Matiu 24
24
Jesu I Sine Tarine Pabala Vasakate Pade Lotu Ne
(Maka 13.1-2; Luka 21.5-6)
1Jesu i kasi ne Pade Lotu ne, gonae ria disipoloro ia iri lamae de ikoego ia mana iri va mia ze ia topu na pade menomeno ro iri koego de ikoe go Pade Lotu lavata ne. 2Do Jesu i sine ne qira, “Ove to qamu mia pade lavata ro nae. Masine ne qamu pata ogoto, kaega kaki desuka ipaka na pade nae, tina kosivale go de i ko banae go, osina ne tina tapero mana vana lupo so go.”
Vano Iri Vaogote Go Jesu Tarina Soba Makuru Mana Vari Vasasakatae Go
(Maka 13.3-13; Luka 21.7-19)
3Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.” 4Jesu i vataule ne qira, “Muna miasoka, niki poqe qamu basoero. 5Tina topu basoero tarina vazazua vitoṉoqu era, tarina go, ‘Era to Mesia!’ Mana topu basoero tarina vaogoto qira go. 6Tamuna gata naki na kana, i garogaro e de qamu koego mana tarama na kana de laqalaqa go, do muniki vakapata. Pataro nae tina doka, do ki talupasana kaega vudu pua i vele lupo. 7Basoero na kaki vudu tarina za varitarae kene vudu, mana kaki sinaqe tina varitarae kene sinaqe, saqo lavata mana nunu lavata ro tina goeto vudu pua. 8Osina pataro dena, i gere qole ṉalu i vovokara ne vapodona sale.
9Taramuzina nae tarina pala qamue varitanae mana vae vale qamu go. Topu sasakata basoero tariniki soko qamu kaega, tanego i sauqu era. 10Ṉalu nae topu basoero tarina vana ne vaogoto ria mana va besa ne kene basoe mana tariniki soko kaega kene basoe go. 11Goto nae topu na propeta poqepoqe ro tarina sadaka me mana topu basoero tarina vaogote vari vatatana poqepoqe ro ria go. 12Zazu sakata tina zadava e de iri koego basoero, mana topu ria basoero tarina vana ne mamaligara ogoto iko bana ne qira go. 13Do basoe i pala taru vanadu go, mana za doka go valupolupo na ne, tina za kavale. 14Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”
Jesu I Sine Ne Qira Pataro Tina Doka Go
(Maka 13.14-23; Luka 21.20-24)
15Jesu igo napu dena, “Propeta Daniela i sine vasadaka bana, ṉalu batu lavata ne i vadegere ze beku ne loborona pade tabo ne, ianae i lete sakata sivala. Basoe qo toere go iade, ono pada ne nanaorove na talupasana. 16Ṉalu tina doka go pataro dena, ramu qamu koego Judia muna paqa za kubolo mana pipika go. 17Basoe i za ko banae go popoko na pade ia, mara kasi ara nanao na za pala na patapata ro ia ikoego loborona pade ne. 18Basoe i zako banae go barue ne, mara kasi ara ule, za pala na roku ia. 19Mana qolero iri kakate go, mana qolero iara susu go salero ria tarina lete makuru! 20Pene God go ṉalu tina lama doka go pataro dena, mara kasi votoe na ṉalu lolomu ba ṉalu musaqara Sabat, go tina malumu ne qamu paqa. 21Avigo? Tanego ṉalu nae tina lete topu makuru. Tina lete sivala ne makuru ro i sadaka bana me tupiana na me kolabana pua dena. Mana kaega napu to kaki makuru igogo nae, tinara sadaka napu mego. 22Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.
23Ṉalu nae, muniki vaogote basoe i sine ne qamu, ‘Mia iato dena Mesia ne, ba igo iato dona,’ go. 24Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go. 25Gata! Era qa sine kenaqa bana ne qamu tarakenaqana go, tinara sadaka go pataro igogo ne.
26Ba ṉalu basoero iri sine ne qamu, ‘Mia! Ia i za koe de i kaega pata podopodo lavatana ne! Muniki za,’ ba iri go, ‘Mia! I ko pipikae dena!’ Muniki vaogote. 27Tanego ṉalu era Tuna basoe tuna lama go, tina tatavata gere kapi tina damare go tepa keba na saṉa mana za dokae tepa zuṉu na saṉa go.
28De ikoego sinara na basoe le, pale kilukapu ro tarina za qoqoṉo ego.”
