Maka 4
4
Va Padapada Na Valeke I Za Leleba
(Matiu 13.1-9; Luka 8.4-8)
1Jesu i vari vatatana napue rikisina masi pipika na Qalili. Topu sasakata basoero iri lama teṉo kolo ia. Iago Jesu i za kolokue loborona kameka koluka, mana basoero ne iri degere so rikisi karakoni na masi ne. 2Topu pataro i vatatana qirae go, do i sine ne qirae so seko vapadapada ro. Pataro i vatatana qirae go igo dena.
3Muna gata va velaka me, i vane qira. “Kameka valeke i za leba ze paturu na vuiti barue ia. 4Gonae ṉalu i za repe ne go paturu ro ne kakia ro iri sorue loborona zuka ne, gonae i lama pale ro lama ge iri go. 5Kakiaro iri sorue de i suka so pua na tanego polana pua ne i kome bakoso, iago iri podo katikili me, do 6ṉalu sana i damara i lete ila qira gonae le so iri go, tanego rabutu qira iki lete zunu za kaega, ituki ne qira bakoso. 7Kakiaro paturu ro ne iri sorue to sasaniqa iri koego qolo paqoro ne, iago qolo paqo ro ne iri pipisi vale qira ia go podo kaega iri go. 8Do kakiaro paturu ro ne iri sorue to pua velaka, iago iri podo velaka mana iri ure velaka, kakiaro ipisaṉaulu to ure qira, kakiaro ionomo ṉaulu, mana kakiaro i kameka vasa to ure qira go.”
9Valupolupona nae Jesu i sine ne qira igo, “Osiqamu ikone qamu qeqele muna gata va velake to.”
Avigo Tane Jesu I Sine Seko Vapadapada Dena
(Matiu 13.10-17; Luka 8.9-10)
10Ṉalu Jesu ikomiki, kakiaro ria iri gata bana go seko ia ne, iri lulume qira manoga karua disipoloro ne, mana iri tana ne ia talukasana seko ro vapadapada i sine go. 11Jesu i vane qira dena, “God iteke bana ne qamu ramu pataro iko pipika mego de ikoego too vari miasoka ia, go tamuna rove go. Do ria kero ne basoero iri ara kaebo keba mego, tarina gata zeso seko vapadapada. 12Iato nae tanego,
‘Patavolomo iri mimia iri go,
do ara mia rove so kaega kaki pata.
Patavolomo iri vavaroṉono go,
do tariniki gata rove so kaega kaki pata.
Tanego, ṉalu ria tara nanao rove mana kavale too ria gogo ne,
God tinara nanao ule ne qira go.’ ”
Jesu I Sine Lupase Talukasana seko Vapadapada Na Valeke Leleba Ne
(Matiu 13.18-23; Luka 8.11-15)
13Jesu itana ne qira igo, “Avigo qamuki nanao rove so kaega ramu tane seko vapadapada dena? 14Valeke leleba dena ne, i leba to seko ia God. 15Paturu ro iri sorue go zuka ne iri gere qira to basoero iri gata go seko ia God, do kameka lama so Satana pala vakuziki ne ze so nanao qira ne igo, 16Mana paturu iri sorue go pua iko mego bakoso polana ne, igere qira to vano iri gata go seko ia God mana iri kula, 17do iki zako vaumate kaega nanao qira, iago ṉalu pata makuru ba pata vari vae vale i lama doka qira iri katikili so vana nena. 18Paturu ro iri sorue go qolo paqo ne igere qira to vano iri gata go seko ia God, 19do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego. 20Do paturu i sorue go pua velaka ne, igere qira to vano iri gata seko ia God iri toqe velaka ne go. Iago, kakiaro ipisaṉaulu to urena mana kakiaro onomoṉaulu, mana kakiaro i kameka vasa to urena go.”
Vapadapada Na Pazi
(Luka 8.16-18)
21Gonae Jesu i sine napu ne qira mana igo dena, “Kaega kaki basoe i pala me pazi ia i vakamua mana i taru zaqe go pola na sau ba pola na vesu ia. Do ia tina taru bana zaqe de vavaidokana pazi ne. 22Iago patavolomo pata iri vari sine pika ne go, tinara lama sadaka, mana pata ipipika go tiniki pipika kaega. 23Ṉalu basoe iko ni go qeqele ono gata va velake pata dena.”
