Luka 8
8
Qolero Iri Lulu Tavisi Ne Jesu
1Taramuzina ṉalu nae Jesu i goza komala lavata ro mana komala suka ro, i vari vatatana ne Tarama Velaka na Too ikoego vari miasoka ia God. Ria manoga karua disipoloro ia, 2mana kakiaro qolero iri lulu ne ia. Qolero dena Jesu i kakale bana ze tokama qira manuru sakata ro, mana soso mokoso ro ria iva tavoesi bana qira go, kakia Maria Madalena, kavitu manuru sakata iri siporo banae ia. 3Joana qole ia kaki kameka valeke batu na pade ia Erode vitoṉo na Tuza, mana Suzana, kakiaro napu ria go. Iri va zazua so pataro iri toṉove go tanuqira go mara tavisi ne Jesu mana disipoloro ia iri go.
Va Padapada Na Valeke Leleba
(Matiu 13.1-9; Maka 4.1-9)
4Basoero ne iri poro lamae so dekoe Jesu, iri reqe me komakomala ro ria, ṉalu basoero ne iri lama teṉo lupoe deni koego, Jesu i sine ne qira seko vapadapada dena,
5“Kameka basoe iza go mara za leba pata lebaleba ia igo, gonae iza repene paturu ia loborona barue ne, kakia ro iri sorue zuka mana iri kube qira mana palero iri lama ge go. 6Kakiaro iri sorue pua i ipaka me polana, ṉalu iri podo me, iri le, tanego pua ne iki boma kaega. 7Kakiaro paturu ne iri sorue de ikoego qolo paqo ro iago ṉalu iri podo me, qolo ne i pipisi vale qira. 8Mana kakiaro iri sorue pua velaka, iri podo velaka mana iri ure velaka go, kakiaro i kameka vasa to urena.” Mana Jesu i sine napua igo, “Gata! Ṉalu go iko qeqele qamu.”
Avigo Tane Jesu Ni Sine Go Seko Vapadapada
(Matiu 13.10-17; Maka 4.10-12)
9Disipoloro ia iri tana ne Jesu, “Avana tane qo va talupasa ze go vapadapada dena.” 10Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”
Jesu Iva Talupase Vapadapada Na Valeke Leleba Ne
(Matiu 13.18-23; Maka 4.13-20)
11Jesu i sine napu ne qira, “Iato dena talupasa na seko vapadapada ne, paturu ne iato i seko ia God. 12Keni sorue go zuka ne, ria to basoero iri gata go seko ia God do ṉalu i lama Satana, i lama pala vakuziki ne ze puṉuqira, go tariniki vaogoto mana za kavele go kaega. 13Paturu ni sorue pua ni koe ipaka ne, i gere qira to ria iri gata go seko ia God, mana iri kula ne, do iki lete zunu za kaega loborona nanao qira, iri vaogoto zaqe so kaki tora na. Do ṉalu pada i lama e, de iri koego, iriki nanao vamazale to kaega seko ia Batu ne. 14Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego. 15Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”
Pazi Iri Taru Zaqe Polana Sau
(Maka 4.21-25; Matiu 5.15)
16Jesu i sine napua, “Kaega ka basoe iva kamua pazi mana i taru zaqe polana sau ba polana parepare. Kaega! Ia tina taru bana zeso de vavaidoko na pazi, go basoero tarina mia tatavata ṉalu tarina keba me.
17Kapata iko pipika go, taramuzina tinara lamae de tatavata. Pataro iri takuma pika go tinara sadaka me, go basoero ne tarina ara rove go.
18Muna miasoka ṉalu qamu vavaroṉono ne go pata, tanego ka basoe i kone go, God tina teke vatopu napu ne, do ka basoe i kaega ne, pata volomo de suka i kone go, God tina pala vakuziki lupo ne.”
Sinana Mana Kaena Ro Jesu
(Matiu 12.46-50; Maka 3.31-35)
19Sinana mana kaena ro Jesu iri lamae de ikoego ia, do i makuru qira lama garogaro tanego topu sasakata basoero iri koego de i koego Jesu. 20Kakia basoe ivane dena Jesu, “Sinamu mana kaemu ro iri lama koe pekapeka ne iri soko mia go aro.”
