Matiu 26
26
Batubaturo Ria Vano Jiu Iri Vato Ne Vae Vale Na Jesu
(Maka 14.1-2; Luka 22.1-2; Jon 11.45-53)
1Ṉalu Jesu i valupo to vatatana qirae disipoloro ia pataro dena, i sine napu ne qira, 2“Ramu qamu rove zarika tina kelo na musaqara nanao taruna na ṉalu God i vasiporo qirae vano Izirel tepa Izipito. Mana ṉalu nae to tarina pala va go era Tuna basoe mana tarina paqipaqi ve koluse ne.”
3Ṉalu nae batu ria patere ro mana vano kazigarata ro iri teṉoe pade lavata ia Kaipas ni Batu lavata ria patere ro, 4iri vatovato ne de go tarina pala pika go Jesu mana vae vale iago. 5Iri go, “Tiniki pala ṉalu musaqara na kelo ne, niki go basoero ne varitarae de qata koego.”
Kameka Qole I Zele Ze Tala Kuzukuna Jesu
(Maka 14.3-9; Jon 12.1-8)
6Jesu i zae komala Betani mana i za koe pade ia Saimon, valeke dena i pala bana mokoso voremake. 7Ṉalu Jesu iara ṉaṉa, kameka qole i pala me ipaka selesele i purake tala i lete nonoli meno mana i lete voli makuru go. Qole ne i pala tala ne mana i zele ze kuzukuna Jesu. 8Do ṉalu disipoloro ia iri mia pata igogo ne, iri lete muma, iri go, “Avigo tane qo valeqiso nego tala nae? 9Tara volivoli nego tala nae, kesa lavata tara pala zego, mana kesa na ne tara teke ne qira vano situ go!”
10Do Jesu i rove pata iri vari sine ne go, iago i sine ne qira, “Avigo tane qamu seko vasakate go qole nae, pata velaka so i zazu ne ze go de qa koego era, qole dena. 11Basoero situ ne, iri ko banae so deqamu koego osina ṉalu, ba era tuniki koe kaega de qamu koego ramu osina ṉalu. 12Qole dena i zele ze tala dena tokamaqu era, i vanama tokamaqu go tina vovua go. 13Iago ma sine ne qamu pata ogoto, osina dia kolabana pua ne tarina sine vasadaka ze Tarama Velaka ne, tarina pepeua pata i zazu nego qole dena, mana tarina nanao tarua iago.”
Jiudas I Toqe Ne Tina Vabesa Ne Jesu
(Maka 14.10-11; Luka 23.2-6)
14Taramuzina to nae, kaki kameka ria disipolo ia vitoṉona Jiudas Iskariot i zae de iri koego ria batu ria patere ro. 15Mana i tana, “Ṉalu tuna teke ne qamu go era Jesu, avana to tamuna teke nava go era na?” Iri qana pisaṉaulu dia kesa siliva mana iri teke ne ia. 16Tupi to ṉalu nae Jiudas i taqia ṉalu velaka go tina vabesa ne go Jesu.
Jesu Mana Disipoloro Ia Iri Kameka Ṉaṉa Ne Kelo Na Pasova
(Maka 14.12-21; Luka 22.7-14,21-23; Jon 13.21-30)
17Ṉalu musaqara kenaqa na bureri ikaega go istina ne, disipoloro ia iri tana ne ia, “Adepa tane qo soko go aro timuna za vanama zego ṉaṉa na Pasova ne?”
18Jesu i sine ne qira, “Zae komala lavata ne, za mia valeke qa rove go era, mana sine ne, ‘Valeke vari vatatana ne igo, ṉalu era i garogaro to, iago era mana disipoloro era timuna ge ze pata gege na Pasova dena loborona pade aro.’ ”
19Disipoloro ne iri lulua so pataro i sine ne qira go Jesu, iago iri vanama to pata gege na Pasova.
20I doka to raravi ia, Jesu mana manoga karua disipoloro ia iri koloku go tarina ṉaṉa. 21Torana to ṉaṉa iri vaego, Jesu i sine ne qira, “Ma sine ne qamu pata ogoto, kaki kameka ramu dena ne, tina va besa nava era.”
22Pasi nae disipoloro ne iri lete maqata, nogoto qira to iri tana ne ia, “Batu, avigo era ba?”
