Markus 1
1
Yohanes Pembaptis suru orang bertobat supaya siap tarima pa Tuhan
(Mat. 3:1-12; Luk. 3:1-18; Yoh. 1:19-28)
1Ini Kabar Bae tentang Yesus Kristus, Anak Allah. 2#Mal. 3:1 Dari dulu, Kabar Bae ini so tatulis di kitab nabi Yesaya bagini,
“Perhatikan e! Kita mo suru Kita pe utusan datang kamuka dari Ngana.
Dia itu yang mo buka jalang untuk Ngana,
supaya orang pe hati siap mo tarima pa Ngana.
3 #
Yes. 40:3
Di padang gurun, tampa yang jao dari kampong,
dia mo bicara kuat-kuat pa orang-orang yang bakumpul di situ bagini,
‘Buka jalang untuk tarima pa Tuhan,
kase lurus jalang la sambut pa Dia.’ ”
4Tuhan pe utusan itu pe nama Yohanes Pembaptis. Dia datang di padang gurun, tampa yang jao dari kampong, kong di situ dia kase tau pa orang-orang bagini, “Bertobat suda kong iko pa Tuhan Allah, deng bagitu Tuhan Allah mo kase ampun pa ngoni. Kong kase suda ngoni pe diri la dapa baptis, itu tanda ngoni so bertobat.”
5Kong banya skali orang dari kota Yerusalem deng samua tampa laeng di daera Yudea datang pa Yohanes. Dorang mangaku dong pe dosa, turus Yohanes baptis pa dorang di kali Yordan. 6Yohanes pake juba#1:6: Yohanes pe juba itu sama deng dulu nabi Elia pe juba (2Raj. 1:8). dari unta pe bulu-bulu. Dia pe ban dari binatang pe kuli. Dia pe makanang boto-boto deng madu utang. 7Ini lagi yang dia bilang pa orang-orang di sana, “Nanti abis kita, ada satu Orang yang mo datang, Dia pe kuasa lebe basar dari kita. Mo maruku buka Dia pe tali sandal me kita tara pantas. 8Kita baptis pa ngoni pake aer, tapi Dia mo baptis pa ngoni deng Roh Kudus.”
Yohanes baptis pa Yesus
(Mat. 3:13-17; Luk. 3:21-22)
9Waktu Yohanes ada baptis orang, Yesus datang dari Nazaret di daera Galilea, kong Yohanes baptis pa Dia di kali Yordan. 10Bagitu Yesus kaluar dari aer, Dia lia langit tabalá, kong Roh Kudus sama deng burung pombo turung di atas pa Dia. 11#Kej. 22:2; Mzm. 2:7; Yes. 42:1; Mat. 3:17, 12:18; Mrk. 9:7; Luk. 3:22, 9:35 Kong, dapa dengar Tuhan Allah pe suara dari sorga bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”
Iblis goda pa Yesus
(Mat. 4:1-11; Luk. 4:1-13)
12Abis itu, Roh Kudus langsung bawa pa Yesus di padang gurun, tampa yang jao dari kampong. 13Yesus tinggal di padang gurun itu selama ampa pulu hari. Di situ, Iblis, setang-setang pe raja goda pa Dia. Dia tinggal di sana deng binatang-binatang liar, kong malaekat-malaekat layani pa Dia.
Yesus mulai kase tau Kabar Bae dari Tuhan Allah di daera Galilea
(Mat. 4:12-22; Luk. 4:14-15, 5:1-11)
14Waktu Yohanes Pembaptis dapa maso di penjara, Yesus pigi di daera Galilea, kong kase tau Kabar Bae dari Tuhan Allah di sana. 15#Mat. 3:2, 4:7 Dia bilang bagini, “Dia pe waktu yang Tuhan Allah tentukan so sampe. Tuhan Allah so mo Berkuasa sebagai Raja pa orang-orang yang percaya pa Dia. Jadi, bertobat suda deng percaya Kabar Bae itu.”
