Matiu 23
23
Jisu mai kuiriko Jiu mu ko tanatanamu
(Maka 12:38-40; Luke 11:37-54; 20:45-47)
1Ni ko quli ko tova Jisu ta mata eri kiolake sea vaki kasi ni voko disaipeli madu kasi, 2“Se vo Mosese ko Bazu kekai nianiiekatani ni se Parese madu nio ke koeni koa koidi tu kekai nianiiekato koa Bazu. 3Sole meta me zorimou, ni me luluekou kiadama quli seke melai bazueko ama quli, tu me erekou. Melai meta pui meda ma luluekou seko kalo, ako seta pui ke ereka sole ke ṉavi, ko quli se kekai bazubazutake. 4Ni seta ke zuruzuruema maba poso tu ke zoriko matu tapata kama bazu poso omadeuvo matuma bouro kema ivika seko momo topi jari, melai seta pui ke tauvema se.
5“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi. 6Ni seta kekai zariani papu raura kama papupapu ṉojola kale ni so jari kekai zariani kai papu raura kama papupapu ilusato ko pade kale. 7Ni seta keka zariani tu maba poso ta ke rauraemo se tatabarao ko zaekale ni kemai nokaekou se seko tanamu ni titisa. 8“Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole. 9Ni meta puliala mevai nokaekou, ‘Mama’ komia miduku kale. Ako mevo Mama ta omadeu pado inio sole aukale. 10Ni meta pui meqai nokailou ko odikato ko maba mela, ako mevo odikato ko maba ta omadeu pado inio sole voa Pakio vo Baṉara o pitoeveni. 11Ni vo oka zariani raura elo mekasi azo ta mevo nabulu o elou. 12Ni vo oka zariovo ala raura elo ta zara o elou ni vo o zarazarailo ala ta raura o elou.”
Jisu mai kuiriko se Jiu amu ko tanatanamu seko kai lipalipaito kale ko sidopu
13“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.
14“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako me inio meda ma bibizikani mela naboko poso ko pade poso meko ubeubemo kale, ni koko tova me inio meqai lipalipaitani mela ko rosi ama vararaito ubutiania tu maba madu ta ke mela lelou pala!
15“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela! Me meqai lipalipaitani mela ko sidopu! Ako meta me ola kiadakoi, me dalia ivere kale ni siqo kale tu omadeu pado maba melai me lilivo, kimela, tu vo melai o luluekou meko nianiiekato, ni so keru me bokaova keru lilimo se maba poso, meta heli ko maba inio me ima se, me ṉavi jari, ni seko ruqe ta kobe kai paloasa me ṉaviko ruqe.
16“Matu ruqe ama quli kio ko melai barolou me leqa kama odikato ko maba poso mela, ako me inio me jaruemani mela nianiiekimo se maba madu ni eri kimela, ‘Kala ta maulu oka pikou ko Jelepade, melai koko tova inio pui o erekou ko quli vo maulu oka pikako quli melai uri, kimela, melai vo maulu oka piko ala ko qolo Jelepade kale ama, ta vo inio o erekou ko quli maulu oka pikako quli,’ kimela. 17Meta leqa kamela ni sarubea mela! Ako koa Jelepade ko me maulu meqa pikako ikio matuma quli kobe kai paloasako koa qolo Jelepade ko poro kale ama, ako ko Jelepade ikio tabu ko ikako koa qolo sole. Ta meta pui nio me baqumuka ko so kio? 18Ni meta mata me nianiiekimani mela se maba madu ni eri kimela, ‘Kala ta mata maulu oka pikou ko Jelepade ko tabu ama sara melai koko tova inio pui o erekou ko quli vo maulu oka pikako, melai uri kimela, melai vo maulu oka piko ala ko siqasiqa koa sara topi ama, vo inio o erekou ko quli vo maulu oka pikako,’ kimela. 19Meta leqa kamela ni sarubea mela! Koa sara ko me maulu meqa pikako ikio matuma quli kobe kai paloasako koa siqasiqa, ako ko sara ikio tabu ko ikako koa siqasiqa sole. Ta meta pui nio me baqumuka ko so kio? 20Sole kala maba ta maulu oka pikou ko sara pala, ti vota maulu inio mata oka pika koa kiadama siqasiqa koa sara ko topi ama. 21Ni vo maulu oka pikani ko Jelepade pala, ti maulu inio ova pika vo Baṉara, ako vo inio o evani sole Jelepade kale. 22Ni kala ta maulu oka pikou ko au pala, ti maulu ikio oka pika vo Baṉara ko raura kama papupapu ti mata maulu inio ova pika vo okai papuani koa papupapu.
