MAADOCO 9
9
1Edääje mmaja Jesuuquidiito cönä’döa’dea chäwwäiñe:
—Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de töjäädudu que Wanaadi cajiichaanaje yäänejoodö; quee cönä’döaacä Jesuuquidiito.
Jesuuquidiito wenwacaama’jödö
2Tooni amoojato anoototo ai Jesuuquidiito töjaadä cönaadäi Peedhodo, Jacoowo mmaja, Juan mmaja; töjääcäjeeneiñe cöntonto jöö cawooto de’cäi. Yäätä töwö Jesuuquidiito anejjeja cönenwacaamai dhowaadäädäiñe. 3Yoomö weijotä cönä’döi, tajääde’de, wadeecu wa’cä, camiisha choccajä’nei nichoccadö e’jodhe’cä tajääde’de yeichö. 4Yaawä Jesuuquidiito nowaanomaadö owaadäädäiñe cönäänejoicho Edía, Moisé mmaja; Jesuuquidiito jadä cöna’deujä’a’to. 5Yaawä Peedhodo cönä’döaacä Jesuuquidiito wwä:
—Owaanomaanei, aashicha eetä caato. Ämmaichomo ñaa nanaamo’ñojo, aaduwaawä; tooni amäädä ämmai, tooni mmaja Moisé mmai, tooni mmaja Edía mmai; quee.
6Peedhodo yääje cönä’döaacä töwa’deutojo ’je’da yeijäcä, jooje töwääcatonca töweichomjäcä. 7Ca’dutu cöneejä yaawä immai’chäiñe. A’deu cönäätaacä yaawä ca’dutu do’taca:
—Önnedö umjummadö mä’dä; dha’deddu etaatäcä; quee cönäätaacä.
8Yaawä töwääje’duca’comjäcä töjääcäjeeneiñe cönäädantoicho ñanno Jesuuquidiito nowaanomaadö; Jesuuquidiito mma chääjadäiñe cönä’jaacä.
9Yaawä jöö daca töwä’tädaawäiñe Jesuuquidiito cönä’döaacä chäwwäiñe:
—Aneene’jocoomo maneecammajä’täi’che soto wwäiñe töwäämaajo jonno Soto nnedö waadoncadö wa’cä; quee cönä’döaacä.
10Yääje yeijäcä ñoowanoomadö töwwäädäiñe mma cönnöicho yää. Tönwannoje dea töwäätäcamma’jo cönä’ja’to:
—¿Aaquene töwä’dö’se yeichö mädä “töwäämaajo jonno waadoncanä”, quee cönä’döa’dö? quee töwäätäcamma’jo töweiye cönä’ja’to.
11Yaawä tönwanno Jesuuquidiito cöneecamma’joicho:
—¿Ane’que’nei owaanomannamo awa’de Edía we’tojo töneecamma weneeneto? quee cönä’döa’to.
12Töwö cöneccujä’a’to; cönä’döaacä chäwwäiñe:
—Chäänöngato mädä; Edía awa’de ye’tojo na, tameedä choonecaaneije. Öwö, Soto nnedö, jääcä imennaajä töweiye na, yää wäntunaanö’tojo jäcä, wä’quiiñeme’jotoojo jäcä mmaja. 13Yääje wä’döa äwwäiñe, Edía cöneejä deeade’; tumjummadööcomo woije mma soto cönnöicho, chääjäcä töweeja’dä’emö Wanaadi a’deddu imennaajä jäcä naadöje dea; quee cönä’döaacä Jesuuquidiito.