23Jesu igo, “Basoe qaru kameka soqe go pata gege ikoego ebata era ne, iato tina vabesa nava go era. 24Era Tuna basoe tuna le gerena i sine go Buka tabo ne, do manava sakata de ikoego basoe tina vabesa nava go era, itora basoe nae tara kasi podo bana so.”
25Torana to nae, Jiudas, i tana me, “Valeke vari vatatana, avigo era ba?” Jesu i vataule ne ia, “Iato qo sine go nae.”
Ṉaṉa Vatarutaru Ia Jesu
(Maka 14.22-26; Luka 22.14-20; Kameka Korinti 11.23-25)
26Torana iri ara ṉaṉa go, Jesu i pala bureri, i pene mana i seko velaka ne zaqe God i pasia mana i teke ne qira disipoloro ia mana igo dena, “Pala mana ge, ia dena i tokamaqu era.”
27Gonae i pala kapu, i seko velaka ne zaqe God, mana i teke ne qira, igo de, “Osiqamu muna besia, 28iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria. 29Masine ne qamu, tuniki ara besia napua kaega vino dena, go na doka so musaqara, ṉalu tuna ge tavisi qamue ramu vino voru loborona Too ikoego vari miasoka ia God.”
30Goto nae iri vae kera, mana iri zae Kubolo na Olivi.
Jesu I Sine Ne Pita Aro Tono Sine Qoki Rove Ava Kaega
(Maka 14.27-31; Luka 22.31-34; Jon 13.36-38)
31Gonae Jesu i sine ne qira, “Kuse ninidena so osiqamu tamuna paqa kasi lupo nava era, tanego Buka tabo ne i sine bana, ‘Era tuna vae vale valeke miasoka sipi, mana sipi ro ia tarina soso vari paqae lupo.’ 32Do taramuzina tuna too ule me tepa le ne, na kenaqa atu mana piri ne qamue ramu Qalili.”
33Pita i seko me, mana i sine ne Jesu, “Patavolomo ria kerone tarina paqa kasi lupo nigo, do era tuniki kasi nigo kaega!”
34Do Jesu i sine ne Pita, “Masine nigo pata ogoto, tarakenaqana tinara dae go kokorako kuse nini, aro tono kapisa sine, tono go, qoki rove ava kaega era.”
35Pita i vataule, “Patavolomo tarina vae vale palu ve aro, i makuru tuna sine go, qaki rove go kaega!” Mana osiqira kero ne disipoloro do iri sine napua so kameka seko igogo ne.
Jesu I Za Pene Qetsemani
(Maka 14.32-42; Luka 22.39-46)
36Gonae Jesu i lulu ne qira disipoloro ia, iri zae de iri vitoṉo ze Qetsemani, mana i sine ne qira, “Kolokue dena ramu, era ma ziki za dona go maza pene.” 37I lulua Pita mana karua sale ia Zebedi go. Jesu i lete maqata mana nanaona i rodoko go. 38Mana i sine ne qira ria tarapisa ne, “Maqata na puṉuqu ilete lavata sivala, i vele vae vale ava, muna koe dena mana mia taru mego.”
39Iziki za desuka i soru kapata za pua ne mana i pene, igo de, “Ke! Mamae ṉalu go qo toqe nego, pala vakuziki ne kapu na vokara dena deqa koego era, do iniki lulua pata qa soko go era, do ina lulua so pata qo soko go aro.”
40Gonae Jesu i ule me mana i mia qira ria tarapisa ne iri kamuku, i sine ne Pita, “Avigo tarapisa i makuru qamu to mia taru ava torana kameka aoa? 41Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”
42Gonae Jesu i ule mana i za pene napu, igo, “Ke Mamae! Ṉalu go kapu na vokara dena i makuru pala vakuziki ne, go tuna besi bana so era gogo ne, i velaka, soko aro Mamae mara voto to.” 43I ule napu mana imia qira ria tarapisa iri kamuku i makuru qira to volana mataqira.
44Iago Jesu i kasi napu ne qira i ule mana i za pene napu vapisana zaza, i sine napua so pataro i sine bana go. 45Goto nae i ule za de iri koego ria tarapisa ne, i sine ne qira, “Avigo qamu ara kamuku mana ziṉo so go? Mia, ṉalu tarina palava era Tuna basoe mana vazao ve karaputa ria vano vasakata pata, i lama doka to. 46Degere, mata zaza, valeke tina vabesa nava go era i lama goto dena!”
