Kisah Para Rasul 8
8
1aWaktu Stefanus dapa bunu itu, Saulus me setuju.
Saulus kase siksa pa orang-orang yang percaya pa Tuhan Yesus
1bWaktu Stefanus dapa bunu itu suda, orang-orang yang percaya pa Tuhan Yesus di kota Yerusalem mulai dapa siksa yang hebat dari orang-orang yang tara percaya. Jadi, dorang lari kase tinggal kota Yerusalem tapisa-pisa di samua tampa di daera Yudea deng Samaria. Yang tinggal di situ turus, cuma Yesus pe utusan-utusan yang orang sebut rasul-rasul. 2Turus, orang-orang yang dengar-dengaran pa Tuhan Allah ambe Stefanus pe mayat kong dong kubur. Dorang manangis deng rasa sedi skali.
3 #
Kis. 22:4-5, 26:9-11 Tapi biar bagitu me, Saulus masi tetap berusaha mo bunu kase abis pa orang-orang yang percaya pa Tuhan Yesus itu. Dia cari di ruma-ruma kong hela kase kaluar pa dorang, bae itu laki-laki atau parampuang, turus dia kase maso pa dorang di penjara.
Filipus kase tau Kabar Bae pa orang-orang di daera Samaria
4Orang-orang percaya yang lari tapisa-pisa itu, dorang kase tau Kabar Bae tentang Yesus Kristus di samua tampa yang dong pigi. 5Ada orang percaya satu, dia pe nama Filipus. Dia pigi di kota satu di daera Samaria. Kong dia kase tau pa orang-orang di situ, Yesus itu Mesias suda, Raja yang Tuhan Allah janji mo kase slamat pa manusia. 6Waktu orang banya itu dengar apa yang Filipus bilang, deng lia mujizat-mujizat yang Filipus biking yang kase tunju Tuhan Allah pe kuasa, dorang samua perhatikan bae-bae yang Filipus bilang itu. 7Barang, ada banya orang yang kemasukan setang, kong Filipus user setang-setang dari dorang. Jadi setang-setang itu kaluar deng babataria. Deng, ada banya lagi orang lumpu deng orang tempang yang dapa kase sembu. 8Pe lia samua itu, orang-orang di kota itu rasa sanang skali.
9Di kota itu, ada satu orang dia pe nama Simon. Dia itu so lama jaga pake tiop-tiop, sampe biking orang-orang di daera Samaria taherang-herang pa dia. Dia biking diri sama deng dia itu paling hebat. 10Kong samua orang di situ, sapa saja, badengar pa Simon. Dorang bilang, “Orang ini ada kuasa dari Tuhan Allah, kuasa yang orang jaga bilang Kuasa Basar.” 11Dorang itu jaga iko-iko pa Simon, barang so lama dia jaga biking dorang taherang-herang deng dia pe tiop-tiop.
12Tapi waktu Filipus datang pa dong pe kota, dia ajar pa dorang Kabar Bae tentang Tuhan Allah mo Berkuasa sebagai Raja, deng tentang percaya pa Yesus Kristus, Raja yang Tuhan Allah janji mo kase slamat pa manusia. Pe abis dengar yang Filipus ajar itu, dorang jadi percaya sampe dorang kase dong pe diri untuk dapa baptis, biar itu laki-laki atau parampuang. 13Simon me jadi percaya kong dapa baptis. Abis itu, Simon salalu iko pa Filipus di mana saja Filipus pigi. Dia lia Filipus biking mujizat-mujizat deng tanda-tanda yang kase tunju Tuhan Allah pe kuasa, kong dia taherang-herang.
14Rasul-rasul yang di kota Yerusalem dengar, ada banya orang di daera Samaria yang so percaya Tuhan Allah pe firman tentang Yesus. Jadi, dorang utus pa Petrus deng Yohanes ka sana. 15Pe sampe di sana, dua rasul itu berdoa, supaya orang-orang Samaria yang so percaya bisa tarima Roh Kudus. 16Barang, Roh Kudus bolong ada pa dorang, biar cuma satu orang lagi, karna orang-orang Samaria itu baru dapa baptis dalam nama Tuhan Yesus.#8:16: Di ayat ini bilang, dorang dapa baptis dalam nama Tuhan Yesus. Ini bukang cuma asal bilang atau macam deng mantra saja, tapi deng bilang, dapa baptis dalam nama Tuhan Yesus, itu pe arti, Tuhan Yesus kase kuasa pa orang yang ada babaptis itu la dia bisa baptis orang. Kong orang yang dapa baptis itu so percaya Tuhan Yesus yang kase ampun pa dia (Kis. 2:38). 17Jadi Petrus deng Yohanes taru dorang pe tangan di atas pa orang-orang Samaria itu, turus orang-orang Samaria itu tarima Roh Kudus.
18Simon me lia orang-orang itu tarima Roh Kudus waktu dua rasul itu taru dong pe tangan pa dorang. Jadi, dia coba mo kase doi pa Petrus deng Yohanes la dia me bisa biking bagitu. 19Dia bilang, “Bapa-bapa, kase pa kita lagi kuasa itu supaya kalu kita taru kita pe tangan di atas pa orang, orang itu bisa tarima Roh Kudus.”
