Luka 11
11
Jesu I Vari Vatatana Ne De Igo Pene
(Matiu 6.9-13; 7.7-11)
1Kaki kameka ṉalu Jesu i pene kaki dia. Ṉalu i pene lupo, kaki kameka disipolo ia i sine ne Jesu, “Batu vatatana qemu e de go pene, gerena Jon iva tatana qira disipoloro ia.” 2Jesu i sine ne qira, “Ṉalu qamu pene, iadena to pata tamuna sine go,
Tamaqemu di vatabo go vitoṉomu.
Teke ne qemu Too ikoego vari miasoka ia aro.
3Tekene qemu osina musaqara pata gege qimu soko go.
4Ono nanao ulene vasakata pata ro remu, gere remu qi nanao ule ne qira ria iri sakata qemu,
mana oniki pada ne qemue pata i makuru go.”
5Mana Jesu i sine napu ne qira disipoloro ia, “Kaki kameka ramu tara zae pade ia vakitaka ia loboro kuse, mana sine ne ia, ‘Vakitaka era teke nava kakia bureril’ 6Tanego kaki kameka vakitaka era izaza mana iara lama gadoe pade era, iago i kaega nava to pata gege tuna teke ne go. 7Gonae vakitaka ia iko mego loborona pade ne i sine vaule ne, igo, ‘Kasi vaiqi ava era, siporaṉa ne inadu bana to, salero era mana tanuqu go qimu kamuku to, iago go to kaega ṉara degere mana teke nigo kaki pata.’ 8Iago ava tina goto? Masine ne qamu, pata volomo iki soko kaega tina degere mana teke nigo bureri, tanego aro qo vakitaka ia, iago tina degere mana teke bana nigo so osina pata qo soko go, tanego aro qoki agava ne kaega pene! 9Iago qa sine ne qamu, pene go tono pala go, taqia tono soba go, tetedeke go siporaṉa ne tina papaqa nigo. 10Tanego ka basoe i pene tina pala mana i taqia tina soba, mana siporaṉa tina papaqa ne ia i tetedeke go. 11Avigo ramu tamaqira salero, qamu mazala teke ne na sale valeke ramu dole ṉalu i pene go iṉana? 12Ba ia i pene go niqa qo mazala teke nena pedepede? 13Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”
Jesu Mana Belzebul
(Matiu 12.22-30; Maka 3.20-27)
14Jesu i kakale vasipore kaki manuru ikoe kaki valeke iki seko kaega. Ṉalu manuru ne i kasi ne ia, valeke ne iara seko to, gonae basoero topu iri lete nureke. 15Do kakiaro ria basoero iri go, “Belzebul, batu ria manuru ro ne tane iva karaputa Jesu go i kakale qira go manuru ro ne.”
16Kakiaro napu basoero iri soko pada ne Jesu, gonae iri pene ia go mara zazu ne kakia zazu vari vanureke go mara vasadake, ia i reqe ogoto bana me de ikoe God, iri go. 17Do Jesu i rove bana nanao qira ria, gonae i vane qira dena, “Vudu iri varitara tanuqira tariniki degere vanadu kaega, mana ka tatamana ro iri varitara tanuqira tarina soso ko lupo. 18Iago ṉalu basoero na komala ia Satana iri varitara tanuqira, ava tina go tina degere vanadu go? Ramu qamu go Belzebul tane i teke nava era karaputa go qa kakale ze go manuru sakata. 19Ṉalu tara go karaputa ia Belzebul go qa kakale qirae go manuru sakata ro ne, ake karaputa bana ia tane basoero ramu go iri kakale qirae go manuru sakata ro ne? Iago basoero ramu so tanuqamu iri vaogote go, ramu qamu poqe! 20Do era karaputa ia God tane qa kakale qirae go manuru sakata rone. Ianae i vasadaka ogote dego vari miasoka ia God i lama ko banae de qamu koe ramu.
