Luka 15
15
Sipi I Rore
(Matiu 18.12-14)
1Kaki kameka ṉalu topu ria vano palapala takisi mana vano sakata ro iri lama gata seko ia Jesu. 2Do vano Parisio mana vano vari vatatana na Tamana iri tupi vari gozogozo nena Jesu, iri go, “Valeke dena isoko qira so vano sakata mana iṉana tavisi qira so go.” 3Gonae Jesu i sine ne qira va padapada dena,
4“Ṉalu kaki kameka ramu tara kone kameka vasa sipi mana iva rore kameka tara gogo ne, avana to tara zazu nego na? Ia tina taru qira iaṉaulu kaia sipi ro de iri ṉaṉae go, mana za taqia kameka i rore go. 5Ṉalu iza soba go i lete kula ne i pala vapaqo ze avarana, 6mana i ule za komala. Taramuzina ikoru qira vakitaka ro ia mana i sine ne qira, ‘Era qa lete kula sivala qa soba napua to sipi era irore go, iago lama mana kula tavisi ava era!’ 7Gerena so qa sine ne qamu, ria iri koego rani ne tarina kula sivala ne de ikoego kameka basoe i manava sakata nego vasakata pata ia. Kula nae tina lete sivala ne iaṉaulu kaia vano iri nanao velaka, i kaega kapata tarina manava sakata nego.”
Kesa I Rore
8Jesu i sine napu ne qira, “Ba igerena napu so kaki kameka qole izari ne manoga kesa, mana i vana ne kaki kameka. Avana tina zazu ne go? Ia tina vakamua pazi mana sero pade ia, itaqi va velake go iara soba go. 9Ṉalu i soba go i koru qira vakitaka ro ia, mana ria onotona ro i sine ne qira, ‘Era qa lete kula sivala qa soba go kesa era gava rore go. Iago muna kula tavisi ava.’ 10Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”
Vapadapada Na Sale Valeke I Rore
11Jesu i sine napu ne qira, “Kaki kameka valeke i toṉove karua sale valeke. 12Ke suka sale valeke ne i sine ne tamana igo, ‘Mamae teke nava todoqu pua mana pataro qo toṉove go,’ Gonae tamaqiru ne i kena ne qiru karua sale valeke ia pataro i toṉove go. 13Taramuzina kavia musaqara i sivala, ke suka sale valeke ne i volivoii lupo ne osina patapataro ia i teke ne go tamana. I pala kesa ne i kasi ne komala ia mana izae vudu laqalaqa, mana iva lupo ze kesa ia too na vatovato sakata ro. 14Ṉalu iva lupo kesa itoṉove go, saqo lavata i pala qira to vano na vudu iza koego. 15Gonae iza zazue de ikoe kaki valeke na vudu igogo ne. Valeke ne ituri ne ia tina miasoka ne bokoro ia. 16I lete soko to ge na pata gege iri puara ze go bokoro ne, go mara va puraka zaqe sopana igo, do kaega to ka basoe i teke go pata gege. 17I umata aqe de suka i pala nanao igo, ‘Topu vano zazu iri zazu nego mamae, i topu pata gege iri ge go. Avana to era qa lama le nego saqo dena! 18Ma degere mana ma ule za de ikoego mamae mana ma sine ne, “Mamae era qa kebue de ikoe God mana aro. 19Era iki torava kaega ṉara koru vego sale aro, do vagere veso kakia valeke zazu aro.” ’ 20Gonae i tapa degere izaza ule za de ikoe tamana. Ṉalu iara za laqalaqa me so ia, tamana i mia zaqe mana i lete nanao, i teteṉe za soba mana vakalu ze karisina sale ia mana ikuna. 21Sale valeke ne igo, ‘Mamae, era qa vasakata patae de ikoe God mana aro, iago ki tora kaega tono koru ve go sale aro,’ 22Do tamana ikoru qira aqe vano zazu ia, ‘Katikili pala me poga voru ke i lete menomeno go mana va baribari ze, mana va sabe ze rini kakaraputuna karisina mana va keba ze makebotu makena go. 23Mana za vae vale tunana buluka voru ke ni lete velavelaka go mana pala me. Ita ninidena mata ṉaṉa mana kula! 24Tanego sale era dena i le bana do i too napu, I rore do qa soba napua,’ Gonae iri vatupia ṉaṉa mana kula.
