Zazu Ria Apostoloro 2
2
Lama Na Spirit Tabo
1Ṉalu musaqarana Pentikoste ilama doka, osiqira vano iri vaogote go Jesu iri teṉoe kameka dia. 2Goso nae kameka naki ireqe me rani ne i qumara vamoqere me gere sokoro popokae i lama purake pade iri kolokue go ria. 3Gonae iri mia kaki pata igere lome na nako ne, i lama siba qira osiqira. 4Osiqira iri purake Spirit tabo, mana iri vatupia seko nena seko kakavata ro, gerena Spirit tabo iteke qira mazala go tarina seko ne go.
5Ṉalu nae vano Jiu iri teṉo ego Jerusalema, iri reqe me osina dia vudu pua ne. Vano Jiu ro dena, iri vaogote God. 6Ṉalu iri gata go naki dena, topu basoero iri lama teṉo. Osiqira iri lete nureke sivala, tanego iri gata qira vano iri vaogote go Jesu iri seko ne go sekoro ria. 7Osiqira iri lete nureke mana poloso ne, pata ogoto, iri go, “Basoero iri seko go dena iri vano Qalili lupo so! 8Avigo tane osiqita qata gata go ria dena iri seko ne go sekoro titita na? 9Ita qata reqeme Patia, Midia mana Elamu gata reqeme Mesopotamia, Judia mana Kapodosia, tepa Pontus mana Esia. 10Qata reqeme Pirijia mana Pampilia, tepa Izipito, mana Libia, garogaro na komala lavata Saerina mana kakiaro ita qata reqeme Rom go. 11Kakiaro ita qata vano Jiu ogoto, mana kakiaro ita qatiki vano Jiu kaega, do qata kavae so lotu ria vano Jiu, kakiaro ita qata vano Kereti mana Arabia—do osiqita qata gata rove, iri seko ne sekoro ita tanuqita sauna pata vari vapoloso ro izazu bana ne go God!” 12Osiqira iri lete poloso mana iri vari tanae tanuqira, “Avana tane talupasana pataro dena?” iri go.
13Do kakiaro ria iri vakari ne qira vano iri vaogote go Jesu, iri go de, “Basoero dena iri qe loka sakata ia vabulaṉoe qira go.”
Seko Ia Pita
14Gonae Pita i degere tavisi qira ria manoga kameka apostoloro ne mana i seko lavata qira basoero topu ne, igo dena, “Ramu vano Jiu mana ramu basoero topu qamu koe go Jerusalema, gatava era, go masine ne qamu talupasana pata i sadaka go dena. 15Basoero dena iriki ge loka sakata kaega go tina vabulaṉoe qira go, gerena qamu nanao go ramu, torana dena iara kaia koloko sarusaruku so. 16Do iato dena pata i sine bana go propeta Zoele. 17God igo,
‘Ia dena to pata tuna zazu ne go era musaqara muzi.
Era tuna zele ze Spirit era de iri koego basoero topu.
Sale valekero mana sale qolero ramu tarina sine vasadake seko era.
Valekero voru ramu tarina miadua
mana vano kazigarata ramu tarina poro kukureka.
18Ove, musaqara nae era tuna
zele ze Spirit era de iri koego go vano zazu era,
valekero mana qolero go ria tarina sine vasadake sekoro era.
19Era tuna vasadake zazu mazala ro era tepa varioka ne
mana zazu vari vapoloso ro era vudu pua i koe sokasoka dena.
Nae tina sadaka me parasa, nako mana kauku tumatuma lavata go.
20Sana ne tina rodoko mana inaqa tina mesara gere parasa taramuzina pataro dena tina sadaka go,
musaqara lavata ia Batu ne tina lama go, tina purake menomeno mana velavelaka go.
21Ṉalu nae ria iri pene tavisi de ikoego Batu ne tarina kavele.’
22Ramu vano Izirel muna gata seko ro dena! Jesu na Nazaret i kaki kameka valeke i tavine me de ikoe God, i lamae de qamu koego ramu, mana God i vasadaka va velake ogotona pataro dena, loborona zazu mazala ro mana zazu vari vapoloso, ro i zazu nego Jesu. Ramu tanuqamu, qamu rove pataro dena, tanego ia i vasadaka ze zazu ro ia loboro qamu ramu. 23Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne. 24Do God iva too me ia tepa le ne, mana i lupasa ze ia karaputana le, mana le ne tiniki ara qolo tarua kaega ia. 25Tanego Davita i sine bana me sauna ia,
‘Era qa mia God i koe tarakenaqaqu osina ṉalu ro ne,
ila iko garogaro ava, mana era qaki ko vari vananama kaega.