20Tapi Petrus bilang pa dia, “Tuhan Allah akan hukum pa ngana deng ngana pe doi itu! Barang, Tuhan Allah pe kuasa yang Dia so kase pa torang ini, ngana kira kata, ngana bisa bili! 21Ngana pe hati tara butul pa Tuhan Allah pe muka, jadi ngana tara bole iko sama-sama deng torang untuk kase tau Kabar Bae pa orang-orang. 22Bertobat suda dari ngana pe maksut yang jahat itu! Kong berdoa suda pa Tuhan, supaya Dia kase ampun pa ngana pe pikiran yang jahat itu. 23Barang, kita lia ngana ini pangmangiri, deng dosa so kuasai ngana pe hati.”
24Pe dengar bagitu, Simon bilang pa dorang, “Bapa-bapa, kase berdoa suda pa kita, supaya apa yang ngoni bilang itu tara jadi pa kita.”
25Pe abis Petrus deng Yohanes kase tau Tuhan pe firman tentang Yesus, deng carita apa yang dorang lia Yesus biking dulu, dorang bale ulang di kota Yerusalem. Waktu dorang bajalang pulang, dorang jaga basingga-singga di kampong-kampong laeng di daera Samaria, kong kase tau Kabar Bae tentang Yesus Kristus pa orang-orang di situ.
Filipus kase tau Kabar Bae pa pejabat dari tana Etiopia
26Satu kali bagini, Tuhan pe malaekat suru pa Filipus, “Filipus, ngana pigi suda di daera selatan. Ngana iko jalang yang baturung-turung dari kota Yerusalem pigi di kota Gaza.” Jalang itu sunyi. 27Pe dengar itu, Filipus langsung barangkat. Di tenga jalang, dia lia pejabat satu dari tana Etiopia. Pejabat itu dia pe karja jaga urus raja parampuang Etiopia pe harta. Pejabat itu baru abis basambayang di kota Yerusalem, 28kong sementara pulang di Etiopia. Dia ada dudu di dia pe kereta kuda, kong ada babaca kitab nabi Yesaya. 29Kong Roh Kudus bilang pa Filipus, “Ngana badekat suda ka sana di kereta itu!”
30Filipus langsung ka sana di kereta kuda itu, kong dia dengar pejabat itu sementara baca kitab nabi Yesaya. Turus Filipus tanya pa dia, “Bapa mangarti yang bapa baca itu?”
31Pejabat itu jawab, “Bagimana kita mo mangarti, kalu tarada orang yang mo kase mangarti pa kita?” Kong pejabat itu minta Filipus nae di kereta la dudu pa dia pe pinggir. 32#Yes. 53:7-8 Yang pejabat itu baca di Kitab Suci, dia babunyi bagini,
“Orang-orang bawa pa Dia
sama deng dorang ada bawa domba la mo potong.
Sama deng domba yang orang gunting dia pe bulu-bulu, Dia cuma babadiam,
tara bicara apa-apa.
33Orang-orang hina pa Dia deng urus Dia pe perkara tara adil.
Turus dorang bunu pa Dia,
kong tarada orang yang bisa carita Dia pe turunan di dunia ini,
barang Dia so dapa bunu.”
34Abis baca itu, pejabat itu bilang pa Filipus, “Skarang kita mo tanya pa ngana. Nabi itu bicara tentang sapa? Dia bicara tentang dia pe diri sandiri ka tentang orang laeng?”
35Turus, mulai dari bagian kitab nabi Yesaya#8:35: Di kitab itu, Tuhan Allah ada bilang pa nabi Yesaya tentang Mesias, Raja yang Tuhan Allah janji mo kase slamat pa manusia. Kong itu ada tulis deng ratus-ratus taong waktu Yesus bolong datang. Kong waktu samua itu so jadi pa Yesus, Dia jadi sama persis deng yang Tuhan Allah so bilang pa nabi Yesaya dulu. Dari situ, pejabat ini jadi percaya Yesus itu Mesias yang Tuhan Allah janji dari dulu. itu, Filipus kase tau Kabar Bae tentang Yesus Kristus pa pejabat itu. 36Waktu dorang di tenga jalang, dorang dapa tampa satu yang ada aer. Kong pejabat itu bilang pa Filipus, “Coba lia, di situ ada aer! Apa kita so bole dapa baptis?”
[37Kong Filipus bilang, “Bole, asal bapa butul-butul percaya pa Yesus Kristus.”
Pejabat itu bilang, “Kita butul-butul percaya, Yesus Kristus itu Anak Allah.”]
38Abis bilang bagitu, pejabat itu suru kase berenti dia pe kereta. Turus, dia deng Filipus turung di aer kong Filipus baptis pa dia.
39Waktu dorang dua kaluar dari aer, kage-kage Tuhan pe Roh ambe pa Filipus dari situ kong bawa pa dia di tampa laeng. Kong pejabat itu so tara lia pa Filipus lagi, tapi deng hati sanang dia kase turus dia pe perjalanan. 40Ternyata, Filipus so ada di kampong satu yang pe nama Asdod. Dia bajalang dari Asdod kong kase tau Kabar Bae tentang Yesus Kristus pa orang-orang di samua kota, sampe di Kaisarea.
Currently Selected:
Kisah Para Rasul 8: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
