Jone 13
13
Jisu tama pusaeko o disaipeli madu ko kiti
1Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.
2Ni Jisu ni voko disaipeli poso ta kebeta papuake ni kebeta vuatake. Ni kala pado vovo disaipeli, Jiudasi va kikelani, Saimone Isikarioti vo meqora, vo Setani ta lula ota va niumaeka voko kerukeru tu vota o saiqorivo vo Jisu. 3Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio. 4So sole Jisu ta o lojoake sai se kebeta vuatakoi kazo ni vota o ivikake voko topia rosia sabosabo ni o koake ko taolo ni okai luitiziake. 5Ni koko tova inio vota o koake ko ju ni o raibikake kama pado ju ko teamuteamu ko poro kale, ni vota o taniekake tama pusaeko omaomadeu kale voko disaipeli madu ko kiti poso, nio koa taolo ko vo okai luitiziovima kale vota ota ma puqoekake seko kiti.
6Ni Jisu ta obeta olake tama pusaeko seko kiti. Ni so keru obe tava pusaeko kiola keru vo Saimone Pita ko kiti, nio Saimone Pita ta eri kiolake, “Kei, Lekasa, ṉota ṉoda la pusaekou nio aṉako kiti kio?” kiolake.
7Nio Jisu ta o vati tiorikake vo ni eri va kiolake vo, “Koe Pita, ṉota pui nio ṉo baqumuka aṉa ṉoko kiti taṉa pusaeko ko kalo, melai mainio ṉota ṉoba uria kelou ni ṉoba paqumukou koko kalo,” kiolake.
8Nio Pita ta o dokolivo kiolake sole mata matuvole eri kiolake vokasi, “Lekasa, ṉota maba pui ṉoba tala pusaekou aṉako omuqa kiti, vairutu ni tova, maba pui ti pui,” kiolake.
Nio Jisu ta eri kiolake vokasi, “Tuvevo avole aṉata a bazueṉa ṉo, Pita, aṉata pui ada ṉa pusaekou ṉoko omuqa kiti tea, ṉota pui ṉoba roveovou aṉavo disaipeli elo,” kiolake.
9Nio so keru Saimone Pita o viqa keru koa pesio pado inio vota eri kiolake vokasi, “Koe, Lekasa, so ko kalou ta pui tala pusae aṉako kiti pala, melai ṉota tala pusae aṉako omuqa ṉase ni so jari a lezu!” kiolake.
10Nio Jisu ta eri kiolake vokasi, “Pui, vo maba vo lula o siusiutani ta lula uri ni bulebule ala, voko omuqa kiti pala keta va pusaekou, so inio erisaṉa aṉata ada mela pusaekou meko kiti pala. Ni mea kiada mela aṉako disaipeli poso mela ta lula uria elo ni bulebule meda eva, omadeu pado maba me azo ta pui inio bulebule o eva,” kiolake. 11(Ako Jisu ta lula ovai nianiiake voa maba vo o saiqorivo ala vo, Sokale avo inio vota so kiolake, “Mea kiada mela ta lula bulebule muli, melai omadeu maba me azo ta pui inio bulebule o eva,” kiolake).
12Ni so keru vo Jisu o paike keru pusaeko seko kiti inio vota o kiakake mata voko sabosabo, ni vota mata ota papuake, ni eri ma kiolake, “Meta me baqumuka koko kio ni kalo ko quli aṉa a melai erekalama, kio? 13Meta Titisa ni Lekasa la kimela aṉa, ni kota tuvevo ko so me kimelani, ako so inio ko aṉa. 14Sole eri nio. Aṉa, mevo Lekasa ni Titisa lala ta a busaekala meko kiti, so sole me melai pusaekomo kala mati kala ko kiti. 15So inio aṉata a qatimelala me kama pado mamola tu meta me erekou muli omadeuvo aṉa a mela erekalama jari me. 16Aṉata a bazuemela me, puliala nabulu inio raura kala vovo lekasa kasi azo, ni puliala o soroivani bazu sate ta raura kala vo o soroevani kasi azo. 17Erisaṉa meta me baqumuka koa korokoroti ama kalo ko meme ereko ama, so sole meta me erekou koa kalo inio meta maurumaurua mela meda elou.