26Iago, puṉuqu i purake gasigasi,
mana sekoro era i vasadake kulakula.
Patavolomo qa basoe so,
tunara le do ruruqe era i nadu e de ikoego God.
27Tanego aro qoki golevana ne kaega madauqu tepa ia le na vudu na uṉaṉa.
Aro toniki vamao ne kaega basoe zazu aro tina za noli ego bolu ne.
28Aro go vamia bana ve era zuka ikenaqa ne go too,
mana ṉalu aro qo ko tavisi ava, era tuna ko kula.’
29Ramu turaquro, era ga soko sine vatatavata velaka ne qamu sauna kazigarata batu lavata ita Davita, ia ile mana iri vovua mana kukubona i ko tavisi qita i doka go musaqara ninidena. 30Ia i kameka propeta mana i rove bana pata i pui bana ne go God. God i vanadua odo odo ia de ikoego ia, kaki kameka basoe tina reqeme sinaqena popodo ia Davita, tina batu lavata gerena tanuna Davita. 31Davita i mia rove bana pata tina zazu ne go God tarakenaqa iko mego. Iago, i sine bana sauna too napu ia Mesia, go ni sine vane go dena,
‘God iki go levana ne ze kaega ia tepa lene.
Tokamana tiniki nolie kaega kukubo na ne.’
32God i vatoo napu me Jesu dena tepa le ne, mana remu qimu mia ze mata qemu pata dena. 33I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu. 34Tanego iki Davita kaega tane ipopoka za go rani ne, do Davita go,
‘God Batu ne i sine ne Batu era
ono kolokue tepa karisi matauqu dena.
35Go ina doka ṉalu era tuna vaqoqoro qira kana ro aro, mana aro tono kube taruqirae polana makemu.’
36Go osina basoero na Izirel tarina rove velake Jesu dena, iato qamu paqipaqi bana ze go koluse ne. Mana ia to God i vine ia tina Batu mana i Mesia go.”
37Ṉalu basoero topu iri gata go seko ro dena i paqo puṉu qira, iri tana ne Pita mana ria apostoloro ne go, “Avana to timuna zazu ne go remu na?”
38Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu. 39Tanego pui ia God i zazu ne ze go de qamu koego ramu, mana salero ramu mana osiqira ria iri kova laqalaqa me, Batu ita God i koru me qirae de ikoego tanuna.”
40Pita ipene vakaraputa qira, mana topu sekoro i sine ne qira, igo dena, “Muna miasoka! Niki go pala qamu kimata, tina pala qira go vano sakata ne.” 41Topu ria iri vaogote go seko ia iri bapitema, mana torana pisamao ria iri lama vatopu napu qira vano iri vaogote go Jesu musaqara nae. 42Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.
Too Ria Vano Kristiano Kenaqa
43Topu zazu mazala ro mana pata vari vapoloso iri zazu ne go apostoloro ne. Gonae basoero ne iri ko padapadae de iri koego ria. 44Osiqira vano iri vaogote go Jesu iri kameka ko varikitaki mana iri vari sosone patapataro ria. 45Iri volivoli ne pua ria, mana patapataro iri toṉove go, mana iri kena kesa na iri pala ze go, gonae iri vazao ne qira vano lotu iri ko makuru ne go sauna pata tina tavisi ne qira go. 46Nogotona musaqara iri kameka teṉoe Pade Lotu, mana iri kameka ṉaṉae pade ro ria. I kula me puṉuqu qira, mana iri ṉaṉae kulakula go. 47Iri vazaka God, mana basoero ne iri kuia ne de igogo vatovato ria. Mana osina musaqara God i vazazao popoka topu qira basoero i vakavele qira go.
Currently Selected:
Zazu Ria Apostoloro 2: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Zazu Ria Apostoloro 2
2
Lama Na Spirit Tabo
1Ṉalu musaqarana Pentikoste ilama doka, osiqira vano iri vaogote go Jesu iri teṉoe kameka dia. 2Goso nae kameka naki ireqe me rani ne i qumara vamoqere me gere sokoro popokae i lama purake pade iri kolokue go ria. 3Gonae iri mia kaki pata igere lome na nako ne, i lama siba qira osiqira. 4Osiqira iri purake Spirit tabo, mana iri vatupia seko nena seko kakavata ro, gerena Spirit tabo iteke qira mazala go tarina seko ne go.
