Kisah Para Rasul 9
9
Saulus bertobat
1 #
Kis. 22:3-16, 26:9-18 Sementara itu, Saulus masi turus ancam mo bunu pa orang-orang yang percaya pa Tuhan Yesus. Dia pigi mangada pa imam basar, 2kong minta surat kuasa supaya dia bawa di ruma-ruma ibada agama Yahudi di kota Damsyik. Surat itu dia pake la mo tangka pa sapa saja yang iko Yesus pe ajaran, biar itu laki-laki atau parampuang. Dia pe maksut mo bawa pa dorang la dapa urus di Yerusalem.
3Waktu Saulus so dapa surat itu, dia pigi di Damsyik. Waktu dia so dekat di kota itu, kage-kage ada cahaya dari langit tarang skali kuliling pa dia. 4Saulus langsung jatu di tana, kong dia dengar suara yang bilang pa dia bagini, “Saulus, Saulus, bikiapa kong ngana siksa pa Kita?”
5Saulus bilang, “Sapa ini kong?”
Kong suara itu bilang, “Kita ini Yesus yang ngana jaga siksa. 6Tapi skarang, badiri suda kong maso di kota. Di sana baru ada yang kase tau pa ngana, apa yang musti ngana biking.”
7Waktu itu, orang-orang yang sama-sama deng Saulus herang sampe tara bisa bicara apa-apa, karna dorang me dapa dengar suara itu, tapi dorang tara dapa lia sapa yang bicara.
8Turus Saulus bangun kong badiri. Dia buka dia pe mata, tapi dia so tara bisa lia apa-apa lagi. Jadi, dia pe tamang-tamang musti tunda pa dia maso di kota Damsyik. 9Selama tiga hari, dia tara bisa lia apa-apa, deng dia tara makang deng minum.
10Di Damsyik itu, ada satu orang yang percaya pa Tuhan Yesus, dia pe nama Ananias. Kong Tuhan bicara pa dia deng penglihatan. Tuhan pangge, “Ananias!”
Ananias manyao, “Ya, Tuhan!”
11Turus Tuhan bilang pa dia, “Ngana pigi suda di jalang yang pe nama Jalang Lurus kong cari Yudas pe ruma. Di situ ngana cari pa satu orang yang pe nama Saulus. Dia itu orang Tarsus, kong skarang dia sementara berdoa. 12Saulus ini so dapa penglihatan. Pa dia pe penglihatan itu, dia lia ada satu orang mo datang pa dia. Orang itu ngana, Ananias. Ngana ka sana la taru ngana pe tangan pa dia, la dia bisa dapa lia ulang.”
13Turus Ananias bilang, “Ado, Tuhan. Kita so dengar dari orang-orang, dia itu so siksa banya orang yang so jadi Tuhan Allah pe umat di kota Yerusalem. 14Kong skarang dia so ada di sini. Dia so dapa kuasa dari imam-imam kapala la mo tangka pa orang-orang yang percaya pa Tuhan di sini.”
15Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel. 16Kita sandiri yang akan kase tunju pa dia, dia mo dapa banya siksa karna dia iko pa Kita.”
17Turus, Ananias pigi di ruma yang Saulus tinggal, kong maso di situ. Pe baku dapa deng Saulus, Ananias taru dia pe tangan di atas pa Saulus kong bilang, “Saulus, kita pe sudara. Tuhan Yesus yang suru pa kita datang kamari. Dia itu yang kase tunju Dia pe diri pa ngana di tenga jalang waktu ngana mo datang kamari. Dia suru pa kita datang pa ngana la ngana bole dapa lia ulang, deng Roh Kudus mo kuasai pa ngana.”
18Waktu itu suda, ada barang satu yang sama deng ikang pe sisik takaluar dari Saulus pe mata, kong dia so bisa dapa lia ulang. Turus Saulus badiri kong dapa baptis. 19aAbis itu, Saulus makang kong dia jadi kuat ulang.