24Jesu i sine napu ne qira, “Muna gata va velake ramu pata qamu gata go dena. Vatovato qamu varitanae ne qirae go basoero ne, iato tina varitanae napu ne qamue go God, do tina za teke ne qamu makuru na. 25Basoe iko bana nego nanao rove dena tina lete pala valavate, mana basoe i kaega bana ne nanao rove dena, patavolomo i desuka so rove go, God tina pala vakuziki lupo ne rove ianae.”
Seko Vapadapada Na Paturu I Podogo
26Jesu igo napu dena, “Too ikoego vari miasoka ia God igere kameka valeke i leba ze barue ia paturu ro. 27Ṉalu i kuse go valeke ne i kamuku, mana i sarusaruku me velake ne i dogara mana i ko kavakava go, do paturu i leba go ne, iri podo me. Valeke dena iki rove kaega de igogo paturu nae i podo go. 28Do paturu ro dena tanuna so pua iva podo qira go, go iri ara ure go. Pata i sadaka kenaqa mego, uquru na, mana i sadaka napu me sisirina, muzina iara lama go sadaka go urena. 29Ṉalu iṉara to ure na, valeke ne i pala pegi ia mana i puta urena, tanego i doka to ṉalu velaka na.”
Vapadapada Na Paturu Na Masta
(Matiu 13.31-32,34; Luka 13.18-19)
30Jesu i vane qira dena, “Avana to tuna vapadapada ze go era Too ikoe go vari miasoka ia God? Ava vapadapada na mata vapadapada ze go tina talukasa go? 31Igere kameka valeke i pala go paturu na moki masta i leba ze pua ne, mana paturu dena iato i lete suka sivala go. 32Do ṉalu iza podo mego, iato ilete lavata sivala ne qira go kero ne pata lebaleba ne mana ilete paqapaqara mana i padepade, gonae pale ro ne iri lama zazu ne ze loborona ne kubasa ro ria ne.”
33Jesu i tamana qirae basoero ne topu pata vapadapada go tarina pada ne pala rove va velake na pataro i vatatana qirae go. 34Iago ṉalu i sine ne qira pata, ia i vazazu bana so seko vapadapada, do ṉalu iko tavisi vamiki qira so disipoloro ia, iara sine lukasa ne qira go talukasana osina pataro i sine ze go seko va padapada ro ni sine go.
Jesu Iva Bule Sokoro
(Matiu 8.23-27; Luka 8.22-25)
35Raravina so kameka musaqara nae Jesu i sine ne qira disipoloro ia, “Ita mata kavaza kene kavana masi pipika dena.” 36Iago, ria disipoloro ne iri kasi ne qira basoero ne mana iri aqe koluka ni koloku banae go Jesu, mana iri zaza to go. Kakiaro koluka suka ro iri lulu napu ne koluka iri age go ria. 37Taramuzina so nae kameka sokoro lavata i puala me mana i vizua masi ne, oba lavata ro i tapuaka me loborona koluka ne mana koluka ne i vele zunu go. 38Jesu i kukunale ne kukunale ia mana i kamuku me taramuzina koluka ne. Disipoloro ia iri vadogare ia mana iri sine ne, “Valeke vari vatatana qoki mia kaega aro tane pata i doka go dena, ita qata vele le to, iri vane?”
39Jesu gonae iza degere me, mana i seko lavate sokoro ne, “Mamanava to aro!” Mana i sine napu ne qira tubitubiro, “Noto” Pasi so nae masi ne i bule mana idalo go. 40Jesu i sine ne qira disipoloro ia, “Avigo tane qamu sareki gogo dena? Avigo qamu ara kaebo so vaogoto?”
41Do iri lete sareki sasakata mana iri vari sine ne tanuqira, iri go, “Akena bana tane valeke dena? Patavolomo sokoro mana tubitubi na masi ne do iri vaogote so ia!”
Currently Selected:
Maka 4: VRSNT
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.