23“Matu ruqe ama quli kio ko melai barolou me, me Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta me qati matu vaita ni me qativa vo Baṉara meko papapapa poso kale azo me qoako toni ama, ni koa silo ama paza kama papapapa poso kale azo me qajorikako quli melai me qativa koko toni ama, melai meta me vaeka ni pui me zorika koko matu qulepo ama nianiiekato vo Mosese ko Bazu, ko ikio ko sidopu, ni baiseo ni kerula kama kalo ereko. Kiadama komia matuma quli kio ko male tu me luluekou, ni pui ukaka me qati ikou koa silo ama quli melai. 24Me leqa kama odikato ko maba poso mela, so keru meme nozuta keru, meta me qati matu vaila tu pui me quirikou ko sidiki, melai matuma kameli kio lula me quirikako. 25“Matu ruqe ama quli kio ko melai barolou me vo Mosese ko bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo. 26Me leqa kama Parese madu mela! Meta bulebule ikomo kuleto meko kapa ko poro kale ama quli, ti koa pado ama kapa melai bulebule inio kobeta elou.
27“Matu ruqe ama quli kio ko melai barolou me, vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta tapo peda ke ikako niami jaria mela, koko kupekupe ta ileile melai koko poro kale ta vouma maba ko piza ni matu kubo sapeoma quli. 28So jari pado inio me, meko kupekupe ta memai lipaeka meko uri ama kalo ko ereko kiadama maba poso, melai meko omele ta lipalipa kama kerukeru, ni Baṉara ko Bazu ko pazoko,” ma kiolake vo Jisu.
Jisu mai bazueko seke kovo ama koqotato
(Luke 11:47-51)
29“Matu ruqe ama quli kio ko melai barolou me, vo Mosese ko Bazu meqai nianiiekatani mela ni me Parese madu mela! Me meqai lipalipaitani mela ko sidopu! Ako me inio me ileilea posamuko meda ma evani mela se poropita madu ko niami poso se meko taite poso ke vouvaemeni, ni matu ileile ama ni zalozaloni meda ma ikani mela seko niami seke sidopua luluekeni vo Mosese ko Bazu sole! 30Ni meta eri kimela, ‘Eṉeta lulamu ṉela tea, eṉeta pui nio ṉeba vouvaemo se poropita madu se eṉeko taite poso ke kaevo vouvaemo se poropita madu jari,’ kimela. 31Sole koa pesio kale meta me maba kai eraeraova ta meta meko taite poso ko vikuvikula kalea mela inio seke vouvaemeni se poropita madu! 32So sole me melai mebeta ziovou ni me okotikou meko taite poso ke kaevo vouvaemo se poropita madu. 33Meta dole jaria ruqea mela ni dole ko meqora poso mela! Meta maba pui meba taka lapasou vo Baṉara ko koqotato ko lula o mela vaekema heli kale. 34So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale. 35So inio me inio meda ka kovou koko tokaka sea sidopu ama maba poso ko vouvaemo kale avo, Ebolo ko vouvaevo kasi azo ti Zekaraia, vo Barakaea vo meqora, vo meme vouvaeveni koa Jelepade kale, koa sara ni Baṉara ko Tabu ama Zae ko tiania Jelepade ko taqo kale. 36Tuvevo avole aṉata a bazuemela me, mea erisaṉama maba poso mela inio meda ka kovou koko tokaka, se lulavo ke vouvaemeni ko,” kiolake vo Jisu.
Jisu ko roqueko ko Jerusalema
(Luke 13:34-35)
37Nio Jisu ta mata eri kiolake, “Me Jerusalema mela! Meta me daima ni me vouvaemani mela se poropita madu se vo Baṉara o soroemani mekasi! Latau taku inio aṉata a mela zaria padoemelo me tu a melati vailo, omadeuvo ko kokorako ta ko padoeka koko meqora poso koko zabu vima jari, melai meta meda lupaova! 38Sole meko peuru ta ivulu kota elou, ni Baṉara ta o vaekou meko Jelepade. 39Ni meta pui mata meba lelou aṉa, ti kobeta barolou koa taku so keru me eri kimevou keru, ‘Vo Baṉara ta mauru o ivou vo, vo o kuevani voko ṉikale,’ ” kiolake.
Currently Selected:
Matiu 23: BLBNT
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.
Matiu 23
23
Jisu mai kuiriko Jiu mu ko tanatanamu
(Maka 12:38-40; Luke 11:37-54; 20:45-47)
1Ni ko quli ko tova Jisu ta mata eri kiolake sea vaki kasi ni voko disaipeli madu kasi, 2“Se vo Mosese ko Bazu kekai nianiiekatani ni se Parese madu nio ke koeni koa koidi tu kekai nianiiekato koa Bazu. 3Sole meta me zorimou, ni me luluekou kiadama quli seke melai bazueko ama quli, tu me erekou. Melai meta pui meda ma luluekou seko kalo, ako seta pui ke ereka sole ke ṉavi, ko quli se kekai bazubazutake. 4Ni seta ke zuruzuruema maba poso tu ke zoriko matu tapata kama bazu poso omadeuvo matuma bouro kema ivika seko momo topi jari, melai seta pui ke tauvema se.