Yesus pangge Dia pe murit-murit yang pertama
(Mat. 4:18-22; Luk. 5:1-11)
16Satu kali bagini, Yesus bajalang iko di talaga Galilea pe pinggir. Kong Dia dapa lia dua orang ade kaka, dorang pe nama Simon deng Andreas. Dorang dua ada bajala ikang di talaga, barang dong pe karja bacari ikang. 17Kong Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.” 18Pe dengar itu, dorang dua langsung kase tinggal dong pe jala kong iko pa Yesus.
19Abis itu, Yesus bajalang ka sana sadiki lagi, kong Dia dapa lia pa Yakobus deng dia pe sudara Yohanes. Dorang dua ini Zebedeus pe ana-ana. Dorang dua ada kase bae-bae dong pe jala dalam parau. 20Turus Yesus langsung pangge pa dorang dua, kong dorang iko pa Yesus. Jadi dorang kase tinggal dorang pe papa sama-sama deng orang-orang karja yang ada di parau.
Yesus user setang pa satu orang yang kemasukan
(Luk. 4:31-37)
21Yesus deng Dia pe murit-murit sampe di Kapernaum. Pas di hari Sabat, Yesus langsung maso di ruma ibada agama Yahudi kong mangajar di situ. 22#Mat. 7:28-29; Luk. 4:32 Orang-orang di situ yang dengar Dia pe ajaran jadi herang, karna Dia mangajar pa dorang deng kuasa, tara sama deng guru-guru agama Yahudi yang ahli lima kitab Musa. 23Pas waktu itu, ada satu orang di ruma ibada itu kemasukan setang. Orang itu langsung bataria bagini, 24“Ee, Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”
25Tapi Yesus togor deng suara karas pa setang yang ada dalam orang itu, “Badiam! Kaluar ngana dari dia!”
26Turus setang itu biking pa orang itu sampe totofore. Waktu orang itu bataria kuat-kuat, setang itu kaluar dari orang itu. 27Samua orang yang ada di situ jadi herang, sampe dorang baku bilang, “Ee, coba ngoni perhatikan bae-bae! Ini ajaran baru! Dia bicara deng kuasa, sampe setang-setang me iko Dia pe parenta.”
28Dari situ, carita tentang Yesus itu capat skali tasiar sampe di samua tampa di daera Galilea.
Yesus kase sembu Simon pe mama mantu deng orang laeng
(Mat. 8:14-17; Luk. 4:38-41)
29Pe kaluar dari ruma ibada agama Yahudi itu, Yesus, Yakobus deng Yohanes langsung pigi pa Simon deng Andreas pe ruma. 30Waktu itu, Simon pe mama mantu ada tidor-tidor, barang dia damang. Kong, dorang langsung kase tau dia pe keadaan pa Yesus. 31Turus, Yesus ka sana pa Simon pe mama mantu, pegang dia pe tangan kong kase bangun pa dia. Waktu itu suda, Simon pe mama mantu sembu kong dia layani dorang makang.
32Waktu so mo malam, ada yang datang bawa samua orang yang saki deng yang kemasukan setang pa Yesus, 33sampe samua orang yang ada di kota itu datang bakumpul di muka ruma itu. 34Kong Yesus kase sembu banya orang yang dapa sagala macam panyake, Dia me user banya setang pa orang-orang yang kemasukan setang. Yesus tara kase bae setang-setang itu bicara, barang setang-setang itu tau sapa Yesus.
Yesus kase tau Kabar Bae di ruma-ruma ibada agama Yahudi
(Luk. 4:42-44)
35Dia pe amper siang, Yesus bangun kong kaluar dari ruma. Dia pigi di tampa sunyi kong berdoa di situ. 36Tapi Simon deng dia pe tamang-tamang pigi cari pa Yesus. 37Waktu dorang baku dapa deng Yesus, dorang bilang, “Guru, ada banya orang yang cari pa Guru.”
38Yesus bilang, “Mari torang pigi di tampa laeng, di kota-kota yang dekat dari sini, la Kita kase tau Kabar Bae di sana lagi. Barang, Kita dapa utus di dunia ini untuk kase tau Kabar Bae itu.”