5Ṉalu nae vano Jiu iri teṉo ego Jerusalema, iri reqe me osina dia vudu pua ne. Vano Jiu ro dena, iri vaogote God. 6Ṉalu iri gata go naki dena, topu basoero iri lama teṉo. Osiqira iri lete nureke sivala, tanego iri gata qira vano iri vaogote go Jesu iri seko ne go sekoro ria. 7Osiqira iri lete nureke mana poloso ne, pata ogoto, iri go, “Basoero iri seko go dena iri vano Qalili lupo so! 8Avigo tane osiqita qata gata go ria dena iri seko ne go sekoro titita na? 9Ita qata reqeme Patia, Midia mana Elamu gata reqeme Mesopotamia, Judia mana Kapodosia, tepa Pontus mana Esia. 10Qata reqeme Pirijia mana Pampilia, tepa Izipito, mana Libia, garogaro na komala lavata Saerina mana kakiaro ita qata reqeme Rom go. 11Kakiaro ita qata vano Jiu ogoto, mana kakiaro ita qatiki vano Jiu kaega, do qata kavae so lotu ria vano Jiu, kakiaro ita qata vano Kereti mana Arabia—do osiqita qata gata rove, iri seko ne sekoro ita tanuqita sauna pata vari vapoloso ro izazu bana ne go God!” 12Osiqira iri lete poloso mana iri vari tanae tanuqira, “Avana tane talupasana pataro dena?” iri go.
13Do kakiaro ria iri vakari ne qira vano iri vaogote go Jesu, iri go de, “Basoero dena iri qe loka sakata ia vabulaṉoe qira go.”
Seko Ia Pita
14Gonae Pita i degere tavisi qira ria manoga kameka apostoloro ne mana i seko lavata qira basoero topu ne, igo dena, “Ramu vano Jiu mana ramu basoero topu qamu koe go Jerusalema, gatava era, go masine ne qamu talupasana pata i sadaka go dena. 15Basoero dena iriki ge loka sakata kaega go tina vabulaṉoe qira go, gerena qamu nanao go ramu, torana dena iara kaia koloko sarusaruku so. 16Do iato dena pata i sine bana go propeta Zoele. 17God igo,
‘Ia dena to pata tuna zazu ne go era musaqara muzi.
Era tuna zele ze Spirit era de iri koego basoero topu.
Sale valekero mana sale qolero ramu tarina sine vasadake seko era.
Valekero voru ramu tarina miadua
mana vano kazigarata ramu tarina poro kukureka.
18Ove, musaqara nae era tuna
zele ze Spirit era de iri koego go vano zazu era,
valekero mana qolero go ria tarina sine vasadake sekoro era.
19Era tuna vasadake zazu mazala ro era tepa varioka ne
mana zazu vari vapoloso ro era vudu pua i koe sokasoka dena.
Nae tina sadaka me parasa, nako mana kauku tumatuma lavata go.
20Sana ne tina rodoko mana inaqa tina mesara gere parasa taramuzina pataro dena tina sadaka go,
musaqara lavata ia Batu ne tina lama go, tina purake menomeno mana velavelaka go.
21Ṉalu nae ria iri pene tavisi de ikoego Batu ne tarina kavele.’
22Ramu vano Izirel muna gata seko ro dena! Jesu na Nazaret i kaki kameka valeke i tavine me de ikoe God, i lamae de qamu koego ramu, mana God i vasadaka va velake ogotona pataro dena, loborona zazu mazala ro mana zazu vari vapoloso, ro i zazu nego Jesu. Ramu tanuqamu, qamu rove pataro dena, tanego ia i vasadaka ze zazu ro ia loboro qamu ramu. 23Loborona vato ia God i valulu ze tarove ia tanuna go i vine bana go Jesu i valame ze de qamu koego ramu, mana ramu napu so qamu vaevale go ia, qamu vamao ne qira vano sakata ro iri paqipaqi ze go ia koluse ne. 24Do God iva too me ia tepa le ne, mana i lupasa ze ia karaputana le, mana le ne tiniki ara qolo tarua kaega ia. 25Tanego Davita i sine bana me sauna ia,
‘Era qa mia God i koe tarakenaqaqu osina ṉalu ro ne,
ila iko garogaro ava, mana era qaki ko vari vananama kaega.