5“Seta ke ereka kiadama quli tu maba poso ta ke melo. Ni ke lupika Tabu ama Riki melai seko kape topi, tu seta raura kamu ke elo maba poso ko vilu kasa. Ni seta kekai aikaivani seko suma ko puzipuzi. 6Ni seta kekai zariani papu raura kama papupapu ṉojola kale ni so jari kekai zariani kai papu raura kama papupapu ilusato ko pade kale. 7Ni seta keka zariani tu maba poso ta ke rauraemo se tatabarao ko zaekale ni kemai nokaekou se seko tanamu ni titisa. 8“Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole. 9Ni meta puliala mevai nokaekou, ‘Mama’ komia miduku kale. Ako mevo Mama ta omadeu pado inio sole aukale. 10Ni meta pui meqai nokailou ko odikato ko maba mela, ako mevo odikato ko maba ta omadeu pado inio sole voa Pakio vo Baṉara o pitoeveni. 11Ni vo oka zariani raura elo mekasi azo ta mevo nabulu o elou. 12Ni vo oka zariovo ala raura elo ta zara o elou ni vo o zarazarailo ala ta raura o elou.”
Jisu mai kuiriko se Jiu amu ko tanatanamu seko kai lipalipaito kale ko sidopu
13“Matu ruqe ama quli kio ko melai barolou me, vo Mosese ko Bazu meqai nianiiekatani mela, ni me Parese madu mela! Me meqai lipalipaitani mela ko sidopu! Ako me inio me qaitimani mela maba poso tu pui ke kovou vo Baṉara ko lekasa puo ko mauruto, omadeuvo kala maba o kavani jari vo ota ma tibulikani maba poso ko pade tu pui ke amaqeovou. Me ṉavi melai pui meba amaqeovou, ni me inio mebe tizaemani mela se maba poso se keka matu zariani tu amaqeo vo Baṉara ko mauruto ko zaekale.
14“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako me inio meda ma bibizikani mela naboko poso ko pade poso meko ubeubemo kale, ni koko tova me inio meqai lipalipaitani mela ko rosi ama vararaito ubutiania tu maba madu ta ke mela lelou pala!
15“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela! Me meqai lipalipaitani mela ko sidopu! Ako meta me ola kiadakoi, me dalia ivere kale ni siqo kale tu omadeu pado maba melai me lilivo, kimela, tu vo melai o luluekou meko nianiiekato, ni so keru me bokaova keru lilimo se maba poso, meta heli ko maba inio me ima se, me ṉavi jari, ni seko ruqe ta kobe kai paloasa me ṉaviko ruqe.
16“Matu ruqe ama quli kio ko melai barolou me leqa kama odikato ko maba poso mela, ako me inio me jaruemani mela nianiiekimo se maba madu ni eri kimela, ‘Kala ta maulu oka pikou ko Jelepade, melai koko tova inio pui o erekou ko quli vo maulu oka pikako quli melai uri, kimela, melai vo maulu oka piko ala ko qolo Jelepade kale ama, ta vo inio o erekou ko quli maulu oka pikako quli,’ kimela. 17Meta leqa kamela ni sarubea mela! Ako koa Jelepade ko me maulu meqa pikako ikio matuma quli kobe kai paloasako koa qolo Jelepade ko poro kale ama, ako ko Jelepade ikio tabu ko ikako koa qolo sole. Ta meta pui nio me baqumuka ko so kio? 18Ni meta mata me nianiiekimani mela se maba madu ni eri kimela, ‘Kala ta mata maulu oka pikou ko Jelepade ko tabu ama sara melai koko tova inio pui o erekou ko quli vo maulu oka pikako, melai uri kimela, melai vo maulu oka piko ala ko siqasiqa koa sara topi ama, vo inio o erekou ko quli vo maulu oka pikako,’ kimela. 19Meta leqa kamela ni sarubea mela! Koa sara ko me maulu meqa pikako ikio matuma quli kobe kai paloasako koa siqasiqa, ako ko sara ikio tabu ko ikako koa siqasiqa sole. Ta meta pui nio me baqumuka ko so kio? 20Sole kala maba ta maulu oka pikou ko sara pala, ti vota maulu inio mata oka pika koa kiadama siqasiqa koa sara ko topi ama. 21Ni vo maulu oka pikani ko Jelepade pala, ti maulu inio ova pika vo Baṉara, ako vo inio o evani sole Jelepade kale. 22Ni kala ta maulu oka pikou ko au pala, ti maulu ikio oka pika vo Baṉara ko raura kama papupapu ti mata maulu inio ova pika vo okai papuani koa papupapu.