Mude’cä’cä odo’sha ’jano adonca’jödö
14Yää ’jeje tönoowanoomadö döiñaiñe töwennaca’comjäcä Jesuuquidiito cöneedantoicho jooje soto dhawoodhecääcäiñe. Judhío owaanomannamo yäätä cönä’ja’to dea, Jesuuquidiito nowaanomaadö jadäiñe wätäccujä’näje. 15Soto wwäiñe Jesuuquidiito eneea’jäcä ta’cwaiñe cönä’ja’to yaawä. Chäwwadäädä cöneeca’tömöicho yaawä, a’dejjadö wetä. 16Yaawä Jesuuquidiito cöneecamma’joicho:
—¿Ane’cäämö jäcä chääjadäiñe mätäccujä’ato? quee cönä’döaacä.
17Tooni dhanwa, yäätä cönä’ja’dö, cönä’döaacä:
—Owaanomaanei, äwwadäädä önnedö weneejä, dhanwa’cä, odo’sha ana’deudeme’jojöönö ’jano. 18Chääjäcä odo’sha weichawä nono jo töneemajo weneene. Tönta’donta yaawä määdhä önnedö, tödheedö täu’cwe mmaja. Mädääje jo’wadootoje nijääduque’a. Onoowanoomadö wwäiñe wija’canö’jojannö’je; a’que noneejaicho; quee cönä’döaacä ñäädä dhanwa.
19Yaawä Jesuuquidiito cönä’döaacä chäwwäiñe:
—Mädä wa’cä aneecamjö’da maato. ¿Ä’waasa’cäne mma numa ajaadäiñe wei’she maato? Numa dajaane wä’döi äshinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.
20Tönwanno cönnejooto yaawä chäwwadäädä. Yaawä Jesuuquidiito eneea’jäcä odo’sha wwä töwö mude’cä’cä cöneenönnäi’chäi. Ñäädä mude’cä’cä cöne’ducai yaawä nono jo. Tönta’dontancädä cönaawotönnajä’acä. 21Yaawä Jesuuquidiito yuumö cöneecamma’joi:
—¿Ächännauwä’cä yaajäntä’jödö mädä? quee cönä’döaacä.
Yuumö cönä’döaacä yaawä:
—Mude’cä’cäje yeichö jonnoto’jödöödä mädääje na. 22Aneedawä wa’to nwaca odo’sha töneemajo weneene, na’cwaca mmaja, emaadö wetä. Adoncajai aweiya’jäcä wentumje ñaa eneecä; ñaa ’wa’täcä; quee cönä’döaacä ñäädä mude’cä’cä umö.
23Jesuuquidiito cönä’döaacä chäwwä:
—Ecaanö’jai aweiya’jäcä, tameedä töwä’döe ñäädä ecaanö’nei wwä; quee Jesuuquidiito cönä’döaacä.
24Yaawä mude’cä’cä umö töcä’de cöna’deuwöi; cönä’döaacä:
—Wecaanö’a; cö’wa’täcä chäänönge jeene wecamjöiye; quee.
25Yaawä töwwadäädä jooja’como soto we’jummadööcomo eneea’jäcä Jesuuquidiito odo’sha cöneuwöi; cönä’döaacä:
—Odo’sha ana’deudeme’jojöönö, aneetajoojönö mmaja, yääje wä’döa äwwä, dhacanno adheeja’cacä. Dhaca mmaja yää ’jeje odhoomomöi’chede; quee cönä’döaacä.
26Yaawä ñäädä odo’sha cöncä’tömöi, ñäädä mude’cä’cä tumjunne’da cöneenönnäi’chäi chea yaawä. Dhacanno cöneeja’cai yaawä, acoichamjödö’jo. Yääje yeijäcä töwääma yeiyaatäi soto cöneecanö’a’to. 27Yaawä dhamäädö jäcä Jesuuquidiito cönaajäi, annäjöödö wetä. Ñäädä cönammöi yaawä.
28Yääje mma yaawä ä’saca Jesuuquidiito womonga’jäcä töudäje ñoowanoomadö cöneecamma’joicho:
—¿Ane’que’nei ija’canö’jojai’cha ñaa nä’jaanä; quee cönä’döa’to.
