Jon 21
21
Jesu I Sadaka Qira Kavitu Disipoloro Ia
1Taramuzina kaviaro musaqara, Jesu i za sadaka qira disipoloro ia tepa masi pika na Taberiasi. Igoto dena pepeu na. 2Saimon Pita, Tomasi iri vitoṉo ze Pabaka, Natanel na valekena kena Qalili, karu sale ia Zebedi mana karua napu disipolo go iri kameka kogo. 3Gonae Saimon Pita igo de, “Era qa vele za tatava.” Ria iri go, “Remu qi soko zaza tavisi iri go.” Iago iri za age koluka ne, do lodana kuse nae iriki toqo so kaega ka iṉana. 4Torana iara za tavuara me, Jesu i degere me rikisina masi ne, do disipoloro ne iriki mia rove zaqe kaega. 5Gonae Jesu itana me, “Avigo, qamuki toqo so kaega ka iṉana ba?” Iri vataule me, “Oveto, kapata qiki vae so kaega.”
6Jesu i sine ne qira, “Vana ze gabe ramu tepa matauna koluka ne mana tamuna vae kavia i ṉaṉa go.” Iago iri vana ne gabe ria, mana topu sasakata iṉana iri vae go, mana i makuru qira toqo na gabe ne go.
7Disipolo Jesu ni lete mamaligara nego, i vane de Pita, “Batu ita ne to dona.” Pasi i gata seko nae Pita i ivaroku ne roku ia i ozuku bana go ni toqo go gabe ne. Gonae i soqa za masi ne. 8Kero ne disipoloro ne iri valua me koluka ne, mana iri toqo me gabe i purake go iṉana ne. De iri tatava ego iki lete laqalaqa ne kaega rikisi ne, kadego torana so kameka vasa mita bago. 9Ṉalu iri za vosoro me, iri mia nako, do noe na so iara kamu go, mana iṉana i koe nako ne, mana kavia bureri go. 10Gonae Jesu i sine ne qira, “Pala me kavia iṉana qamu ara toqo mego”.
11Saimon Pita i keba za loborona koluka ne mana i tavisi ne qira toqo vavosore na gabe ni purake go iṉana lavata ro ne, torana kameka vasa neqo kapisa, i lete topu goto nae tane iṉana ne do, gabe ne iki ara taridaka kaega go. 12Gonae Jesu i sine ne qira, “Muna lama ṉaṉa”. Kaega to kakia ria disipoloro ia iri tana ne akena tane ia, tanego iri rove Batu ne to de. 13Jesu i za pala bureri mana iṉana ne, gonae i teke ne qira go.
14Iadena i vapisana to ṉalu Jesu i vasadaka ze tanuna de iri koego disipoloro ia, taramuzina too i vae mego tepa le ne.
Jesu I Seko Tabe Pita
15Ṉalu iri ṉaṉa lupo to, Jesu i tana ne Saimon Pita, igo, “Saimon sale ia Jon, avigo mamaligara aro de qa koego era, i lete sivala ne mamaligara ria kero ne disipoloro ne, de qa koego era ba?” Pita i vataule igo, “Oveto Batu, aro qo rove era, qa mamaligara nigo,” Jesu i sine ne ia, “Ono miasoka qira tunana ro sipi era.” 16Gonae Jesu i tana napu ne ia varuana zaza, igo, “Saimon Sale ia Jon, avigo qo mamaligara nava era ba?” Pita i vataule napu, igo, “Oveto Batue, aro qo rove, era qa mamaligara nigo.” Jesu i sine ne ia, “Ono miasoka velaka qira sipi ro era.” 17Gonae Jesu i tana napu ne ia vapisana zaza, igo, “Saimon, sale ia Jon, avigo qo mamaligara nava era ba?” Pasi nae Pita i lete maqata, tanego kapisa zaza to, Jesu i tana ne ia, igo, “Avigo qo mamaligara nava era ba?” Iago i vataule ne igo de, “Batue, aro qo rove osina pata, mana qo rove, era qa mamaligara nigo.” Iago Jesu i sine ne ia, “Ono miasoka velaka qira sipi ro era. 18Masine nigo pata ogoto, ṉalu qo ara basoe voru go, tanumu so qo buka zigoe beloto aro, mana qo zae de qo soko go zaena tanumu go, do ṉalu qo kazigarata go, tono kazara ne zaqe karisimu de i koego kaki basoe kakavata, mana tina vazao ge aro, de qoki soko go kaega tono zae go.” 19Loborona to seko nae, Jesu i va rove ze Pita de tina go le ia, mana loborona to le ianae, tina vatarove qirae basoero ne de igogo karaputa mazala ia God. Gonae i sine ne Pita, “Luluava era!”