Iri Palatarua Jesu
(Maka 14.43-50; Luka 22.47-53; Jon 18.3-12)
47Iara sekoseko so Jesu, Jiudas kaki kameka ria manoga karua disipoloro ne i lama doka, i lulu qira me topu ria basoero iri pala me pegi loda mana kobau ro go, basoero dena batu ria patere ro mana vano kazigarata ro go iri turine qira mego. 48Jiudas i sine bana ne qira basoero ne lala ia, igo, “Basoe tuna kuna go era iato qamu soko go, muna pala tarua ia!”
49Iago Jiudas i totoloṉo za so de ikoego Jesu mana igo, “Bule! Valeke vari vari vatatana,” mana i kuna ia.
50Jesu i vataule ne ia, “Vakitaka era, vakatikile pata qo soko go zazu ne na!” Pasi nae to basoero ne iri lama mana palataru vanadua Jesu. 51Kaki kameka ria disipoloro ia i rave pegi loda ia mana i tolu kobore qeqelena kameka basoe zazu ia batu ria patere ro. 52Do Jesu i sine ne ia, “Roku vaule pegi loda aro nae, tanego ka basoe i vazazua pegi loda, tarina vae vale napu ze so pegi loda. 53Aro qo rove bana so, ṉalu tu koru zaqe era tavisi de i koe Mamae, ia tara turi me sivala ne manoga karua mao degara na ro aqelo. 54Do ṉalu tuna zazu nego era pata igogo ne, ava tina goto Buka tabo ne, ni sine bana go, pataro dena tina sadaka ogoto go.”
55Goto nae, Jesu i vane qira dena basoero ne, “Avigo era qa valeke vae vae tamana? Go qamu pala mego pegi loda, kobau ro go? Era osina musaqara, qa koeso Pade Lotu qa vatatana qira basoero ne, do ramu qamuki lama palava kaega. 56Do patavolomo nae, pataro i doka goto dena i va voto to seko ro ria propeta ro iri karo go.” Pasi nae so ia, osiqira to disipoloro ia iri kasi ne ia mana iri paqa lupo to go.
Iri Vadegere Ze Jesu Tarakenaqa Qira Vano Pepeu
(Maka 14.53-65; Luka 22.54-55,63-71; Jon 18.13-14,19-24)
57Ria iri pala go Jesu, iri lulu vazao ze ia pade ia Kaipas ni batu lavata ria patere ro ne, de goto iri teṉo ego vano vari vatatana na Tamana mana vano kazigarata go. 58Pita i kale muzi ne qira so, do iki za garogaro qira kaega, pasi iri za dokae to pekalavata na pade ia batu lavata ria patere, ro ne, ia i za koloku tavisi qira vano soldia ro, go mara mia pata tina doka go Jesu. 59Batu ria patere ro mana osiqira vano iri teṉo ego pepeu ne, iri pada ne taqina pepeu poqepoqe ro go tarina vapala ze Jesu, go tarina mazala go vae vale na ia, 60do i makuru qira soba na kapata go tarina vae vale ze go Jesu, patavolomo topu ria basoero iri lama sine pepeu poqepoqe ro sauna ia. Taramuzina to nae kaki karua basoe iru degere me, 61mana iru go, “Valeke dena igo, ‘Tanuna i mazala so pabale na Pade Lotu ia God mana loborona so kapisa musaqara, i mazala go vadegere lupo na pade ne,’ ” igo.
62Batu ria patere i degere mana i tana ne Jesu, “Avigo i kaega nigo kapata tono vataule ne qirae go basoero iri vapala goe sekoro nae ba?” 63Do Jesu i duduli so, gonae batu lavata ria patere ro ne i sine napu ne ia, “Qa odo odo nigoe to vitoṉona God i too osina ṉalu, ono sine me pata ogoto, avigo aro to qo Mesia ni Tuna go God?”
64Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”
65Pasi nae, batu lavata ria patere ro, i lete muma, mana i ridake roku ia igo, “I seko sakate God! Iago qatiki ara taqi basoe napu kaega! Iato qamu gata go nae. I seko sakate God! 66Iago avana qamu nanao go?” Iri vataule, “Valeke nae i kebu, iago ina le.”