29Jesuuquidiito cönä’döaacä chäwwäiñe:
—Yääjato odo’sha töweeja’ca nai Wanaadi wwä wa’deuwö’jä queede, wäänema’jä queede mmaja; quee cönä’döaacä Jesuuquidiito.
Töwäämatoojo jäcä Jesuuquidiito necammajäätö’jödö mmaja
30Yaawä yäätonno tööta’comjäcä Caadideea chäcä cöneeja’dätoicho. Jesuuquidiito töwääcadeeme’jojo’se’da cönä’jaacä soto wwäiñe. 31Töwö tönoowanoomadö cönoowanooma’to; cönä’döaacä chäwwäiñe:
—Öwö, Soto nnedö, wä’tuja’de soto wwäiñe. Tönwanno yeemaato’de yaawä. Aaduwaawä anoototo ai waadonca’de wäämaajo jonno; quee cönä’döaacä chäwwäiñe.
32Ñoowanoomadö dhowaanäcäiñe’da cönäätaacä yääje ya’deuwödö. Tönwanno tösaade cönä’ja’to, yää jäcä ecamma’jo’se’da.
¿Änääcö o’jodhe’cä nai?
33Yääje mma yaawä Cajeedamu ña cönä’döicho. Ä’saca töweichöcoomo Jesuuquidiito tönoowanoomadö cöneecamma’joicho:
—¿Ane’cäämö jäcä mätäccujä’ato ääma tai cöweejödaawäiñe? quee cönä’döaacä.
34Tönwanno äucwätä’da cönä’ja’to, “ ¿änääcö cantawäiñe o’jodhe’cä nai?” queeto jäcä töwäätäccujäätö’jocoomo weijäcä ääma tai töweejödaawäiñe. 35Yaawä Jesuuquidiito cönaatajiimai; tönoowanoomadö cöna’dejjaicho, ñanno amoojadooto de’wä aaco’como. Töwö cönä’döaacä chäwwäiñe:
—Ñäädä cajiichaanaje töwei’shato tameedä dho’noncomooje eijai ña, tameedä soto anoonöcoomoje mmaja; quee cönä’döaacä.
36Yaawä mude’cä’cä cönnöi dhantawäiñe; tänaawä tödöödö’jo töwö cönä’döaacä tönoowanoomadö wwäiñe:
37—Ñäädä öwö jääcäinchädä määdhä mude’cä’cä nöngato aashicha tödöönei, öwö mmaja aashicha yöödöa dea. Ñäädä aashicha yöödönei, öwö mma’da aashicha yöödöa, yaanontänei’jödö mmajaane; quee cönä’döaacä Jesuuquidiito.
Cutu’dedööcomoojönö cö’wa’täneichomooje yeichö
38Yääje mma yaawä Juan cönä’döaacä Jesuuquidiito wwä:
—Owaanomaanei, soto ñaa cöneeneaacä adhe’tancädä odo’shancomo ija’canö’jodööje. Chäwwä yääje ännöjo’da ñaa cöneiyacä cöjaadoncomoojönööje yeijäcä.
39Yaawä Jesuuquidiito cönä’döaacä chäwwäiñe:
—Ännöjo’da’daane eichäcä’de. Öwö yeetö joi täneemö tödöönei’jödö öwö jääcä cone’da a’deujai’cha na yää ’jeje. 40Ñäädä cutu’dedööcomoojönö cö’wa’täneichomooje na. 41Ñäädä Quidiito sotoije aweichöcoomo jäcäinchädä tooni sunuuji’chä mmädä owoocödööcomo u’nei’jödö töweiye na’de chääje’jödö, öwö yeetö joi u’a’jäcä.