Saulus kase tau Kabar Bae di kota Damsyik
19bSaulus tinggal babarapa hari di kota Damsyik deng orang-orang yang percaya pa Yesus. 20Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.
21Samua orang di situ, waktu dengar yang Saulus bilang itu, dorang jadi herang kong bilang bagini, “Dia ini to, yang jaga bunu pa orang yang percaya pa Yesus di Yerusalem? Mangkali dia datang kamari mo tangka pa orang-orang yang percaya pa Yesus, kong bawa pa dorang di imam-imam kapala?”
22Tapi biar dorang bilang bagitu me, Saulus pe pengaru lebe tamba basar. Dia kase bukti pake Kitab Suci, Yesus itu butul-butul Mesias, Raja yang Tuhan Allah janji mo kase slamat pa manusia. Kong orang-orang Yahudi langsung tabadiam karna tara mampo malawang pa Saulus.
23 #
2Kor. 11:32-33
Waktu Saulus tinggal so lama di Damsyik, orang-orang Yahudi di situ baku skongkol mo bunu pa dia. 24Siang malam dorang bajaga di kota pe pintu gerbang, supaya mo bunu pa dia. Tapi Saulus dapa tau dorang pe rencana jahat itu. 25Kong satu malam bagini, orang-orang yang Saulus kase ajar tentang Yesus itu, dorang bawa pa dia kong kase turung deng karanjang basar, dari atas tembok kota sampe di bawa.
Saulus pigi di Yerusalem deng di tampa-tampa laeng
26Abis itu, Saulus pigi di kota Yerusalem. Pe sampe di sana, dia coba bagabung deng orang-orang percaya yang ada di situ. Tapi dorang tako pa dia, barang dorang bolong yakin dia butul-butul so percaya pa Yesus. 27Tapi Barnabas ada di situ, kong dia bawa pa Saulus di Yesus pe utusan-utusan yang orang sebut rasul-rasul. Turus, dia carita pa dorang bagimana Saulus lia pa Tuhan di tenga jalang mo pigi di Damsyik. Barnabas me carita, bagimana Saulus baku bicara deng Yesus kong Saulus me barani mangajar tentang Yesus pa orang-orang di kota Damsyik.
28Abis dengar itu, dorang samua tarima pa Saulus kong Saulus tinggal sama-sama deng dorang di Yerusalem. Kong di situ, dia mangajar tentang Tuhan Yesus deng barani. 29Saulus me baku tanya jawab deng orang-orang agama Yahudi yang bicara pake bahasa Yunani. Tapi dorang tara tarima yang Saulus bilang, kong dorang cari jalang mo bunu pa dia. 30Waktu orang-orang yang percaya pa Yesus dapa tau rencana itu, dorang bawa pa Saulus di kota Kaisarea. Dari situ dorang bantu pa dia la dia bole pigi di kota Tarsus.
31Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.
Petrus kase sembu pa Eneas yang lumpu
32Waktu itu, Petrus pigi bakuliling di banya tampa untuk baku dapa deng orang-orang yang so jadi Tuhan Allah pe umat. Satu kali, dia basingga pa orang-orang percaya yang ada di kampong Lida. 33Di situ, dia baku dapa deng satu orang, dia pe nama Eneas. Eneas itu so delapan taong cuma di tampa tidor karna dia lumpu. 34Kong Petrus bilang pa dia, “Eneas, Yesus Kristus kase sembu pa ngana. Bangun suda la manyimpang ngana pe tampa tidor!”
Waktu itu suda, Eneas langsung bangun. 35Bagitu samua orang di kampong Lida deng di daera Saron lia Eneas so sembu, dorang me jadi percaya pa Tuhan.
