Matius 19
19
Tuhan Allah so biking laki bini jadi satu, jadi manusia tara bole kase cere
(Mrk. 10:1-12)
1Pe abis bilang samua itu, Yesus kase tinggal daera Galilea kong pigi di daera Yudea di kali Yordan pe sabla. 2Di situ, orang banya iko-iko pa Dia kong Dia kase sembu pa orang-orang yang saki.
3Turus, babarapa orang agama Yahudi dari aliran fanatik yang pe nama Farisi datang untuk cari-cari Yesus pe sala. Dorang tanya pa Dia bagini, “Kalu mo iko torang pe aturan agama, bole ka tarada laki-laki yang so kawing, cere dia pe bini pake alasan apa saja?”
4 #
Kej. 1:27, 5:2 Tapi Yesus bilang pa dorang, “Pasti ngoni so baca di Kitab Suci, dari pertama waktu Tuhan Allah cipta manusia, Dia biking laki-laki deng parampuang. 5#Kej. 2:24 Kong Tuhan Allah bilang bagini, ‘Karna itu, laki-laki akan kase tinggal dia pe papa deng mama kong hidup satu deng dia pe bini, supaya dorang dua jadi satu.’ 6Jadi dorang itu so bukang dua lagi, tapi so jadi satu. Karna itu, apa yang Tuhan Allah so kase jadi satu, manusia tara bole kase cere.”
7 #
Ul. 24:1-4; Mat. 5:31 Pe dengar Yesus bilang bagitu, orang-orang Farisi itu batanya lagi pa Yesus, “Kalu bagitu, bikiapa kong nabi Musa kase bae orang cere dia pe bini asal dia kase surat cere pa dia pe bini?”
8Kong Yesus bilang, “Gara-gara ngoni pe hati karas saja, sampe nabi Musa kase bae ngoni cere ngoni pe bini. Tapi dari pertama Tuhan Allah biking laki-laki deng parampuang, Dia tara mau ngoni bagitu. 9#Mat. 5:32; 1Kor. 7:10-11 Dengar bae-bae, laki bole cere dia pe bini kalu dia pe bini so baku suka deng orang laeng. Tapi kalu tarada, kong laki itu cere pa dia pe bini, turus laki itu kawing deng parampuang laeng, di Tuhan Allah pe muka laki itu so sala, karna so baku suka deng parampuang yang bukang dia pe bini.”
10Pe dengar itu, Yesus pe murit-murit bilang pa Dia, “Kalu laki bini pe hubungan model bagitu, lebe bae tara usa kawing suda.”
11Tapi Yesus bilang pa dorang, “Tara samua orang yang bole tarima itu, cuma orang-orang yang Tuhan kase kemampuan saja. 12Barang, ada laki-laki yang tara kawing karna dari lahir so memang bagitu. Kong ada lagi laki-laki yang tara kawing karna orang laeng biking sampe dia tara bisa kawing. Ada lagi yang tara kawing karna dong pe mau sandiri, supaya dorang bisa pake dong pe waktu untuk layani pa Tuhan Allah yang Berkuasa sebagai Raja. Sapa yang mampo tarima Kita pe ajaran ini, dia tarima suda.”
Yesus berkati pa ana-ana kacil
(Mrk. 10:13-16; Luk. 18:15-17)
13Kong ada orang-orang bawa ana-ana kacil pa Yesus supaya Dia taru Dia pe tangan di atas pa dorang kong kase berdoa pa dorang. Tapi Dia pe murit-murit mara pa orang-orang itu. 14Jadi Yesus bilang pa Dia pe murit-murit itu, “Kase biar suda ana-ana itu datang pa Kita. Jang larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.”
15Abis itu, Yesus taru Dia pe tangan di atas pa ana-ana itu kong berkati pa dorang. Abis itu, Dia pigi dari situ.
Orang kaya susa mo jadi Tuhan Allah pe umat
(Mrk. 10:17-31; Luk. 18:18-30)
16Satu kali bagini, ada ana muda satu datang pa Yesus. Dia tanya bagini, “Guru, hal bae apa yang musti kita biking supaya kita bole dapa hidup deng Tuhan Allah slama-lamanya?”
17Yesus bilang pa dia, “Bikiapa kong ngana tanya pa Kita tentang apa yang bae? Yang bae cuma Tuhan Allah. Kalu ngana mau dapa hidup deng Tuhan Allah slama-lamanya, ngana musti iko Tuhan Allah pe parenta-parenta.”
18 #
Kel. 20:13-16; Ul. 5:17-20 Kong orang itu tanya lagi, “Parenta-parenta yang mana?”
Yesus bilang pa dia, “Jang bunu orang, jang baku suka deng orang pe laki atau orang pe bini, jang pancuri, jang jadi saksi tara butul, 19#Kel. 20:12; Im. 19:18; Ul. 5:16 ngana musti hormati ngana pe papa deng ngana pe mama, deng ngana musti sayang pa orang laeng sama deng ngana sayang pa ngana pe diri sandiri.”
