Maka 12
12
Seko Vapadapada Na Vano Iri Miasoka Go Barue Vaeni
(Matiu 21.33-46; Luka 20.9-19)
1Jesu i sine ne qira basoero ne seko vapadapada dena, “Kaki kameka valeke i leba barue vaeni ia mana i zazu ne kameka bara, ikolo ze go. I zazu ne de tina puqo ze go vaeni ne, mana i vadegere ze kameka pade zakazaka go tina za koe basoe tina miatarua go. Lupo nae i vamao ne qira kakia ro basoero barue vaeni, iago tarina vazazua mana teke vaule ne tanuna kadia volina urena nogotona ave, mana tanuna valeke ne i zaza, iza koe kaki dia kakavata. 2I doka to ṉalu iṉara go urena vaeni ne, go tarina pala go, valeke itoṉove go barue vaeni ne, i turi ne valeke zazu ia mara za pala kesa, todona volina vaeni ia ne igo. 3Do ria vano zazu ne iri palatarua valeke ne, iri vae mana turi vaule volomo ne so ia. 4Gonae valeke itoṉove go barue vaeni ne ivazao napu kakia valeke zazu ia, do ria iri vae kuzukuna ne mana iri lete vasakate to ia. 5Valeke itoṉove go barue ne ivazao napua kakia valeke zazu ia, do vano zazu ne iri vae ia mana iri vasakata ne qira kero ne na, mana kakiaro ria vae vale qira go. 6Gonae valeke ne kameka mine na basoe iko sivala go tina vazao go, i sale ia to tanuna. ‘Ṉalu i vazao go, ia i nanao ria tarina vamazale sale ia,’ igo. 7Do ṉalu sale ia iza go, ria iri vari sine ne, iri go, ‘Iato dena sale valeke ogoto ia batu ne. Aria mata vae vale ia go tatana tonovo lupo go pata pataro ia dena!’ 8Iri vari raqasa ne ia mana vae vale vanaqe vakasi ne ze ia barue ne, iri go.”
9Gonae Jesu igo, “Avana to tina zazu ne go valeke itoṉove go barue ia ne? Valeke ne tina vae vale qira basoero nae mana va mia soka napu qirae vano kakavata barue ianae. 10Pata ogoto, ramu qamu toere to Buka tabo ne mana qamu mia to ni sine go,
‘Ipaka iri kasia go vano zazu pade ne,
iato ipaka i lete mazala sivala ne qira go osiqira ipaka ro ne.
11Pata dena Batu ne to i zazu ne go
mana i lete mimia velaka sivale tarakenaqa qita ita go!’ ”
12Vano batu ro ria vano Jiu iri soko palataruna Jesu, tanego iri rove, ia ivapala qirae seko vapadapada i sine go, do tanego iri sareki ne qira basoero ne, iago iri tarua ia mana zaza kasi ne iri go.
Iri Tana Ne De Go Volina Takisi
(Matiu 22.15-22; Luka 20.20-26)
13Vano batu ro ria vano Jiu iri vazao qira kakiaro vano Parisio mana basoero ia Erode de ikoe Jesu, go mara ria tana va soru ze ia tana dena iri go. 14Ṉalu iri za lamae de ikoe ia iri vane dena, “Valeke vari vatatana, remu qimu rove pataro qo sine go aro itotoloṉo lupo so, mana qoki tavisi kale ne kaega kaki basoe, do qo vari vatatana ne so pataro mara zazu nego basoero igogo God. Iago, sine ne qemu remu, avigo itotoloṉoe tamana ita, tane tatana volia takisi de ikoego batu lavata Siza, ba kaega?”
15Do Jesu igata rove tana ria, iago i sine ne qira, “Avigo tane qamu pada nava go era? Valame so kaki kameka kesa siliva nae, go ma mia era.”
16Iri teke ne ia kaki kameka mana i tana ule napu ne qira ria, “Ake tarakenaqana mana vitoṉona tane ikoego kesa dena?” Iri go, “Siza”.
17Gonae Jesu i sine ne qira, “Velaka, teke vaule na batu lavata Siza, pata i todo go Siza mana teke vaule ne God, pata i todo go God.” Pasi iri gata go seko ia Jesu dena iri lete poloso sasakata.
