Zazu Ria Apostoloro 4
4
Pita Mana Jon Iru Degere Tarakenaqa Qira Vano Pepeu
1Ṉalu Pita mana Jon iru ara seko tabe qira basoero ne, iri lama kakiaro vano patere iri batu ne qira go vano irimiasoka go Pade Lotu ne, mana kakiaro vano Sadusi go. 2Iri muma, tanego karua apostolo ne iru varove qirae basoero ne Jesu itoo napu me tepa le ne. Gerena ianae i vasadaka ogote basoero iri le go tarina too napu me. 3Iago, iri pala taru qiru mana iri taru qiru aqe bara ne, go tina doka go kene musaqara, tanego ilete raravi to. 4Do topu ria basoero iri gata go tamana riru, Pita mana Jon iri vaogote Jesu mana topu qira ninidena izaza popoka idokae lima mao ria.
5Bakubaku na to ia, vano batu batu na ro Jiu, kazigarataro, mana vano vari vatatana na Tamana iri teṉoe Jerusalema. 6I kotavisi qira batu ria Patere, Anas mana Kaipas, Jon, Alekzada, kakia ro napu ria iri reqe go sinaqe Patere. 7Iri vadegere qiru karua apostolo tarakenaqa qira, mana iri tana ne qiru, “Avigo tane qaburu zazu ne go pata dena? Adepa qaburu pala ze go karaputa, ba ake vitoṉona go qaburu vazazua go dena?”
8Pita i purake go Spirit tabo i vataule ne qira, “Ramu batu ro ria basoero, mana kazigarata ro go. 9Ramu qamu tana ne qaru raru ninidena, sauna de igogo zazao na zazu velaka idokae go valeke ile go makena dena, mana de zaza go. 10I tora to osiqamu, mana vano Izirel muna nanao rove, valeke dena i velaka to, mana idegere go tarakenaqa qamu ninidena, tanego i zazu ia karaputa na vitoṉona Jesu Kristo na Nazaret, ia qamu paqipaqi ze go kuluse ne, do God i vatoo me ze ia tepa lene. 11Jesu to, ia i sine bana go Buka tabo ne, igo,
‘Ipaka qamu kasia go ramu vano zazu pade ne,
iato ipaka ilete mazala zivala go.’
12Vari vakavele, ireqe me so de i koe go tanuna Jesu, osina dia kolabuna vudu pua i kaega napu kaki basoe, do tanuna to Jesu, God iteke ne qita go tina vakavele qita go.”
13Vano na pepeu lavata ne iri lete poloso sivala ṉalu iri mia go vanadu qiru Pita mana Jon, iruki sareki go kaega, mana iri nanao rove iru karua basoe volomo so, tanego iruki sikulu kaega, do ria iri rove velake qiru iru kotavisi bana go Jesu. 14Do ria imakuru qira tarina sine go kapata, tanego iri mia valeke iru vazazao go i degere tavisi qiru Pita mana Jon, 15Iago, iri sine ne qiru mara riru siporo kasine kova pepeu ne, go mara pepeu vamiki tanuqira, iri go. 16Gonae iri varitanae tanuqira, “Ava mata vane qiru karua valeke dena? Tanego osiqira basoero iri koego Jerusalema iri rove lupo zazu vari vaposolo iru zazu ne go, iago imakuru qita tatana legua go, iri go. 17Dego tiniki zaza napu go kaega tarama dena de iri koego basoe ne, ita mata vakaega ne qiru niki ara sine napu ne kakia basoe, loborona vitoṉona Jesu, mata vane qiru, iri go.”