18“Aṉata pui mea kiada mela ta soa maurumaurua mela kiala, ako aṉata amai nianiia se sidopu amu aṉa lula a bitoemani sole. Melai ko Tabu ama Riki ko kasekema ta tuvevo ko elou ko eri, ‘Voa maba o kuani aṉako sailao aṉa sase ta o jaṉarilou aṉa voko mauta kale’. 19Aṉata a melai bazueka komi erisaṉa puliako ko ereilo, tu tova ko ereilou keru ko, ta meta tuvevo me ikou ko ‘Aṉa inio ko aṉa lala’ kio. 20Tuvevo avole aṉata eri kiala mekasi, vo o baroekimani se aṉa a joroemani ta o baroekila aṉa, ni vo o baroekilani aṉa ta o baroekiva vo o soroeleni aṉa,” kiolake vo Jisu.
Jisu ko pidokiko voko saiqorivo
(Matiu 26:20-25; Maka 14:17-21; Luke 22:21-23)
21Ni Jisu ta o paikake voko bazubazu ni vota upotuqu ota evake voko auvana kale, ni eri kiolake, “Aṉata a bazuemela me, kala me azo ta o saiqorilou aṉa,” kiolake.
22Nio ke viqa keru ko se disaipeli madu ta keta toirikiniake ke ṉavio kude, matu niuniala kekai evake lala inio o kasevani kikelake sole. 23Nio kala pado sea disaipeli madu azo, voa pado vo Jisu o matu roquevani, ta obeta papuake Jisu ko ketaketa. 24Sole Saimone Pita ta o simoevake vo ni eri kiolake moizavole, “Kuimaeva vo lala inio vo o kasevani, kive,” kiolake.
25So sole voa disaipeli ta Jisu ko matu sipole o vatutake ni vota o kuimaevake, “Lala inio vo vo, Lekasa?” kiolake.
26Nio Jisu ta o tiorizatake, “Aṉata a balamukou ko bereti ni a jusekou, ni a qativo ala tu o kuo, vo inio voa maba.” So sole vota o ṉisurikake koa bereti ni o susekake ko ni o kativake vo Jiudasi, vo Saimone Isikarioti vo meqora. 27Ni eria kovo obe evake vo Jiudasi koa bereti, inio vo Setani ta ovai amaqeake vo. Sai nio Jisu ta eri kiolake vo Jiudasi kasi, “Taukavole ereka ko ṉo ṉoqa zariako ereko!” kiolake. 28Melai puliala kala pado koa tevolo kasi o evani ta o paqumukake koko kio ni kalo ko quli Jisu so ka kiovema quli vokasi. 29Jiudasi ta seleni baeke o kati vailani, so sole sea disaipeli madu ta ke kerukerutake ta Jisu ta o soroeva vo tu vota opa tatabaraeko kama ṉojola ko quli esa, ma tu o katimo kama seleni se ozaoza kamu tauvemole esa, kikelake.
Vairu ama bazu
30Nio Jiudasi ta o koake koa bereti ti omadeu saqoro inio obeta evake. So keru ta lula ipu.
31Ni lula vo Jiudasi o vaemake se saita inio Jisu ta kasavole eri kiolake, “Erisaṉa aṉa maba a eveni lala ko ṉaṉaidara ta ko puratou, ni vo Baṉara ko ṉaṉaidara ta piza kavole ko puratou aṉa kale kude. 32Ni vo Baṉara ko ṉaṉaidara ta ko puratou aṉa kale kude, so sole vo Baṉara ta mata o puratikou nio aṉa maba a eveni lala ko ṉaṉaidara o ṉavi kale kude, ni vota o puratikou ko taukavole. 33A matu roquemelani lolo poso mela, puliako tu keu aṉata a vaemelou me. Ni meta me vaililou aṉa, melai erisaṉa aṉata a melai bazuekou ko quli se Jiu ama tanatanamu lula amai bazuekema quli, ‘Meta pui meba roveovou zio sai aṉa a ziovoa koi.’ 34Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli. 35Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”
Jisu ko pidokiko Pita ko zolio
(Matiu 26:31-35; Maka 14:27-31; Luke 22:31-34)
36Nio vo Saimone Pita ta eri kiolake vokasi, “Lai nio ṉoda ziovou, Lekasa?” kiolake.
