Jone 5
5
Jisu ko urikato toupa jukasi
1Ni koko tova inio Jisu ta o olake Jerusalema peuru kale, kai zomanole kama pado Jiu amu ko lotu ṉojola. 2Nio Jerusalema peuru kale, Sipi ko veutu ko sipole ta kama pado toupa ju, maba o erekema, sike ono sama, Hiburu pesio kale, se Jiu amu ko pesio, Betizata ka kikelako. 3Ni matu kubo maba madu se vere amu ta kebeta tekuake koa ono poso kale—se leqa kamu, ni raiqo amu, ni se lepu ama ṉase ni kiti samu.#5:3 Kama lulama riki poso kale ta eri kobeta ola: ‘Seta kebe tarekake koa toupa ju ko qiloqiloilo, 4 koa taku vo Baṉara vo mateana o saqora keru koa toupa jukale, ni o qiloqiloeka keru koa toupa ju. Ni so keru ko qiloqiloiva keru koa toupa ju kuleto o jourani vere ala maba ta ota urikake voko vere kale azo.’ 5Nio kala maba, vo zouke toni siotolu sabere vere ko voeni, vo melai inevoana obeta evake sai. 6Ni Jisu ta o olake ni o veake vo obeta tekuani sai, nio vota ovai nianiiake vo ta tuvevo vota lula so tinia tu keu ota evani nio verepo, so sole vota eri kiolake vokasi, “Ṉota ṉoqa zaria uriko kio?” kiolake.
7Nio voa vere ala maba ta o vati tiorikake vo, “Tanala, puliala kala pado maba ta opa tauvelou tu taukavole opa jouraelou aṉa koa toupa jukale so keru koko qiloqiloiva keru, sole a zio kiala sai mati edolola maba inio kuleto ota baroa sai,” kiolake.
8Nio Jisu ta eri kiolake vokasi, “Loje, lokieka ni zolaeka ṉoko kobo ni tali,” kiolake. 9Nio voa maba ta taukavole ota urikake, ni vota o zolaekake voko kobo, ni ota taliake.
Ni koa ṉaniu koko ereivo ta se Jiu amu ko Sabati ṉaniu. 10So sole se Jiu ama tanatanamu ta ke keake ko quli ni seta eri kikelake voa maba kasi, “Vairutu ta Sabati ṉaniu sole Mosese ko Bazu ta pui ko zarieṉa tu ṉo boriko ṉoko kobo,” kikelake.
11Nio vota o mati tiorikake se, “Vo o urikilalani aṉa ta eri lati kiolala, ‘Loje, ni borika ṉoko kobo ni tali,’ kiolala,” kiolake. 12Nio seta ke kuimaevake vo, “Lala inio voa maba vo ṉo o ṉati soruekalani kobo ko zolaeko ni talio?” kikelake.
13Melai voa maba vo o urikeni ta pui ovai nianiiake unei nio vo Jisu kio, ako koa zaekale ta matuma padopadoilo sole, ni Jisu ta ota daipaivake koa vaki ko valuvalu sole.
14Ni silo pala taku ko tova Jisu ta mata o toraevake voa maba Jelepade ko taqo kale o lipilipitani nio eri kiolake, “Keatini, ṉota ṉoda urika erisaṉa, so sole ṉota pui mata ṉo dova saruekou, ako so ta matuma tapata koṉai barou sole,” kiolake.
15Nio voa maba ta o nianiievake vo Jisu, ni vota o olake bazuemole se Jiu ama tanatanamu, “Vo aṉa o urikilalani ta Jisu inio voko ṉi,” kiolake sekasi.
16Nio koa iruruputo ko kio kale seta ke taniekake vai kideipo vo Jisu, ako vota o erekake ko urikato Sabati ṉaniu kale sole. 17Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.
18Nio koa pesio kale avo se Jiu ama tanatanamu ta keva matu zariake vouvaevo vo Jisu, pui voko niumaeko kale ko Sabati ko bazu kale ko kiada, melai voko kaseko kale vo Baṉara ta o ṉavivo Mama, ni voko kaseko kale ko vo ni Baṉara ta ijatinia kio kale.