Maka 4
4
Va Padapada Na Valeke I Za Leleba
(Matiu 13.1-9; Luka 8.4-8)
1Jesu i vari vatatana napue rikisina masi pipika na Qalili. Topu sasakata basoero iri lama teṉo kolo ia. Iago Jesu i za kolokue loborona kameka koluka, mana basoero ne iri degere so rikisi karakoni na masi ne. 2Topu pataro i vatatana qirae go, do i sine ne qirae so seko vapadapada ro. Pataro i vatatana qirae go igo dena.
3Muna gata va velaka me, i vane qira. “Kameka valeke i za leba ze paturu na vuiti barue ia. 4Gonae ṉalu i za repe ne go paturu ro ne kakia ro iri sorue loborona zuka ne, gonae i lama pale ro lama ge iri go. 5Kakiaro iri sorue de i suka so pua na tanego polana pua ne i kome bakoso, iago iri podo katikili me, do 6ṉalu sana i damara i lete ila qira gonae le so iri go, tanego rabutu qira iki lete zunu za kaega, ituki ne qira bakoso. 7Kakiaro paturu ro ne iri sorue to sasaniqa iri koego qolo paqoro ne, iago qolo paqo ro ne iri pipisi vale qira ia go podo kaega iri go. 8Do kakiaro paturu ro ne iri sorue to pua velaka, iago iri podo velaka mana iri ure velaka, kakiaro ipisaṉaulu to ure qira, kakiaro ionomo ṉaulu, mana kakiaro i kameka vasa to ure qira go.”
9Valupolupona nae Jesu i sine ne qira igo, “Osiqamu ikone qamu qeqele muna gata va velake to.”
Avigo Tane Jesu I Sine Seko Vapadapada Dena
(Matiu 13.10-17; Luka 8.9-10)
10Ṉalu Jesu ikomiki, kakiaro ria iri gata bana go seko ia ne, iri lulume qira manoga karua disipoloro ne, mana iri tana ne ia talukasana seko ro vapadapada i sine go. 11Jesu i vane qira dena, “God iteke bana ne qamu ramu pataro iko pipika mego de ikoego too vari miasoka ia, go tamuna rove go. Do ria kero ne basoero iri ara kaebo keba mego, tarina gata zeso seko vapadapada. 12Iato nae tanego,
‘Patavolomo iri mimia iri go,
do ara mia rove so kaega kaki pata.
Patavolomo iri vavaroṉono go,
do tariniki gata rove so kaega kaki pata.
Tanego, ṉalu ria tara nanao rove mana kavale too ria gogo ne,
God tinara nanao ule ne qira go.’ ”
Jesu I Sine Lupase Talukasana seko Vapadapada Na Valeke Leleba Ne
(Matiu 13.18-23; Luka 8.11-15)
13Jesu itana ne qira igo, “Avigo qamuki nanao rove so kaega ramu tane seko vapadapada dena? 14Valeke leleba dena ne, i leba to seko ia God. 15Paturu ro iri sorue go zuka ne iri gere qira to basoero iri gata go seko ia God, do kameka lama so Satana pala vakuziki ne ze so nanao qira ne igo, 16Mana paturu iri sorue go pua iko mego bakoso polana ne, igere qira to vano iri gata go seko ia God mana iri kula, 17do iki zako vaumate kaega nanao qira, iago ṉalu pata makuru ba pata vari vae vale i lama doka qira iri katikili so vana nena. 18Paturu ro iri sorue go qolo paqo ne igere qira to vano iri gata go seko ia God, 19do nanao qira i zae so mamaligara ṉena pata vavagadona vudu pua dena, mana kero ne pataro iri soko go. Iago i lama pipisi vakuziki ne Tarama Velaka ia God mana i kaega to ka ure velaka i koego de iri koego. 20Do paturu i sorue go pua velaka ne, igere qira to vano iri gata seko ia God iri toqe velaka ne go. Iago, kakiaro ipisaṉaulu to urena mana kakiaro onomoṉaulu, mana kakiaro i kameka vasa to urena go.”
Vapadapada Na Pazi
(Luka 8.16-18)
21Gonae Jesu i sine napu ne qira mana igo dena, “Kaega kaki basoe i pala me pazi ia i vakamua mana i taru zaqe go pola na sau ba pola na vesu ia. Do ia tina taru bana zaqe de vavaidokana pazi ne. 22Iago patavolomo pata iri vari sine pika ne go, tinara lama sadaka, mana pata ipipika go tiniki pipika kaega. 23Ṉalu basoe iko ni go qeqele ono gata va velake pata dena.”