Tana Na Too Napu Me Tepa Le Ne
(Matiu 22.23-33; Luka 20.27-40)
18Gonae kakiaro vano Sadusi iri go, vano iri le bana go tariniki ara too napu me kaega. Iago ria dena iri lamae de ikoego Jesu mana iri lama tana ne ia, iri go. 19“Valeke vari vatatana, Mosese ikaro bana ne qemu remu tamana dena, ‘Ṉalu kaki valeke ile mana qole ia iko, do kaega ne sale igogo ne, kaena valeke ne tina busi napua go qole nanaro igogo ne, go tina vapodo ze sale ro ia valeke kenaqa ia ni le bana go,’ 20Iri ko kaki tamakena taravitu gonae ke lavata ne i busia kameka qole, do ikaega ne sale mana ile. 21Iago ke varuana kaena ne i busi napua qole, ne do ile mana ikaega napu ne so sale, mana igerena napu so ke vapisana kaena ne, 22mana osiqira tamakena taravitu iri busia so kameka qole nae, do osiqira le lupo to mana ikaega ne qira sale, taramuzina qole ne ile napu to go. 23Aria ṉalu tina doka to osina vano le tarina too napu me tepa le ne, akena to tina busia go qole nae, tanego ria tamakena taravitu dena iri busia so kameka qole dena.”
24Jesu iva taule ne qira, igo dena, “Iato nae tane qamu kebu e go ramu, tanego qamuki rove kaega Buka tabo mana qamuki rove kaega karaputa ia God. 25Ṉalu osiqira basoero tarina za too napu mego tepa le ne, valeke mana qole tiniki ara busi napu kaega, do tarina ko gere qira so aqeloro iri koego rani ne. 26Sauqira vano iri le mana too napu me tepa le ne, avigo qamuki toere ze kaega buka ia Mosese ni pepeua go nako ni subia go sasaniqa ne? God i sine ne Mosese, ‘Era God ia Abra-am, God ia Aisak mana God ia Jekop.’ 27Iago, God, i God ria vano too, iki God ria kaega vano le. Ramu qamu kebu totoloṉo so.”
Tamana I Lete Lavata Sivala Go
(Matiu 22.34-40; Luka 10.25-28)
28Kaki kameka valeke vari vatatana na Tamana iko tavisi mana igatagata ṉalu Jesu mana vano Sadusi iri vari seko tabe go. Ṉalu i mia zaqe go pata ivataule ne qira go vano Sadusi Jesu itotoloṉo, iteke ne kameka tana dena Jesu, “Adeke Tamana i lete mazala sivala ne qira go osiqira Tamana ro ne?”
29Jesu iva taule ne igo, “Kameka ke i lete lavata sivala go Tamana ne, iato dena, ‘Gata va velaka me ramu vano Izirel! God Batu ne i kameka bana so, mana i kaega napu kaki god napu go. 30Ono mamaligara ne God Batu aro osina puṉumu, osina madaumu, osina nanaomu mana osina karaputa aro go.’ 31Varuana Tamana i lete mazala sivala napu go, igo dena, ‘Ono mamaligara ne qira vano kakavata iriki garogaro go kaega, gerena de qo vane go mamaligara nigo tanumu.’ I kaega napu kakia tamana i sivala ne qiru karua Tamana dena.”
32Valeke vari vatatana na Tamana i sine ne Jesu igo, “Pata ogoto qo sine go, God Batu ne i kameka bana so mana ikaega napu kakia. 33Iago basoe mara mamaligara neze God osina nanao na mana osina puṉuna, osina madauna, osina karaputa ia mana mara mamaligara napu ne qira vano kakavata gerena i mamaligara ne go tanuna. Luluna karua Tamana dena i lete sivala ne komakoma ro qata tavatavara ne zaqe go God.”
34Jesu i mia rove tarove ia valeke ne, go ni vataule go sekoro ia. Iago i sine ne ia, “Aro qoki laqalaqa ne to kaega Too ikoego vari miasoka ia God.” Taramuzina nae iri sareki napu ne tana ne ia kakia tana.
Tana Sauna Valeke Tavine Ia God
(Matiu 22.41-46; Luka 20.41-44)
35Ṉalu Jesu ivari vatatane Pade Lotu ne itana ne qira, igo, “Avigo tane vano vari vatatana na Tamana iri sine go, Mesia tina podo me sinaqe ia Davita?” 36Davita tanuna i teke nanao Spirit tabo go ni sine go,
‘God Batu ne i sine ne Batu era.