Petrus kase hidup ulang pa Tabita
36Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas.#9:36: Dorkas pe arti, ‘rusa’. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa. 37Waktu itu dia saki kong mati. Orang-orang di situ kase mandi pa dia, kong taru dia pe mayat di kamar di lante atas. 38Orang-orang yang percaya pa Yesus di kota Yope itu dapa dengar Petrus ada di kampong Lida yang tara talalu jao dari situ. Jadi dorang suru dua orang pigi ka sana kong bilang pa Petrus, “Bapa, tolong capat-capat datang di Yope ka!”
39Pe dengar bagitu, Petrus langsung pigi sama-sama deng dorang. Pe sampe di Yope, dorang antar pa Petrus di kamar di lante atas, tampa yang dorang taru Talita pe mayat. Turus janda-janda yang ada di situ badekat pa Petrus, kong deng mamanangis dorang kase tunju pa Petrus baju-baju deng pakeang laeng yang Tabita biking waktu dia masi hidup.
40Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu. 41Turus Petrus pegang Tabita pe tangan kong bantu kase badiri pa dia. Abis itu, Petrus pangge pa janda-janda deng pa orang-orang yang so jadi Tuhan Allah pe umat, kong kase tunju pa dorang, Tabita so hidup ulang.
42Kejadian itu tasiar di samua tampa di kota Yope, sampe banya orang jadi percaya pa Tuhan Yesus. 43Abis itu, Petrus tinggal sadiki lama pa Simon pe ruma di Yope. Simon pe karja jaga biking barang-barang dari binatang pe kuli.
Currently Selected:
Kisah Para Rasul 9: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
Kisah Para Rasul 9
9
Saulus bertobat
1 #
Kis. 22:3-16, 26:9-18 Sementara itu, Saulus masi turus ancam mo bunu pa orang-orang yang percaya pa Tuhan Yesus. Dia pigi mangada pa imam basar, 2kong minta surat kuasa supaya dia bawa di ruma-ruma ibada agama Yahudi di kota Damsyik. Surat itu dia pake la mo tangka pa sapa saja yang iko Yesus pe ajaran, biar itu laki-laki atau parampuang. Dia pe maksut mo bawa pa dorang la dapa urus di Yerusalem.
3Waktu Saulus so dapa surat itu, dia pigi di Damsyik. Waktu dia so dekat di kota itu, kage-kage ada cahaya dari langit tarang skali kuliling pa dia. 4Saulus langsung jatu di tana, kong dia dengar suara yang bilang pa dia bagini, “Saulus, Saulus, bikiapa kong ngana siksa pa Kita?”
5Saulus bilang, “Sapa ini kong?”
Kong suara itu bilang, “Kita ini Yesus yang ngana jaga siksa. 6Tapi skarang, badiri suda kong maso di kota. Di sana baru ada yang kase tau pa ngana, apa yang musti ngana biking.”
7Waktu itu, orang-orang yang sama-sama deng Saulus herang sampe tara bisa bicara apa-apa, karna dorang me dapa dengar suara itu, tapi dorang tara dapa lia sapa yang bicara.
8Turus Saulus bangun kong badiri. Dia buka dia pe mata, tapi dia so tara bisa lia apa-apa lagi. Jadi, dia pe tamang-tamang musti tunda pa dia maso di kota Damsyik. 9Selama tiga hari, dia tara bisa lia apa-apa, deng dia tara makang deng minum.
10Di Damsyik itu, ada satu orang yang percaya pa Tuhan Yesus, dia pe nama Ananias. Kong Tuhan bicara pa dia deng penglihatan. Tuhan pangge, “Ananias!”
Ananias manyao, “Ya, Tuhan!”
11Turus Tuhan bilang pa dia, “Ngana pigi suda di jalang yang pe nama Jalang Lurus kong cari Yudas pe ruma. Di situ ngana cari pa satu orang yang pe nama Saulus. Dia itu orang Tarsus, kong skarang dia sementara berdoa. 12Saulus ini so dapa penglihatan. Pa dia pe penglihatan itu, dia lia ada satu orang mo datang pa dia. Orang itu ngana, Ananias. Ngana ka sana la taru ngana pe tangan pa dia, la dia bisa dapa lia ulang.”