18Gonae iri koru vakeba ule napu me qiru mana iri sine ne qiru, “Niki ara tamana ne, ba vari vatatana napu ne vitoṉona Jesu de iri koego basoero ne”. 19Do Pita mana Jon iru vataule ne qira ria, iru go dena, “Ṉalu raru taruna nanao kasupe ne seko ia God mana vaogoto qamu ramu gogo ne, avigo itotoloṉoe tarakenaqana God ba kaega? Ramu muna nanao velake pata dena. 20Tanego raru taruniki mamanava kaega seko ne na pata qaru mia mana gata go.” 21Gonae ria vano pepeu iri lete vabanabana vamoqere qirue tamana, mana iri vasiporo volomo qiru, tanego iriki mia kaega kapata itora go tina valepulepu qirue go, mana iri mia napua basoero ne iri vazaka God sauna pata i sadake go valeke ile go makena. 22Valeke iru vazazao vavelaka ze go riru zazu mazala dena i vasiṉaulu seki to ave na.
Vano Lotu Iri Pene Sauna Karaputa
23Ṉalu Pita mana Jon iru siporo, iru katikili gado ule za de iri koego vano iri vaogote Jesu, mana iru sine ne qira ria sauna pataro iri sine go vano batu ria Patere mana vano kazigarata ro go. 24Ṉalu vano lotu iri gata go pataro dena, osiqira iri kameka pene aqe de ikoe God, iri go dena, “God Batue! Qo vazaria go rani mana pua, mana osina pataro iri koego loboro qira go! 25Loborona Spirit tabo aro qo vamalumu ne kazigarata remu Davita basoe zazu aro, go i sine go.
‘Avigo tane vano iriki Jiu go kaega iri poro muma?
Mana basoero ria iri zazu ne go vatovato bulaṉoi gogo ne na?
26Ria batu lavata na pua de iri vanama ne varitara,
Mana vano iri kenaqa ne qira vano basoero na vudu pua dena iri kameka teṉo vanama ne varitarae na de ikoe go God mana valeke tavine ia ne go.’
27Pata ogoto, Erode mana Ponsio Pilato iru kameka vatovato tavisi banae de iri koe go vano iriki Jiu go kaega, mana vano Izirel go mara vae Jesu valeke zazu tabo aro, ia qova Mesia go. 28Vatovato ro dena iri zazu ne ze so pataro qo soko go aro, go loborona karaputa aro qo sine bana mego tinara lama sadaka. 29Ninidena Batue ono mia velaka me de igogo vatovato ria batu lavata ro dena, de qimu koego remu. Ono tavisi ne qemu remu vano zazu aro, go mikasi sareki ne na tamana vakaraputa ne na seko aro. 30Ono vasadaka me karaputa aro, go mara va velaka qira vano iri mokoso, mana vamao qemu go di zazu ne zazu vari vapoloso, mana zazu mazala ro mara sadake vitoṉo tabo na Jesu valeke zazu aro.”
31Ṉalu ria iri lotu lupo pade iri teṉoe go i vizu, osiqira iri purake to Spirit tabo, mana muzina nae ria iri vatupia to tarama vakaraputa ne seko ia God.
Vano Vaogoto Iri Vari Sosone Osina Patapata Ro Ria
32Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go. 33Loborona karaputa ia God, ria apostoloro ne iri tarama ne too napu ia Jesu Batu ne, mana God ilete vamakaolo napu qira to ria go. 34I kaega kaki kameka basoe ikoego de iri koego, iko makuru ne go kaki pata. Tanego ria iri toṉove go pua ba, pade gogo ne, iri volivoli ne mana kesa iri pala ze go, 35iri teke ne qira apostoloro ne, mana apostoloro ne iri ara kena ne qira go basoero kesa itorago pata iri soko go.
36Mana kameka valeke i kome tepa ṉugu Saeprus, ipodoe sinaqe ia Livai, vitoṉona Josepo, do apostoloro ne iri vitoṉo ze ia Banabasi talupasana, “Valeke i vavelake nanao ne kene basoe”. 37Valeke de togo, ivolivoli ne pua i toṉove go, mana ipala kesa na i teke ne qira apostoloro ne go.