39 #
Mat. 4:23, 9:35; Luk. 4:44 Turus, Yesus pigi di samua tampa di daera Galilea. Dia kase tau Kabar Bae dari Tuhan Allah pa dorang di ruma-ruma ibada agama Yahudi, deng user setang-setang dari orang yang kemasukan.
Yesus kase sembu satu orang yang panyake lepra
(Mat. 8:1-4; Luk. 5:12-16)
40Ada satu orang yang panyake lepra datang pa Yesus. Orang itu berlutut pa Yesus pe muka kong minta tolong bagini, “Bapa, kalu Bapa mau, Bapa bole kase sembu pa kita.”
41Yesus rasa kasiang pa orang itu. Turus Yesus taru Dia pe tangan pa orang itu, kong Dia bilang bagini, “Kita mau ngana sembu. Jadi skarang ngana sembu suda!” 42Waktu itu suda, orang itu pe panyake lepra itu langsung ilang, kong dia jadi sembu.
43Abis itu, Yesus langsung suru orang itu pigi. Tapi Yesus kase inga deng tegas pa dia bagini, 44#Im. 14:1-32 “Inga e, jang ngana bilang pa sapa-sapa, Kita yang kase sembu pa ngana. Tapi ngana pigi pa imam, supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”
45Tapi orang itu pigi carita di orang laeng apa yang so jadi pa dia. Jadi, Yesus so tara bisa batunju muka lagi di kota, Dia cuma bisa tinggal di tampa-tampa sunyi di luar kota. Tapi biar bagitu, orang-orang dari mana-mana tampa me datang turus pa Dia.
Currently Selected:
Markus 1: PB MMU
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020
Markus 1
1
Yohanes Pembaptis suru orang bertobat supaya siap tarima pa Tuhan
(Mat. 3:1-12; Luk. 3:1-18; Yoh. 1:19-28)
1Ini Kabar Bae tentang Yesus Kristus, Anak Allah. 2#Mal. 3:1 Dari dulu, Kabar Bae ini so tatulis di kitab nabi Yesaya bagini,
“Perhatikan e! Kita mo suru Kita pe utusan datang kamuka dari Ngana.
Dia itu yang mo buka jalang untuk Ngana,
supaya orang pe hati siap mo tarima pa Ngana.
3 #
Yes. 40:3
Di padang gurun, tampa yang jao dari kampong,
dia mo bicara kuat-kuat pa orang-orang yang bakumpul di situ bagini,
‘Buka jalang untuk tarima pa Tuhan,
kase lurus jalang la sambut pa Dia.’ ”
4Tuhan pe utusan itu pe nama Yohanes Pembaptis. Dia datang di padang gurun, tampa yang jao dari kampong, kong di situ dia kase tau pa orang-orang bagini, “Bertobat suda kong iko pa Tuhan Allah, deng bagitu Tuhan Allah mo kase ampun pa ngoni. Kong kase suda ngoni pe diri la dapa baptis, itu tanda ngoni so bertobat.”
5Kong banya skali orang dari kota Yerusalem deng samua tampa laeng di daera Yudea datang pa Yohanes. Dorang mangaku dong pe dosa, turus Yohanes baptis pa dorang di kali Yordan. 6Yohanes pake juba#1:6: Yohanes pe juba itu sama deng dulu nabi Elia pe juba (2Raj. 1:8). dari unta pe bulu-bulu. Dia pe ban dari binatang pe kuli. Dia pe makanang boto-boto deng madu utang. 7Ini lagi yang dia bilang pa orang-orang di sana, “Nanti abis kita, ada satu Orang yang mo datang, Dia pe kuasa lebe basar dari kita. Mo maruku buka Dia pe tali sandal me kita tara pantas. 8Kita baptis pa ngoni pake aer, tapi Dia mo baptis pa ngoni deng Roh Kudus.”