25Torana nae togana sale valeke ne i kasi ne me to barue ne. Ṉalu iza gado ule me i lama garogaro pade ne, igata kera mana veqa. 26Gonae i koru zaqe kaki kameka vano zazu ne, mana i tana ne. ‘Ava patana to i doka go?’ 27‘Kaemu iara gado ule meto komala,’ igo valeke zazu ne, ‘iago tamamu ivae vale tunana buluka voru ke i lete velaka go. Tanego i soba napua sale ia i too mana iule napu me.’ 28Ke lavata sale valeke ne, i muma i kasina keba zana pade ne. Gonae tamana i siporo me ilama koru vakeba. 29Do sale valeke ne ivane dena tamana, ‘Mia osina ave qa zazu nigo qa gere so kaki seka aro, mana osina pata qo sine nava, qaki legua kaega qa zazu neso. Do aro kaega so kapata suka qo teke nava, pata volomo tunana naniqoti to vae nava, gotu ṉaṉa tavisi qira vakitaka ro era, do kaega so! 30Do sale valeke aro nae i gole qiso lupo ne kesa aro de iri koego qolero iza va gabu qira. Mana ṉalu iza gado ule me ia, qovae ne tunana buluka velaka go.’ 31Tamana igo, ‘Sale era aro qo ko tavisi ava osina ṉalu. Iago osina pataro qa toṉove go i ke aro to. 32Iago i tora mata ṉaṉa mana kula, tanego kaemu i le bana, do ninidena itoo napu, i rore bana do i ule me qata soba napua go.’ ”
Currently Selected:
Luka 15: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Luka 15
15
Sipi I Rore
(Matiu 18.12-14)
1Kaki kameka ṉalu topu ria vano palapala takisi mana vano sakata ro iri lama gata seko ia Jesu. 2Do vano Parisio mana vano vari vatatana na Tamana iri tupi vari gozogozo nena Jesu, iri go, “Valeke dena isoko qira so vano sakata mana iṉana tavisi qira so go.” 3Gonae Jesu i sine ne qira va padapada dena,
4“Ṉalu kaki kameka ramu tara kone kameka vasa sipi mana iva rore kameka tara gogo ne, avana to tara zazu nego na? Ia tina taru qira iaṉaulu kaia sipi ro de iri ṉaṉae go, mana za taqia kameka i rore go. 5Ṉalu iza soba go i lete kula ne i pala vapaqo ze avarana, 6mana i ule za komala. Taramuzina ikoru qira vakitaka ro ia mana i sine ne qira, ‘Era qa lete kula sivala qa soba napua to sipi era irore go, iago lama mana kula tavisi ava era!’ 7Gerena so qa sine ne qamu, ria iri koego rani ne tarina kula sivala ne de ikoego kameka basoe i manava sakata nego vasakata pata ia. Kula nae tina lete sivala ne iaṉaulu kaia vano iri nanao velaka, i kaega kapata tarina manava sakata nego.”
Kesa I Rore
8Jesu i sine napu ne qira, “Ba igerena napu so kaki kameka qole izari ne manoga kesa, mana i vana ne kaki kameka. Avana tina zazu ne go? Ia tina vakamua pazi mana sero pade ia, itaqi va velake go iara soba go. 9Ṉalu i soba go i koru qira vakitaka ro ia, mana ria onotona ro i sine ne qira, ‘Era qa lete kula sivala qa soba go kesa era gava rore go. Iago muna kula tavisi ava.’ 10Gerena so qa sine ne qamu go dena, aqelo ro ia God iri koego rani ne, iri lete kula sivala ne kameka basoe i manava sakata nego vasakata pata ia.”