Lama Qu Era Tuna Basoe
(Maka 13.24-27; Luka 21.25-28)
29Jesu igo napu dena, “Taramuzina so makuru ro nae, saṉa ne tiniki tatavata kaega tina rodoko to, mana inaqa ne tiniki damara to kaega, domiri rona zakazaka ne tarina soru lupo me pua ne, mana osina pataro ikoego toba ne tina vizuvizu lupo. 30Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go. 31Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”
Vapadapada Na Moki Piqi
(Maka 13.28-31; Luka 21.29-33)
32Jesu i sine napu ne qira, “Muna nanao zaqe ṉalu moki piqi nae i tadau lupo uguruna, mana i paparaku mego, ramu qamu rove ṉalu bulebule i garogaro me. 33I gere napua so ṉalu qamu mia go pataro dena i sadaka go, ramu tamuna rove, pataro qa sine go era i lama garogaro to tupi. 34Nanao tarua osina pataro dena tina sadaka bana qira so basoero iri kogo ninidena ia tarinara le go. 35Rani mana pua dena tina lupo, do osina seko ro era tiniki rove kaega lupo.”
Kaega Ka Basoe Irove Go Ṉalu Era Tuna Basoe Tuna Ule Mego
(Maka 13.32-37; Luka 17.26-30,34-36)
36Jesu i sine napua, “Patavolomo aqeloro iri koego rani ne, mana era Tuna basoe go, qimuki rove so kaega musaqara na ba torana ṉalu, na go, do tanuna so Mamae i rove go. 37Pataro isadaka go ṉalu ia Noa, tina sadaka gere napua so ṉalu era Tuna basoe tuna za lama go. 38Torana iara kaebo go lama kiale lavata basoero ne iri ṉaṉa mana ge loka, valeke ro mana qolero iri busi, go i za doka so ṉalu Noa i keba za koluka ia. 39Mana iri nanao kaega so kaki pata tina doka qira, iri go, do kiale lavata ne i vapoloso qira, mana i pala vazao lupo qira. Iato nae pataro tina sadaka go ṉalu era Tuna basoe tuna ule napu mego. 40Torana ṉalu nae, karua valeke tiruna za zazu e barue ne kameka tarina pala vakuziki, ne mana varuana ne tina ko sivala go. 41Karua qole tiruna poke sila, kameka tarina pala vakuziki ne, mana varuana ne tina ko sivala go. 42Iago muna miasoka, tanego qamuki rove kaega ṉalu era Batu ramu tuna za ule mego. 43Ṉalu valeke i toṉove go pade ne i rove go ṉalu valeke sikosiko ne tina za lama go, ia iki kamuku kaega, tina dogara taru so go tina va noto go basoe nae, za siko ena pade ia ne. 44Iago ramu do muna vanama taruso, tanego era Tuna basoe tuna za ule me, musaqara ba torana ṉalu ramu qamuki rove go kaega.”
Basoe Zazu Velaka Mana Basoe Zazu Sakata
(Luka 12.41-48)
45Gonae Jesu i sine napua, “Akena tane i basoe zazu vavaogoto mana tarove go? Iato valeke i va kenaqe go batu ia go tina miasoka qira kero ne vano zazu ne, go ṉalu na ṉaṉa, ia tina teke ne qira vano zazu pata gege ne. 46Ava tina goto ka kula na basoe zazu nae, ṉalu batu ia tina lama mia zazu velaka i zazu ne go! 47Ma sine ne qamu pataogoto, batu ia ne tina vamiasoka ze ia osina patapataro ro ia. 48Do ṉalu basoe zazu nae, i basoe sakata, ia tina sine ne tanuna, batu era i makuru na ule katikili me, 49iago i tupi vae qira kerone vano zazu gonae i ṉaṉa mana i ge loka tavisi qira vano iri poro ge loka go. 50Gonae batu ia valeke zazu nae tina za ule me musaqara torana ṉalu valeke zazu nae iki vanama nego kaega. 51Batu ia ne, tina lete va kimate valeke zazu nae, mana tina za taru ze ia de iri koego vano iri poqepoqe go. Dego tina za dae mana vari kizakiza ne saqe na go.”
Currently Selected:
Matiu 24: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Matiu 24
24
Jesu I Sine Tarine Pabala Vasakate Pade Lotu Ne
(Maka 13.1-2; Luka 21.5-6)
1Jesu i kasi ne Pade Lotu ne, gonae ria disipoloro ia iri lamae de ikoego ia mana iri va mia ze ia topu na pade menomeno ro iri koego de ikoe go Pade Lotu lavata ne. 2Do Jesu i sine ne qira, “Ove to qamu mia pade lavata ro nae. Masine ne qamu pata ogoto, kaega kaki desuka ipaka na pade nae, tina kosivale go de i ko banae go, osina ne tina tapero mana vana lupo so go.”