21Do Jesu i vane qira dena, “Kanae mana kaequ ro go, ria iri gata go seko ia God mana iri va zazua go.”
Jesu Iva Bule Sokoro Lavata
(Matiu 8.23-27; Maka 4.35-41)
22Kaki kameka ṉalu Jesu mana disipoloro ia iri goe kameka koluka, Jesu i sine ne qira igo, “Ita mata kava za kedo tepa na masi pipika.” Iago iri zaza to. 23Loborona zaza iri vae go, Jesu i kamuku, gonae kameka seva lavata i kikiuru katikili me masi pipika ne, mana koluka ne i tupi purake loka ne mana iri vele zunu. 24Disipoloro ne iri lete sareki mana iri za va dogare Jesu, “Batu! Batu!” iri go, “Ita qata garogaro to vele le.” Do Jesu i degere mana i sine ne sokoro mana oba go mara bule, mana i bule to go. 25Goto nae i sine ne qira disipoloro ia, “Ade to vaogoto ramu?” Do iri lete nureke mana sareki go, mana iri vari sine ne, “Akena tane valeke dena? I teke tamana qira sokoro, oba mana iri vaogote ia.”
Jesu Iva Velake Basoe I Pala Go Manuru Sakata
(Matiu 8.28-34; Maka 5.1-20)
26Jesu mana disipoloro ia iri goe koluka ne mana iri zae tepa Gerasa, kene tepa na masi pipika na Qalili. 27Jesu i kasi ne koluka ne mana i siporo za rikisi ne, i soba kameka valeke na komala ni gogo ne, valeke ni gogo ne i siqane manuru sakata. I umata sakata to valeke dena iki va baribari so kaega, mana iki koe so kaega komala ne, do loda na ko ivae go ne, ia iza koe so de vari vou ne. 28Pasi i miasoba Jesu, i dae valavata mana i sorue tarakenaqa na makena Jesu, i koru valavata igo, “Jesu Sale ia God ni lete zakazaka go, avana tane qo soko ve go era? Qa pene go oniki va kimata ava.” 29I sine iadena tanego Jesu i teke bana ne tamana manuru sakata ne go tina kasi ne valeke ne. Topu na ṉalu manuru ne i pala tarua so ia, basoero ne iri qolo taru ze seni karisina mana makena loborona pade ne, do ia i korote so mana manuru sakata ne i pala vazao ze ia de iki koe kaega ka basoe.
30“Akena vitoṉomu?” igo Jesu. Valeke ne iva taule, “Era vitoṉoqu ‘Topuna,’ ” tanego topuna ro manuru iri koe de i koe ia. 31Manuru ro ne iri pene va moqere Jesu go mara kasi vana qira qe nako lavata ne.
32Topu sasakata boko ro iri za ṉaṉae tepa kubolo ne, ria manuru ro ne iri pene Jesu go mara vazao qirae de iri koego boko ro ne, gonae Jesu iva mao ne qira. 33Manuru ro ne iri siporo e to valeke ne mana iri zae de iri koego boko ro ne, pasi nae osina boko ro nae ne iri teteṉe qoqoroe kubolo ne mana iri za soru e loka ne mana iri za le lupo so.
34Ria basoero iri miasoka go boko ne iri mia pata ni sadaka go, iri teteṉe za komala mana iri za pepeu ze komala lavata ro mana komala suka ro. 35Basoero ne iri za go mara za mia pataro nigogo ne iri go, mana ṉalu iri lama dokae de ikoego Jesu, iri za soba valeke ni pala go manuru sakata ne i kolokue tepa makena Jesu, i nanao tarove mana iara va baribari to, mana basoero ne iri lete sareki go. 36Ria iri miasoba go ne, iri pepeu ne qira kero ne basoero de igo Jesu ni va velake go valeke ne. 37Gonae osina basoero na kena igogo ne iri pene Jesu go mara kasi ne komala ria iri go, tanego iri lete sareki, iago Jesu i goe koluka ne mana iri zaza to. 38Valeke i pala go manuru ne, go niva velake go Jesu, i pene, “Era ma lulu go aro,” do Jesu i turi vaule ne ia, i sine ne. 39Gado ule za komala aro mana sine vasadaka ne qira basoero ne pata God i zazu ne, go niva velaki go aro. Valeke ne i goe loborona komala ne, i sine vasadake de go Jesu ivelake go.