21Ṉalu kaki valeke karaputa i vanama lupo osina pata varitara ro ia, i va miasoka ze sauna pade ia mana osina patapata ro ia iri ko velaka lupo so. 22Do ṉalu kaki valeke karaputa napu i lama mana i varitarae de ikoe valeke karaputa dena, iva qoqore ia pala osina pata varitara ro ia iva miasoka ze go sauna pade ia, mana i teke ne qira basoero iago.
23Ka basoe iki soko ava kaega era, iogoto, iato i legulegu ava, mana ka basoe iki tavisi nava kaega era pala qoqoṉo me qira basoero de ikoe God, iato i kakale qirae go de ikoego God.”
Manuru Sakata I Ule Napu
(Matiu 12.43-45)
24Jesu i sine napu ne qira, “Ṉalu manuru sakata i siporo kasi ne kaki valeke, izaza goza de i kadala go, i taqia de tina za koego. Ṉalu iki soba kaega, i sine ne tanuna, ‘Era ma ule napu za pade era qa kasi bana ne go, igo.’ 25Gonae ṉalu i ule za, iza mia osina pata i dalo lupo mana i sua vakapa lupo. 26Gonae i siporo za mana lulu me qira kavitu napu manuru sakata ro iri lete sakata sivala ne tanuna mana iri lama siqana napua valeke ne. Valeke ne i lete sakata sivala ne to de igo bana me kenaqana ne.”
Kula Ogoto
27Ṉalu Jesu i sine lupo pataro dena, kaki qole iko tavisi qira basoero iri qoqoṉo go ne, ikoru me igo dena, “Kula qole iva podo go aro mana susu i teke nigo!”
28Do Jesu i vataule ne ia, “Kula ria iri gata seko ia God, mana iri vaogote go!”
Vano Jiu Iri Pene Zazu Vari Vanureke Ro
(Matiu 12.38-42)
29Ṉalu topu basoero iri lama teṉo kolo Jesu, ia i sine ne qira, “Avana to sakata qira basoero na ṉalu ninidena. Iri pene zazu vari va nureke go mara ria mia iri go, do tuniki vamia qamue kaega ka zazu vari vanureke do lalana so kameka valeke i gere go Zona tamuna mia go. 30Tanego Zona i lala ria vano na Ninive, iago era Tuna basoe qa lala ria vano na ṉalu ninidena. 31Ṉalu musaqara varitanae ne, qole batu na Seba tina degere mana sine vasadake vatovato sakata ria basoero na ninidena. Tanego i reqe me de laqalaqa iara lama gata go tarove na vari vatatana ia batu lavata Solomon, do ma sine ne qamu, iko go dena pata lavata i sivala ne Solomon. 32Gerena napu so musaqara varitanae, basoero na Ninive tarina degere mana vasadake vatovato sakata ramu basoero na ninidena. Tanego ṉalu Zona i tamana qira, ria iri manava sakata ne vasakata pata ro ria. Do ma sine ne qamu ia i sivala ne Zona iko go dena.”
Tatavata Na Tokama
(Matiu 5.15; 6.22-23)
33Jesu i sine napua, “Kaega ka basoe i vakamua pazi mana i pika go ba, iroku zaqe go loborona qaleqi, kaega. Ia tina taru bana zaqe so zakazaka de vavaidoko pazi, go tina tatavata ne qira go basoero ṉalu iri keba mego pade ne. 34Matamu ia to pazina tokamamu, ṉalu matamu idaoro, tokamamu tina purake tatavata, do ṉalu matamu iki daoro kaega, tokamamu tina ko rodoko. 35Iago ono miasoka niki go tatavata ikoe de qo koego ki tatavata ogoto kaega, do rodoko. 36Ṉalu osina tokamamu i purake tatavata mana i kaega kaki dia i rodoko gogo ne, tina tatavata lupo gerena pazi i tatavata palua go damara na.”