Jesu Mana Disipolo Ne Mamaligara Nego
20Pita i tabali ule mana i mia disipolo Jesu i mamaligara ne go, i lulu muzi ne qiru. Disipolo dena to i tabali bana go Jesu, ṉalu iri ṉaṉa go mana i tana ne go Jesu igo. “Batu, akena tane tina vabesa nigo aro na?” 21Ṉalu Pita i mia ia i tana ne Jesu, igo, “Batu, do valeke dena, ava tina go na?”
22Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”
23Pepeu na pata nae i goe to loboro qira disipoloro ne, iri go, disipolo nae tiniki le to kaega. Do Jesu iki sine kaega, basoe nae tiniki le kaega. Ia i sine so, “Ṉalu tu soko go era, ia tariki le kaega, go doka so ṉalu era tuna ule napu mego. Do ia i gogone iki pata mazala kaega de qo koego aro Pita.” 24Disipolo dena tane i pepeua go osina pataro dena mana i karo ze go buka dena go. Mana qi rove, osina pataro i sine go, i pataogoto lupo.
Valupolupo Na
25I topu napu pataro Jesu i zazu ne, do iriki karo kaega. Tanego ṉalu tara karo lupo go osina ro pata, qa nanao vudu pua dena tina kaega kade tara soti ze go buka ro tara karo ze go.
Currently Selected:
Jon 21: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Jon 21
21
Jesu I Sadaka Qira Kavitu Disipoloro Ia
1Taramuzina kaviaro musaqara, Jesu i za sadaka qira disipoloro ia tepa masi pika na Taberiasi. Igoto dena pepeu na. 2Saimon Pita, Tomasi iri vitoṉo ze Pabaka, Natanel na valekena kena Qalili, karu sale ia Zebedi mana karua napu disipolo go iri kameka kogo. 3Gonae Saimon Pita igo de, “Era qa vele za tatava.” Ria iri go, “Remu qi soko zaza tavisi iri go.” Iago iri za age koluka ne, do lodana kuse nae iriki toqo so kaega ka iṉana. 4Torana iara za tavuara me, Jesu i degere me rikisina masi ne, do disipoloro ne iriki mia rove zaqe kaega. 5Gonae Jesu itana me, “Avigo, qamuki toqo so kaega ka iṉana ba?” Iri vataule me, “Oveto, kapata qiki vae so kaega.”
6Jesu i sine ne qira, “Vana ze gabe ramu tepa matauna koluka ne mana tamuna vae kavia i ṉaṉa go.” Iago iri vana ne gabe ria, mana topu sasakata iṉana iri vae go, mana i makuru qira toqo na gabe ne go.
7Disipolo Jesu ni lete mamaligara nego, i vane de Pita, “Batu ita ne to dona.” Pasi i gata seko nae Pita i ivaroku ne roku ia i ozuku bana go ni toqo go gabe ne. Gonae i soqa za masi ne. 8Kero ne disipoloro ne iri valua me koluka ne, mana iri toqo me gabe i purake go iṉana ne. De iri tatava ego iki lete laqalaqa ne kaega rikisi ne, kadego torana so kameka vasa mita bago. 9Ṉalu iri za vosoro me, iri mia nako, do noe na so iara kamu go, mana iṉana i koe nako ne, mana kavia bureri go. 10Gonae Jesu i sine ne qira, “Pala me kavia iṉana qamu ara toqo mego”.