26Iago, puṉuqu i purake gasigasi,
mana sekoro era i vasadake kulakula.
Patavolomo qa basoe so,
tunara le do ruruqe era i nadu e de ikoego God.
27Tanego aro qoki golevana ne kaega madauqu tepa ia le na vudu na uṉaṉa.
Aro toniki vamao ne kaega basoe zazu aro tina za noli ego bolu ne.
28Aro go vamia bana ve era zuka ikenaqa ne go too,
mana ṉalu aro qo ko tavisi ava, era tuna ko kula.’
29Ramu turaquro, era ga soko sine vatatavata velaka ne qamu sauna kazigarata batu lavata ita Davita, ia ile mana iri vovua mana kukubona i ko tavisi qita i doka go musaqara ninidena. 30Ia i kameka propeta mana i rove bana pata i pui bana ne go God. God i vanadua odo odo ia de ikoego ia, kaki kameka basoe tina reqeme sinaqena popodo ia Davita, tina batu lavata gerena tanuna Davita. 31Davita i mia rove bana pata tina zazu ne go God tarakenaqa iko mego. Iago, i sine bana sauna too napu ia Mesia, go ni sine vane go dena,
‘God iki go levana ne ze kaega ia tepa lene.
Tokamana tiniki nolie kaega kukubo na ne.’
32God i vatoo napu me Jesu dena tepa le ne, mana remu qimu mia ze mata qemu pata dena. 33I za koe karisi matauna God Tamana mana i tonovo ze de ikoe ia Spirit tabo, gerena, i pui bana ne go ia. Iago, pata qamu mia mana gata qamu gogo nini dena ia to sosovolomo ia Jesu, i zeleme ze de qamu koego ramu. 34Tanego iki Davita kaega tane ipopoka za go rani ne, do Davita go,
‘God Batu ne i sine ne Batu era
ono kolokue tepa karisi matauqu dena.
35Go ina doka ṉalu era tuna vaqoqoro qira kana ro aro, mana aro tono kube taruqirae polana makemu.’
36Go osina basoero na Izirel tarina rove velake Jesu dena, iato qamu paqipaqi bana ze go koluse ne. Mana ia to God i vine ia tina Batu mana i Mesia go.”
37Ṉalu basoero topu iri gata go seko ro dena i paqo puṉu qira, iri tana ne Pita mana ria apostoloro ne go, “Avana to timuna zazu ne go remu na?”
38Pita i vane qira dena, “Muna nanao vana ne vasakata pata ro ramu mana bapitemae loborona vitoṉona Jesu Kristo, go ia tina vatalukase go vasakata pata ramu. 39Tanego pui ia God i zazu ne ze go de qamu koego ramu, mana salero ramu mana osiqira ria iri kova laqalaqa me, Batu ita God i koru me qirae de ikoego tanuna.”
40Pita ipene vakaraputa qira, mana topu sekoro i sine ne qira, igo dena, “Muna miasoka! Niki go pala qamu kimata, tina pala qira go vano sakata ne.” 41Topu ria iri vaogote go seko ia iri bapitema, mana torana pisamao ria iri lama vatopu napu qira vano iri vaogote go Jesu musaqara nae. 42Iri teke ne ṉalu ro ria go mara rove velake pataro iri vari vatatana ne go apostoloro ne, iri go. Gonae iri tavisi varikitaki kameka ṉaṉa mana kameka lotu go.
Too Ria Vano Kristiano Kenaqa
43Topu zazu mazala ro mana pata vari vapoloso iri zazu ne go apostoloro ne. Gonae basoero ne iri ko padapadae de iri koego ria. 44Osiqira vano iri vaogote go Jesu iri kameka ko varikitaki mana iri vari sosone patapataro ria. 45Iri volivoli ne pua ria, mana patapataro iri toṉove go, mana iri kena kesa na iri pala ze go, gonae iri vazao ne qira vano lotu iri ko makuru ne go sauna pata tina tavisi ne qira go. 46Nogotona musaqara iri kameka teṉoe Pade Lotu, mana iri kameka ṉaṉae pade ro ria. I kula me puṉuqu qira, mana iri ṉaṉae kulakula go. 47Iri vazaka God, mana basoero ne iri kuia ne de igogo vatovato ria. Mana osina musaqara God i vazazao popoka topu qira basoero i vakavele qira go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.