Vano Iri Vaogote Go Jesu Tarina Soba Makuru Mana Vari Vasasakatae Go
(Maka 13.3-13; Luka 21.7-19)
3Taramuzina ṉalu nae Jesu i na koloku e Kubolo na Olivi, gonae disipoloro ia iri lama mia vamikia ia, iri go, “Sine ne qemu, ava ṉalu tane tina sadaka go patoro igogo ne? Mana ava lalana tina sadaka go, go tina vasadake i doka to ṉalu aro tono lama mana vudu pua dena tina lupo go.” 4Jesu i vataule ne qira, “Muna miasoka, niki poqe qamu basoero. 5Tina topu basoero tarina vazazua vitoṉoqu era, tarina go, ‘Era to Mesia!’ Mana topu basoero tarina vaogoto qira go. 6Tamuna gata naki na kana, i garogaro e de qamu koego mana tarama na kana de laqalaqa go, do muniki vakapata. Pataro nae tina doka, do ki talupasana kaega vudu pua i vele lupo. 7Basoero na kaki vudu tarina za varitarae kene vudu, mana kaki sinaqe tina varitarae kene sinaqe, saqo lavata mana nunu lavata ro tina goeto vudu pua. 8Osina pataro dena, i gere qole ṉalu i vovokara ne vapodona sale.
9Taramuzina nae tarina pala qamue varitanae mana vae vale qamu go. Topu sasakata basoero tariniki soko qamu kaega, tanego i sauqu era. 10Ṉalu nae topu basoero tarina vana ne vaogoto ria mana va besa ne kene basoe mana tariniki soko kaega kene basoe go. 11Goto nae topu na propeta poqepoqe ro tarina sadaka me mana topu basoero tarina vaogote vari vatatana poqepoqe ro ria go. 12Zazu sakata tina zadava e de iri koego basoero, mana topu ria basoero tarina vana ne mamaligara ogoto iko bana ne qira go. 13Do basoe i pala taru vanadu go, mana za doka go valupolupo na ne, tina za kavale. 14Mana Tarama Velaka na Too ikoego vari miasoka ia God, tarina sine vasadaka ze kolabana pua ne, go osina basoero tarina gata. Mana taramuzina tina dokae to lupo na vudu pua dena.”
Jesu I Sine Ne Qira Pataro Tina Doka Go
(Maka 13.14-23; Luka 21.20-24)
15Jesu igo napu dena, “Propeta Daniela i sine vasadaka bana, ṉalu batu lavata ne i vadegere ze beku ne loborona pade tabo ne, ianae i lete sakata sivala. Basoe qo toere go iade, ono pada ne nanaorove na talupasana. 16Ṉalu tina doka go pataro dena, ramu qamu koego Judia muna paqa za kubolo mana pipika go. 17Basoe i za ko banae go popoko na pade ia, mara kasi ara nanao na za pala na patapata ro ia ikoego loborona pade ne. 18Basoe i zako banae go barue ne, mara kasi ara ule, za pala na roku ia. 19Mana qolero iri kakate go, mana qolero iara susu go salero ria tarina lete makuru! 20Pene God go ṉalu tina lama doka go pataro dena, mara kasi votoe na ṉalu lolomu ba ṉalu musaqara Sabat, go tina malumu ne qamu paqa. 21Avigo? Tanego ṉalu nae tina lete topu makuru. Tina lete sivala ne makuru ro i sadaka bana me tupiana na me kolabana pua dena. Mana kaega napu to kaki makuru igogo nae, tinara sadaka napu mego. 22Do God i nanao bana tina vapusia ṉalu na makuru igogo ne, tanego ṉalu iki vapusia kaega, kaega ka basoe tina mazala go too. Do God i vapusia so, tanego inanao qira basoero tavine ia.
23Ṉalu nae, muniki vaogote basoe i sine ne qamu, ‘Mia iato dena Mesia ne, ba igo iato dona,’ go. 24Tanego Mesia poqepoqe ro mana propeta poqepoqe ro tarina lama, mana tarina zazu ne topu na zazu mazalaro mana zazu vari vapoloso ro go, go tarina pada ne vosoru qirae basoero tavine ia God i vine bana qira go. 25Gata! Era qa sine kenaqa bana ne qamu tarakenaqana go, tinara sadaka go pataro igogo ne.
26Ba ṉalu basoero iri sine ne qamu, ‘Mia! Ia i za koe de i kaega pata podopodo lavatana ne! Muniki za,’ ba iri go, ‘Mia! I ko pipikae dena!’ Muniki vaogote. 27Tanego ṉalu era Tuna basoe tuna lama go, tina tatavata gere kapi tina damare go tepa keba na saṉa mana za dokae tepa zuṉu na saṉa go.
28De ikoego sinara na basoe le, pale kilukapu ro tarina za qoqoṉo ego.”