67Goto nae ia, iri sue lapa tarake-naqana mana iri dupo ia. Ria iri posare go ia, 68iri go, “Mesia, sine voto meto aro, akena tane i vae go na?”
Pita Igo Iki Rove Kaega Jesu
(Maka 14.66-72; Luka 22.56-62; Jon 18.15-18,25-27)
69Pita i koloku e rikisina peka lavata na pade ia batu lavata ria patere ro, mana kameka qole zazu ia batu lavata ria patere ro i lama vane de Pita, “Aro to qo ko tavise go Jesu na Qalili ba?”
70Do Pita i poqe tarakenaqa qira basoero ne, igo “Era qaki rove kaega ka pata qo sine go aro.” 71Goto nae i siporo za tepa siporaṉa na pade ne, kameka qole zazu i mia ia mana i sine ne qira valekero iri koe de igogo ne igo, “Valeke dena i ko tavise Jesu na Nazaret.”
72Do Pita i legu vakaega, igo, “Qa ogoto eto de i koe Batu ne, era qaki rove kaega ia.”
73Iumata qe so desuka, basoero iri degere go de igogo ne, iri zae de koe Pita mana iri go, “Remu qi rove aro qo kakia to valeke qo lulua go Jesu, qi gata rove ze de igogo sekoseko mu!”
74Do Pita igo, “Qa ogoto eto de ikoego God, ṉalu go qa poqepoqe God nava vakimata ava era, era qaki rove kaega valeke nae!” Goso nae kokorako ne i dae to 75mana Pita i nanao soba zaqe to seko i sine bana nego Jesu, igo, “Tarakenaqana tinara dae go kokorako ne, aro kapisa sine tono go qoki rove ava kaega era.” Goto nae Pita i siporo za i lete maqata mana i dae go.
Currently Selected:
Matiu 26: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Matiu 26
26
Batubaturo Ria Vano Jiu Iri Vato Ne Vae Vale Na Jesu
(Maka 14.1-2; Luka 22.1-2; Jon 11.45-53)
1Ṉalu Jesu i valupo to vatatana qirae disipoloro ia pataro dena, i sine napu ne qira, 2“Ramu qamu rove zarika tina kelo na musaqara nanao taruna na ṉalu God i vasiporo qirae vano Izirel tepa Izipito. Mana ṉalu nae to tarina pala va go era Tuna basoe mana tarina paqipaqi ve koluse ne.”
3Ṉalu nae batu ria patere ro mana vano kazigarata ro iri teṉoe pade lavata ia Kaipas ni Batu lavata ria patere ro, 4iri vatovato ne de go tarina pala pika go Jesu mana vae vale iago. 5Iri go, “Tiniki pala ṉalu musaqara na kelo ne, niki go basoero ne varitarae de qata koego.”
Kameka Qole I Zele Ze Tala Kuzukuna Jesu
(Maka 14.3-9; Jon 12.1-8)
6Jesu i zae komala Betani mana i za koe pade ia Saimon, valeke dena i pala bana mokoso voremake. 7Ṉalu Jesu iara ṉaṉa, kameka qole i pala me ipaka selesele i purake tala i lete nonoli meno mana i lete voli makuru go. Qole ne i pala tala ne mana i zele ze kuzukuna Jesu. 8Do ṉalu disipoloro ia iri mia pata igogo ne, iri lete muma, iri go, “Avigo tane qo valeqiso nego tala nae? 9Tara volivoli nego tala nae, kesa lavata tara pala zego, mana kesa na ne tara teke ne qira vano situ go!”
10Do Jesu i rove pata iri vari sine ne go, iago i sine ne qira, “Avigo tane qamu seko vasakate go qole nae, pata velaka so i zazu ne ze go de qa koego era, qole dena. 11Basoero situ ne, iri ko banae so deqamu koego osina ṉalu, ba era tuniki koe kaega de qamu koego ramu osina ṉalu. 12Qole dena i zele ze tala dena tokamaqu era, i vanama tokamaqu go tina vovua go. 13Iago ma sine ne qamu pata ogoto, osina dia kolabana pua ne tarina sine vasadaka ze Tarama Velaka ne, tarina pepeua pata i zazu nego qole dena, mana tarina nanao tarua iago.”