Vapadapada Na Sale Valeke I Rore
11Jesu i sine napu ne qira, “Kaki kameka valeke i toṉove karua sale valeke. 12Ke suka sale valeke ne i sine ne tamana igo, ‘Mamae teke nava todoqu pua mana pataro qo toṉove go,’ Gonae tamaqiru ne i kena ne qiru karua sale valeke ia pataro i toṉove go. 13Taramuzina kavia musaqara i sivala, ke suka sale valeke ne i volivoii lupo ne osina patapataro ia i teke ne go tamana. I pala kesa ne i kasi ne komala ia mana izae vudu laqalaqa, mana iva lupo ze kesa ia too na vatovato sakata ro. 14Ṉalu iva lupo kesa itoṉove go, saqo lavata i pala qira to vano na vudu iza koego. 15Gonae iza zazue de ikoe kaki valeke na vudu igogo ne. Valeke ne ituri ne ia tina miasoka ne bokoro ia. 16I lete soko to ge na pata gege iri puara ze go bokoro ne, go mara va puraka zaqe sopana igo, do kaega to ka basoe i teke go pata gege. 17I umata aqe de suka i pala nanao igo, ‘Topu vano zazu iri zazu nego mamae, i topu pata gege iri ge go. Avana to era qa lama le nego saqo dena! 18Ma degere mana ma ule za de ikoego mamae mana ma sine ne, “Mamae era qa kebue de ikoe God mana aro. 19Era iki torava kaega ṉara koru vego sale aro, do vagere veso kakia valeke zazu aro.” ’ 20Gonae i tapa degere izaza ule za de ikoe tamana. Ṉalu iara za laqalaqa me so ia, tamana i mia zaqe mana i lete nanao, i teteṉe za soba mana vakalu ze karisina sale ia mana ikuna. 21Sale valeke ne igo, ‘Mamae, era qa vasakata patae de ikoe God mana aro, iago ki tora kaega tono koru ve go sale aro,’ 22Do tamana ikoru qira aqe vano zazu ia, ‘Katikili pala me poga voru ke i lete menomeno go mana va baribari ze, mana va sabe ze rini kakaraputuna karisina mana va keba ze makebotu makena go. 23Mana za vae vale tunana buluka voru ke ni lete velavelaka go mana pala me. Ita ninidena mata ṉaṉa mana kula! 24Tanego sale era dena i le bana do i too napu, I rore do qa soba napua,’ Gonae iri vatupia ṉaṉa mana kula.
25Torana nae togana sale valeke ne i kasi ne me to barue ne. Ṉalu iza gado ule me i lama garogaro pade ne, igata kera mana veqa. 26Gonae i koru zaqe kaki kameka vano zazu ne, mana i tana ne. ‘Ava patana to i doka go?’ 27‘Kaemu iara gado ule meto komala,’ igo valeke zazu ne, ‘iago tamamu ivae vale tunana buluka voru ke i lete velaka go. Tanego i soba napua sale ia i too mana iule napu me.’ 28Ke lavata sale valeke ne, i muma i kasina keba zana pade ne. Gonae tamana i siporo me ilama koru vakeba. 29Do sale valeke ne ivane dena tamana, ‘Mia osina ave qa zazu nigo qa gere so kaki seka aro, mana osina pata qo sine nava, qaki legua kaega qa zazu neso. Do aro kaega so kapata suka qo teke nava, pata volomo tunana naniqoti to vae nava, gotu ṉaṉa tavisi qira vakitaka ro era, do kaega so! 30Do sale valeke aro nae i gole qiso lupo ne kesa aro de iri koego qolero iza va gabu qira. Mana ṉalu iza gado ule me ia, qovae ne tunana buluka velaka go.’ 31Tamana igo, ‘Sale era aro qo ko tavisi ava osina ṉalu. Iago osina pataro qa toṉove go i ke aro to. 32Iago i tora mata ṉaṉa mana kula, tanego kaemu i le bana, do ninidena itoo napu, i rore bana do i ule me qata soba napua go.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.