Maka 16
16
Jesu I Too Napu Me Tepa Le Ne
(Matiu 28.1-8; Luka 24.1-12; Jon 20.1-10)
1I sivala to musaqara na Sabat, Maria Madalena, Maria sinana Jemisi mana Salome go, iri za volia pata nonoli velaka go mara ria alu ze tokamana Jesu iri go. 2Sarusaruku lolotoro na Sade torana i ara keba me so sana, iri zae leṉa ne. 3Zaza iri vae go zuka ne iri vari sine ne tanuqira, “Akena to tina ikolo ne qita go ipaka iri kokoqu zego siporaṉa na leṉa ne?” Tanego ipaka iri kokoqu zego siporaṉa na leṉa i lavata. 4Do ṉalu iri za dokae go leṉa ne ipaka ne i taikolo va kuziki bana. 5Iago ṉalu iri keba zago loborona leṉa ne, iri mia kameka valeke gavere i kolokue tepa matau na leṉa ne, mana roku ia i lete kakasa sivala, mana qolero ne iri lete sareki sasakata.
6Do ia i sine ne qira, “Kasi sareki ramu, era qa rove ramu qamu taqia Jesu na Nazaret, iri paqipaqi zego koluse ne. Do ia iki koe kaega dena, itoo napu me to tepa le ne. Qamu mia, de iri taruze to dena do iki koe kaega. 7Iago ramu muna ule za mana sine ne Pita mana ria kero ne disipoloro sauna tarama dena. Jesu iza ko kenaqa banae Qalili mana nae to tamuna za soba ze go ia, gerena ni sine bana ne qamu go.”
8Iago iri siporo kasi ne leṉa ne, do nanao qira i tutuqu mana tokama qira i nenedere lupo, mana ṉalu iri ule za go iriki sine vasadaka ne kaega kakia basoe, tanego iri lete sareki sasakata.
KAKIA SEKO VALUPOLUPONA TARAMA VELAKA I KARO KAKIA BASOE
Jesu I Sadake Maria Madalena
(Matiu 28.9-10; Jon 20.11-18)
9Ṉalu Jesu i too napu me tepa le ne sarusaruku lolotoro na musaqara kenaqana viuki, ia i sadaka kenaqe Maria Madalena, qole ni kakale vakuziki ne zego kavitu manuru sakata ro ne. 10Ia i za mana sine ne qira vakitaka ro ia Jesu. Ria iri ko maqata mana dae so iri go. 11Ṉalu iri gata go Maria Madalena i sine ne qira sauna Jesu i too napu me tepa le ne, mana i reṉa paqala ne to igogo ia ne, ria iriki vaogote so kaega.
Jesu I Sadaka Qiru Karua Disipolo Ne
(Luka 24.13-35)
12Taramuzina nae Jesu i sadaka qiru karua disipolo iru zaza kasi ne go komala nae. 13Ṉalu iru za ule mego iru lama sine ne qira disipoloro ne sauna tarama riru, do ria iriki vaogote so kaega.
Jesu I Sadaka Qira Manoga Kameka Disipoloro Ne
(Matiu 28.16-20; Luka 24.36-49; Jon 20.19-23; Zazu Ria Apostoloro 1.6-8)
14Valupolupona sadaka ia, Jesu i sadaka qira manoga kameka disipoloro ia, ṉalu iri ṉaṉa go. I lama seko lavata qira, tanego kuzuku qira i losi sakata nanao rove na pata, iato go iriki vaogote go kaega pata iri sine ne qira go basoero iri mia paqale go ia, ni too napu mego. 15Jesu i sine ne qira, “Muna zae osina dia kolabana vudu pua mana tamana qirae basoero ne Tarama Velaka era dena. 16Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi. 17Vano vaogoto, God tina teke ne qira karaputa go tarina kakale qira go manuru ro loborona vitoṉoqu era, mana tarina seko ne sekoro kakavata go. 18Patavolomo iri siba go dole pani ba besia besi taravalu do tariniki le kaega. Mana karaputa nae ṉalu tarina sapu poka zego karisi qira basoero mokoso ria tarina velaka.”
Jesu I Popoka Za Rani Ne
(Luka 24.50-53; Zazu Ria Apostoloro 1.9-11)
19Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana. 20Taramuzina to nae, disipoloro ne iri za tamana zeto osina dia Tarama Velaka, mana Batu ne i zazu tavisi qira mana tamanaro ria i lama ogoto ṉalu iri zazu ne go topu pata vari vapoloso ro, i reqeme go karaputa ia.