Yohanes baptis pa Yesus
(Mat. 3:13-17; Luk. 3:21-22)
9Waktu Yohanes ada baptis orang, Yesus datang dari Nazaret di daera Galilea, kong Yohanes baptis pa Dia di kali Yordan. 10Bagitu Yesus kaluar dari aer, Dia lia langit tabalá, kong Roh Kudus sama deng burung pombo turung di atas pa Dia. 11#Kej. 22:2; Mzm. 2:7; Yes. 42:1; Mat. 3:17, 12:18; Mrk. 9:7; Luk. 3:22, 9:35 Kong, dapa dengar Tuhan Allah pe suara dari sorga bagini, “Ngana ini Kita pe Anak, Kita paling sayang pa Ngana. Ngana yang biking Kita pe hati sanang.”
Iblis goda pa Yesus
(Mat. 4:1-11; Luk. 4:1-13)
12Abis itu, Roh Kudus langsung bawa pa Yesus di padang gurun, tampa yang jao dari kampong. 13Yesus tinggal di padang gurun itu selama ampa pulu hari. Di situ, Iblis, setang-setang pe raja goda pa Dia. Dia tinggal di sana deng binatang-binatang liar, kong malaekat-malaekat layani pa Dia.
Yesus mulai kase tau Kabar Bae dari Tuhan Allah di daera Galilea
(Mat. 4:12-22; Luk. 4:14-15, 5:1-11)
14Waktu Yohanes Pembaptis dapa maso di penjara, Yesus pigi di daera Galilea, kong kase tau Kabar Bae dari Tuhan Allah di sana. 15#Mat. 3:2, 4:7 Dia bilang bagini, “Dia pe waktu yang Tuhan Allah tentukan so sampe. Tuhan Allah so mo Berkuasa sebagai Raja pa orang-orang yang percaya pa Dia. Jadi, bertobat suda deng percaya Kabar Bae itu.”
Yesus pangge Dia pe murit-murit yang pertama
(Mat. 4:18-22; Luk. 5:1-11)
16Satu kali bagini, Yesus bajalang iko di talaga Galilea pe pinggir. Kong Dia dapa lia dua orang ade kaka, dorang pe nama Simon deng Andreas. Dorang dua ada bajala ikang di talaga, barang dong pe karja bacari ikang. 17Kong Yesus pangge pa dorang dua, “Mari, iko pa Kita! Ngoni biasa bacari ikang, tapi Kita mo ajar pa ngoni untuk cari orang supaya dorang iko pa Kita.” 18Pe dengar itu, dorang dua langsung kase tinggal dong pe jala kong iko pa Yesus.
19Abis itu, Yesus bajalang ka sana sadiki lagi, kong Dia dapa lia pa Yakobus deng dia pe sudara Yohanes. Dorang dua ini Zebedeus pe ana-ana. Dorang dua ada kase bae-bae dong pe jala dalam parau. 20Turus Yesus langsung pangge pa dorang dua, kong dorang iko pa Yesus. Jadi dorang kase tinggal dorang pe papa sama-sama deng orang-orang karja yang ada di parau.
Yesus user setang pa satu orang yang kemasukan
(Luk. 4:31-37)
21Yesus deng Dia pe murit-murit sampe di Kapernaum. Pas di hari Sabat, Yesus langsung maso di ruma ibada agama Yahudi kong mangajar di situ. 22#Mat. 7:28-29; Luk. 4:32 Orang-orang di situ yang dengar Dia pe ajaran jadi herang, karna Dia mangajar pa dorang deng kuasa, tara sama deng guru-guru agama Yahudi yang ahli lima kitab Musa. 23Pas waktu itu, ada satu orang di ruma ibada itu kemasukan setang. Orang itu langsung bataria bagini, 24“Ee, Yesus orang Nazaret! Jang iko campur deng torang pe urusan. Jang kase mati pa torang. Kita tau Ngana sapa. Ngana ini Orang Suci dari Tuhan Allah.”
25Tapi Yesus togor deng suara karas pa setang yang ada dalam orang itu, “Badiam! Kaluar ngana dari dia!”
26Turus setang itu biking pa orang itu sampe totofore. Waktu orang itu bataria kuat-kuat, setang itu kaluar dari orang itu. 27Samua orang yang ada di situ jadi herang, sampe dorang baku bilang, “Ee, coba ngoni perhatikan bae-bae! Ini ajaran baru! Dia bicara deng kuasa, sampe setang-setang me iko Dia pe parenta.”