Soto shaadijannä’cannamo
42“Ñäädä mude’cä’cä yeecanö’nei shaadijannä’canei täju ijöncäcä tö’wadö’tämje yei’jödö na, dama sö’jato ’cwaca emaadöje mma. 43Adhaamädö nödöödö woije asaadijanga’jäcä acä’cä. Aashicha eijai ña ijaatoonomjödö mma adhaamädö caju ña äätädö; cone’da eijai ña a’nädäncädä adhaamädö weichaame wa’to töwäätunque’emjönö nwaca äätädo. 44Dhacöödö ääma’da iiña, wa’to unqueejö’da mmaja, yeichöje. 45Ä’judu wötäädö woije asaadijanga’jäcä, acä’cä. Aashicha eijai ña ijaatoonomjödö mma ä’judu caju ña äätädö; cone’da eijai ña a’nädäncädä ä’judu weichaame wa’to töwäätunque’emjönö aca äwäätämaajodö. 46Dhacöödö ääma’da iiña, wa’to unqueejö’da mmaja, yeichöje. 47Adheenudu nene’madö woije asaadijanga’jäcä u’cacä. Aashicha eijai ña ijaatoonomjödö mma adheenudu Wanaadi jataacäi äätädö; cone’da eijai ña a’nädäncädä adheenudu weichaame wa’to töwäätunque’emjönö aca awäätämaajodö. 48Dhacöödö ääma’da iiña, wa’to unqueejö’da mmaja, yeichöje.
49“Tameedä soto wa’to que necoonecaato’de, saayu que äwanshi choonecaadö töweiye naichöje. Tameedä saaquidiijiisiyo mmaja saayu que necooneca’dede. 50Aashicha saayu töweiye nai. Yaawääne’, dha’cwötöödö wataamea’jäcä, ¿aaquene ma’cwötöömaiyede yaawä? Saayu ’je eichäcä änwannoje dea, ta’cwaiñe eichäcä ajimmotoncomo jäcäiñe; quee cönä’döaacä Jesuuquidiito.
Currently Selected:
MAADOCO 9: MCH
Highlight
Share
Copy
Want to have your highlights saved across all your devices? Sign up or sign in
© 2014 Reservados todos los derechos
MAADOCO 9
9
1Edääje mmaja Jesuuquidiito cönä’döa’dea chäwwäiñe:
—Chäänönge yääje wä’döa äwwäiñe, dhantai eetä maatoodö äwäämadööcomo owaajo meneeato’de töjäädudu que Wanaadi cajiichaanaje yäänejoodö; quee cönä’döaacä Jesuuquidiito.
Jesuuquidiito wenwacaama’jödö
2Tooni amoojato anoototo ai Jesuuquidiito töjaadä cönaadäi Peedhodo, Jacoowo mmaja, Juan mmaja; töjääcäjeeneiñe cöntonto jöö cawooto de’cäi. Yäätä töwö Jesuuquidiito anejjeja cönenwacaamai dhowaadäädäiñe. 3Yoomö weijotä cönä’döi, tajääde’de, wadeecu wa’cä, camiisha choccajä’nei nichoccadö e’jodhe’cä tajääde’de yeichö. 4Yaawä Jesuuquidiito nowaanomaadö owaadäädäiñe cönäänejoicho Edía, Moisé mmaja; Jesuuquidiito jadä cöna’deujä’a’to. 5Yaawä Peedhodo cönä’döaacä Jesuuquidiito wwä:
—Owaanomaanei, aashicha eetä caato. Ämmaichomo ñaa nanaamo’ñojo, aaduwaawä; tooni amäädä ämmai, tooni mmaja Moisé mmai, tooni mmaja Edía mmai; quee.
6Peedhodo yääje cönä’döaacä töwa’deutojo ’je’da yeijäcä, jooje töwääcatonca töweichomjäcä. 7Ca’dutu cöneejä yaawä immai’chäiñe. A’deu cönäätaacä yaawä ca’dutu do’taca:
—Önnedö umjummadö mä’dä; dha’deddu etaatäcä; quee cönäätaacä.
8Yaawä töwääje’duca’comjäcä töjääcäjeeneiñe cönäädantoicho ñanno Jesuuquidiito nowaanomaadö; Jesuuquidiito mma chääjadäiñe cönä’jaacä.