Sale Qole Ia Jairus Mana Qole I Siba Go Roku Ia Jesu
(Matiu 9.18-26; Maka 5.21-43)
40Ṉalu Jesu i ule za kene tepa na masi pipika ne, basoero ne iri kula ne ia, tanego iri piri bana ne so ia. 41Gonae kameka valeke vitoṉo na Jairus iza lama, i kameka valeke batu na Pade Lotu ria vano Jiu, i lama sorue makena Jesu mana i pene va moqere ia go mara zae komala ia igo. 42Tanego kameka sale qole iato, iara manoga karua so ave na i lete mokoso lavata mana i vele le go. Ṉalu Jesu i zaza go ne, topu sasakata basoero iri lulu ne ia mana iri va tutua ia. 43Kaki kameka qole i lulu tavisi ne qira basoero ne, i pala mokoso ria qolero ne torana manoga karua ave, ia i valupo zetu pata vavagado ia de iri koego vano vari vole, go do i kaega soka basoe ni mazala go vamalia na mokoso ia ne. 44Qole ne i lama e loboro qira basoero ne, iza gome muzi na Jesu mana i siba za qe tumutumu na roku ia Jesu, mana mokoso ia ne i katikili i malia so go. 45Jesu i tana, “Akena i siba va era?” Pasi nae basoero ne iri legu vakaega, gonae Pita i sine ne Jesu, igo, “Batu! Topu sakata basoero iri liqutu kolo go mana iri vari tutubeli, go mara lamae deqo koego aro iri go.”
46Do Jesu igo, “Kaki basoe i siba va era, tanego era qa gata rove, karaputa i siporoe deqa koego era.”
47Qole ne i rove ni siba go ia, i nenedere, i lama sorue makena Jesu mana i sine vasadaka ze tarakenaqa qira basoero ne, avigo tane ni siba go, mana de go ni malia ne go mokoso ia go. 48Jesu i sine ne ia, “Sale qole era vaogoto aro iva velaki go, za loborona dalo mana kasi ara maqata napu.”
49Iara sekoseko so Jesu, i lama kameka valeke i lama sine ne Jairus, “Sale qole aro i le to, iago oniki ara va nula ne valeke vari vatatana ne,” igo.
50Do Jesu igata soba mana i sine ne Jairus, “Oniki sareki ono vaogoto, mana sale qole aro tina too napu.”
51Ṉalu iri lama dokae to pade ne, iki vamao ne kaega ka basoe tina keba za go loborona pade ne, do tanuna so Pita, Jon, Jemisi, tamana mana sinana sale ne go. 52Osiqira basoero iri koe go loboro na pade ne iri dae mana iri maqata ne sale ni le go, Jesu i sine qira, “Kasi dae, sale qole ne iki le kaega, i kamuku so.”
53Do ria iri karia ia, tanego iri rove sale ne i le bana. 54Do Jesu i pala tarua karisina qole ne i korua ia, “Degere me!” 55Too ia sale qole ne i ule me mana i degere me, goto nae Jesu i sine ne qira, “Teke ne sale ne pata gege.” 56Vanovano ia sale qole ne iru lete poloso sivala, do Jesu i sine vamoqere ne qiru niki ara pepeu ne ka basoe pataro ni sadaka go.