11Saimon Pita i keba za loborona koluka ne mana i tavisi ne qira toqo vavosore na gabe ni purake go iṉana lavata ro ne, torana kameka vasa neqo kapisa, i lete topu goto nae tane iṉana ne do, gabe ne iki ara taridaka kaega go. 12Gonae Jesu i sine ne qira, “Muna lama ṉaṉa”. Kaega to kakia ria disipoloro ia iri tana ne akena tane ia, tanego iri rove Batu ne to de. 13Jesu i za pala bureri mana iṉana ne, gonae i teke ne qira go.
14Iadena i vapisana to ṉalu Jesu i vasadaka ze tanuna de iri koego disipoloro ia, taramuzina too i vae mego tepa le ne.
Jesu I Seko Tabe Pita
15Ṉalu iri ṉaṉa lupo to, Jesu i tana ne Saimon Pita, igo, “Saimon sale ia Jon, avigo mamaligara aro de qa koego era, i lete sivala ne mamaligara ria kero ne disipoloro ne, de qa koego era ba?” Pita i vataule igo, “Oveto Batu, aro qo rove era, qa mamaligara nigo,” Jesu i sine ne ia, “Ono miasoka qira tunana ro sipi era.” 16Gonae Jesu i tana napu ne ia varuana zaza, igo, “Saimon Sale ia Jon, avigo qo mamaligara nava era ba?” Pita i vataule napu, igo, “Oveto Batue, aro qo rove, era qa mamaligara nigo.” Jesu i sine ne ia, “Ono miasoka velaka qira sipi ro era.” 17Gonae Jesu i tana napu ne ia vapisana zaza, igo, “Saimon, sale ia Jon, avigo qo mamaligara nava era ba?” Pasi nae Pita i lete maqata, tanego kapisa zaza to, Jesu i tana ne ia, igo, “Avigo qo mamaligara nava era ba?” Iago i vataule ne igo de, “Batue, aro qo rove osina pata, mana qo rove, era qa mamaligara nigo.” Iago Jesu i sine ne ia, “Ono miasoka velaka qira sipi ro era. 18Masine nigo pata ogoto, ṉalu qo ara basoe voru go, tanumu so qo buka zigoe beloto aro, mana qo zae de qo soko go zaena tanumu go, do ṉalu qo kazigarata go, tono kazara ne zaqe karisimu de i koego kaki basoe kakavata, mana tina vazao ge aro, de qoki soko go kaega tono zae go.” 19Loborona to seko nae, Jesu i va rove ze Pita de tina go le ia, mana loborona to le ianae, tina vatarove qirae basoero ne de igogo karaputa mazala ia God. Gonae i sine ne Pita, “Luluava era!”
Jesu Mana Disipolo Ne Mamaligara Nego
20Pita i tabali ule mana i mia disipolo Jesu i mamaligara ne go, i lulu muzi ne qiru. Disipolo dena to i tabali bana go Jesu, ṉalu iri ṉaṉa go mana i tana ne go Jesu igo. “Batu, akena tane tina vabesa nigo aro na?” 21Ṉalu Pita i mia ia i tana ne Jesu, igo, “Batu, do valeke dena, ava tina go na?”
22Jesu ivataule ne Pita igo, “Ṉalu tu soko go era, ia mara kasi le go doka so ṉalu era tuna ule napu mego. Do ia igogo ne iki pata mazala kaega de qo koego aro Pita. Ba aro ne, mo lulu ava era!”
23Pepeu na pata nae i goe to loboro qira disipoloro ne, iri go, disipolo nae tiniki le to kaega. Do Jesu iki sine kaega, basoe nae tiniki le kaega. Ia i sine so, “Ṉalu tu soko go era, ia tariki le kaega, go doka so ṉalu era tuna ule napu mego. Do ia i gogone iki pata mazala kaega de qo koego aro Pita.” 24Disipolo dena tane i pepeua go osina pataro dena mana i karo ze go buka dena go. Mana qi rove, osina pataro i sine go, i pataogoto lupo.
Valupolupo Na
25I topu napu pataro Jesu i zazu ne, do iriki karo kaega. Tanego ṉalu tara karo lupo go osina ro pata, qa nanao vudu pua dena tina kaega kade tara soti ze go buka ro tara karo ze go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.