Nio vo Jisu ta eri va kiolake, “Ṉota pui ṉoba roveovou luluelo aṉa sai aṉa a ziovoa koi. Melai ṉota ṉo lulueloa laṉa inio aṉa tova,” kiolake.
37Nio Pita ta eri kiolake, “Lekasa, noi sole inio aṉata pui aba lulueṉou ṉo erisaṉa? Ako aṉata a inainaovani lala inio tu aṉata aṉa vou ṉo sole,” kiolake.
38Nio Jisu ta o vati tiorikake, ni eri kiolake, “Ṉota ṉo uria inainaova tu ṉota ṉola vouvou aṉa, kiṉola kio? Tuvevo avole aṉata a bazueṉa ṉo, maba komia ipu kale puliako kokorako zialo ṉota ṉoda zoliovou ni eri kiṉovou zouke taku, ‘Aṉata pui avai nianiia vo,’ kiṉovou,” kiolake.
Currently Selected:
Jone 13: BLBNT
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.
Jone 13
13
Jisu tama pusaeko o disaipeli madu ko kiti
1Ni so keru ko Alokato ko Ṉojola lea kota barou kio keru, inio koa raisiraisi nio Jisu ta o papuake ni o vuatake voko disaipeli madu sase. Jisu ta lula okai nianiiake ta taku ta lula kota baroa tu vota o vaeko komia peuru ma peuru tu o vaito o Mama kasi aukale ama peuru kale. Koko tanitanila keru azo Jisu ta o roqueme voko pitasa maba madu seke eveni vo sase peuru ma peuru kale, ni erisaṉa vota kasa oma ikake voko roquano ko matu.
2Ni Jisu ni voko disaipeli poso ta kebeta papuake ni kebeta vuatake. Ni kala pado vovo disaipeli, Jiudasi va kikelani, Saimone Isikarioti vo meqora, vo Setani ta lula ota va niumaeka voko kerukeru tu vota o saiqorivo vo Jisu. 3Nio Jisu ta lula o paqumukake ta vovo Mama ta lula o kativa vo ko pizato tu o ereko kiadakiadama quli, ni vota o kuevi Baṉara kasi azo ni vota mata ota tova vaitou Baṉara kasi kio. 4So sole Jisu ta o lojoake sai se kebeta vuatakoi kazo ni vota o ivikake voko topia rosia sabosabo ni o koake ko taolo ni okai luitiziake. 5Ni koko tova inio vota o koake ko ju ni o raibikake kama pado ju ko teamuteamu ko poro kale, ni vota o taniekake tama pusaeko omaomadeu kale voko disaipeli madu ko kiti poso, nio koa taolo ko vo okai luitiziovima kale vota ota ma puqoekake seko kiti.
6Ni Jisu ta obeta olake tama pusaeko seko kiti. Ni so keru obe tava pusaeko kiola keru vo Saimone Pita ko kiti, nio Saimone Pita ta eri kiolake, “Kei, Lekasa, ṉota ṉoda la pusaekou nio aṉako kiti kio?” kiolake.
7Nio Jisu ta o vati tiorikake vo ni eri va kiolake vo, “Koe Pita, ṉota pui nio ṉo baqumuka aṉa ṉoko kiti taṉa pusaeko ko kalo, melai mainio ṉota ṉoba uria kelou ni ṉoba paqumukou koko kalo,” kiolake.
