Luka 5
5
Jesu I Koru Qira Kavasi Disipoloro
(Matiu 4.18-22; Maka 1.16-20)
1Kaki kameka musaqara Jesu i degere rikisina masi pipika na Genesaret, topu ria basoero iri lama teṉokolo ia, iri vari vaiki iki go mara ria gata seko ia God. 2Gonae Jesu i mia karua koluka iri raqasa ze karakoni rikisina masi, mana vano vae vae iṉana iri za sabore gabe ria. 3Jesu i keba za loborona kaki kameka koluka ke ia Saimon, i sine ne Saimon go mara vaziki zaqe desuka koluka masi ne. Gonae i kolokue koluka ne mana iva tatana qira basoero ne.
4Ṉalu Jesu i seko lupoe de iri koego basoero ne, i sine ne Saimon, “Tubele vaziki zaqe de ikuri go masi koluka ne, mana va qoqoro zaqe gabe ramu go mamu toqo iṉana.”
5Saimon igo, “Batu qisibato remu lodana kuse ne do qimuki toqo so kaega kapata, do qo sine to aro go era ṉara va qoqoro zaqe to gabe ne.” 6Iri va qoqoro zaqe gabe ne, mana iri toqo topu sasakata iṉana, go nae gabe ne ivele taridaka. 7Gonae iri koru qira aqe ria iri kameka zazu iri koego varuana koluka ne go mara lama tavisi qira iri go. Iri vapurake karua koluka ne mana iri vele zunu go. 8Ṉalu Saimon Pita i mia pata i sadaka go, i koloku tutuṉue tarakenaqana Jesu igo, “Kasi nava era Batu, era qa valeke vasakata pata.”
9Pita mana ria iri ko tavisi go, iri lete nureke sasakata ne topu na iṉana iri gabe go. 10Gerena napu so karua sale ia Zebedi, Jemisi mana Jon, iru kameka zazu tavise go Saimon. Jesu i sine ne Saimon, “Oniki sareki, pasi ninidena popoka za go aro tono varove qira basoero ne sauna Too ikoego vari miasoka ia God.”
11Gonae iri toqo va vasore karua koluka rikisi ne, iri tarua osina pata mana iri lulua Jesu go.
Jesu Iva Velake Valeke I Vae Voremake
(Matiu 8.1-4; Maka 1.40-45)
12Ṉalu Jesu ikoe kaki komala, gonae i lama kameka valeke voremake mana ṉalu i mia Jesu, i soru rabavakapata ne tarakenaqana, mana i pene, “Batu ṉalu aro qo soko go, qo mazala va velaka va.”
13Jesu i kazara ne karisina mana i siba valeke ne igo, “Qa toqe ne ono velaka to.” Gonae voremake ne i kasine to valeke ne. 14Jesu i sine ne valeke ne, “Oniki sine ne kaki basoe do ono za totoloṉe so de ikoe patere go mara toeri go. Taramuzina ono zazu ne sosovolomo i sine bana go Mosese, go ia basoero ne tarina vaogoti go aro qo velaka.”
15Do taramana Jesu i lupoe to osina dia mana topu basoero iri lama gata ia, go mara va velake mokoso ro ria iri go. 16Do topu na ṉalu Jesu iza ko vamiki de i kaega basoe na iza pene.
Jesu Iva Velake Valeke I Le Lupo Osina Tokamana
(Matiu 9.1-8; Maka 2.1-12)
17Kaki kameka musaqara, ṉalu Jesu ivari vatatana, kaki ria vano Parisio mana vano tarove na tamana iri ko tavisi go iri reqe me osina komala na ro Qalili, Judia, mana komala lavata Jerusalema go. Gonae karaputa ia God ikoe de ikoego Jesu, iva velake mokoso ro ria basoero ne. 18Gonae kakia ro ria basoero iri vagoro me kaki valeke i le lupo tokamana iri pada ne valame ze loboro pade ne go mara ria vakekele ze tarakenaqana Jesu iri go. 19Tanego i lete topu basoero ne, i makuru qira kade tarina vagoe me ze go loboro ne. Iri keba za popoko na pade ne, iri za papaqa me zakazaka mana iri va qoqoro palu me ze vesu ia valeke ne loboro qira ria iri teṉoe go tarakenaqana Jesu. 20Ṉalu Jesu i mia karaputa na vaogoto ria, i vane dena valeke i le go tokamana ne, “Vakitaka era vasakata pataro aro iri talupasa.”