13Turus Ananias bilang, “Ado, Tuhan. Kita so dengar dari orang-orang, dia itu so siksa banya orang yang so jadi Tuhan Allah pe umat di kota Yerusalem. 14Kong skarang dia so ada di sini. Dia so dapa kuasa dari imam-imam kapala la mo tangka pa orang-orang yang percaya pa Tuhan di sini.”
15Tapi Tuhan bilang pa dia, “Ngana pigi suda! Barang, Kita so pili pa dia itu la mo kase tau Kabar Bae tentang Kita pa suku-suku bangsa yang bukang Yahudi, pa raja-raja, deng pa orang-orang Israel. 16Kita sandiri yang akan kase tunju pa dia, dia mo dapa banya siksa karna dia iko pa Kita.”
17Turus, Ananias pigi di ruma yang Saulus tinggal, kong maso di situ. Pe baku dapa deng Saulus, Ananias taru dia pe tangan di atas pa Saulus kong bilang, “Saulus, kita pe sudara. Tuhan Yesus yang suru pa kita datang kamari. Dia itu yang kase tunju Dia pe diri pa ngana di tenga jalang waktu ngana mo datang kamari. Dia suru pa kita datang pa ngana la ngana bole dapa lia ulang, deng Roh Kudus mo kuasai pa ngana.”
18Waktu itu suda, ada barang satu yang sama deng ikang pe sisik takaluar dari Saulus pe mata, kong dia so bisa dapa lia ulang. Turus Saulus badiri kong dapa baptis. 19aAbis itu, Saulus makang kong dia jadi kuat ulang.
Saulus kase tau Kabar Bae di kota Damsyik
19bSaulus tinggal babarapa hari di kota Damsyik deng orang-orang yang percaya pa Yesus. 20Waktu itu suda, Saulus maso di ruma-ruma ibada agama Yahudi kong mulai kase tau pa orang-orang, Yesus itu butul Anak Allah.
21Samua orang di situ, waktu dengar yang Saulus bilang itu, dorang jadi herang kong bilang bagini, “Dia ini to, yang jaga bunu pa orang yang percaya pa Yesus di Yerusalem? Mangkali dia datang kamari mo tangka pa orang-orang yang percaya pa Yesus, kong bawa pa dorang di imam-imam kapala?”
22Tapi biar dorang bilang bagitu me, Saulus pe pengaru lebe tamba basar. Dia kase bukti pake Kitab Suci, Yesus itu butul-butul Mesias, Raja yang Tuhan Allah janji mo kase slamat pa manusia. Kong orang-orang Yahudi langsung tabadiam karna tara mampo malawang pa Saulus.
23 #
2Kor. 11:32-33
Waktu Saulus tinggal so lama di Damsyik, orang-orang Yahudi di situ baku skongkol mo bunu pa dia. 24Siang malam dorang bajaga di kota pe pintu gerbang, supaya mo bunu pa dia. Tapi Saulus dapa tau dorang pe rencana jahat itu. 25Kong satu malam bagini, orang-orang yang Saulus kase ajar tentang Yesus itu, dorang bawa pa dia kong kase turung deng karanjang basar, dari atas tembok kota sampe di bawa.
Saulus pigi di Yerusalem deng di tampa-tampa laeng
26Abis itu, Saulus pigi di kota Yerusalem. Pe sampe di sana, dia coba bagabung deng orang-orang percaya yang ada di situ. Tapi dorang tako pa dia, barang dorang bolong yakin dia butul-butul so percaya pa Yesus. 27Tapi Barnabas ada di situ, kong dia bawa pa Saulus di Yesus pe utusan-utusan yang orang sebut rasul-rasul. Turus, dia carita pa dorang bagimana Saulus lia pa Tuhan di tenga jalang mo pigi di Damsyik. Barnabas me carita, bagimana Saulus baku bicara deng Yesus kong Saulus me barani mangajar tentang Yesus pa orang-orang di kota Damsyik.