8Nio Pita ta o dokolivo kiolake sole mata matuvole eri kiolake vokasi, “Lekasa, ṉota maba pui ṉoba tala pusaekou aṉako omuqa kiti, vairutu ni tova, maba pui ti pui,” kiolake.
Nio Jisu ta eri kiolake vokasi, “Tuvevo avole aṉata a bazueṉa ṉo, Pita, aṉata pui ada ṉa pusaekou ṉoko omuqa kiti tea, ṉota pui ṉoba roveovou aṉavo disaipeli elo,” kiolake.
9Nio so keru Saimone Pita o viqa keru koa pesio pado inio vota eri kiolake vokasi, “Koe, Lekasa, so ko kalou ta pui tala pusae aṉako kiti pala, melai ṉota tala pusae aṉako omuqa ṉase ni so jari a lezu!” kiolake.
10Nio Jisu ta eri kiolake vokasi, “Pui, vo maba vo lula o siusiutani ta lula uri ni bulebule ala, voko omuqa kiti pala keta va pusaekou, so inio erisaṉa aṉata ada mela pusaekou meko kiti pala. Ni mea kiada mela aṉako disaipeli poso mela ta lula uria elo ni bulebule meda eva, omadeu pado maba me azo ta pui inio bulebule o eva,” kiolake. 11(Ako Jisu ta lula ovai nianiiake voa maba vo o saiqorivo ala vo, Sokale avo inio vota so kiolake, “Mea kiada mela ta lula bulebule muli, melai omadeu maba me azo ta pui inio bulebule o eva,” kiolake).
12Ni so keru vo Jisu o paike keru pusaeko seko kiti inio vota o kiakake mata voko sabosabo, ni vota mata ota papuake, ni eri ma kiolake, “Meta me baqumuka koko kio ni kalo ko quli aṉa a melai erekalama, kio? 13Meta Titisa ni Lekasa la kimela aṉa, ni kota tuvevo ko so me kimelani, ako so inio ko aṉa. 14Sole eri nio. Aṉa, mevo Lekasa ni Titisa lala ta a busaekala meko kiti, so sole me melai pusaekomo kala mati kala ko kiti. 15So inio aṉata a qatimelala me kama pado mamola tu meta me erekou muli omadeuvo aṉa a mela erekalama jari me. 16Aṉata a bazuemela me, puliala nabulu inio raura kala vovo lekasa kasi azo, ni puliala o soroivani bazu sate ta raura kala vo o soroevani kasi azo. 17Erisaṉa meta me baqumuka koa korokoroti ama kalo ko meme ereko ama, so sole meta me erekou koa kalo inio meta maurumaurua mela meda elou.
18“Aṉata pui mea kiada mela ta soa maurumaurua mela kiala, ako aṉata amai nianiia se sidopu amu aṉa lula a bitoemani sole. Melai ko Tabu ama Riki ko kasekema ta tuvevo ko elou ko eri, ‘Voa maba o kuani aṉako sailao aṉa sase ta o jaṉarilou aṉa voko mauta kale’. 19Aṉata a melai bazueka komi erisaṉa puliako ko ereilo, tu tova ko ereilou keru ko, ta meta tuvevo me ikou ko ‘Aṉa inio ko aṉa lala’ kio. 20Tuvevo avole aṉata eri kiala mekasi, vo o baroekimani se aṉa a joroemani ta o baroekila aṉa, ni vo o baroekilani aṉa ta o baroekiva vo o soroeleni aṉa,” kiolake vo Jisu.
Jisu ko pidokiko voko saiqorivo
(Matiu 26:20-25; Maka 14:17-21; Luke 22:21-23)
21Ni Jisu ta o paikake voko bazubazu ni vota upotuqu ota evake voko auvana kale, ni eri kiolake, “Aṉata a bazuemela me, kala me azo ta o saiqorilou aṉa,” kiolake.