9Yaawä jöö daca töwä’tädaawäiñe Jesuuquidiito cönä’döaacä chäwwäiñe:
—Aneene’jocoomo maneecammajä’täi’che soto wwäiñe töwäämaajo jonno Soto nnedö waadoncadö wa’cä; quee cönä’döaacä.
10Yääje yeijäcä ñoowanoomadö töwwäädäiñe mma cönnöicho yää. Tönwannoje dea töwäätäcamma’jo cönä’ja’to:
—¿Aaquene töwä’dö’se yeichö mädä “töwäämaajo jonno waadoncanä”, quee cönä’döa’dö? quee töwäätäcamma’jo töweiye cönä’ja’to.
11Yaawä tönwanno Jesuuquidiito cöneecamma’joicho:
—¿Ane’que’nei owaanomannamo awa’de Edía we’tojo töneecamma weneeneto? quee cönä’döa’to.
12Töwö cöneccujä’a’to; cönä’döaacä chäwwäiñe:
—Chäänöngato mädä; Edía awa’de ye’tojo na, tameedä choonecaaneije. Öwö, Soto nnedö, jääcä imennaajä töweiye na, yää wäntunaanö’tojo jäcä, wä’quiiñeme’jotoojo jäcä mmaja. 13Yääje wä’döa äwwäiñe, Edía cöneejä deeade’; tumjummadööcomo woije mma soto cönnöicho, chääjäcä töweeja’dä’emö Wanaadi a’deddu imennaajä jäcä naadöje dea; quee cönä’döaacä Jesuuquidiito.
Mude’cä’cä odo’sha ’jano adonca’jödö
14Yää ’jeje tönoowanoomadö döiñaiñe töwennaca’comjäcä Jesuuquidiito cöneedantoicho jooje soto dhawoodhecääcäiñe. Judhío owaanomannamo yäätä cönä’ja’to dea, Jesuuquidiito nowaanomaadö jadäiñe wätäccujä’näje. 15Soto wwäiñe Jesuuquidiito eneea’jäcä ta’cwaiñe cönä’ja’to yaawä. Chäwwadäädä cöneeca’tömöicho yaawä, a’dejjadö wetä. 16Yaawä Jesuuquidiito cöneecamma’joicho:
—¿Ane’cäämö jäcä chääjadäiñe mätäccujä’ato? quee cönä’döaacä.
17Tooni dhanwa, yäätä cönä’ja’dö, cönä’döaacä:
—Owaanomaanei, äwwadäädä önnedö weneejä, dhanwa’cä, odo’sha ana’deudeme’jojöönö ’jano. 18Chääjäcä odo’sha weichawä nono jo töneemajo weneene. Tönta’donta yaawä määdhä önnedö, tödheedö täu’cwe mmaja. Mädääje jo’wadootoje nijääduque’a. Onoowanoomadö wwäiñe wija’canö’jojannö’je; a’que noneejaicho; quee cönä’döaacä ñäädä dhanwa.
19Yaawä Jesuuquidiito cönä’döaacä chäwwäiñe:
—Mädä wa’cä aneecamjö’da maato. ¿Ä’waasa’cäne mma numa ajaadäiñe wei’she maato? Numa dajaane wä’döi äshinchädööcomooje. Sadäädä ene’täcä mä’dä mude’cä’cä; quee cönä’döaacä Jesuuquidiito.
20Tönwanno cönnejooto yaawä chäwwadäädä. Yaawä Jesuuquidiito eneea’jäcä odo’sha wwä töwö mude’cä’cä cöneenönnäi’chäi. Ñäädä mude’cä’cä cöne’ducai yaawä nono jo. Tönta’dontancädä cönaawotönnajä’acä. 21Yaawä Jesuuquidiito yuumö cöneecamma’joi:
—¿Ächännauwä’cä yaajäntä’jödö mädä? quee cönä’döaacä.