Currently Selected:
Luka 8: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Luka 8
8
Qolero Iri Lulu Tavisi Ne Jesu
1Taramuzina ṉalu nae Jesu i goza komala lavata ro mana komala suka ro, i vari vatatana ne Tarama Velaka na Too ikoego vari miasoka ia God. Ria manoga karua disipoloro ia, 2mana kakiaro qolero iri lulu ne ia. Qolero dena Jesu i kakale bana ze tokama qira manuru sakata ro, mana soso mokoso ro ria iva tavoesi bana qira go, kakia Maria Madalena, kavitu manuru sakata iri siporo banae ia. 3Joana qole ia kaki kameka valeke batu na pade ia Erode vitoṉo na Tuza, mana Suzana, kakiaro napu ria go. Iri va zazua so pataro iri toṉove go tanuqira go mara tavisi ne Jesu mana disipoloro ia iri go.
Va Padapada Na Valeke Leleba
(Matiu 13.1-9; Maka 4.1-9)
4Basoero ne iri poro lamae so dekoe Jesu, iri reqe me komakomala ro ria, ṉalu basoero ne iri lama teṉo lupoe deni koego, Jesu i sine ne qira seko vapadapada dena,
5“Kameka basoe iza go mara za leba pata lebaleba ia igo, gonae iza repene paturu ia loborona barue ne, kakia ro iri sorue zuka mana iri kube qira mana palero iri lama ge go. 6Kakiaro iri sorue pua i ipaka me polana, ṉalu iri podo me, iri le, tanego pua ne iki boma kaega. 7Kakiaro paturu ne iri sorue de ikoego qolo paqo ro iago ṉalu iri podo me, qolo ne i pipisi vale qira. 8Mana kakiaro iri sorue pua velaka, iri podo velaka mana iri ure velaka go, kakiaro i kameka vasa to urena.” Mana Jesu i sine napua igo, “Gata! Ṉalu go iko qeqele qamu.”
Avigo Tane Jesu Ni Sine Go Seko Vapadapada
(Matiu 13.10-17; Maka 4.10-12)
9Disipoloro ia iri tana ne Jesu, “Avana tane qo va talupasa ze go vapadapada dena.” 10Jesu iva taule ne qira igo, “God iva malumu ne qamu tamuna rove go pata pupuika mana pata ogoto na de ikoego vari miasoka ia God, ba de iri koego basoero ne, era qa sine go vapadapada dena, go tarina mia, do tariniki mia rove kaega, tarina gata, do tariniki gata rove kaega.”
Jesu Iva Talupase Vapadapada Na Valeke Leleba Ne
(Matiu 13.18-23; Maka 4.13-20)
11Jesu i sine napu ne qira, “Iato dena talupasa na seko vapadapada ne, paturu ne iato i seko ia God. 12Keni sorue go zuka ne, ria to basoero iri gata go seko ia God do ṉalu i lama Satana, i lama pala vakuziki ne ze puṉuqira, go tariniki vaogoto mana za kavele go kaega. 13Paturu ni sorue pua ni koe ipaka ne, i gere qira to ria iri gata go seko ia God, mana iri kula ne, do iki lete zunu za kaega loborona nanao qira, iri vaogoto zaqe so kaki tora na. Do ṉalu pada i lama e, de iri koego, iriki nanao vamazale to kaega seko ia Batu ne. 14Paturu ro i soru ego de i podo ego qolo paqo ro ne, i gere to basoero iri gata go seko ia God, do iri nanao vokara ne pata vavagado na ro pua dena, mana kero ne pataro i vakula qira go. Iago seko ia Batu ne, iki ure kaega de iri koego. 15Paturu iri sorue go pua velaka ne i gere qira to ria iri gata go Tarama Velaka ia God, mana iri soti va velaka ze puṉu qira, go za doka so ṉalu iza ure go.”
Pazi Iri Taru Zaqe Polana Sau
(Maka 4.21-25; Matiu 5.15)
16Jesu i sine napua, “Kaega ka basoe iva kamua pazi mana i taru zaqe polana sau ba polana parepare. Kaega! Ia tina taru bana zeso de vavaidoko na pazi, go basoero tarina mia tatavata ṉalu tarina keba me.
17Kapata iko pipika go, taramuzina tinara lamae de tatavata. Pataro iri takuma pika go tinara sadaka me, go basoero ne tarina ara rove go.