21Ria vano tarove na Tamana mana vano Parisio iri nanao luluse seko ia Jesu, iri vari goe de tanuqira, “Akena tane valeke dena i seko sakate go God! Tanuna so God i mazala go lukasena vasakata pata.”
22Jesu i rove bana nanao ria, mana i vane qira dena, “Ava nanao na tane ikoego puṉu qamu. 23Adeke riru dena i malumu go sine na, ‘Vasakata pata aro iri talupasa’ ba sine, na ‘Degere mana zaza?’ 24Era tuna vamia rove qamue ramu, era Tuna basoe i ko nava karaputa pua dena go tuna va talukasa go vasakata pata.” Gonae Jesu sine ne valeke i le lupo go tokamana ne, “Era qa sine ni go Degere, pala vesu aro mana gado za pade aro.”
25Valeke ne i tapa degere tarakenaqa qira basoero ne, i pala vesu i kekele go i gado za komala ia, mana i vazaka God. 26Osiqira basoero iri lete nureke iri sareki mana iri vazaka God. Iri go, “Pata vari vapoloso tane qata mia go ninide.”
Jesu I Korua Livae
(Matiu 9.9; Maka 2.13-14)
27Taramuzina ia dena, Jesu i siporo za mana i mia kaki valeke paiapala takisi vitoṉo na Livae, i kolokue pade iri palapala takisi ego. Jesu i sine ne ia, “Luluava era.” 28Livae i tapadegere, i tarua osina pata, mana i lulua Jesu.
Jesu I Ṉaṉa Tavisi Qira Vano Vasakata Pata Loborona Pade Ia Livae
(Matiu 9.10-12; Maka 2.15-17)
29Livae i zazu ne pata gege lavata sauna Jesu loborona pade ia. Mana topu ria vano palapaia takisi, mana kakiaro basoero go iri koloku tavise ia. 30Kakia ro ria vano Parisio mana vano tarove na tamana, iri muma ne qira disipoloro ia Jesu. Iri go dena, “Avigo tane ramu qamu ṉaṉa mana ge loka tavisi qira go vano palapala takisi mana vano vasakata pata?”
31Jesu i vataule ne qira igo dena, “Vano iri velaka go iriki soko kaega valeke vari vole, do ria iri mokoso go tane iri soko go valeke vari vole. 32Era qaki lama ne kaega koru qira vano velaka, do qa lama ne koru qira vano vasakata pata, go mara ria nanao ule ne vasakata pataro ria.”
Tana Sauna Qaniqani
(Matiu 9.14-17; Maka 2.18-22)
33Gonae kakia ro ria basoero iri sine ne Jesu, “Ria disipoloro ia Jon iri qaniqani mana pepene osina ṉalu, mana iri go napu to disipoloro ria vano Parisio go; do disipoloro aro iri ṉaṉa mana ge loka so iri go.”
34Jesu iva taule ne qira igo, “Qamu nanao qamu mazala va qaniqani qira basoero iri lama ko tavisi go ṉaṉa vari vabusi ne, ṉalu iara ko tavisi qira go valeke busi voru ne? Kaega! 35Ṉalu na iko, ia tina pala vakuziki neze de in koego valeke busi voru, mana ṉalu nae to tarinara qaniqani go.”
36Jesu i sine napu ne qira va padapada dena, “Kaega kaki basoe i ridake go poga voru ia, mana i sira komu zaqe go poga bana ne. Ṉalu igogo nae, poga bana nae i va mimia sakate poga voru ne. Aria napu poga bana nae, iruki vari tora kaega poga voru nae. 37Mana gerena napu so, kaega kaki basoe i pala vino voru i vapuraka ze pata tarutaru vino bana ne. Tanego vino voru ne tina ridake pata tarutaru vino bana ne, mana vino voru ne tina tazele go. 38Do vino voru ne tina zele zaqe so pata tarutaru vino voru ne! 39Mana kaega ka basoe i besia vino bana ne i soko go vino voru ne. Valeke ne igo, ‘Ke bana ne so i velaka go.’ ”
Currently Selected:
Luka 5: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Luka 5
5
Jesu I Koru Qira Kavasi Disipoloro
(Matiu 4.18-22; Maka 1.16-20)
1Kaki kameka musaqara Jesu i degere rikisina masi pipika na Genesaret, topu ria basoero iri lama teṉokolo ia, iri vari vaiki iki go mara ria gata seko ia God. 2Gonae Jesu i mia karua koluka iri raqasa ze karakoni rikisina masi, mana vano vae vae iṉana iri za sabore gabe ria. 3Jesu i keba za loborona kaki kameka koluka ke ia Saimon, i sine ne Saimon go mara vaziki zaqe desuka koluka masi ne. Gonae i kolokue koluka ne mana iva tatana qira basoero ne.