Ono koloku e tepa matauqu go tina za dokae ṉalu tuna taru lupo qirae kana ro aro polana makemu.’
37Iago Davita ikoru ze Batu ne i Batu ia. Ava tina gogo Mesia tina reqeme go popodo ia Davita?”
De Igogo Too Ria Vano Tarove Na Tamana
(Matiu 23.1-36; Luka 20.45-47)
38Ṉalu iva tatana qira i vane qira dena, “Muna miasoka qira vano tarove na tamana iri vakeba ne roku loda ria mana iri ara telotelo go, iri soko basoero ne mara vamazala qirae de iri volivoli ne ze go pata ro. 39Mana iri za koe vesu velavelaka ikoego tarakenaqana pade lotu ne mana de kolokoloku velaka ṉalu iri zae go ṉaṉa na kelo ne. 40Iri vaqoqo qira qole ro nanaro mana iri pala siko qirae patapataro ria mana ṉalu iri pene go iri vazaka napu ne pene loda ro ria go. Qamu rove lepulepu ria tina lete lavata sivala.”
Sosovolomo Ia Qole Nanaro
(Luka 21.1-4)
41Ṉalu Jesu i koloku garogaro go bokese iri tarutaru zaqe go kesa loborona Pade Lotu ne, i mia qira basoero iri za vana ne zego kesa loborona bokese ne, mana topu ria vano vavagado iri za vana ne topuna kesa. 42Gonae i mia napua kameka qole nanaro ikaega neto kapata, ilete situ, do ilama vana ne karua senti iko sivala ne go. 43Jesu i koru teṉo qira disipoloro ia i vane qira dena, “Ma sine ne qamu pata ogoto, qole nanaro situ dena to itaru zaqe go kesa i sivala ne qira go basoero topu iri vana ne go kesa sosovolomo loborona bokese ne. 44Tanego basoero topu dena iri soso zaqe so desuka pata vavagado ria. Do qole nanaro dena i teke lupo zaqe to pata itoṉove go sauna too ia.”
Currently Selected:
Maka 12: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Maka 12
12
Seko Vapadapada Na Vano Iri Miasoka Go Barue Vaeni
(Matiu 21.33-46; Luka 20.9-19)
1Jesu i sine ne qira basoero ne seko vapadapada dena, “Kaki kameka valeke i leba barue vaeni ia mana i zazu ne kameka bara, ikolo ze go. I zazu ne de tina puqo ze go vaeni ne, mana i vadegere ze kameka pade zakazaka go tina za koe basoe tina miatarua go. Lupo nae i vamao ne qira kakia ro basoero barue vaeni, iago tarina vazazua mana teke vaule ne tanuna kadia volina urena nogotona ave, mana tanuna valeke ne i zaza, iza koe kaki dia kakavata. 2I doka to ṉalu iṉara go urena vaeni ne, go tarina pala go, valeke itoṉove go barue vaeni ne, i turi ne valeke zazu ia mara za pala kesa, todona volina vaeni ia ne igo. 3Do ria vano zazu ne iri palatarua valeke ne, iri vae mana turi vaule volomo ne so ia. 4Gonae valeke itoṉove go barue vaeni ne ivazao napu kakia valeke zazu ia, do ria iri vae kuzukuna ne mana iri lete vasakate to ia. 5Valeke itoṉove go barue ne ivazao napua kakia valeke zazu ia, do vano zazu ne iri vae ia mana iri vasakata ne qira kero ne na, mana kakiaro ria vae vale qira go. 6Gonae valeke ne kameka mine na basoe iko sivala go tina vazao go, i sale ia to tanuna. ‘Ṉalu i vazao go, ia i nanao ria tarina vamazale sale ia,’ igo. 7Do ṉalu sale ia iza go, ria iri vari sine ne, iri go, ‘Iato dena sale valeke ogoto ia batu ne. Aria mata vae vale ia go tatana tonovo lupo go pata pataro ia dena!’ 8Iri vari raqasa ne ia mana vae vale vanaqe vakasi ne ze ia barue ne, iri go.”