Jiudas I Toqe Ne Tina Vabesa Ne Jesu
(Maka 14.10-11; Luka 23.2-6)
14Taramuzina to nae, kaki kameka ria disipolo ia vitoṉona Jiudas Iskariot i zae de iri koego ria batu ria patere ro. 15Mana i tana, “Ṉalu tuna teke ne qamu go era Jesu, avana to tamuna teke nava go era na?” Iri qana pisaṉaulu dia kesa siliva mana iri teke ne ia. 16Tupi to ṉalu nae Jiudas i taqia ṉalu velaka go tina vabesa ne go Jesu.
Jesu Mana Disipoloro Ia Iri Kameka Ṉaṉa Ne Kelo Na Pasova
(Maka 14.12-21; Luka 22.7-14,21-23; Jon 13.21-30)
17Ṉalu musaqara kenaqa na bureri ikaega go istina ne, disipoloro ia iri tana ne ia, “Adepa tane qo soko go aro timuna za vanama zego ṉaṉa na Pasova ne?”
18Jesu i sine ne qira, “Zae komala lavata ne, za mia valeke qa rove go era, mana sine ne, ‘Valeke vari vatatana ne igo, ṉalu era i garogaro to, iago era mana disipoloro era timuna ge ze pata gege na Pasova dena loborona pade aro.’ ”
19Disipoloro ne iri lulua so pataro i sine ne qira go Jesu, iago iri vanama to pata gege na Pasova.
20I doka to raravi ia, Jesu mana manoga karua disipoloro ia iri koloku go tarina ṉaṉa. 21Torana to ṉaṉa iri vaego, Jesu i sine ne qira, “Ma sine ne qamu pata ogoto, kaki kameka ramu dena ne, tina va besa nava era.”
22Pasi nae disipoloro ne iri lete maqata, nogoto qira to iri tana ne ia, “Batu, avigo era ba?”
23Jesu igo, “Basoe qaru kameka soqe go pata gege ikoego ebata era ne, iato tina vabesa nava go era. 24Era Tuna basoe tuna le gerena i sine go Buka tabo ne, do manava sakata de ikoego basoe tina vabesa nava go era, itora basoe nae tara kasi podo bana so.”
25Torana to nae, Jiudas, i tana me, “Valeke vari vatatana, avigo era ba?” Jesu i vataule ne ia, “Iato qo sine go nae.”
Ṉaṉa Vatarutaru Ia Jesu
(Maka 14.22-26; Luka 22.14-20; Kameka Korinti 11.23-25)
26Torana iri ara ṉaṉa go, Jesu i pala bureri, i pene mana i seko velaka ne zaqe God i pasia mana i teke ne qira disipoloro ia mana igo dena, “Pala mana ge, ia dena i tokamaqu era.”
27Gonae i pala kapu, i seko velaka ne zaqe God, mana i teke ne qira, igo de, “Osiqamu muna besia, 28iadena i parasaqu iato i vanadua go pui ia God, parasaqu tina tazele za de iri koego vano vasakata pata go tina lukase go vasakata pata ro ria. 29Masine ne qamu, tuniki ara besia napua kaega vino dena, go na doka so musaqara, ṉalu tuna ge tavisi qamue ramu vino voru loborona Too ikoego vari miasoka ia God.”
30Goto nae iri vae kera, mana iri zae Kubolo na Olivi.
Jesu I Sine Ne Pita Aro Tono Sine Qoki Rove Ava Kaega
(Maka 14.27-31; Luka 22.31-34; Jon 13.36-38)
31Gonae Jesu i sine ne qira, “Kuse ninidena so osiqamu tamuna paqa kasi lupo nava era, tanego Buka tabo ne i sine bana, ‘Era tuna vae vale valeke miasoka sipi, mana sipi ro ia tarina soso vari paqae lupo.’ 32Do taramuzina tuna too ule me tepa le ne, na kenaqa atu mana piri ne qamue ramu Qalili.”
33Pita i seko me, mana i sine ne Jesu, “Patavolomo ria kerone tarina paqa kasi lupo nigo, do era tuniki kasi nigo kaega!”
34Do Jesu i sine ne Pita, “Masine nigo pata ogoto, tarakenaqana tinara dae go kokorako kuse nini, aro tono kapisa sine, tono go, qoki rove ava kaega era.”