Jesu I Seko Va Moqere De Iri Koego Vano Parisio Mana Vano Vari Vatatana Na Tamana
(Matiu 23.1-36; Maka 12.38-40)
37Ṉalu Jesu i seko lupo kaki valeke Parisio i pene Jesu go mara ṉaṉae pade ia igo, i lulu ne ia koloku mana i ṉaṉa tavise iago. 38Valeke Parisio i poloso ṉalu i mia Jesu iki saboro kenaqe kaega karisina do i ṉaṉa go. 39Batu ne i sine ne valeke ne, “Ramu vano Parisio qamu vadalo so kakamuna kapu mana ebata ramu, do loboro qamu i purake so pata vari vavokara mana vatovato sakata ro go. 40Qamu vano lete bulaṉoe. Avigo iki ogoto kaega God tane i zazu ne go kakamuna mana zazu napu ne go loborona ne go? 41Iago muna teke ne qira basoero situ pataro ikoe loborona kapu mana ebata ramu, go ia osina ro pata tina daloe de qamu koe ramu.
42Manava sakata de qamu koe ramu vano Parisio, qamu teke ne God kameka nogotona vamanoga na urena pataro qamu leba ze go barue ro ramu. Do ramu qamu ki nanao totoloṉo so kaega sauqira basoero, mana mamaligara ne na God go. Muna zazu kenaqa ne pataro dena, mana kasi va patavolomo na kero ne pataro go.
43Manava sakata de qamu koe ramu vano Parisio, qamu soko tarina vanama ne qamu vesu kolokoloku velaka loboro na Pade Lotu ne, mana ṉalu qamu zae de iri volivoli e go, qamu soko basoero mara va batu qamu, qamu go. 44Manava sakata de qamu koe ramu, qamu gere kukubo i kaega lalana, basoero ne iri mazala so kube poka na, tanego iriki rove kaega.”
45Kaki kameka valeke tarove na tamana ivane de Jesu, “Valeke vari vatatana, ṉalu qo seko gogo nae, aro qo vasakata qemu remu!”
46Jesu iva taule ne valeke ne, “Manava sakata napu de qamu koe ramu vano vari vatatana na Tamana, qamu vazaria topu tamana ro i makuru qira basoero tarina lulua go. I gere qamu taruze pata maqata avara qira basoero, mana i makuru qira vapaqo na. Tanuqamu do qamu kasi vagoro tavisi qira. 47Manava sakata de qamu koe ramu, qamu sara va velake kukubo qira propeta ro ne, mana propeta ro nae kakazigarata ro ramu so iri vae vale qira go. 48Vatovato nae ramu tanuqamu, gerena qamu toqe ne go pataro iri zazu nego kakazigarata ro ramu. Tanego ria iri vae vale qira propeta ro ne, mana ramu qamu sara kukubo qira go. 49Ianae tanego, tarove ia God igo, ‘Era tuna turine qira ria propeta ro, mana apostolo ro. Kakiaro tarina va vokara qira, mana kakiaro tarina vae vale qira go.’ 50Iago, ramu basoero qamu ko go ninidena, God tina va kimata qamue ramu sauqira propetaro iri vae vale bana qira go, tupi me ṉalu kolobana pua dena i vatupi mego. 51Tupi me le ivae go Ebolo lama doka le ivae Zakaria, iri vae vale ze vari loborina aletare na pade tabo ia God. Ove masine ne qamu, God tina vakimata qira basoero na ṉalu nini dena sauna osina pataro dena.
52Manava sakata de qamu koego ramu vano vari vatatana na Tamana. Ramu qamu sida ne qira basoero kii na siporaṉa na pade ikoego tarove na seko ia God. Tanuqamu do qamu kasi keba zana, mana qamu vakaega qira ria iri pada ne keba zana.”
53Ṉalu Jesu i kasine komala igogo ne, vano Parisio mana vano torove na tamana, iri vatupia na ne seko vasakate na ia, mana iri tana ne ia topu na pataro. 54Iri lete pada ne go mara ria vasoru ze ia kaki pata tina sine va kebua iri go.