Currently Selected:
Maka 16: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Maka 16
16
Jesu I Too Napu Me Tepa Le Ne
(Matiu 28.1-8; Luka 24.1-12; Jon 20.1-10)
1I sivala to musaqara na Sabat, Maria Madalena, Maria sinana Jemisi mana Salome go, iri za volia pata nonoli velaka go mara ria alu ze tokamana Jesu iri go. 2Sarusaruku lolotoro na Sade torana i ara keba me so sana, iri zae leṉa ne. 3Zaza iri vae go zuka ne iri vari sine ne tanuqira, “Akena to tina ikolo ne qita go ipaka iri kokoqu zego siporaṉa na leṉa ne?” Tanego ipaka iri kokoqu zego siporaṉa na leṉa i lavata. 4Do ṉalu iri za dokae go leṉa ne ipaka ne i taikolo va kuziki bana. 5Iago ṉalu iri keba zago loborona leṉa ne, iri mia kameka valeke gavere i kolokue tepa matau na leṉa ne, mana roku ia i lete kakasa sivala, mana qolero ne iri lete sareki sasakata.
6Do ia i sine ne qira, “Kasi sareki ramu, era qa rove ramu qamu taqia Jesu na Nazaret, iri paqipaqi zego koluse ne. Do ia iki koe kaega dena, itoo napu me to tepa le ne. Qamu mia, de iri taruze to dena do iki koe kaega. 7Iago ramu muna ule za mana sine ne Pita mana ria kero ne disipoloro sauna tarama dena. Jesu iza ko kenaqa banae Qalili mana nae to tamuna za soba ze go ia, gerena ni sine bana ne qamu go.”
8Iago iri siporo kasi ne leṉa ne, do nanao qira i tutuqu mana tokama qira i nenedere lupo, mana ṉalu iri ule za go iriki sine vasadaka ne kaega kakia basoe, tanego iri lete sareki sasakata.
KAKIA SEKO VALUPOLUPONA TARAMA VELAKA I KARO KAKIA BASOE
Jesu I Sadake Maria Madalena
(Matiu 28.9-10; Jon 20.11-18)
9Ṉalu Jesu i too napu me tepa le ne sarusaruku lolotoro na musaqara kenaqana viuki, ia i sadaka kenaqe Maria Madalena, qole ni kakale vakuziki ne zego kavitu manuru sakata ro ne. 10Ia i za mana sine ne qira vakitaka ro ia Jesu. Ria iri ko maqata mana dae so iri go. 11Ṉalu iri gata go Maria Madalena i sine ne qira sauna Jesu i too napu me tepa le ne, mana i reṉa paqala ne to igogo ia ne, ria iriki vaogote so kaega.
Jesu I Sadaka Qiru Karua Disipolo Ne
(Luka 24.13-35)
12Taramuzina nae Jesu i sadaka qiru karua disipolo iru zaza kasi ne go komala nae. 13Ṉalu iru za ule mego iru lama sine ne qira disipoloro ne sauna tarama riru, do ria iriki vaogote so kaega.
Jesu I Sadaka Qira Manoga Kameka Disipoloro Ne
(Matiu 28.16-20; Luka 24.36-49; Jon 20.19-23; Zazu Ria Apostoloro 1.6-8)
14Valupolupona sadaka ia, Jesu i sadaka qira manoga kameka disipoloro ia, ṉalu iri ṉaṉa go. I lama seko lavata qira, tanego kuzuku qira i losi sakata nanao rove na pata, iato go iriki vaogote go kaega pata iri sine ne qira go basoero iri mia paqale go ia, ni too napu mego. 15Jesu i sine ne qira, “Muna zae osina dia kolabana vudu pua mana tamana qirae basoero ne Tarama Velaka era dena. 16Vano iri vaogote mana bapitema gogo ne God tina vakavele qira. Do vano iriki vaogote go kaega, God tina varitanae ne qira ṉalu muzimuzi. 17Vano vaogoto, God tina teke ne qira karaputa go tarina kakale qira go manuru ro loborona vitoṉoqu era, mana tarina seko ne sekoro kakavata go. 18Patavolomo iri siba go dole pani ba besia besi taravalu do tariniki le kaega. Mana karaputa nae ṉalu tarina sapu poka zego karisi qira basoero mokoso ria tarina velaka.”
Jesu I Popoka Za Rani Ne
(Luka 24.50-53; Zazu Ria Apostoloro 1.9-11)
19Taramuzina Jesu Batu ne i seko tabe lupo qira disipoloro ia ne, God i pala vapopoka zaqe Jesu rani ne, mana ia iza kolokue tepa matauna God Tamana. 20Taramuzina to nae, disipoloro ne iri za tamana zeto osina dia Tarama Velaka, mana Batu ne i zazu tavisi qira mana tamanaro ria i lama ogoto ṉalu iri zazu ne go topu pata vari vapoloso ro, i reqeme go karaputa ia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.