28Abis dengar itu, dorang samua tarima pa Saulus kong Saulus tinggal sama-sama deng dorang di Yerusalem. Kong di situ, dia mangajar tentang Tuhan Yesus deng barani. 29Saulus me baku tanya jawab deng orang-orang agama Yahudi yang bicara pake bahasa Yunani. Tapi dorang tara tarima yang Saulus bilang, kong dorang cari jalang mo bunu pa dia. 30Waktu orang-orang yang percaya pa Yesus dapa tau rencana itu, dorang bawa pa Saulus di kota Kaisarea. Dari situ dorang bantu pa dia la dia bole pigi di kota Tarsus.
31Abis itu, jemaat-jemaat di daera Yudea, daera Galilea deng daera Samaria hidup baku bawa bae-bae. Dorang pe percaya jadi kuat, kong dorang hidup deng rasa hormat pa Tuhan Allah. Roh Kudus kase smangat pa dorang, kong dorang lebe tatamba banya.
Petrus kase sembu pa Eneas yang lumpu
32Waktu itu, Petrus pigi bakuliling di banya tampa untuk baku dapa deng orang-orang yang so jadi Tuhan Allah pe umat. Satu kali, dia basingga pa orang-orang percaya yang ada di kampong Lida. 33Di situ, dia baku dapa deng satu orang, dia pe nama Eneas. Eneas itu so delapan taong cuma di tampa tidor karna dia lumpu. 34Kong Petrus bilang pa dia, “Eneas, Yesus Kristus kase sembu pa ngana. Bangun suda la manyimpang ngana pe tampa tidor!”
Waktu itu suda, Eneas langsung bangun. 35Bagitu samua orang di kampong Lida deng di daera Saron lia Eneas so sembu, dorang me jadi percaya pa Tuhan.
Petrus kase hidup ulang pa Tabita
36Di kota Yope, ada orang percaya satu yang pe nama Tabita. Dalam bahasa Yunani dia pe nama Dorkas.#9:36: Dorkas pe arti, ‘rusa’. Tabita itu orang yang percaya pa Yesus. Dia jaga biking hal-hal bae deng jaga tolong pa orang-orang yang susa. 37Waktu itu dia saki kong mati. Orang-orang di situ kase mandi pa dia, kong taru dia pe mayat di kamar di lante atas. 38Orang-orang yang percaya pa Yesus di kota Yope itu dapa dengar Petrus ada di kampong Lida yang tara talalu jao dari situ. Jadi dorang suru dua orang pigi ka sana kong bilang pa Petrus, “Bapa, tolong capat-capat datang di Yope ka!”
39Pe dengar bagitu, Petrus langsung pigi sama-sama deng dorang. Pe sampe di Yope, dorang antar pa Petrus di kamar di lante atas, tampa yang dorang taru Talita pe mayat. Turus janda-janda yang ada di situ badekat pa Petrus, kong deng mamanangis dorang kase tunju pa Petrus baju-baju deng pakeang laeng yang Tabita biking waktu dia masi hidup.
40Turus Petrus suru pa dorang samua kaluar dari kamar, kong dia berlutut, turus berdoa. Dia mangada di mayat itu kong bilang, “Tabita, bangun suda!” Kong Tabita buka dia pe mata. Waktu dia lia pa Petrus, dia langsung bangun kong dudu. 41Turus Petrus pegang Tabita pe tangan kong bantu kase badiri pa dia. Abis itu, Petrus pangge pa janda-janda deng pa orang-orang yang so jadi Tuhan Allah pe umat, kong kase tunju pa dorang, Tabita so hidup ulang.
42Kejadian itu tasiar di samua tampa di kota Yope, sampe banya orang jadi percaya pa Tuhan Yesus. 43Abis itu, Petrus tinggal sadiki lama pa Simon pe ruma di Yope. Simon pe karja jaga biking barang-barang dari binatang pe kuli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020