22Nio ke viqa keru ko se disaipeli madu ta keta toirikiniake ke ṉavio kude, matu niuniala kekai evake lala inio o kasevani kikelake sole. 23Nio kala pado sea disaipeli madu azo, voa pado vo Jisu o matu roquevani, ta obeta papuake Jisu ko ketaketa. 24Sole Saimone Pita ta o simoevake vo ni eri kiolake moizavole, “Kuimaeva vo lala inio vo o kasevani, kive,” kiolake.
25So sole voa disaipeli ta Jisu ko matu sipole o vatutake ni vota o kuimaevake, “Lala inio vo vo, Lekasa?” kiolake.
26Nio Jisu ta o tiorizatake, “Aṉata a balamukou ko bereti ni a jusekou, ni a qativo ala tu o kuo, vo inio voa maba.” So sole vota o ṉisurikake koa bereti ni o susekake ko ni o kativake vo Jiudasi, vo Saimone Isikarioti vo meqora. 27Ni eria kovo obe evake vo Jiudasi koa bereti, inio vo Setani ta ovai amaqeake vo. Sai nio Jisu ta eri kiolake vo Jiudasi kasi, “Taukavole ereka ko ṉo ṉoqa zariako ereko!” kiolake. 28Melai puliala kala pado koa tevolo kasi o evani ta o paqumukake koko kio ni kalo ko quli Jisu so ka kiovema quli vokasi. 29Jiudasi ta seleni baeke o kati vailani, so sole sea disaipeli madu ta ke kerukerutake ta Jisu ta o soroeva vo tu vota opa tatabaraeko kama ṉojola ko quli esa, ma tu o katimo kama seleni se ozaoza kamu tauvemole esa, kikelake.
Vairu ama bazu
30Nio Jiudasi ta o koake koa bereti ti omadeu saqoro inio obeta evake. So keru ta lula ipu.
31Ni lula vo Jiudasi o vaemake se saita inio Jisu ta kasavole eri kiolake, “Erisaṉa aṉa maba a eveni lala ko ṉaṉaidara ta ko puratou, ni vo Baṉara ko ṉaṉaidara ta piza kavole ko puratou aṉa kale kude. 32Ni vo Baṉara ko ṉaṉaidara ta ko puratou aṉa kale kude, so sole vo Baṉara ta mata o puratikou nio aṉa maba a eveni lala ko ṉaṉaidara o ṉavi kale kude, ni vota o puratikou ko taukavole. 33A matu roquemelani lolo poso mela, puliako tu keu aṉata a vaemelou me. Ni meta me vaililou aṉa, melai erisaṉa aṉata a melai bazuekou ko quli se Jiu ama tanatanamu lula amai bazuekema quli, ‘Meta pui meba roveovou zio sai aṉa a ziovoa koi.’ 34Vairu ama bazu aṉata a qatimela me, ko eri: meta roquekiniomo muli. Omadeuvo aṉa lula a roquemela me jari, meta matu roquekiniomo muli. 35Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”
Jisu ko pidokiko Pita ko zolio
(Matiu 26:31-35; Maka 14:27-31; Luke 22:31-34)
36Nio vo Saimone Pita ta eri kiolake vokasi, “Lai nio ṉoda ziovou, Lekasa?” kiolake.
Nio vo Jisu ta eri va kiolake, “Ṉota pui ṉoba roveovou luluelo aṉa sai aṉa a ziovoa koi. Melai ṉota ṉo lulueloa laṉa inio aṉa tova,” kiolake.
37Nio Pita ta eri kiolake, “Lekasa, noi sole inio aṉata pui aba lulueṉou ṉo erisaṉa? Ako aṉata a inainaovani lala inio tu aṉata aṉa vou ṉo sole,” kiolake.
38Nio Jisu ta o vati tiorikake, ni eri kiolake, “Ṉota ṉo uria inainaova tu ṉota ṉola vouvou aṉa, kiṉola kio? Tuvevo avole aṉata a bazueṉa ṉo, maba komia ipu kale puliako kokorako zialo ṉota ṉoda zoliovou ni eri kiṉovou zouke taku, ‘Aṉata pui avai nianiia vo,’ kiṉovou,” kiolake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.