28Dari situ, carita tentang Yesus itu capat skali tasiar sampe di samua tampa di daera Galilea.
Yesus kase sembu Simon pe mama mantu deng orang laeng
(Mat. 8:14-17; Luk. 4:38-41)
29Pe kaluar dari ruma ibada agama Yahudi itu, Yesus, Yakobus deng Yohanes langsung pigi pa Simon deng Andreas pe ruma. 30Waktu itu, Simon pe mama mantu ada tidor-tidor, barang dia damang. Kong, dorang langsung kase tau dia pe keadaan pa Yesus. 31Turus, Yesus ka sana pa Simon pe mama mantu, pegang dia pe tangan kong kase bangun pa dia. Waktu itu suda, Simon pe mama mantu sembu kong dia layani dorang makang.
32Waktu so mo malam, ada yang datang bawa samua orang yang saki deng yang kemasukan setang pa Yesus, 33sampe samua orang yang ada di kota itu datang bakumpul di muka ruma itu. 34Kong Yesus kase sembu banya orang yang dapa sagala macam panyake, Dia me user banya setang pa orang-orang yang kemasukan setang. Yesus tara kase bae setang-setang itu bicara, barang setang-setang itu tau sapa Yesus.
Yesus kase tau Kabar Bae di ruma-ruma ibada agama Yahudi
(Luk. 4:42-44)
35Dia pe amper siang, Yesus bangun kong kaluar dari ruma. Dia pigi di tampa sunyi kong berdoa di situ. 36Tapi Simon deng dia pe tamang-tamang pigi cari pa Yesus. 37Waktu dorang baku dapa deng Yesus, dorang bilang, “Guru, ada banya orang yang cari pa Guru.”
38Yesus bilang, “Mari torang pigi di tampa laeng, di kota-kota yang dekat dari sini, la Kita kase tau Kabar Bae di sana lagi. Barang, Kita dapa utus di dunia ini untuk kase tau Kabar Bae itu.”
39 #
Mat. 4:23, 9:35; Luk. 4:44 Turus, Yesus pigi di samua tampa di daera Galilea. Dia kase tau Kabar Bae dari Tuhan Allah pa dorang di ruma-ruma ibada agama Yahudi, deng user setang-setang dari orang yang kemasukan.
Yesus kase sembu satu orang yang panyake lepra
(Mat. 8:1-4; Luk. 5:12-16)
40Ada satu orang yang panyake lepra datang pa Yesus. Orang itu berlutut pa Yesus pe muka kong minta tolong bagini, “Bapa, kalu Bapa mau, Bapa bole kase sembu pa kita.”
41Yesus rasa kasiang pa orang itu. Turus Yesus taru Dia pe tangan pa orang itu, kong Dia bilang bagini, “Kita mau ngana sembu. Jadi skarang ngana sembu suda!” 42Waktu itu suda, orang itu pe panyake lepra itu langsung ilang, kong dia jadi sembu.
43Abis itu, Yesus langsung suru orang itu pigi. Tapi Yesus kase inga deng tegas pa dia bagini, 44#Im. 14:1-32 “Inga e, jang ngana bilang pa sapa-sapa, Kita yang kase sembu pa ngana. Tapi ngana pigi pa imam, supaya dia lia ngana so sembu, deng ngana kase ngana pe binatang korban persembahan untuk Tuhan Allah, sama deng yang nabi Musa parenta. Ngana biking bagitu supaya jadi bukti pa orang-orang, ngana memang butul-butul so sembu.”
45Tapi orang itu pigi carita di orang laeng apa yang so jadi pa dia. Jadi, Yesus so tara bisa batunju muka lagi di kota, Dia cuma bisa tinggal di tampa-tampa sunyi di luar kota. Tapi biar bagitu, orang-orang dari mana-mana tampa me datang turus pa Dia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Perjanjian Baru Bahasa Melayu Maluku Utara @ Lembaga Alkitab Indonesia 2020