35Pita i vataule, “Patavolomo tarina vae vale palu ve aro, i makuru tuna sine go, qaki rove go kaega!” Mana osiqira kero ne disipoloro do iri sine napua so kameka seko igogo ne.
Jesu I Za Pene Qetsemani
(Maka 14.32-42; Luka 22.39-46)
36Gonae Jesu i lulu ne qira disipoloro ia, iri zae de iri vitoṉo ze Qetsemani, mana i sine ne qira, “Kolokue dena ramu, era ma ziki za dona go maza pene.” 37I lulua Pita mana karua sale ia Zebedi go. Jesu i lete maqata mana nanaona i rodoko go. 38Mana i sine ne qira ria tarapisa ne, “Maqata na puṉuqu ilete lavata sivala, i vele vae vale ava, muna koe dena mana mia taru mego.”
39Iziki za desuka i soru kapata za pua ne mana i pene, igo de, “Ke! Mamae ṉalu go qo toqe nego, pala vakuziki ne kapu na vokara dena deqa koego era, do iniki lulua pata qa soko go era, do ina lulua so pata qo soko go aro.”
40Gonae Jesu i ule me mana i mia qira ria tarapisa ne iri kamuku, i sine ne Pita, “Avigo tarapisa i makuru qamu to mia taru ava torana kameka aoa? 41Muna koe dena mana pene, go kaega kaki pata pada tina vasoru qamu go. Pata ogoto, nanao qamu i karaputa do, tokama qamu i pela.”
42Gonae Jesu i ule mana i za pene napu, igo, “Ke Mamae! Ṉalu go kapu na vokara dena i makuru pala vakuziki ne, go tuna besi bana so era gogo ne, i velaka, soko aro Mamae mara voto to.” 43I ule napu mana imia qira ria tarapisa iri kamuku i makuru qira to volana mataqira.
44Iago Jesu i kasi napu ne qira i ule mana i za pene napu vapisana zaza, i sine napua so pataro i sine bana go. 45Goto nae i ule za de iri koego ria tarapisa ne, i sine ne qira, “Avigo qamu ara kamuku mana ziṉo so go? Mia, ṉalu tarina palava era Tuna basoe mana vazao ve karaputa ria vano vasakata pata, i lama doka to. 46Degere, mata zaza, valeke tina vabesa nava go era i lama goto dena!”
Iri Palatarua Jesu
(Maka 14.43-50; Luka 22.47-53; Jon 18.3-12)
47Iara sekoseko so Jesu, Jiudas kaki kameka ria manoga karua disipoloro ne i lama doka, i lulu qira me topu ria basoero iri pala me pegi loda mana kobau ro go, basoero dena batu ria patere ro mana vano kazigarata ro go iri turine qira mego. 48Jiudas i sine bana ne qira basoero ne lala ia, igo, “Basoe tuna kuna go era iato qamu soko go, muna pala tarua ia!”
49Iago Jiudas i totoloṉo za so de ikoego Jesu mana igo, “Bule! Valeke vari vari vatatana,” mana i kuna ia.
50Jesu i vataule ne ia, “Vakitaka era, vakatikile pata qo soko go zazu ne na!” Pasi nae to basoero ne iri lama mana palataru vanadua Jesu. 51Kaki kameka ria disipoloro ia i rave pegi loda ia mana i tolu kobore qeqelena kameka basoe zazu ia batu ria patere ro. 52Do Jesu i sine ne ia, “Roku vaule pegi loda aro nae, tanego ka basoe i vazazua pegi loda, tarina vae vale napu ze so pegi loda. 53Aro qo rove bana so, ṉalu tu koru zaqe era tavisi de i koe Mamae, ia tara turi me sivala ne manoga karua mao degara na ro aqelo. 54Do ṉalu tuna zazu nego era pata igogo ne, ava tina goto Buka tabo ne, ni sine bana go, pataro dena tina sadaka ogoto go.”
55Goto nae, Jesu i vane qira dena basoero ne, “Avigo era qa valeke vae vae tamana? Go qamu pala mego pegi loda, kobau ro go? Era osina musaqara, qa koeso Pade Lotu qa vatatana qira basoero ne, do ramu qamuki lama palava kaega. 56Do patavolomo nae, pataro i doka goto dena i va voto to seko ro ria propeta ro iri karo go.” Pasi nae so ia, osiqira to disipoloro ia iri kasi ne ia mana iri paqa lupo to go.