Vo Meqora ko pizato poso
19So sole vo Jisu ta o mati tiorikake se, “Tuvevo avole aṉata a bazuemela me, aṉa vo Baṉara vo Meqora lala ta pui a rovea ereko kama quli a qiada kale kude melai aṉata a ereka ko quli aṉa a qeako aṉavo Mama o erekako quli ko kiada. Ako vo Mama o erekako quli jari ama ikio aṉa vovo Meqora lala a ereka sole. 20Ako vo Mama ta o roquela aṉa vovo Meqora lala ni vota ola kaseka kiadama quli o ṉavi o erekako quli. Vota ola kasekou mata raura kama quli koko topi tiniavo ama tu a erekou, ni kota ko vuzemelou mea kiada mela. 21Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani. 22Ni vo Mama ta puliala maba o titiziva tu o saevo ni o vou, melai vota o katile aṉa vovo Meqora lala voko titizato ko pado ama pizato, 23so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.
24“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale. 25Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou. 26Vo Mama ta saevo ko raki nio vota so jaria saevo ko raki o ilake aṉa vovo Meqora lala. 27Ni vota o katile ko pizato titizato ko, ako aṉata vo maba a eveni lala sole. 28Meta pui aqasiele kai elo komi, ako ko taku ta kobeta kueva so keru se voumu niami kale ke evani ta keta la viqou aṉako kora kio, 29ni seta ke zolailou niami kale azo ni ke saevou kio, ni se uri ke erekani ta ke zolailou ni ke kovou noqola kama saevo, melai se ruqe ke erekani ta ke zolailou ni ke kovou ko noqola kama tolailo sama koqotato.
Vo Baṉara inio o soroeveni vo Jisu
30“Aṉata pui a rovea ereko kama quli a ṉaviko pizato kale. Aṉata a ditizata vo Baṉara lati kiovevo kale, Sokale aṉako titizato ta sidopu ama, ako aṉata pui a lulueka a ṉaviko vatolo sole, melai kota vo o soroeleni aṉa ko vatolo ikio.
31“Aṉata aqai bazubazuta a ṉaviko quli tea, aṉako bazubazu ta puliala maba ta opa roveo tuvevo pueko. 32Melai vo aṉa olai bazubazutani ta obeta eva aṉa sase, ni aṉata aqai nianiia ta vo la kiolani aṉa ta tuvetuvevo avo. 33Meta me joroeme meko talio ko maba poso Jone kasi kuimaevole vo ni vo inio ota ka kaseke koko tuveano. 34Aṉata pui aqai kerua tu lai bazubazuto maba ko bazubazuilo kale, melai aṉata a qaseka tu meta me bakiovou. 35Jone ta kala juke jari o eve, ni vota o taloekiko ko zakaremu, ni meta meqa zariovi tu ko zolemelo voko zakaremu puju ama taku kale. 36Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio. 37Ni vo Mama, vo o soroeleni aṉa, vo melai olai bazubazutani aṉa. Melai meta puliama taku kale inio meba tava viqe voko kora, ni pui meba tava keve voko loilo, 38ni meta pui meda va tukieka voko bazubazu meko bulo kale, ako meta pui me duvevo puela sole aṉa, vo o soroeleni lala. 39Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa, 40melai meta pui meqa zaria tuvevo puelo aṉa tu meta me qovou ko saevo!
41“Aṉata pui nio aqa zaria rauraraurailo maba poso kasi. 42Melai aṉata a melai nianiia, ta meta pui me roqueva vo Baṉara meko bulo kale. 43Aṉata a quevi a Mama ko vatolo kale, melai meta pui me baroekila aṉa, melai kala maba vo o kilo ala o ṉaviko vatolo kale ta me baroekivou vo. 44Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa? 45Meta pui eri kimevou, aṉata a melai kuirikou meko pui tuvevo puelo a Mama ko tanama kale, ako pui aṉa melai Mosese inio voa maba vo me o melai kuiriko ala sole, voa Mosese vo o rikiekeni ko me meqai oquima Bazu. 46Meta lula maba tuvevo pueko me eva vo Mosese ko riki kikolani tea, meta me duvevo puelo inio aṉa, ako vota lula o kasele aṉa voko riki kale sole. 47Melai meta pui me duvevo puekani mela vo Mosese ko riki, sole noni kale inio meta me duvevo puekou aṉako bazubazu?” kiolake.
Currently Selected:
Jone 5: BLBNT
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.