4Ṉalu Jesu i seko lupoe de iri koego basoero ne, i sine ne Saimon, “Tubele vaziki zaqe de ikuri go masi koluka ne, mana va qoqoro zaqe gabe ramu go mamu toqo iṉana.”
5Saimon igo, “Batu qisibato remu lodana kuse ne do qimuki toqo so kaega kapata, do qo sine to aro go era ṉara va qoqoro zaqe to gabe ne.” 6Iri va qoqoro zaqe gabe ne, mana iri toqo topu sasakata iṉana, go nae gabe ne ivele taridaka. 7Gonae iri koru qira aqe ria iri kameka zazu iri koego varuana koluka ne go mara lama tavisi qira iri go. Iri vapurake karua koluka ne mana iri vele zunu go. 8Ṉalu Saimon Pita i mia pata i sadaka go, i koloku tutuṉue tarakenaqana Jesu igo, “Kasi nava era Batu, era qa valeke vasakata pata.”
9Pita mana ria iri ko tavisi go, iri lete nureke sasakata ne topu na iṉana iri gabe go. 10Gerena napu so karua sale ia Zebedi, Jemisi mana Jon, iru kameka zazu tavise go Saimon. Jesu i sine ne Saimon, “Oniki sareki, pasi ninidena popoka za go aro tono varove qira basoero ne sauna Too ikoego vari miasoka ia God.”
11Gonae iri toqo va vasore karua koluka rikisi ne, iri tarua osina pata mana iri lulua Jesu go.
Jesu Iva Velake Valeke I Vae Voremake
(Matiu 8.1-4; Maka 1.40-45)
12Ṉalu Jesu ikoe kaki komala, gonae i lama kameka valeke voremake mana ṉalu i mia Jesu, i soru rabavakapata ne tarakenaqana, mana i pene, “Batu ṉalu aro qo soko go, qo mazala va velaka va.”
13Jesu i kazara ne karisina mana i siba valeke ne igo, “Qa toqe ne ono velaka to.” Gonae voremake ne i kasine to valeke ne. 14Jesu i sine ne valeke ne, “Oniki sine ne kaki basoe do ono za totoloṉe so de ikoe patere go mara toeri go. Taramuzina ono zazu ne sosovolomo i sine bana go Mosese, go ia basoero ne tarina vaogoti go aro qo velaka.”
15Do taramana Jesu i lupoe to osina dia mana topu basoero iri lama gata ia, go mara va velake mokoso ro ria iri go. 16Do topu na ṉalu Jesu iza ko vamiki de i kaega basoe na iza pene.
Jesu Iva Velake Valeke I Le Lupo Osina Tokamana
(Matiu 9.1-8; Maka 2.1-12)
17Kaki kameka musaqara, ṉalu Jesu ivari vatatana, kaki ria vano Parisio mana vano tarove na tamana iri ko tavisi go iri reqe me osina komala na ro Qalili, Judia, mana komala lavata Jerusalema go. Gonae karaputa ia God ikoe de ikoego Jesu, iva velake mokoso ro ria basoero ne. 18Gonae kakia ro ria basoero iri vagoro me kaki valeke i le lupo tokamana iri pada ne valame ze loboro pade ne go mara ria vakekele ze tarakenaqana Jesu iri go. 19Tanego i lete topu basoero ne, i makuru qira kade tarina vagoe me ze go loboro ne. Iri keba za popoko na pade ne, iri za papaqa me zakazaka mana iri va qoqoro palu me ze vesu ia valeke ne loboro qira ria iri teṉoe go tarakenaqana Jesu. 20Ṉalu Jesu i mia karaputa na vaogoto ria, i vane dena valeke i le go tokamana ne, “Vakitaka era vasakata pataro aro iri talupasa.”