Currently Selected:
Luka 11: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Luka 11
11
Jesu I Vari Vatatana Ne De Igo Pene
(Matiu 6.9-13; 7.7-11)
1Kaki kameka ṉalu Jesu i pene kaki dia. Ṉalu i pene lupo, kaki kameka disipolo ia i sine ne Jesu, “Batu vatatana qemu e de go pene, gerena Jon iva tatana qira disipoloro ia.” 2Jesu i sine ne qira, “Ṉalu qamu pene, iadena to pata tamuna sine go,
Tamaqemu di vatabo go vitoṉomu.
Teke ne qemu Too ikoego vari miasoka ia aro.
3Tekene qemu osina musaqara pata gege qimu soko go.
4Ono nanao ulene vasakata pata ro remu, gere remu qi nanao ule ne qira ria iri sakata qemu,
mana oniki pada ne qemue pata i makuru go.”
5Mana Jesu i sine napu ne qira disipoloro ia, “Kaki kameka ramu tara zae pade ia vakitaka ia loboro kuse, mana sine ne ia, ‘Vakitaka era teke nava kakia bureril’ 6Tanego kaki kameka vakitaka era izaza mana iara lama gadoe pade era, iago i kaega nava to pata gege tuna teke ne go. 7Gonae vakitaka ia iko mego loborona pade ne i sine vaule ne, igo, ‘Kasi vaiqi ava era, siporaṉa ne inadu bana to, salero era mana tanuqu go qimu kamuku to, iago go to kaega ṉara degere mana teke nigo kaki pata.’ 8Iago ava tina goto? Masine ne qamu, pata volomo iki soko kaega tina degere mana teke nigo bureri, tanego aro qo vakitaka ia, iago tina degere mana teke bana nigo so osina pata qo soko go, tanego aro qoki agava ne kaega pene! 9Iago qa sine ne qamu, pene go tono pala go, taqia tono soba go, tetedeke go siporaṉa ne tina papaqa nigo. 10Tanego ka basoe i pene tina pala mana i taqia tina soba, mana siporaṉa tina papaqa ne ia i tetedeke go. 11Avigo ramu tamaqira salero, qamu mazala teke ne na sale valeke ramu dole ṉalu i pene go iṉana? 12Ba ia i pene go niqa qo mazala teke nena pedepede? 13Ramu qamuki vano totoloṉo kaega do, ramu qamu rove pata i velaka so tamuna teke ne qira go sale ro ramu. Tamaqamu ikoego rani i lete velaka sivala ne qamu ramu. Tina teke ne qira Spirit tabo ria iri pene go!”
Jesu Mana Belzebul
(Matiu 12.22-30; Maka 3.20-27)
14Jesu i kakale vasipore kaki manuru ikoe kaki valeke iki seko kaega. Ṉalu manuru ne i kasi ne ia, valeke ne iara seko to, gonae basoero topu iri lete nureke. 15Do kakiaro ria basoero iri go, “Belzebul, batu ria manuru ro ne tane iva karaputa Jesu go i kakale qira go manuru ro ne.”
16Kakiaro napu basoero iri soko pada ne Jesu, gonae iri pene ia go mara zazu ne kakia zazu vari vanureke go mara vasadake, ia i reqe ogoto bana me de ikoe God, iri go. 17Do Jesu i rove bana nanao qira ria, gonae i vane qira dena, “Vudu iri varitara tanuqira tariniki degere vanadu kaega, mana ka tatamana ro iri varitara tanuqira tarina soso ko lupo. 18Iago ṉalu basoero na komala ia Satana iri varitara tanuqira, ava tina go tina degere vanadu go? Ramu qamu go Belzebul tane i teke nava era karaputa go qa kakale ze go manuru sakata. 19Ṉalu tara go karaputa ia Belzebul go qa kakale qirae go manuru sakata ro ne, ake karaputa bana ia tane basoero ramu go iri kakale qirae go manuru sakata ro ne? Iago basoero ramu so tanuqamu iri vaogote go, ramu qamu poqe! 20Do era karaputa ia God tane qa kakale qirae go manuru sakata rone. Ianae i vasadaka ogote dego vari miasoka ia God i lama ko banae de qamu koe ramu.
