allah tara akan kase biar Dia mati turus-turus, deng Dia pe badan tara jadi busu di dalam kubur.
32Orang yang Daud carita, Dia itu Yesus suda. Yesus itu yang Tuhan Allah so kase hidup ulang kong torang samua so lia deng torang pe mata kapala sandiri, Dia so hidup ulang. 33Skarang, Tuhan Allah so angka pa Dia kong kase tampa yang terhormat, pa Tuhan Allah pe sabla kanan. Tuhan Allah so kase Roh Kudus pa Yesus, sama deng Tuhan Allah so janji dari dulu. Kong Roh Kudus itu Dia so kase pa torang skarang, itu yang ngoni so dengar deng lia pa torang di sini. 34#Mzm. 110:1 Daud tara taangka ka atas di sorga sama deng Yesus, tapi dia bilang bagini,
‘Tuhan Allah bilang pa kita pe Tuhan#2:34: Daud bilang kita pe Tuhan, itu dia pe maksut pa Yesus Kristus. Jadi di ayat ini Tuhan Allah ada bilang pa Yesus Kristus. bagini,
35Dudu suda di tampa yang terhormat, pa Kita pe sabla kanan,
sampe Kita kase kala Ngana pe musu-musu samua.’
36Tuhan Allah so bilang bagitu, jadi ngoni samua sudara-sudara orang Israel, ngoni musti tau butul-butul, Yesus yang ngoni perna salib itu, Dia itu suda Mesias, Raja yang Tuhan Allah janji mo kase slamat pa manusia, deng Dia itu me Tuhan.”
37Waktu orang banya dengar apa yang Petrus bilang itu, dorang manyasal skali kong tanya pa Petrus deng pa rasul-rasul yang laeng, “Sudara-sudara, torang so sala, jadi skarang torang musti biking apa, supaya Tuhan Allah jang hukum pa torang?”
38Petrus bilang pa dorang, “Ngoni samua bertobat suda kong kase ngoni pe diri dapa baptis dalam nama Yesus Kristus, la jelas ngoni so percaya pa Dia. Kalu ngoni biking bagitu, Tuhan Allah mo kase ampun pa ngoni dari ngoni pe dosa-dosa, deng kase pa ngoni Roh Kudus. 39Barang, samua itu Tuhan Allah so janji pa ngoni deng pa ngoni pe turunan, deng pa orang-orang bukang Yahudi lagi. Janji itu Tuhan Allah mo kase pa samua orang yang Dia pangge iko pa Dia.”
40Petrus bicara banya lagi pa dorang. Dia nasehat pa dorang deng kase kuat dorang pe hati, dia bilang, “Skarang ini banya orang jahat, jadi jang ngoni iko pa dorang. Tapi ngoni musti serakan ngoni pe diri pa Tuhan Allah, supaya ngoni slamat.”
Jemaat pertama pe cara hidup
41Banya orang yang dengar Petrus pe bicara itu jadi percaya kong kase dong pe diri dapa baptis. Kong hari itu orang-orang yang percaya pa Yesus, tatamba kira-kira tiga ribu orang. 42Orang-orang percaya itu jaga bakumpul sama-sama untuk baku kase kuat dorang pe percaya pa Yesus. Dorang rajin dengar ajaran tentang Yesus dari rasul-rasul. Dorang pela-pela roti kong makang sama-sama, supaya inga Tuhan Yesus pe sengsara deng kematian. Dorang me berdoa sama-sama.
43Rasul-rasul biking banya mujizat deng tanda yang kase tunju Tuhan Allah pe kuasa, sampe samua orang taherang-herang kong hormati pa Tuhan Allah. 44#Kis. 4:32-35 Samua orang yang so percaya pa Yesus itu salalu bakumpul deng baku bawa bae-bae, kong harta apa saja yang dong punya, dorang pake sama-sama. 45Ada dari dorang yang jual dorang pe harta, kong doi itu dong kase bage-bage iko orang-orang itu pe perlu. 46Tiap hari, dorang bakumpul deng satu hati di Ruma Ibada Pusat pe kompleks. Dorang me makang sama-sama dari ruma yang satu pigi di ruma yang laeng deng rasa sanang deng hati yang sunggu-sunggu. 47Dorang salalu puji pa Tuhan Allah, deng orang banya suka pa dorang. Kong tiap hari, Tuhan biking sampe orang yang percaya pa Dia tatamba turus supaya dorang dapa slamat dari dosa-dosa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020