21Ria vano tarove na Tamana mana vano Parisio iri nanao luluse seko ia Jesu, iri vari goe de tanuqira, “Akena tane valeke dena i seko sakate go God! Tanuna so God i mazala go lukasena vasakata pata.”
22Jesu i rove bana nanao ria, mana i vane qira dena, “Ava nanao na tane ikoego puṉu qamu. 23Adeke riru dena i malumu go sine na, ‘Vasakata pata aro iri talupasa’ ba sine, na ‘Degere mana zaza?’ 24Era tuna vamia rove qamue ramu, era Tuna basoe i ko nava karaputa pua dena go tuna va talukasa go vasakata pata.” Gonae Jesu sine ne valeke i le lupo go tokamana ne, “Era qa sine ni go Degere, pala vesu aro mana gado za pade aro.”
25Valeke ne i tapa degere tarakenaqa qira basoero ne, i pala vesu i kekele go i gado za komala ia, mana i vazaka God. 26Osiqira basoero iri lete nureke iri sareki mana iri vazaka God. Iri go, “Pata vari vapoloso tane qata mia go ninide.”
Jesu I Korua Livae
(Matiu 9.9; Maka 2.13-14)
27Taramuzina ia dena, Jesu i siporo za mana i mia kaki valeke paiapala takisi vitoṉo na Livae, i kolokue pade iri palapala takisi ego. Jesu i sine ne ia, “Luluava era.” 28Livae i tapadegere, i tarua osina pata, mana i lulua Jesu.
Jesu I Ṉaṉa Tavisi Qira Vano Vasakata Pata Loborona Pade Ia Livae
(Matiu 9.10-12; Maka 2.15-17)
29Livae i zazu ne pata gege lavata sauna Jesu loborona pade ia. Mana topu ria vano palapaia takisi, mana kakiaro basoero go iri koloku tavise ia. 30Kakia ro ria vano Parisio mana vano tarove na tamana, iri muma ne qira disipoloro ia Jesu. Iri go dena, “Avigo tane ramu qamu ṉaṉa mana ge loka tavisi qira go vano palapala takisi mana vano vasakata pata?”
31Jesu i vataule ne qira igo dena, “Vano iri velaka go iriki soko kaega valeke vari vole, do ria iri mokoso go tane iri soko go valeke vari vole. 32Era qaki lama ne kaega koru qira vano velaka, do qa lama ne koru qira vano vasakata pata, go mara ria nanao ule ne vasakata pataro ria.”
Tana Sauna Qaniqani
(Matiu 9.14-17; Maka 2.18-22)
33Gonae kakia ro ria basoero iri sine ne Jesu, “Ria disipoloro ia Jon iri qaniqani mana pepene osina ṉalu, mana iri go napu to disipoloro ria vano Parisio go; do disipoloro aro iri ṉaṉa mana ge loka so iri go.”
34Jesu iva taule ne qira igo, “Qamu nanao qamu mazala va qaniqani qira basoero iri lama ko tavisi go ṉaṉa vari vabusi ne, ṉalu iara ko tavisi qira go valeke busi voru ne? Kaega! 35Ṉalu na iko, ia tina pala vakuziki neze de in koego valeke busi voru, mana ṉalu nae to tarinara qaniqani go.”
36Jesu i sine napu ne qira va padapada dena, “Kaega kaki basoe i ridake go poga voru ia, mana i sira komu zaqe go poga bana ne. Ṉalu igogo nae, poga bana nae i va mimia sakate poga voru ne. Aria napu poga bana nae, iruki vari tora kaega poga voru nae. 37Mana gerena napu so, kaega kaki basoe i pala vino voru i vapuraka ze pata tarutaru vino bana ne. Tanego vino voru ne tina ridake pata tarutaru vino bana ne, mana vino voru ne tina tazele go. 38Do vino voru ne tina zele zaqe so pata tarutaru vino voru ne! 39Mana kaega ka basoe i besia vino bana ne i soko go vino voru ne. Valeke ne igo, ‘Ke bana ne so i velaka go.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.