21Ṉalu kaki valeke karaputa i vanama lupo osina pata varitara ro ia, i va miasoka ze sauna pade ia mana osina patapata ro ia iri ko velaka lupo so. 22Do ṉalu kaki valeke karaputa napu i lama mana i varitarae de ikoe valeke karaputa dena, iva qoqore ia pala osina pata varitara ro ia iva miasoka ze go sauna pade ia, mana i teke ne qira basoero iago.
23Ka basoe iki soko ava kaega era, iogoto, iato i legulegu ava, mana ka basoe iki tavisi nava kaega era pala qoqoṉo me qira basoero de ikoe God, iato i kakale qirae go de ikoego God.”
Manuru Sakata I Ule Napu
(Matiu 12.43-45)
24Jesu i sine napu ne qira, “Ṉalu manuru sakata i siporo kasi ne kaki valeke, izaza goza de i kadala go, i taqia de tina za koego. Ṉalu iki soba kaega, i sine ne tanuna, ‘Era ma ule napu za pade era qa kasi bana ne go, igo.’ 25Gonae ṉalu i ule za, iza mia osina pata i dalo lupo mana i sua vakapa lupo. 26Gonae i siporo za mana lulu me qira kavitu napu manuru sakata ro iri lete sakata sivala ne tanuna mana iri lama siqana napua valeke ne. Valeke ne i lete sakata sivala ne to de igo bana me kenaqana ne.”
Kula Ogoto
27Ṉalu Jesu i sine lupo pataro dena, kaki qole iko tavisi qira basoero iri qoqoṉo go ne, ikoru me igo dena, “Kula qole iva podo go aro mana susu i teke nigo!”
28Do Jesu i vataule ne ia, “Kula ria iri gata seko ia God, mana iri vaogote go!”
Vano Jiu Iri Pene Zazu Vari Vanureke Ro
(Matiu 12.38-42)
29Ṉalu topu basoero iri lama teṉo kolo Jesu, ia i sine ne qira, “Avana to sakata qira basoero na ṉalu ninidena. Iri pene zazu vari va nureke go mara ria mia iri go, do tuniki vamia qamue kaega ka zazu vari vanureke do lalana so kameka valeke i gere go Zona tamuna mia go. 30Tanego Zona i lala ria vano na Ninive, iago era Tuna basoe qa lala ria vano na ṉalu ninidena. 31Ṉalu musaqara varitanae ne, qole batu na Seba tina degere mana sine vasadake vatovato sakata ria basoero na ninidena. Tanego i reqe me de laqalaqa iara lama gata go tarove na vari vatatana ia batu lavata Solomon, do ma sine ne qamu, iko go dena pata lavata i sivala ne Solomon. 32Gerena napu so musaqara varitanae, basoero na Ninive tarina degere mana vasadake vatovato sakata ramu basoero na ninidena. Tanego ṉalu Zona i tamana qira, ria iri manava sakata ne vasakata pata ro ria. Do ma sine ne qamu ia i sivala ne Zona iko go dena.”
Tatavata Na Tokama
(Matiu 5.15; 6.22-23)
33Jesu i sine napua, “Kaega ka basoe i vakamua pazi mana i pika go ba, iroku zaqe go loborona qaleqi, kaega. Ia tina taru bana zaqe so zakazaka de vavaidoko pazi, go tina tatavata ne qira go basoero ṉalu iri keba mego pade ne. 34Matamu ia to pazina tokamamu, ṉalu matamu idaoro, tokamamu tina purake tatavata, do ṉalu matamu iki daoro kaega, tokamamu tina ko rodoko. 35Iago ono miasoka niki go tatavata ikoe de qo koego ki tatavata ogoto kaega, do rodoko. 36Ṉalu osina tokamamu i purake tatavata mana i kaega kaki dia i rodoko gogo ne, tina tatavata lupo gerena pazi i tatavata palua go damara na.”