Currently Selected:
Zazu Ria Apostoloro 4: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Zazu Ria Apostoloro 4
4
Pita Mana Jon Iru Degere Tarakenaqa Qira Vano Pepeu
1Ṉalu Pita mana Jon iru ara seko tabe qira basoero ne, iri lama kakiaro vano patere iri batu ne qira go vano irimiasoka go Pade Lotu ne, mana kakiaro vano Sadusi go. 2Iri muma, tanego karua apostolo ne iru varove qirae basoero ne Jesu itoo napu me tepa le ne. Gerena ianae i vasadaka ogote basoero iri le go tarina too napu me. 3Iago, iri pala taru qiru mana iri taru qiru aqe bara ne, go tina doka go kene musaqara, tanego ilete raravi to. 4Do topu ria basoero iri gata go tamana riru, Pita mana Jon iri vaogote Jesu mana topu qira ninidena izaza popoka idokae lima mao ria.
5Bakubaku na to ia, vano batu batu na ro Jiu, kazigarataro, mana vano vari vatatana na Tamana iri teṉoe Jerusalema. 6I kotavisi qira batu ria Patere, Anas mana Kaipas, Jon, Alekzada, kakia ro napu ria iri reqe go sinaqe Patere. 7Iri vadegere qiru karua apostolo tarakenaqa qira, mana iri tana ne qiru, “Avigo tane qaburu zazu ne go pata dena? Adepa qaburu pala ze go karaputa, ba ake vitoṉona go qaburu vazazua go dena?”
8Pita i purake go Spirit tabo i vataule ne qira, “Ramu batu ro ria basoero, mana kazigarata ro go. 9Ramu qamu tana ne qaru raru ninidena, sauna de igogo zazao na zazu velaka idokae go valeke ile go makena dena, mana de zaza go. 10I tora to osiqamu, mana vano Izirel muna nanao rove, valeke dena i velaka to, mana idegere go tarakenaqa qamu ninidena, tanego i zazu ia karaputa na vitoṉona Jesu Kristo na Nazaret, ia qamu paqipaqi ze go kuluse ne, do God i vatoo me ze ia tepa lene. 11Jesu to, ia i sine bana go Buka tabo ne, igo,
‘Ipaka qamu kasia go ramu vano zazu pade ne,
iato ipaka ilete mazala zivala go.’
12Vari vakavele, ireqe me so de i koe go tanuna Jesu, osina dia kolabuna vudu pua i kaega napu kaki basoe, do tanuna to Jesu, God iteke ne qita go tina vakavele qita go.”
13Vano na pepeu lavata ne iri lete poloso sivala ṉalu iri mia go vanadu qiru Pita mana Jon, iruki sareki go kaega, mana iri nanao rove iru karua basoe volomo so, tanego iruki sikulu kaega, do ria iri rove velake qiru iru kotavisi bana go Jesu. 14Do ria imakuru qira tarina sine go kapata, tanego iri mia valeke iru vazazao go i degere tavisi qiru Pita mana Jon, 15Iago, iri sine ne qiru mara riru siporo kasine kova pepeu ne, go mara pepeu vamiki tanuqira, iri go. 16Gonae iri varitanae tanuqira, “Ava mata vane qiru karua valeke dena? Tanego osiqira basoero iri koego Jerusalema iri rove lupo zazu vari vaposolo iru zazu ne go, iago imakuru qita tatana legua go, iri go. 17Dego tiniki zaza napu go kaega tarama dena de iri koego basoe ne, ita mata vakaega ne qiru niki ara sine napu ne kakia basoe, loborona vitoṉona Jesu, mata vane qiru, iri go.”