23“Matu ruqe ama quli kio ko melai barolou me, me Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta me qati matu vaita ni me qativa vo Baṉara meko papapapa poso kale azo me qoako toni ama, ni koa silo ama paza kama papapapa poso kale azo me qajorikako quli melai me qativa koko toni ama, melai meta me vaeka ni pui me zorika koko matu qulepo ama nianiiekato vo Mosese ko Bazu, ko ikio ko sidopu, ni baiseo ni kerula kama kalo ereko. Kiadama komia matuma quli kio ko male tu me luluekou, ni pui ukaka me qati ikou koa silo ama quli melai. 24Me leqa kama odikato ko maba poso mela, so keru meme nozuta keru, meta me qati matu vaila tu pui me quirikou ko sidiki, melai matuma kameli kio lula me quirikako. 25“Matu ruqe ama quli kio ko melai barolou me vo Mosese ko bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta me busaeka ko kapa ni peleta koko kupekupe, melai meko omele ama saevo ta kokai sukata ko zuruzuruto ni kiadailo. 26Me leqa kama Parese madu mela! Meta bulebule ikomo kuleto meko kapa ko poro kale ama quli, ti koa pado ama kapa melai bulebule inio kobeta elou.
27“Matu ruqe ama quli kio ko melai barolou me, vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako meta tapo peda ke ikako niami jaria mela, koko kupekupe ta ileile melai koko poro kale ta vouma maba ko piza ni matu kubo sapeoma quli. 28So jari pado inio me, meko kupekupe ta memai lipaeka meko uri ama kalo ko ereko kiadama maba poso, melai meko omele ta lipalipa kama kerukeru, ni Baṉara ko Bazu ko pazoko,” ma kiolake vo Jisu.
Jisu mai bazueko seke kovo ama koqotato
(Luke 11:47-51)
29“Matu ruqe ama quli kio ko melai barolou me, vo Mosese ko Bazu meqai nianiiekatani mela ni me Parese madu mela! Me meqai lipalipaitani mela ko sidopu! Ako me inio me ileilea posamuko meda ma evani mela se poropita madu ko niami poso se meko taite poso ke vouvaemeni, ni matu ileile ama ni zalozaloni meda ma ikani mela seko niami seke sidopua luluekeni vo Mosese ko Bazu sole! 30Ni meta eri kimela, ‘Eṉeta lulamu ṉela tea, eṉeta pui nio ṉeba vouvaemo se poropita madu se eṉeko taite poso ke kaevo vouvaemo se poropita madu jari,’ kimela. 31Sole koa pesio kale meta me maba kai eraeraova ta meta meko taite poso ko vikuvikula kalea mela inio seke vouvaemeni se poropita madu! 32So sole me melai mebeta ziovou ni me okotikou meko taite poso ke kaevo vouvaemo se poropita madu. 33Meta dole jaria ruqea mela ni dole ko meqora poso mela! Meta maba pui meba taka lapasou vo Baṉara ko koqotato ko lula o mela vaekema heli kale. 34So inio aṉata a bazuemela me, aṉata a joroemou se poropita madu ni se nianiioma maba poso ni seke nianiiekatani mekasi. Melai kake ta me vouvaemou ni kake ta me batoemou korosi topi ni kake ta me bazomou ilusato ko pade kale ni me butuemou peuru kale azo kama peuru kale. 35So inio me inio meda ka kovou koko tokaka sea sidopu ama maba poso ko vouvaemo kale avo, Ebolo ko vouvaevo kasi azo ti Zekaraia, vo Barakaea vo meqora, vo meme vouvaeveni koa Jelepade kale, koa sara ni Baṉara ko Tabu ama Zae ko tiania Jelepade ko taqo kale. 36Tuvevo avole aṉata a bazuemela me, mea erisaṉama maba poso mela inio meda ka kovou koko tokaka, se lulavo ke vouvaemeni ko,” kiolake vo Jisu.
Jisu ko roqueko ko Jerusalema
(Luke 13:34-35)
37Nio Jisu ta mata eri kiolake, “Me Jerusalema mela! Meta me daima ni me vouvaemani mela se poropita madu se vo Baṉara o soroemani mekasi! Latau taku inio aṉata a mela zaria padoemelo me tu a melati vailo, omadeuvo ko kokorako ta ko padoeka koko meqora poso koko zabu vima jari, melai meta meda lupaova! 38Sole meko peuru ta ivulu kota elou, ni Baṉara ta o vaekou meko Jelepade. 39Ni meta pui mata meba lelou aṉa, ti kobeta barolou koa taku so keru me eri kimevou keru, ‘Vo Baṉara ta mauru o ivou vo, vo o kuevani voko ṉikale,’ ” kiolake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in the Bilua language, Solomon Islands © The Bible Society of the South Pacific, 1995.