Yuumö cönä’döaacä yaawä:
—Mude’cä’cäje yeichö jonnoto’jödöödä mädääje na. 22Aneedawä wa’to nwaca odo’sha töneemajo weneene, na’cwaca mmaja, emaadö wetä. Adoncajai aweiya’jäcä wentumje ñaa eneecä; ñaa ’wa’täcä; quee cönä’döaacä ñäädä mude’cä’cä umö.
23Jesuuquidiito cönä’döaacä chäwwä:
—Ecaanö’jai aweiya’jäcä, tameedä töwä’döe ñäädä ecaanö’nei wwä; quee Jesuuquidiito cönä’döaacä.
24Yaawä mude’cä’cä umö töcä’de cöna’deuwöi; cönä’döaacä:
—Wecaanö’a; cö’wa’täcä chäänönge jeene wecamjöiye; quee.
25Yaawä töwwadäädä jooja’como soto we’jummadööcomo eneea’jäcä Jesuuquidiito odo’sha cöneuwöi; cönä’döaacä:
—Odo’sha ana’deudeme’jojöönö, aneetajoojönö mmaja, yääje wä’döa äwwä, dhacanno adheeja’cacä. Dhaca mmaja yää ’jeje odhoomomöi’chede; quee cönä’döaacä.
26Yaawä ñäädä odo’sha cöncä’tömöi, ñäädä mude’cä’cä tumjunne’da cöneenönnäi’chäi chea yaawä. Dhacanno cöneeja’cai yaawä, acoichamjödö’jo. Yääje yeijäcä töwääma yeiyaatäi soto cöneecanö’a’to. 27Yaawä dhamäädö jäcä Jesuuquidiito cönaajäi, annäjöödö wetä. Ñäädä cönammöi yaawä.
28Yääje mma yaawä ä’saca Jesuuquidiito womonga’jäcä töudäje ñoowanoomadö cöneecamma’joicho:
—¿Ane’que’nei ija’canö’jojai’cha ñaa nä’jaanä; quee cönä’döa’to.
29Jesuuquidiito cönä’döaacä chäwwäiñe:
—Yääjato odo’sha töweeja’ca nai Wanaadi wwä wa’deuwö’jä queede, wäänema’jä queede mmaja; quee cönä’döaacä Jesuuquidiito.
Töwäämatoojo jäcä Jesuuquidiito necammajäätö’jödö mmaja
30Yaawä yäätonno tööta’comjäcä Caadideea chäcä cöneeja’dätoicho. Jesuuquidiito töwääcadeeme’jojo’se’da cönä’jaacä soto wwäiñe. 31Töwö tönoowanoomadö cönoowanooma’to; cönä’döaacä chäwwäiñe:
—Öwö, Soto nnedö, wä’tuja’de soto wwäiñe. Tönwanno yeemaato’de yaawä. Aaduwaawä anoototo ai waadonca’de wäämaajo jonno; quee cönä’döaacä chäwwäiñe.
32Ñoowanoomadö dhowaanäcäiñe’da cönäätaacä yääje ya’deuwödö. Tönwanno tösaade cönä’ja’to, yää jäcä ecamma’jo’se’da.
¿Änääcö o’jodhe’cä nai?
33Yääje mma yaawä Cajeedamu ña cönä’döicho. Ä’saca töweichöcoomo Jesuuquidiito tönoowanoomadö cöneecamma’joicho:
—¿Ane’cäämö jäcä mätäccujä’ato ääma tai cöweejödaawäiñe? quee cönä’döaacä.
34Tönwanno äucwätä’da cönä’ja’to, “ ¿änääcö cantawäiñe o’jodhe’cä nai?” queeto jäcä töwäätäccujäätö’jocoomo weijäcä ääma tai töweejödaawäiñe. 35Yaawä Jesuuquidiito cönaatajiimai; tönoowanoomadö cöna’dejjaicho, ñanno amoojadooto de’wä aaco’como. Töwö cönä’döaacä chäwwäiñe:
—Ñäädä cajiichaanaje töwei’shato tameedä dho’noncomooje eijai ña, tameedä soto anoonöcoomoje mmaja; quee cönä’döaacä.