9Gonae Jesu igo, “Avana to tina zazu ne go valeke itoṉove go barue ia ne? Valeke ne tina vae vale qira basoero nae mana va mia soka napu qirae vano kakavata barue ianae. 10Pata ogoto, ramu qamu toere to Buka tabo ne mana qamu mia to ni sine go,
‘Ipaka iri kasia go vano zazu pade ne,
iato ipaka i lete mazala sivala ne qira go osiqira ipaka ro ne.
11Pata dena Batu ne to i zazu ne go
mana i lete mimia velaka sivale tarakenaqa qita ita go!’ ”
12Vano batu ro ria vano Jiu iri soko palataruna Jesu, tanego iri rove, ia ivapala qirae seko vapadapada i sine go, do tanego iri sareki ne qira basoero ne, iago iri tarua ia mana zaza kasi ne iri go.
Iri Tana Ne De Go Volina Takisi
(Matiu 22.15-22; Luka 20.20-26)
13Vano batu ro ria vano Jiu iri vazao qira kakiaro vano Parisio mana basoero ia Erode de ikoe Jesu, go mara ria tana va soru ze ia tana dena iri go. 14Ṉalu iri za lamae de ikoe ia iri vane dena, “Valeke vari vatatana, remu qimu rove pataro qo sine go aro itotoloṉo lupo so, mana qoki tavisi kale ne kaega kaki basoe, do qo vari vatatana ne so pataro mara zazu nego basoero igogo God. Iago, sine ne qemu remu, avigo itotoloṉoe tamana ita, tane tatana volia takisi de ikoego batu lavata Siza, ba kaega?”
15Do Jesu igata rove tana ria, iago i sine ne qira, “Avigo tane qamu pada nava go era? Valame so kaki kameka kesa siliva nae, go ma mia era.”
16Iri teke ne ia kaki kameka mana i tana ule napu ne qira ria, “Ake tarakenaqana mana vitoṉona tane ikoego kesa dena?” Iri go, “Siza”.
17Gonae Jesu i sine ne qira, “Velaka, teke vaule na batu lavata Siza, pata i todo go Siza mana teke vaule ne God, pata i todo go God.” Pasi iri gata go seko ia Jesu dena iri lete poloso sasakata.
Tana Na Too Napu Me Tepa Le Ne
(Matiu 22.23-33; Luka 20.27-40)
18Gonae kakiaro vano Sadusi iri go, vano iri le bana go tariniki ara too napu me kaega. Iago ria dena iri lamae de ikoego Jesu mana iri lama tana ne ia, iri go. 19“Valeke vari vatatana, Mosese ikaro bana ne qemu remu tamana dena, ‘Ṉalu kaki valeke ile mana qole ia iko, do kaega ne sale igogo ne, kaena valeke ne tina busi napua go qole nanaro igogo ne, go tina vapodo ze sale ro ia valeke kenaqa ia ni le bana go,’ 20Iri ko kaki tamakena taravitu gonae ke lavata ne i busia kameka qole, do ikaega ne sale mana ile. 21Iago ke varuana kaena ne i busi napua qole, ne do ile mana ikaega napu ne so sale, mana igerena napu so ke vapisana kaena ne, 22mana osiqira tamakena taravitu iri busia so kameka qole nae, do osiqira le lupo to mana ikaega ne qira sale, taramuzina qole ne ile napu to go. 23Aria ṉalu tina doka to osina vano le tarina too napu me tepa le ne, akena to tina busia go qole nae, tanego ria tamakena taravitu dena iri busia so kameka qole dena.”
24Jesu iva taule ne qira, igo dena, “Iato nae tane qamu kebu e go ramu, tanego qamuki rove kaega Buka tabo mana qamuki rove kaega karaputa ia God. 25Ṉalu osiqira basoero tarina za too napu mego tepa le ne, valeke mana qole tiniki ara busi napu kaega, do tarina ko gere qira so aqeloro iri koego rani ne. 26Sauqira vano iri le mana too napu me tepa le ne, avigo qamuki toere ze kaega buka ia Mosese ni pepeua go nako ni subia go sasaniqa ne? God i sine ne Mosese, ‘Era God ia Abra-am, God ia Aisak mana God ia Jekop.’ 27Iago, God, i God ria vano too, iki God ria kaega vano le. Ramu qamu kebu totoloṉo so.”