18Muna miasoka ṉalu qamu vavaroṉono ne go pata, tanego ka basoe i kone go, God tina teke vatopu napu ne, do ka basoe i kaega ne, pata volomo de suka i kone go, God tina pala vakuziki lupo ne.”
Sinana Mana Kaena Ro Jesu
(Matiu 12.46-50; Maka 3.31-35)
19Sinana mana kaena ro Jesu iri lamae de ikoego ia, do i makuru qira lama garogaro tanego topu sasakata basoero iri koego de i koego Jesu. 20Kakia basoe ivane dena Jesu, “Sinamu mana kaemu ro iri lama koe pekapeka ne iri soko mia go aro.”
21Do Jesu i vane qira dena, “Kanae mana kaequ ro go, ria iri gata go seko ia God mana iri va zazua go.”
Jesu Iva Bule Sokoro Lavata
(Matiu 8.23-27; Maka 4.35-41)
22Kaki kameka ṉalu Jesu mana disipoloro ia iri goe kameka koluka, Jesu i sine ne qira igo, “Ita mata kava za kedo tepa na masi pipika.” Iago iri zaza to. 23Loborona zaza iri vae go, Jesu i kamuku, gonae kameka seva lavata i kikiuru katikili me masi pipika ne, mana koluka ne i tupi purake loka ne mana iri vele zunu. 24Disipoloro ne iri lete sareki mana iri za va dogare Jesu, “Batu! Batu!” iri go, “Ita qata garogaro to vele le.” Do Jesu i degere mana i sine ne sokoro mana oba go mara bule, mana i bule to go. 25Goto nae i sine ne qira disipoloro ia, “Ade to vaogoto ramu?” Do iri lete nureke mana sareki go, mana iri vari sine ne, “Akena tane valeke dena? I teke tamana qira sokoro, oba mana iri vaogote ia.”
Jesu Iva Velake Basoe I Pala Go Manuru Sakata
(Matiu 8.28-34; Maka 5.1-20)
26Jesu mana disipoloro ia iri goe koluka ne mana iri zae tepa Gerasa, kene tepa na masi pipika na Qalili. 27Jesu i kasi ne koluka ne mana i siporo za rikisi ne, i soba kameka valeke na komala ni gogo ne, valeke ni gogo ne i siqane manuru sakata. I umata sakata to valeke dena iki va baribari so kaega, mana iki koe so kaega komala ne, do loda na ko ivae go ne, ia iza koe so de vari vou ne. 28Pasi i miasoba Jesu, i dae valavata mana i sorue tarakenaqa na makena Jesu, i koru valavata igo, “Jesu Sale ia God ni lete zakazaka go, avana tane qo soko ve go era? Qa pene go oniki va kimata ava.” 29I sine iadena tanego Jesu i teke bana ne tamana manuru sakata ne go tina kasi ne valeke ne. Topu na ṉalu manuru ne i pala tarua so ia, basoero ne iri qolo taru ze seni karisina mana makena loborona pade ne, do ia i korote so mana manuru sakata ne i pala vazao ze ia de iki koe kaega ka basoe.
30“Akena vitoṉomu?” igo Jesu. Valeke ne iva taule, “Era vitoṉoqu ‘Topuna,’ ” tanego topuna ro manuru iri koe de i koe ia. 31Manuru ro ne iri pene va moqere Jesu go mara kasi vana qira qe nako lavata ne.
32Topu sasakata boko ro iri za ṉaṉae tepa kubolo ne, ria manuru ro ne iri pene Jesu go mara vazao qirae de iri koego boko ro ne, gonae Jesu iva mao ne qira. 33Manuru ro ne iri siporo e to valeke ne mana iri zae de iri koego boko ro ne, pasi nae osina boko ro nae ne iri teteṉe qoqoroe kubolo ne mana iri za soru e loka ne mana iri za le lupo so.