36Yaawä mude’cä’cä cönnöi dhantawäiñe; tänaawä tödöödö’jo töwö cönä’döaacä tönoowanoomadö wwäiñe:
37—Ñäädä öwö jääcäinchädä määdhä mude’cä’cä nöngato aashicha tödöönei, öwö mmaja aashicha yöödöa dea. Ñäädä aashicha yöödönei, öwö mma’da aashicha yöödöa, yaanontänei’jödö mmajaane; quee cönä’döaacä Jesuuquidiito.
Cutu’dedööcomoojönö cö’wa’täneichomooje yeichö
38Yääje mma yaawä Juan cönä’döaacä Jesuuquidiito wwä:
—Owaanomaanei, soto ñaa cöneeneaacä adhe’tancädä odo’shancomo ija’canö’jodööje. Chäwwä yääje ännöjo’da ñaa cöneiyacä cöjaadoncomoojönööje yeijäcä.
39Yaawä Jesuuquidiito cönä’döaacä chäwwäiñe:
—Ännöjo’da’daane eichäcä’de. Öwö yeetö joi täneemö tödöönei’jödö öwö jääcä cone’da a’deujai’cha na yää ’jeje. 40Ñäädä cutu’dedööcomoojönö cö’wa’täneichomooje na. 41Ñäädä Quidiito sotoije aweichöcoomo jäcäinchädä tooni sunuuji’chä mmädä owoocödööcomo u’nei’jödö töweiye na’de chääje’jödö, öwö yeetö joi u’a’jäcä.
Soto shaadijannä’cannamo
42“Ñäädä mude’cä’cä yeecanö’nei shaadijannä’canei täju ijöncäcä tö’wadö’tämje yei’jödö na, dama sö’jato ’cwaca emaadöje mma. 43Adhaamädö nödöödö woije asaadijanga’jäcä acä’cä. Aashicha eijai ña ijaatoonomjödö mma adhaamädö caju ña äätädö; cone’da eijai ña a’nädäncädä adhaamädö weichaame wa’to töwäätunque’emjönö nwaca äätädo. 44Dhacöödö ääma’da iiña, wa’to unqueejö’da mmaja, yeichöje. 45Ä’judu wötäädö woije asaadijanga’jäcä, acä’cä. Aashicha eijai ña ijaatoonomjödö mma ä’judu caju ña äätädö; cone’da eijai ña a’nädäncädä ä’judu weichaame wa’to töwäätunque’emjönö aca äwäätämaajodö. 46Dhacöödö ääma’da iiña, wa’to unqueejö’da mmaja, yeichöje. 47Adheenudu nene’madö woije asaadijanga’jäcä u’cacä. Aashicha eijai ña ijaatoonomjödö mma adheenudu Wanaadi jataacäi äätädö; cone’da eijai ña a’nädäncädä adheenudu weichaame wa’to töwäätunque’emjönö aca awäätämaajodö. 48Dhacöödö ääma’da iiña, wa’to unqueejö’da mmaja, yeichöje.
49“Tameedä soto wa’to que necoonecaato’de, saayu que äwanshi choonecaadö töweiye naichöje. Tameedä saaquidiijiisiyo mmaja saayu que necooneca’dede. 50Aashicha saayu töweiye nai. Yaawääne’, dha’cwötöödö wataamea’jäcä, ¿aaquene ma’cwötöömaiyede yaawä? Saayu ’je eichäcä änwannoje dea, ta’cwaiñe eichäcä ajimmotoncomo jäcäiñe; quee cönä’döaacä Jesuuquidiito.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014 Reservados todos los derechos