20Kong ana muda itu bilang pa Yesus, “Samua parenta itu kita so biking. Apa lagi yang masi kurang?”
21Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”
22Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.
23Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup. 24Kong ngoni inga lagi yang Kita bilang ini, masi lebe gampang unta satu ekor maso di lobang jarum daripada orang kaya mo kase dia pe diri la Tuhan Allah Berkuasa sebagai Raja pa dia pe hidup.”
25Pe dengar itu, Yesus pe murit-murit herang. Kong dorang bilang, “Ii, kalu bagitu, sapa yang bole slamat?”
26Yesus haga pa dorang kong bilang, “Manusia tara mungkin mo kase slamat dia pe diri sandiri. Cuma Tuhan Allah saja yang bole kase slamat pa manusia, karna untuk Tuhan Allah apa saja bisa jadi.”
27Kong Petrus bilang pa Yesus, “Torang ini so kase tinggal samua yang torang punya kong so iko pa Guru. Jadi apa yang torang mo dapa?”
28 #
Mat. 25:31; Luk. 22:30 Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel. 29Kong tiap orang yang iko pa Kita sampe dia so kase tinggal dia pe ruma, dia pe sudara laki-laki atau sudara parampuang, dia pe papa atau dia pe mama, dia pe ana-ana atau dia pe kobong, orang itu akan tarima ulang saratus kali lipa samua itu, deng dia me akan dapa hidup deng Tuhan Allah slama-lamanya. 30#Mat. 20:16; Luk. 13:30 Tapi banya orang yang jadi orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”
Currently Selected:
Matius 19: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
Matius 19
19
Tuhan Allah so biking laki bini jadi satu, jadi manusia tara bole kase cere
(Mrk. 10:1-12)
1Pe abis bilang samua itu, Yesus kase tinggal daera Galilea kong pigi di daera Yudea di kali Yordan pe sabla. 2Di situ, orang banya iko-iko pa Dia kong Dia kase sembu pa orang-orang yang saki.
3Turus, babarapa orang agama Yahudi dari aliran fanatik yang pe nama Farisi datang untuk cari-cari Yesus pe sala. Dorang tanya pa Dia bagini, “Kalu mo iko torang pe aturan agama, bole ka tarada laki-laki yang so kawing, cere dia pe bini pake alasan apa saja?”
4 #
Kej. 1:27, 5:2 Tapi Yesus bilang pa dorang, “Pasti ngoni so baca di Kitab Suci, dari pertama waktu Tuhan Allah cipta manusia, Dia biking laki-laki deng parampuang. 5#Kej. 2:24 Kong Tuhan Allah bilang bagini, ‘Karna itu, laki-laki akan kase tinggal dia pe papa deng mama kong hidup satu deng dia pe bini, supaya dorang dua jadi satu.’ 6Jadi dorang itu so bukang dua lagi, tapi so jadi satu. Karna itu, apa yang Tuhan Allah so kase jadi satu, manusia tara bole kase cere.”
7 #
Ul. 24:1-4; Mat. 5:31 Pe dengar Yesus bilang bagitu, orang-orang Farisi itu batanya lagi pa Yesus, “Kalu bagitu, bikiapa kong nabi Musa kase bae orang cere dia pe bini asal dia kase surat cere pa dia pe bini?”
8Kong Yesus bilang, “Gara-gara ngoni pe hati karas saja, sampe nabi Musa kase bae ngoni cere ngoni pe bini. Tapi dari pertama Tuhan Allah biking laki-laki deng parampuang, Dia tara mau ngoni bagitu. 9#Mat. 5:32; 1Kor. 7:10-11 Dengar bae-bae, laki bole cere dia pe bini kalu dia pe bini so baku suka deng orang laeng. Tapi kalu tarada, kong laki itu cere pa dia pe bini, turus laki itu kawing deng parampuang laeng, di Tuhan Allah pe muka laki itu so sala, karna so baku suka deng parampuang yang bukang dia pe bini.”
10Pe dengar itu, Yesus pe murit-murit bilang pa Dia, “Kalu laki bini pe hubungan model bagitu, lebe bae tara usa kawing suda.”
11Tapi Yesus bilang pa dorang, “Tara samua orang yang bole tarima itu, cuma orang-orang yang Tuhan kase kemampuan saja. 12Barang, ada laki-laki yang tara kawing karna dari lahir so memang bagitu. Kong ada lagi laki-laki yang tara kawing karna orang laeng biking sampe dia tara bisa kawing. Ada lagi yang tara kawing karna dong pe mau sandiri, supaya dorang bisa pake dong pe waktu untuk layani pa Tuhan Allah yang Berkuasa sebagai Raja. Sapa yang mampo tarima Kita pe ajaran ini, dia tarima suda.”