Lama Qu Era Tuna Basoe
(Maka 13.24-27; Luka 21.25-28)
29Jesu igo napu dena, “Taramuzina so makuru ro nae, saṉa ne tiniki tatavata kaega tina rodoko to, mana inaqa ne tiniki damara to kaega, domiri rona zakazaka ne tarina soru lupo me pua ne, mana osina pataro ikoego toba ne tina vizuvizu lupo. 30Torana to nae, lala i vasadake go lama qu era Tuna basoe tina sadake toba ne, mana osiqira basoero na kolabana pua ne, tarina dae va lavata ṉalu tarina miava era Tuna basoe tuna goe mego toba ro ne mana lulu me moqere mana tatavata na karaputa mazala ia God go. 31Tarina puqo kuvili go tuna turine qira aqelo ro era go tarina zae kavasi tumu na kolabana pua ne, go tarina pala qira me basoero qa vine bana qira go.”
Vapadapada Na Moki Piqi
(Maka 13.28-31; Luka 21.29-33)
32Jesu i sine napu ne qira, “Muna nanao zaqe ṉalu moki piqi nae i tadau lupo uguruna, mana i paparaku mego, ramu qamu rove ṉalu bulebule i garogaro me. 33I gere napua so ṉalu qamu mia go pataro dena i sadaka go, ramu tamuna rove, pataro qa sine go era i lama garogaro to tupi. 34Nanao tarua osina pataro dena tina sadaka bana qira so basoero iri kogo ninidena ia tarinara le go. 35Rani mana pua dena tina lupo, do osina seko ro era tiniki rove kaega lupo.”
Kaega Ka Basoe Irove Go Ṉalu Era Tuna Basoe Tuna Ule Mego
(Maka 13.32-37; Luka 17.26-30,34-36)
36Jesu i sine napua, “Patavolomo aqeloro iri koego rani ne, mana era Tuna basoe go, qimuki rove so kaega musaqara na ba torana ṉalu, na go, do tanuna so Mamae i rove go. 37Pataro isadaka go ṉalu ia Noa, tina sadaka gere napua so ṉalu era Tuna basoe tuna za lama go. 38Torana iara kaebo go lama kiale lavata basoero ne iri ṉaṉa mana ge loka, valeke ro mana qolero iri busi, go i za doka so ṉalu Noa i keba za koluka ia. 39Mana iri nanao kaega so kaki pata tina doka qira, iri go, do kiale lavata ne i vapoloso qira, mana i pala vazao lupo qira. Iato nae pataro tina sadaka go ṉalu era Tuna basoe tuna ule napu mego. 40Torana ṉalu nae, karua valeke tiruna za zazu e barue ne kameka tarina pala vakuziki, ne mana varuana ne tina ko sivala go. 41Karua qole tiruna poke sila, kameka tarina pala vakuziki ne, mana varuana ne tina ko sivala go. 42Iago muna miasoka, tanego qamuki rove kaega ṉalu era Batu ramu tuna za ule mego. 43Ṉalu valeke i toṉove go pade ne i rove go ṉalu valeke sikosiko ne tina za lama go, ia iki kamuku kaega, tina dogara taru so go tina va noto go basoe nae, za siko ena pade ia ne. 44Iago ramu do muna vanama taruso, tanego era Tuna basoe tuna za ule me, musaqara ba torana ṉalu ramu qamuki rove go kaega.”
Basoe Zazu Velaka Mana Basoe Zazu Sakata
(Luka 12.41-48)
45Gonae Jesu i sine napua, “Akena tane i basoe zazu vavaogoto mana tarove go? Iato valeke i va kenaqe go batu ia go tina miasoka qira kero ne vano zazu ne, go ṉalu na ṉaṉa, ia tina teke ne qira vano zazu pata gege ne. 46Ava tina goto ka kula na basoe zazu nae, ṉalu batu ia tina lama mia zazu velaka i zazu ne go! 47Ma sine ne qamu pataogoto, batu ia ne tina vamiasoka ze ia osina patapataro ro ia. 48Do ṉalu basoe zazu nae, i basoe sakata, ia tina sine ne tanuna, batu era i makuru na ule katikili me, 49iago i tupi vae qira kerone vano zazu gonae i ṉaṉa mana i ge loka tavisi qira vano iri poro ge loka go. 50Gonae batu ia valeke zazu nae tina za ule me musaqara torana ṉalu valeke zazu nae iki vanama nego kaega. 51Batu ia ne, tina lete va kimate valeke zazu nae, mana tina za taru ze ia de iri koego vano iri poqepoqe go. Dego tina za dae mana vari kizakiza ne saqe na go.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.