24Jesu i sine napu ne qira, “Muna gata va velake ramu pata qamu gata go dena. Vatovato qamu varitanae ne qirae go basoero ne, iato tina varitanae napu ne qamue go God, do tina za teke ne qamu makuru na. 25Basoe iko bana nego nanao rove dena tina lete pala valavate, mana basoe i kaega bana ne nanao rove dena, patavolomo i desuka so rove go, God tina pala vakuziki lupo ne rove ianae.”
Seko Vapadapada Na Paturu I Podogo
26Jesu igo napu dena, “Too ikoego vari miasoka ia God igere kameka valeke i leba ze barue ia paturu ro. 27Ṉalu i kuse go valeke ne i kamuku, mana i sarusaruku me velake ne i dogara mana i ko kavakava go, do paturu i leba go ne, iri podo me. Valeke dena iki rove kaega de igogo paturu nae i podo go. 28Do paturu ro dena tanuna so pua iva podo qira go, go iri ara ure go. Pata i sadaka kenaqa mego, uquru na, mana i sadaka napu me sisirina, muzina iara lama go sadaka go urena. 29Ṉalu iṉara to ure na, valeke ne i pala pegi ia mana i puta urena, tanego i doka to ṉalu velaka na.”
Vapadapada Na Paturu Na Masta
(Matiu 13.31-32,34; Luka 13.18-19)
30Jesu i vane qira dena, “Avana to tuna vapadapada ze go era Too ikoe go vari miasoka ia God? Ava vapadapada na mata vapadapada ze go tina talukasa go? 31Igere kameka valeke i pala go paturu na moki masta i leba ze pua ne, mana paturu dena iato i lete suka sivala go. 32Do ṉalu iza podo mego, iato ilete lavata sivala ne qira go kero ne pata lebaleba ne mana ilete paqapaqara mana i padepade, gonae pale ro ne iri lama zazu ne ze loborona ne kubasa ro ria ne.”
33Jesu i tamana qirae basoero ne topu pata vapadapada go tarina pada ne pala rove va velake na pataro i vatatana qirae go. 34Iago ṉalu i sine ne qira pata, ia i vazazu bana so seko vapadapada, do ṉalu iko tavisi vamiki qira so disipoloro ia, iara sine lukasa ne qira go talukasana osina pataro i sine ze go seko va padapada ro ni sine go.
Jesu Iva Bule Sokoro
(Matiu 8.23-27; Luka 8.22-25)
35Raravina so kameka musaqara nae Jesu i sine ne qira disipoloro ia, “Ita mata kavaza kene kavana masi pipika dena.” 36Iago, ria disipoloro ne iri kasi ne qira basoero ne mana iri aqe koluka ni koloku banae go Jesu, mana iri zaza to go. Kakiaro koluka suka ro iri lulu napu ne koluka iri age go ria. 37Taramuzina so nae kameka sokoro lavata i puala me mana i vizua masi ne, oba lavata ro i tapuaka me loborona koluka ne mana koluka ne i vele zunu go. 38Jesu i kukunale ne kukunale ia mana i kamuku me taramuzina koluka ne. Disipoloro ia iri vadogare ia mana iri sine ne, “Valeke vari vatatana qoki mia kaega aro tane pata i doka go dena, ita qata vele le to, iri vane?”
39Jesu gonae iza degere me, mana i seko lavate sokoro ne, “Mamanava to aro!” Mana i sine napu ne qira tubitubiro, “Noto” Pasi so nae masi ne i bule mana idalo go. 40Jesu i sine ne qira disipoloro ia, “Avigo tane qamu sareki gogo dena? Avigo qamu ara kaebo so vaogoto?”
41Do iri lete sareki sasakata mana iri vari sine ne tanuqira, iri go, “Akena bana tane valeke dena? Patavolomo sokoro mana tubitubi na masi ne do iri vaogote so ia!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The New Testament in Varisi, Solomon Islands © Bible Society of the South Pacific, 1994, 2004.