Jone 5
5
Jisu ko urikato toupa jukasi
1Ni koko tova inio Jisu ta o olake Jerusalema peuru kale, kai zomanole kama pado Jiu amu ko lotu ṉojola. 2Nio Jerusalema peuru kale, Sipi ko veutu ko sipole ta kama pado toupa ju, maba o erekema, sike ono sama, Hiburu pesio kale, se Jiu amu ko pesio, Betizata ka kikelako. 3Ni matu kubo maba madu se vere amu ta kebeta tekuake koa ono poso kale—se leqa kamu, ni raiqo amu, ni se lepu ama ṉase ni kiti samu.#5:3 Kama lulama riki poso kale ta eri kobeta ola: ‘Seta kebe tarekake koa toupa ju ko qiloqiloilo, 4 koa taku vo Baṉara vo mateana o saqora keru koa toupa jukale, ni o qiloqiloeka keru koa toupa ju. Ni so keru ko qiloqiloiva keru koa toupa ju kuleto o jourani vere ala maba ta ota urikake voko vere kale azo.’ 5Nio kala maba, vo zouke toni siotolu sabere vere ko voeni, vo melai inevoana obeta evake sai. 6Ni Jisu ta o olake ni o veake vo obeta tekuani sai, nio vota ovai nianiiake vo ta tuvevo vota lula so tinia tu keu ota evani nio verepo, so sole vota eri kiolake vokasi, “Ṉota ṉoqa zaria uriko kio?” kiolake.
7Nio voa vere ala maba ta o vati tiorikake vo, “Tanala, puliala kala pado maba ta opa tauvelou tu taukavole opa jouraelou aṉa koa toupa jukale so keru koko qiloqiloiva keru, sole a zio kiala sai mati edolola maba inio kuleto ota baroa sai,” kiolake.
8Nio Jisu ta eri kiolake vokasi, “Loje, lokieka ni zolaeka ṉoko kobo ni tali,” kiolake. 9Nio voa maba ta taukavole ota urikake, ni vota o zolaekake voko kobo, ni ota taliake.
Ni koa ṉaniu koko ereivo ta se Jiu amu ko Sabati ṉaniu. 10So sole se Jiu ama tanatanamu ta ke keake ko quli ni seta eri kikelake voa maba kasi, “Vairutu ta Sabati ṉaniu sole Mosese ko Bazu ta pui ko zarieṉa tu ṉo boriko ṉoko kobo,” kikelake.
11Nio vota o mati tiorikake se, “Vo o urikilalani aṉa ta eri lati kiolala, ‘Loje, ni borika ṉoko kobo ni tali,’ kiolala,” kiolake. 12Nio seta ke kuimaevake vo, “Lala inio voa maba vo ṉo o ṉati soruekalani kobo ko zolaeko ni talio?” kikelake.
13Melai voa maba vo o urikeni ta pui ovai nianiiake unei nio vo Jisu kio, ako koa zaekale ta matuma padopadoilo sole, ni Jisu ta ota daipaivake koa vaki ko valuvalu sole.
14Ni silo pala taku ko tova Jisu ta mata o toraevake voa maba Jelepade ko taqo kale o lipilipitani nio eri kiolake, “Keatini, ṉota ṉoda urika erisaṉa, so sole ṉota pui mata ṉo dova saruekou, ako so ta matuma tapata koṉai barou sole,” kiolake.
15Nio voa maba ta o nianiievake vo Jisu, ni vota o olake bazuemole se Jiu ama tanatanamu, “Vo aṉa o urikilalani ta Jisu inio voko ṉi,” kiolake sekasi.
16Nio koa iruruputo ko kio kale seta ke taniekake vai kideipo vo Jisu, ako vota o erekake ko urikato Sabati ṉaniu kale sole. 17Nio Jisu ta o mati tiorikake se, “Aṉavo Mama ta pui o lalamatani iruruputo, ni aṉa melai soa iruruputo inio a eva,” kiolake.
18Nio koa pesio kale avo se Jiu ama tanatanamu ta keva matu zariake vouvaevo vo Jisu, pui voko niumaeko kale ko Sabati ko bazu kale ko kiada, melai voko kaseko kale vo Baṉara ta o ṉavivo Mama, ni voko kaseko kale ko vo ni Baṉara ta ijatinia kio kale.
Vo Meqora ko pizato poso
19So sole vo Jisu ta o mati tiorikake se, “Tuvevo avole aṉata a bazuemela me, aṉa vo Baṉara vo Meqora lala ta pui a rovea ereko kama quli a qiada kale kude melai aṉata a ereka ko quli aṉa a qeako aṉavo Mama o erekako quli ko kiada. Ako vo Mama o erekako quli jari ama ikio aṉa vovo Meqora lala a ereka sole. 20Ako vo Mama ta o roquela aṉa vovo Meqora lala ni vota ola kaseka kiadama quli o ṉavi o erekako quli. Vota ola kasekou mata raura kama quli koko topi tiniavo ama tu a erekou, ni kota ko vuzemelou mea kiada mela. 21Omadeuvo vo Mama ta o saevima se lula ke vovini, so jari pado inio aṉa vovo Meqora lala ta a jaevima se aṉa ama zariani. 22Ni vo Mama ta puliala maba o titiziva tu o saevo ni o vou, melai vota o katile aṉa vovo Meqora lala voko titizato ko pado ama pizato, 23so sole kiadamu ta ke rauraelou aṉa vovo Meqora lala omadeuvo vo Mama ke rauraeva jari. Vo pui o rauraelani aṉa vovo Meqora lala ta pui o rauraevani aṉavo Mama, vo o soroeleni aṉa.