Jesu I Seko Va Moqere De Iri Koego Vano Parisio Mana Vano Vari Vatatana Na Tamana
(Matiu 23.1-36; Maka 12.38-40)
37Ṉalu Jesu i seko lupo kaki valeke Parisio i pene Jesu go mara ṉaṉae pade ia igo, i lulu ne ia koloku mana i ṉaṉa tavise iago. 38Valeke Parisio i poloso ṉalu i mia Jesu iki saboro kenaqe kaega karisina do i ṉaṉa go. 39Batu ne i sine ne valeke ne, “Ramu vano Parisio qamu vadalo so kakamuna kapu mana ebata ramu, do loboro qamu i purake so pata vari vavokara mana vatovato sakata ro go. 40Qamu vano lete bulaṉoe. Avigo iki ogoto kaega God tane i zazu ne go kakamuna mana zazu napu ne go loborona ne go? 41Iago muna teke ne qira basoero situ pataro ikoe loborona kapu mana ebata ramu, go ia osina ro pata tina daloe de qamu koe ramu.
42Manava sakata de qamu koe ramu vano Parisio, qamu teke ne God kameka nogotona vamanoga na urena pataro qamu leba ze go barue ro ramu. Do ramu qamu ki nanao totoloṉo so kaega sauqira basoero, mana mamaligara ne na God go. Muna zazu kenaqa ne pataro dena, mana kasi va patavolomo na kero ne pataro go.
43Manava sakata de qamu koe ramu vano Parisio, qamu soko tarina vanama ne qamu vesu kolokoloku velaka loboro na Pade Lotu ne, mana ṉalu qamu zae de iri volivoli e go, qamu soko basoero mara va batu qamu, qamu go. 44Manava sakata de qamu koe ramu, qamu gere kukubo i kaega lalana, basoero ne iri mazala so kube poka na, tanego iriki rove kaega.”
45Kaki kameka valeke tarove na tamana ivane de Jesu, “Valeke vari vatatana, ṉalu qo seko gogo nae, aro qo vasakata qemu remu!”
46Jesu iva taule ne valeke ne, “Manava sakata napu de qamu koe ramu vano vari vatatana na Tamana, qamu vazaria topu tamana ro i makuru qira basoero tarina lulua go. I gere qamu taruze pata maqata avara qira basoero, mana i makuru qira vapaqo na. Tanuqamu do qamu kasi vagoro tavisi qira. 47Manava sakata de qamu koe ramu, qamu sara va velake kukubo qira propeta ro ne, mana propeta ro nae kakazigarata ro ramu so iri vae vale qira go. 48Vatovato nae ramu tanuqamu, gerena qamu toqe ne go pataro iri zazu nego kakazigarata ro ramu. Tanego ria iri vae vale qira propeta ro ne, mana ramu qamu sara kukubo qira go. 49Ianae tanego, tarove ia God igo, ‘Era tuna turine qira ria propeta ro, mana apostolo ro. Kakiaro tarina va vokara qira, mana kakiaro tarina vae vale qira go.’ 50Iago, ramu basoero qamu ko go ninidena, God tina va kimata qamue ramu sauqira propetaro iri vae vale bana qira go, tupi me ṉalu kolobana pua dena i vatupi mego. 51Tupi me le ivae go Ebolo lama doka le ivae Zakaria, iri vae vale ze vari loborina aletare na pade tabo ia God. Ove masine ne qamu, God tina vakimata qira basoero na ṉalu nini dena sauna osina pataro dena.
52Manava sakata de qamu koego ramu vano vari vatatana na Tamana. Ramu qamu sida ne qira basoero kii na siporaṉa na pade ikoego tarove na seko ia God. Tanuqamu do qamu kasi keba zana, mana qamu vakaega qira ria iri pada ne keba zana.”
53Ṉalu Jesu i kasine komala igogo ne, vano Parisio mana vano torove na tamana, iri vatupia na ne seko vasakate na ia, mana iri tana ne ia topu na pataro. 54Iri lete pada ne go mara ria vasoru ze ia kaki pata tina sine va kebua iri go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.