34Ria basoero iri miasoka go boko ne iri mia pata ni sadaka go, iri teteṉe za komala mana iri za pepeu ze komala lavata ro mana komala suka ro. 35Basoero ne iri za go mara za mia pataro nigogo ne iri go, mana ṉalu iri lama dokae de ikoego Jesu, iri za soba valeke ni pala go manuru sakata ne i kolokue tepa makena Jesu, i nanao tarove mana iara va baribari to, mana basoero ne iri lete sareki go. 36Ria iri miasoba go ne, iri pepeu ne qira kero ne basoero de igo Jesu ni va velake go valeke ne. 37Gonae osina basoero na kena igogo ne iri pene Jesu go mara kasi ne komala ria iri go, tanego iri lete sareki, iago Jesu i goe koluka ne mana iri zaza to. 38Valeke i pala go manuru ne, go niva velake go Jesu, i pene, “Era ma lulu go aro,” do Jesu i turi vaule ne ia, i sine ne. 39Gado ule za komala aro mana sine vasadaka ne qira basoero ne pata God i zazu ne, go niva velaki go aro. Valeke ne i goe loborona komala ne, i sine vasadake de go Jesu ivelake go.
Sale Qole Ia Jairus Mana Qole I Siba Go Roku Ia Jesu
(Matiu 9.18-26; Maka 5.21-43)
40Ṉalu Jesu i ule za kene tepa na masi pipika ne, basoero ne iri kula ne ia, tanego iri piri bana ne so ia. 41Gonae kameka valeke vitoṉo na Jairus iza lama, i kameka valeke batu na Pade Lotu ria vano Jiu, i lama sorue makena Jesu mana i pene va moqere ia go mara zae komala ia igo. 42Tanego kameka sale qole iato, iara manoga karua so ave na i lete mokoso lavata mana i vele le go. Ṉalu Jesu i zaza go ne, topu sasakata basoero iri lulu ne ia mana iri va tutua ia. 43Kaki kameka qole i lulu tavisi ne qira basoero ne, i pala mokoso ria qolero ne torana manoga karua ave, ia i valupo zetu pata vavagado ia de iri koego vano vari vole, go do i kaega soka basoe ni mazala go vamalia na mokoso ia ne. 44Qole ne i lama e loboro qira basoero ne, iza gome muzi na Jesu mana i siba za qe tumutumu na roku ia Jesu, mana mokoso ia ne i katikili i malia so go. 45Jesu i tana, “Akena i siba va era?” Pasi nae basoero ne iri legu vakaega, gonae Pita i sine ne Jesu, igo, “Batu! Topu sakata basoero iri liqutu kolo go mana iri vari tutubeli, go mara lamae deqo koego aro iri go.”
46Do Jesu igo, “Kaki basoe i siba va era, tanego era qa gata rove, karaputa i siporoe deqa koego era.”
47Qole ne i rove ni siba go ia, i nenedere, i lama sorue makena Jesu mana i sine vasadaka ze tarakenaqa qira basoero ne, avigo tane ni siba go, mana de go ni malia ne go mokoso ia go. 48Jesu i sine ne ia, “Sale qole era vaogoto aro iva velaki go, za loborona dalo mana kasi ara maqata napu.”
49Iara sekoseko so Jesu, i lama kameka valeke i lama sine ne Jairus, “Sale qole aro i le to, iago oniki ara va nula ne valeke vari vatatana ne,” igo.
50Do Jesu igata soba mana i sine ne Jairus, “Oniki sareki ono vaogoto, mana sale qole aro tina too napu.”
51Ṉalu iri lama dokae to pade ne, iki vamao ne kaega ka basoe tina keba za go loborona pade ne, do tanuna so Pita, Jon, Jemisi, tamana mana sinana sale ne go. 52Osiqira basoero iri koe go loboro na pade ne iri dae mana iri maqata ne sale ni le go, Jesu i sine qira, “Kasi dae, sale qole ne iki le kaega, i kamuku so.”
53Do ria iri karia ia, tanego iri rove sale ne i le bana. 54Do Jesu i pala tarua karisina qole ne i korua ia, “Degere me!” 55Too ia sale qole ne i ule me mana i degere me, goto nae Jesu i sine ne qira, “Teke ne sale ne pata gege.” 56Vanovano ia sale qole ne iru lete poloso sivala, do Jesu i sine vamoqere ne qiru niki ara pepeu ne ka basoe pataro ni sadaka go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.