Iri Vadegere Ze Jesu Tarakenaqa Qira Vano Pepeu
(Maka 14.53-65; Luka 22.54-55,63-71; Jon 18.13-14,19-24)
57Ria iri pala go Jesu, iri lulu vazao ze ia pade ia Kaipas ni batu lavata ria patere ro ne, de goto iri teṉo ego vano vari vatatana na Tamana mana vano kazigarata go. 58Pita i kale muzi ne qira so, do iki za garogaro qira kaega, pasi iri za dokae to pekalavata na pade ia batu lavata ria patere, ro ne, ia i za koloku tavisi qira vano soldia ro, go mara mia pata tina doka go Jesu. 59Batu ria patere ro mana osiqira vano iri teṉo ego pepeu ne, iri pada ne taqina pepeu poqepoqe ro go tarina vapala ze Jesu, go tarina mazala go vae vale na ia, 60do i makuru qira soba na kapata go tarina vae vale ze go Jesu, patavolomo topu ria basoero iri lama sine pepeu poqepoqe ro sauna ia. Taramuzina to nae kaki karua basoe iru degere me, 61mana iru go, “Valeke dena igo, ‘Tanuna i mazala so pabale na Pade Lotu ia God mana loborona so kapisa musaqara, i mazala go vadegere lupo na pade ne,’ ” igo.
62Batu ria patere i degere mana i tana ne Jesu, “Avigo i kaega nigo kapata tono vataule ne qirae go basoero iri vapala goe sekoro nae ba?” 63Do Jesu i duduli so, gonae batu lavata ria patere ro ne i sine napu ne ia, “Qa odo odo nigoe to vitoṉona God i too osina ṉalu, ono sine me pata ogoto, avigo aro to qo Mesia ni Tuna go God?”
64Jesu i vataule ne ia, “Iato qo sine go nae. Do masine ne qamu, pasi de popoka za go ne, tamuna mia va era Tuna basoe, tuna kolokue tepa matauna God i lete karaputa sivala go, mana tuna za sadaka me toba zakazaka ne!”
65Pasi nae, batu lavata ria patere ro, i lete muma, mana i ridake roku ia igo, “I seko sakate God! Iago qatiki ara taqi basoe napu kaega! Iato qamu gata go nae. I seko sakate God! 66Iago avana qamu nanao go?” Iri vataule, “Valeke nae i kebu, iago ina le.”
67Goto nae ia, iri sue lapa tarake-naqana mana iri dupo ia. Ria iri posare go ia, 68iri go, “Mesia, sine voto meto aro, akena tane i vae go na?”
Pita Igo Iki Rove Kaega Jesu
(Maka 14.66-72; Luka 22.56-62; Jon 18.15-18,25-27)
69Pita i koloku e rikisina peka lavata na pade ia batu lavata ria patere ro, mana kameka qole zazu ia batu lavata ria patere ro i lama vane de Pita, “Aro to qo ko tavise go Jesu na Qalili ba?”
70Do Pita i poqe tarakenaqa qira basoero ne, igo “Era qaki rove kaega ka pata qo sine go aro.” 71Goto nae i siporo za tepa siporaṉa na pade ne, kameka qole zazu i mia ia mana i sine ne qira valekero iri koe de igogo ne igo, “Valeke dena i ko tavise Jesu na Nazaret.”
72Do Pita i legu vakaega, igo, “Qa ogoto eto de i koe Batu ne, era qaki rove kaega ia.”
73Iumata qe so desuka, basoero iri degere go de igogo ne, iri zae de koe Pita mana iri go, “Remu qi rove aro qo kakia to valeke qo lulua go Jesu, qi gata rove ze de igogo sekoseko mu!”
74Do Pita igo, “Qa ogoto eto de ikoego God, ṉalu go qa poqepoqe God nava vakimata ava era, era qaki rove kaega valeke nae!” Goso nae kokorako ne i dae to 75mana Pita i nanao soba zaqe to seko i sine bana nego Jesu, igo, “Tarakenaqana tinara dae go kokorako ne, aro kapisa sine tono go qoki rove ava kaega era.” Goto nae Pita i siporo za i lete maqata mana i dae go.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.