18Gonae iri koru vakeba ule napu me qiru mana iri sine ne qiru, “Niki ara tamana ne, ba vari vatatana napu ne vitoṉona Jesu de iri koego basoero ne”. 19Do Pita mana Jon iru vataule ne qira ria, iru go dena, “Ṉalu raru taruna nanao kasupe ne seko ia God mana vaogoto qamu ramu gogo ne, avigo itotoloṉoe tarakenaqana God ba kaega? Ramu muna nanao velake pata dena. 20Tanego raru taruniki mamanava kaega seko ne na pata qaru mia mana gata go.” 21Gonae ria vano pepeu iri lete vabanabana vamoqere qirue tamana, mana iri vasiporo volomo qiru, tanego iriki mia kaega kapata itora go tina valepulepu qirue go, mana iri mia napua basoero ne iri vazaka God sauna pata i sadake go valeke ile go makena. 22Valeke iru vazazao vavelaka ze go riru zazu mazala dena i vasiṉaulu seki to ave na.
Vano Lotu Iri Pene Sauna Karaputa
23Ṉalu Pita mana Jon iru siporo, iru katikili gado ule za de iri koego vano iri vaogote Jesu, mana iru sine ne qira ria sauna pataro iri sine go vano batu ria Patere mana vano kazigarata ro go. 24Ṉalu vano lotu iri gata go pataro dena, osiqira iri kameka pene aqe de ikoe God, iri go dena, “God Batue! Qo vazaria go rani mana pua, mana osina pataro iri koego loboro qira go! 25Loborona Spirit tabo aro qo vamalumu ne kazigarata remu Davita basoe zazu aro, go i sine go.
‘Avigo tane vano iriki Jiu go kaega iri poro muma?
Mana basoero ria iri zazu ne go vatovato bulaṉoi gogo ne na?
26Ria batu lavata na pua de iri vanama ne varitara,
Mana vano iri kenaqa ne qira vano basoero na vudu pua dena iri kameka teṉo vanama ne varitarae na de ikoe go God mana valeke tavine ia ne go.’
27Pata ogoto, Erode mana Ponsio Pilato iru kameka vatovato tavisi banae de iri koe go vano iriki Jiu go kaega, mana vano Izirel go mara vae Jesu valeke zazu tabo aro, ia qova Mesia go. 28Vatovato ro dena iri zazu ne ze so pataro qo soko go aro, go loborona karaputa aro qo sine bana mego tinara lama sadaka. 29Ninidena Batue ono mia velaka me de igogo vatovato ria batu lavata ro dena, de qimu koego remu. Ono tavisi ne qemu remu vano zazu aro, go mikasi sareki ne na tamana vakaraputa ne na seko aro. 30Ono vasadaka me karaputa aro, go mara va velaka qira vano iri mokoso, mana vamao qemu go di zazu ne zazu vari vapoloso, mana zazu mazala ro mara sadake vitoṉo tabo na Jesu valeke zazu aro.”
31Ṉalu ria iri lotu lupo pade iri teṉoe go i vizu, osiqira iri purake to Spirit tabo, mana muzina nae ria iri vatupia to tarama vakaraputa ne seko ia God.
Vano Vaogoto Iri Vari Sosone Osina Patapata Ro Ria
32Vano iri vaogote go Jesu iri kameka nanao. Kaega kaki kameka basoe i taru vakakavata go patapata ia tanuna, do osiqira iri vari va kameka ne so osina pataro iri toṉove go. 33Loborona karaputa ia God, ria apostoloro ne iri tarama ne too napu ia Jesu Batu ne, mana God ilete vamakaolo napu qira to ria go. 34I kaega kaki kameka basoe ikoego de iri koego, iko makuru ne go kaki pata. Tanego ria iri toṉove go pua ba, pade gogo ne, iri volivoli ne mana kesa iri pala ze go, 35iri teke ne qira apostoloro ne, mana apostoloro ne iri ara kena ne qira go basoero kesa itorago pata iri soko go.
36Mana kameka valeke i kome tepa ṉugu Saeprus, ipodoe sinaqe ia Livai, vitoṉona Josepo, do apostoloro ne iri vitoṉo ze ia Banabasi talupasana, “Valeke i vavelake nanao ne kene basoe”. 37Valeke de togo, ivolivoli ne pua i toṉove go, mana ipala kesa na i teke ne qira apostoloro ne go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.