24“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale. 25Tuvevo avole aṉata a bazuemela me, taku ta kobeta kueva ni kota lula kota baroa so keru se voumu keta la viqou keru aṉa Baṉara vo Meqora lala ko kora, ni seke viqo amu koa kora ta ke saevou. 26Vo Mama ta saevo ko raki nio vota so jaria saevo ko raki o ilake aṉa vovo Meqora lala. 27Ni vota o katile ko pizato titizato ko, ako aṉata vo maba a eveni lala sole. 28Meta pui aqasiele kai elo komi, ako ko taku ta kobeta kueva so keru se voumu niami kale ke evani ta keta la viqou aṉako kora kio, 29ni seta ke zolailou niami kale azo ni ke saevou kio, ni se uri ke erekani ta ke zolailou ni ke kovou noqola kama saevo, melai se ruqe ke erekani ta ke zolailou ni ke kovou ko noqola kama tolailo sama koqotato.
Vo Baṉara inio o soroeveni vo Jisu
30“Aṉata pui a rovea ereko kama quli a ṉaviko pizato kale. Aṉata a ditizata vo Baṉara lati kiovevo kale, Sokale aṉako titizato ta sidopu ama, ako aṉata pui a lulueka a ṉaviko vatolo sole, melai kota vo o soroeleni aṉa ko vatolo ikio.
31“Aṉata aqai bazubazuta a ṉaviko quli tea, aṉako bazubazu ta puliala maba ta opa roveo tuvevo pueko. 32Melai vo aṉa olai bazubazutani ta obeta eva aṉa sase, ni aṉata aqai nianiia ta vo la kiolani aṉa ta tuvetuvevo avo. 33Meta me joroeme meko talio ko maba poso Jone kasi kuimaevole vo ni vo inio ota ka kaseke koko tuveano. 34Aṉata pui aqai kerua tu lai bazubazuto maba ko bazubazuilo kale, melai aṉata a qaseka tu meta me bakiovou. 35Jone ta kala juke jari o eve, ni vota o taloekiko ko zakaremu, ni meta meqa zariovi tu ko zolemelo voko zakaremu puju ama taku kale. 36Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio. 37Ni vo Mama, vo o soroeleni aṉa, vo melai olai bazubazutani aṉa. Melai meta puliama taku kale inio meba tava viqe voko kora, ni pui meba tava keve voko loilo, 38ni meta pui meda va tukieka voko bazubazu meko bulo kale, ako meta pui me duvevo puela sole aṉa, vo o soroeleni lala. 39Meta me lezumuka ko Tabu ama Riki kikolani, ako meta eri kimela ta kokale inio me qovou ko noqola kama saevo kimela sole. Maba ko ikio koa Tabu ama Riki ko kolai bazutako aṉa, 40melai meta pui meqa zaria tuvevo puelo aṉa tu meta me qovou ko saevo!
41“Aṉata pui nio aqa zaria rauraraurailo maba poso kasi. 42Melai aṉata a melai nianiia, ta meta pui me roqueva vo Baṉara meko bulo kale. 43Aṉata a quevi a Mama ko vatolo kale, melai meta pui me baroekila aṉa, melai kala maba vo o kilo ala o ṉaviko vatolo kale ta me baroekivou vo. 44Meta meqa zaria rauraekinio me ṉavio kude, melai meta pui me erekani mela ko quli vo tuvevo ala Baṉara okai rauraemelo ama me, nio noni kale inio meta me roveovou tuvevo puelo aṉa? 45Meta pui eri kimevou, aṉata a melai kuirikou meko pui tuvevo puelo a Mama ko tanama kale, ako pui aṉa melai Mosese inio voa maba vo me o melai kuiriko ala sole, voa Mosese vo o rikiekeni ko me meqai oquima Bazu. 46Meta lula maba tuvevo pueko me eva vo Mosese ko riki kikolani tea, meta me duvevo puelo inio aṉa, ako vota lula o kasele aṉa voko riki kale sole. 47Melai meta pui me duvevo puekani mela vo Mosese ko riki, sole noni kale inio meta me duvevo puekou aṉako bazubazu?” kiolake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.