Tamana I Lete Lavata Sivala Go
(Matiu 22.34-40; Luka 10.25-28)
28Kaki kameka valeke vari vatatana na Tamana iko tavisi mana igatagata ṉalu Jesu mana vano Sadusi iri vari seko tabe go. Ṉalu i mia zaqe go pata ivataule ne qira go vano Sadusi Jesu itotoloṉo, iteke ne kameka tana dena Jesu, “Adeke Tamana i lete mazala sivala ne qira go osiqira Tamana ro ne?”
29Jesu iva taule ne igo, “Kameka ke i lete lavata sivala go Tamana ne, iato dena, ‘Gata va velaka me ramu vano Izirel! God Batu ne i kameka bana so, mana i kaega napu kaki god napu go. 30Ono mamaligara ne God Batu aro osina puṉumu, osina madaumu, osina nanaomu mana osina karaputa aro go.’ 31Varuana Tamana i lete mazala sivala napu go, igo dena, ‘Ono mamaligara ne qira vano kakavata iriki garogaro go kaega, gerena de qo vane go mamaligara nigo tanumu.’ I kaega napu kakia tamana i sivala ne qiru karua Tamana dena.”
32Valeke vari vatatana na Tamana i sine ne Jesu igo, “Pata ogoto qo sine go, God Batu ne i kameka bana so mana ikaega napu kakia. 33Iago basoe mara mamaligara neze God osina nanao na mana osina puṉuna, osina madauna, osina karaputa ia mana mara mamaligara napu ne qira vano kakavata gerena i mamaligara ne go tanuna. Luluna karua Tamana dena i lete sivala ne komakoma ro qata tavatavara ne zaqe go God.”
34Jesu i mia rove tarove ia valeke ne, go ni vataule go sekoro ia. Iago i sine ne ia, “Aro qoki laqalaqa ne to kaega Too ikoego vari miasoka ia God.” Taramuzina nae iri sareki napu ne tana ne ia kakia tana.
Tana Sauna Valeke Tavine Ia God
(Matiu 22.41-46; Luka 20.41-44)
35Ṉalu Jesu ivari vatatane Pade Lotu ne itana ne qira, igo, “Avigo tane vano vari vatatana na Tamana iri sine go, Mesia tina podo me sinaqe ia Davita?” 36Davita tanuna i teke nanao Spirit tabo go ni sine go,
‘God Batu ne i sine ne Batu era.
Ono koloku e tepa matauqu go tina za dokae ṉalu tuna taru lupo qirae kana ro aro polana makemu.’
37Iago Davita ikoru ze Batu ne i Batu ia. Ava tina gogo Mesia tina reqeme go popodo ia Davita?”
De Igogo Too Ria Vano Tarove Na Tamana
(Matiu 23.1-36; Luka 20.45-47)
38Ṉalu iva tatana qira i vane qira dena, “Muna miasoka qira vano tarove na tamana iri vakeba ne roku loda ria mana iri ara telotelo go, iri soko basoero ne mara vamazala qirae de iri volivoli ne ze go pata ro. 39Mana iri za koe vesu velavelaka ikoego tarakenaqana pade lotu ne mana de kolokoloku velaka ṉalu iri zae go ṉaṉa na kelo ne. 40Iri vaqoqo qira qole ro nanaro mana iri pala siko qirae patapataro ria mana ṉalu iri pene go iri vazaka napu ne pene loda ro ria go. Qamu rove lepulepu ria tina lete lavata sivala.”
Sosovolomo Ia Qole Nanaro
(Luka 21.1-4)
41Ṉalu Jesu i koloku garogaro go bokese iri tarutaru zaqe go kesa loborona Pade Lotu ne, i mia qira basoero iri za vana ne zego kesa loborona bokese ne, mana topu ria vano vavagado iri za vana ne topuna kesa. 42Gonae i mia napua kameka qole nanaro ikaega neto kapata, ilete situ, do ilama vana ne karua senti iko sivala ne go. 43Jesu i koru teṉo qira disipoloro ia i vane qira dena, “Ma sine ne qamu pata ogoto, qole nanaro situ dena to itaru zaqe go kesa i sivala ne qira go basoero topu iri vana ne go kesa sosovolomo loborona bokese ne. 44Tanego basoero topu dena iri soso zaqe so desuka pata vavagado ria. Do qole nanaro dena i teke lupo zaqe to pata itoṉove go sauna too ia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.