Yesus berkati pa ana-ana kacil
(Mrk. 10:13-16; Luk. 18:15-17)
13Kong ada orang-orang bawa ana-ana kacil pa Yesus supaya Dia taru Dia pe tangan di atas pa dorang kong kase berdoa pa dorang. Tapi Dia pe murit-murit mara pa orang-orang itu. 14Jadi Yesus bilang pa Dia pe murit-murit itu, “Kase biar suda ana-ana itu datang pa Kita. Jang larang pa dorang, karna orang-orang yang tara sombong deng yang capat percaya sama deng ana-ana kacil ini, dorang itu yang kase dong pe diri pa Tuhan Allah la Dia Berkuasa sebagai Raja pa dorang pe hidup.”
15Abis itu, Yesus taru Dia pe tangan di atas pa ana-ana itu kong berkati pa dorang. Abis itu, Dia pigi dari situ.
Orang kaya susa mo jadi Tuhan Allah pe umat
(Mrk. 10:17-31; Luk. 18:18-30)
16Satu kali bagini, ada ana muda satu datang pa Yesus. Dia tanya bagini, “Guru, hal bae apa yang musti kita biking supaya kita bole dapa hidup deng Tuhan Allah slama-lamanya?”
17Yesus bilang pa dia, “Bikiapa kong ngana tanya pa Kita tentang apa yang bae? Yang bae cuma Tuhan Allah. Kalu ngana mau dapa hidup deng Tuhan Allah slama-lamanya, ngana musti iko Tuhan Allah pe parenta-parenta.”
18 #
Kel. 20:13-16; Ul. 5:17-20 Kong orang itu tanya lagi, “Parenta-parenta yang mana?”
Yesus bilang pa dia, “Jang bunu orang, jang baku suka deng orang pe laki atau orang pe bini, jang pancuri, jang jadi saksi tara butul, 19#Kel. 20:12; Im. 19:18; Ul. 5:16 ngana musti hormati ngana pe papa deng ngana pe mama, deng ngana musti sayang pa orang laeng sama deng ngana sayang pa ngana pe diri sandiri.”
20Kong ana muda itu bilang pa Yesus, “Samua parenta itu kita so biking. Apa lagi yang masi kurang?”
21Yesus bilang pa dia, “Kalu ngana suka mo iko pa Tuhan Allah deng sempurna, ngana pigi suda kong jual samua ngana pe harta, la kase dia pe doi itu pa orang-orang miskin. Kalu ngana biking bagitu, ngana dapa harta di sorga. Abis itu, kamari suda la iko pa Kita.”
22Waktu ana muda itu dengar Yesus bilang bagitu, dia pigi deng hati sedi, barang dia pe harta banya skali.
23Abis itu, Yesus bilang pa Dia pe murit-murit, “Inga bae-bae yang Kita bilang pa ngoni e, memang pe susa skali orang kaya mo kase dia pe diri la Tuhan Allah Berkuasa sebagai Raja pa dia pe hidup. 24Kong ngoni inga lagi yang Kita bilang ini, masi lebe gampang unta satu ekor maso di lobang jarum daripada orang kaya mo kase dia pe diri la Tuhan Allah Berkuasa sebagai Raja pa dia pe hidup.”
25Pe dengar itu, Yesus pe murit-murit herang. Kong dorang bilang, “Ii, kalu bagitu, sapa yang bole slamat?”
26Yesus haga pa dorang kong bilang, “Manusia tara mungkin mo kase slamat dia pe diri sandiri. Cuma Tuhan Allah saja yang bole kase slamat pa manusia, karna untuk Tuhan Allah apa saja bisa jadi.”
27Kong Petrus bilang pa Yesus, “Torang ini so kase tinggal samua yang torang punya kong so iko pa Guru. Jadi apa yang torang mo dapa?”
28 #
Mat. 25:31; Luk. 22:30 Yesus bilang pa dorang, “Dengar bae-bae yang Kita bilang pa ngoni ini, nanti di waktu Tuhan Allah so biking dunia ini jadi baru ulang, Anak Manusia yang dari sorga mo dudu di atas kursi raja yang luar biasa. Waktu itu, ngoni samua yang iko pa Kita mo dudu lagi di dua blas kursi raja untuk adili pa dua blas suku bangsa Israel. 29Kong tiap orang yang iko pa Kita sampe dia so kase tinggal dia pe ruma, dia pe sudara laki-laki atau sudara parampuang, dia pe papa atau dia pe mama, dia pe ana-ana atau dia pe kobong, orang itu akan tarima ulang saratus kali lipa samua itu, deng dia me akan dapa hidup deng Tuhan Allah slama-lamanya. 30#Mat. 20:16; Luk. 13:30 Tapi banya orang yang jadi orang penting di dunia ini, nanti jadi orang yang tara penting, kong orang yang tara penting di dunia ini, nanti jadi orang penting.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020